យិន-ថាវ អាងខ្លួនជាប៉ូលីស និងស្គាល់អ្នកធំច្រើនរកស៊ីដឹកឈើដោយរលួន

ដោយៈ ផ្លុង-រ៉េត សៀមរាប ថ្ងៃទី 21 ខែ 10 ឆ្នាំ 2012 វេលាម៉ោង 11:53 នាទី ចំនួនអានៈ 1422

លោក​ យិន-ថាវអតី​ត​ជា​ថៅ​កែ​សៃ​វេន​ប្រ​ជល់​មាន់​ខ្នាយ​ដែកដ៏ធំក្នុង​ខេត្តសៀមរាប​ បាន​ក្លាយ​ជា​ថៅ​កែ​រក​ស៊ី​ដឹក​ឈើ ពី​ស្រុក​អន្លង់​វែងខេត្ត​ឧត្តរ​មាន​ជ័យ និង​ពី​ស្រុកបនទ្ទាយ​ស្រី ស្រុក​វារិនខេត្ត​សៀមរាប ដោយ​កាត់​ច្បាប់​តិច​ទូចពី​រដ្ឋ​បាល​ព្រៃ​ឈើ ឬជូនកាល​អត់​ច្បាប់​សោះ តែ​ដឹក​រាប់​ពាន់​ម៉ែត្រគូប និង​ប្រ​មូល​ទិញ​ឈើ​ពី​សង្គម​ងងឹងរាប់​សិប​ម៉ែត្រគូប ស្តុកក្នុង​ដេប៉ូក្រៅ​ផ្លូវ​ការទុក​ចែក​ចាយ​ក្នុង​ខេត្តសៀមរាប។

កាល​ពី​ថ្ងៃ​ទី04 ​ខែសីហា​ឆ្នាំ2012​ វេលា​ម៉ោង9​ព្រឹកលោក សេន-លន ​ជា​នាយ​រង​សង្កាត់​រដ្ឋបាល​ព្រៃឈើ​កន្ទួត​ខ្នា​ក្រៅ​បាន​បញ្ជារ​ឲ្យកូន​ចៅ​ទៅ​ចាប់​រថយន្ន​កូរ៉េដឹ​ឈើមួយ​គ្រឿង​​របស់​លោក ​យិន-ថាវ ​ដែល​មាន​ផ្ទុក​​ឈើមុខ​កាត់​ធំៗ (ឈើតាប់) ​យក​មកកាន់​ស្នាក់ការ​រដ្ឋបាល​ព្រៃឈើ​កន្តួត​ខ្នា​ក្រៅ​ តែប្រ​ហែល​២ថ្ងៃ​ក្រោយ​មក​បាត់​ឈើ និង​រថ​យន្ត​​នោះ​ពី​រដ្ឋ​បាល​ព្រៃ​ឈើ​​បាត់​ទៅ​ហើយ។

ប្រ​ជា​ពលរដ្ឋ​​នៅ​កន្ទួត​ខ្នារ​ក្រៅ ក្នុង​ស្រុក​បន្ទាយ​ស្រី​ ដែល​ជា​កន្លែង​លោក​យិន-ថាវ​ទិញ​ឈើ​នោះ​បាន​ប្រាប់​ថា ​ឈើ​ដែល​លក់​អោយ​លោក​យិន-ថាវ​នេះ មិន​មែន​ឈើ​ក្រញូង​អី​ទេ គឺ​ជា​ប្រ​ភេទ​ឈើសុក្រំ ធ្នង​តែប៉ុណ្ណោះ ហើយ​ឈើ​អស់​នេះ​ប្រ​ជា​ពលរដ្ឋ​ក្នុង​ស្រុក​នេះ ខំ​អារកាត់​បាន​ម្នាក់​១០ដុំ​ ២០ដុំប្រ​មូល​គ្នា៣០-៤០​នាក់​យក​មក​លក់​អោយ​គាត់ មិន​មាន​ម៉ាស៊ីន​រ៉ៃ​ធំៗអាច​កាត់​ឈើ​បាន​ច្រើន​ដូច​ក្រុម​ហ៊ុនឯណា។

នៅដើម​ខែ​សី​ហាឆ្នាំ​២០១២ លោក​យិន​ថាវ​បាន​ប្រ​កាស​ជា​សាធារ​ណថា លោក​ផ្អាក​កាត់​ច្បាប់​ដឹក​ឈើ មួយ​រយៈនៅ​រដូវ​ភ្លៀង​ធ្លាក់​ ទឹក​ឡើង​ពិ​បាក​ដឹក​ព្រោះ​ជាប់​ឡាន ពេល​ដាក់​ឈើ​ធ្ងន់។

ថ្ងៃទី​៧ខែ​កញ្ញាឆ្នាំ​២០១២វេលា​ម៉ោង​១០​ព្រឹក​ ប្រ​ភព​សុំ​មិន​បញ្ចេញ​ឈ្មោះ​បាន​រាយ​ការ​ថា រថ​យន្ត​ម៉ាក​កូរ៉េ​១តោន​កន្លះ​ ពណ៍ខៀវរបស់​លោក យិន-ថាវ បាន​ដឹក​ឈើមុខ​កាត់​ធំ​ៗ​ដែល​ជា​ប្រ​ភេទ​ឈើសុក្រំ​ ធ្នង់ គគី​បង្កប់​ក្រោម​អុះ ដឹក​ចូលដេប៉ូក្រៅ​ផ្លូវ​ការ​របស់​លោក​ថាវ ក្នុង​ភូមិអញ្ចាញ សង្កាត់​នគរធំ ក្រុង-ខេត្ត​សៀម​រាប។ ប្រ​ភព​រូប​នោះ​បាន​បន្ថែមថា រយះពេល​៤-៥​ថ្ងៃ​នេះ​លោក​ថាវ​ដឹង​៤-៥​ឡាន​ហើយ​តែ​គេ​មិន​បាន​ចាំ​ថ្ងៃណា​ពិត​ប្រា​កដ​នោះទេ។

ថ្ងៃទី៨ខែឆ្នំា​ដដែល វេលា​ម៉ោង១២​យប់ រថ​យន្ត​កូរ៉េ​ខាង​លើ​របស់ លោក​យិន-ថាវ បាន​ដឹក​ឈើ​លេខ​២​គ្រប​កៅ​​ស៊ូ​ប៉ា​តង់​ពណ៍​ខៀវ ឡើង​សំ​ពីង​សំ​ពោង ចុះ​ពី​ផ្លូវ​ស្រុក​បន្ទាយ​ស្រី កម​ក្រុង​សៀមរាប តាម​ផ្លូវ​ឃុំ​ព្រះ​ដាក់​។

ព្រឹក​ថ្ងៃទី៩ខែកញ្ញាដដែល អ្នក​យក​ព័ត៌មាន​យើង​បាន​ សាក​សួរទៅ លោក សេន-លន នាយរង​ស្តី​ទី​សង្កាត់​រដ្ឋ​បាល​ព្រៃ​ឈើកន្ទួត​ខ្នារ​ក្រៅ ស្ថិត​ក្នុង​ស្រុក​បន្ទាយ​ស្រី លោក​បាន​បដិសេធថា មួយ​រយៈពេល​នេះ​មិន​ដែល​ឃើញ​លោក​ យិន-ថាវ ដឹក​ឈើឆ្លង​កាត់សង្កាត់លោកទេ។

ម៉ោង​៣​រសៀលថ្ងៃទី​៩ដដែល លោក​ ងួន អ្នក​កាន់​បញ្ជី​ទិញ​លក់​ឈើ របស់​លោក​យិនថាវ និង​ជា​អ្នកចំា​ចែក​លុយ​ដល់​ស្ថា​ប័ណ​ពាក់​ព័ន្ធចាក់​សាំង​ដាក់​កាតទូរ​ស័ព្ទ បាន​ប្រាប់​អ្នក​យក​ព័ត៌​មាន​យើង​ថា មេ​(ថាវ)​គាត់ផ្អាក​ដឹក​ហើយ​ខែ​ភ្លៀង រឿង​ដឹក​ឈើ​ចូល​ទៀត​គាត់​មិន​ដឹង​ទេ ព្រោះ​គាត់​មួយ​រយៈ​នេះនៅ​ផ្ទះអត់​បាន​ទៅ​ធ្វើ​ការ​អោយ​លោក​ថាវ​ទេ។

រសៀល​ដដែលនោះ លោក វ៉ា ហៅ​ ចាន់ថុន ដៃ​ស្តាំ​ខាង​រត​​ការ​ឈើ​របស់​លោក​ យិន-ថាវ ដំ​បូងបាន​ប្រាប់​តាម​ទូរ​ស័ព្ទ​ទាំង​រដាក់​រដុបដោយ​មាន​បំ​ណង​លាក់​បាំង​​​ថា មាន​ដឹក​ឈើ​ឯណា​ ដល់​អ្នក​យក​ព៍ត៌មាន​យើង​បញ្ជាក់​ពី​ក្លែង ​និង​ដំ​ណើរ​ដែល​រថ​យន្ត​កូរ៉េ​នោះដឹក​ឈើ​មក ទើ​លោក​ថុន​ឆ្លើយថា ឈើ​របស់​មេថាវ មិន​មែន​របស់​​គាត់(ចាន់​ថុន) ទេ គាត់​មិន​ដែល​រក​ស៊ី​ទេ គឺគ្រាន់​តែ​ជូយ​មើល​អោយ​មេថាវ​​ហ្នឹង​ណា មាន​ឈើ​ឯណាច្រើន​ដឹក​តិច​ទូច​យក​មក​បង្គ្រប់​ធ្វើ​ទ្វា​របង្អួច។

ថ្ងៃទី៥​ខែ​តុលា​ឆ្នាំ​២០១២វេលា​ម៉ោង​១០​និង​៤០​នាទីព្រឹកនេះ រឺ​ម៉ក​ដឹក​ឈើ​មុខ​កាត់​ធំៗ របស់​លោក​ ថាវ បាន​ដឹក​ចេញ​ពីដេ​ប៉ូនៅ​ភូមិ​អញ្ចាញ​ខាង​លើ យក​មក​លក់​អោយ ដេប៉ូលក់​ឈើ​ដ៏​មហិ​មា​មួយដែល​មាន​យី​ហោ​ ” ដេ​ប៉ូ​ផេម​ផាត់“ ស្ថិត​ក្នុង​ភូមិ​ជន្លង់ សង្កាត់សាលាដំ​រើក ក្រុង-ខេត្ត​សៀមរាប ហើយ​លោក​ ភា​ ម្ចាស់​រឺម៉ក​ជា​អ្នក​ប្រាប់​ថាឈើ​របស់​លោកថាវ។

ភ្លាម​នោះអ្នក​យក​ព័ត៌​មាន​យើង​បាន​សាក​សួរ​ទៅ​លោក​ថាវ តាម​ទូរ​ស័ព្ទ តែ​ត្រូវ​បាន​លោក​ថាវ សំ​ឡុត​គំរាម​កំ​ហែង​តាម​ទូរ​ស័ព្ទថា​ ”ឈើ​របស់អញ ហើយអញ​​ធ្លាប់​ប្រ​កាស​ថា ផ្អាក​ដឹក​មួយ​រយៈ វាយ៉ាង​មេច ឯង​ចង់​យ៉ាង​មេច​ជាមួយអញ បើ​ឈើ​ហ្នឹង​ជា​របស់អញមែន​? “ រួចក៏បិត​ទូរស័ព្ទ​បាត់ទៅ។

ដើម្បី​ជៀស​វាង​ការ​ចោទ​ប្រ​កាន់​តាម​ផ្លូវ​ច្បាប់​ដោយ​ប្រ​ការ​ណា​មួយ​នោះ​ អ្នក​យក​ព័ត៌​មាន​យើង​បាន​រាយ​ការ​ជូន​លោក ទី​-សុវិនថាល់ ព្រះ​រាជ​អាជ្ញាសាលា​ដំ​បូង​ខេត្តសៀមរាប​អំ​ពី​សកម្ម​ភាព​ដឹក​ឈើ​របស់​លោក​យិន-ថាវ​ខាង​លើនេះភ្លាមៗ​ បន្ទាប់​ពី​ យិន-ថាវ បាន​សំ​ឡុត​តាម​ទូរស័ព្ទរួច។

លោក​ព្រះ​រាជ​អាជ្ញា​មាន​ប្រ​សាសន៍ថា អោយ​តែ​អត់​ច្បាប់ចាប់​​ទាំងអស់ គ្មាន​ទុក​យូទេ ហើយ​លោក​ស្គាល់​លោក​យិន​ថាវ​ដែរ​ ថា​លោកថាវជា​ប៉ូលីស​ខាង​ផ្នែក​សន្តិ​សុខ​​ប្រហែល​សត្តិ៍៤កន្លះ​ ឬ​អាច​សត្តិ៍៥ នៅ​ស្នង​ការ​ខេត្ត​សៀមរាប​ ហើយ​ថ្មី​ៗ​នេះ​បាន​គាត់ហ្នឹង(ថាវ)​​ហើយ​ជា​អ្នក​រាយ​ការ​អោយ​ចាប់​ក្រុម​រក​ស៊ី​គ្រឿង​ញៀន​នៅ​ឃុំ​ស្រែ​ណូយ។ លោក​ទី​សុវិន​ថាល់​បន្ថែម​ថា ត្រូវ​ប្រ​យ័ត​ចំ​ពោះ​ពួក​​ខ្មូត ​ប្អូន​ចុះ​ផ្សាយ​ថា ឈើ​គេ​អស់​ច្បាប់ស្រាប់​តែ​ក្រោយ​មកចុះ​ផ្សាយ​រួច ​គេ​យក​ច្បាប់​មក​បង្ហាញថា​មាន​ច្បាប់ បើ​ដឹង​ថាឈើ​អត់​ច្បាប់​ឈរ​ចាំ​កុំ​ទៅ​ណា​ចាំ​គាត់​អោយ​កំ​លាំ​ទៅ​បង្រ្កាប។​​

ថ្ងៃទី៥ដដែលនេះដែរ​ លោក សេន-លន បាន​ប្រាប់​តាម​ទូរ​ស័ព្ទ​ថា លោក​ខាន​​ឃើញ​លោក​ ថាវ ដឹក​ឈើ​តាម​ដង​ផ្លូវ​លេខ​៦៧​យូដែរ​ហើយ។ លោក​បន្ត​ថា ឈឺ​ក្បាល​ណាស់​ កាល​ប៉ុន្មាន​ថ្ងៃមុនធ្លាប់​មាន​អ្នក​កា​សែត​ផ្សេង​ៗ​ខល​ទៅ​សួរ​គាត់​អំ​ពី​ឡាន​កូរ៉េ​ដឹក​ឈើ​របស់​លោក​ យិន-ថាវ ដែរ តែ​លោក​ចាំ​ចាប់វាមិន​ឃើញមកសោះ។

លោក​ ទា-គឹម​សុទ្ធ នាយ​ខណ្ឌ​រដ្ឋ​បាល​ព្រៃ​ឈើ​ខេត្ត​សៀមរាប មិន​អាច​សុំ​ការ​បំ​ភ្លឺ​បាន​ទេ​ព្រឹក​ដដែលនេះ ដោយ​អ្នក​យ​ក​ព័ត៌​មាន​យើង​សួរថា ”តើ​មួយ​រយៈ​នេះ​លោក​យិន-ថាវ​មាន​កាត់​ច្បាប់​ដឹក​ឈើ​ទេ?“ តែ​លោក​នាយ​ខណ្ឌ​បែរ​ជា​ឆ្លើយ​ថា ចង់​ដឹង​សួរ​ទៅ​ខាង​បរិស្ថាន​ ព្រោះលោក​ថាវ​​ទិញ​ឈើ​ពី​កន្លែង​ក្បែ​ស្នាក់​ការ​ប​រិ​ស្ថាន​ស្ថិត​ត្រង់​ចំ​ណុច​ត្រពាំង​ក្រសាំង ឃុំ​ស្រែ​ណូយ។

យើង​មិន​អាច​សុំ​ការ​បំ​ភ្លឺ​ពី​លោក​ ម៉ម-ប៊ុន​ហៀង ប្រ​ធាន​ស្នាក់ការ​បរិស្ថាន​ក្រសួងស្ថិត​ក្នុង​ភូមិ​ត្រពាំង​ក្រសាំង ឃុំ​ស្រែ​ណូយ​ស្រុក​វារិន ខេត្ត​សៀមរាប​​ ជា​កូន​ចៅ​របស់​លោក ហុង-តារាវុធ (ប្រ​ធាន​នា​យក​ដ្ឋាន​អភិ​រក្ស​តំ​បន់​អង្គរ) បានទេ ព្រោះ​លេខ​ទូរ​ស័ព្ទ​ពីរ​ខ្សែ​ដែល​លោក​ធ្លាប់​ប្រើ​ខល​លែង​ចូល​ហើយ។

ប្រ​ភព​ព័ត៌មាន​ពី​ពល​រដ្ឋ​នៅ​ភូមិ​ត្រពាំ​ង​ក្រសាំ​បាន​រៀប​រាប់​ថា លោក​ថាវ​មិនដែល​ទិញ​ឈើ​ពី​ក្រុម​ហ៊ុន​ដី​សម្បទាន​សេដ្ឋ​កិច្ចអី​ទេ គឺ​ទិញ​ពី​ក្រុម​សង្គម​ងងឹត​ដែល​លួច​កាប់​អារ​នៅ​ត្រ​ពាំង​ក្រសាំ និង​អណ្តូង​បី​ជាប់​ព្រំ​ប្រ​ទល់​ខេត្ត​សៀម​រាប​ ឧត្តរ​មាន​ជ័យ ដែល​ជា​ទឹក​ដី​គូ​លេន​ព្រំ​ទេព ជា​តំ​បន់​ហាម​ឃាត់ ហើយ​កាត់​ច្បាប់​ពី​រដ្ឋ​បាល​ព្រៃ​ឈើ​មិន​បាន​១០​ភាគ​រយ​នៃ​ការ​ទិញ​ដឹក​ជញ្ជូនឈើ​ទាំង​នោះ​​ទេ​។

ប្រ​ភព​ពី​អ្នក​ដឹក​ឈើ​កំ​បិក​កំ​ប៉ុកតាម​ឡាន​ នីក​សាន់ សាំង​យ៉ុង បាន​អោយ​ដឹង​ថា លោក​ យិន-ថាវ បាន​កាង​​ផ្តេច​មុខ​អំ​ពី​ការ​ដឹក​ឈើក្នុង​​ខេត្ត​សៀម​រាប ដោយ​បញ្ជា​អោយ​អ្នក​ដឹក​ឈើ​ទាំង​អស់​ត្រូវ​យក​មក​លក់​អោយគាត់ ចាំ​គាត់​ចែក​ចាយ​បន្ត​ក្នុង​ខេត្ត​សៀម​រាប បើ​អ្នក​ណា​មិន​លក់​អោយ​គាត់​ទេ គាត់​និង​អោយ​គេ​ចាប់​អោយ​ខាន​តែ​បាន​ ពេល​ដឹក​ឈើ​មក​ក្រុង​សៀម​រាប។ ប្រ​ភពលួច​ខ្សឹមទៀត​ថា ឈើ​ដែល​ដឹក​លក់​រាល់​ថ្ងៃ​នេះ គឺ​លួច​ទិញ​ពី​អ្នក​ដឹក​អត់​ច្បាប់។

ប្រ​ភព​ព័ត៌​មាន​តាម​តុ​កាហ្វេ​មិន​ទាន់​ជា​ផ្លូវ​ការ​ បាន​អោយ​ដឹង​ថា បាន​ជា​លោក​ យិន-ថាវ រក​ស៊ី​ដឹក​ឈើ​បាន​ដោយ​រលូគ្មាន​សមត្ថកិច្ច ឬ​មន្រ្តី​ជំ​នាញ​ណា​ហ៊ាន​ក្អកនោះ ព្រោះ​ទី​១-លោក​ថាវ​ អា​ង​ក្លួន​ជា​ប៉ូ​លីស​ស្នង​​ការ​ដ្ឋាន​ខេត្ត​សៀមរាប មានបុណ្យ​សត្តិ៍ធំគ្រាន់​បើ​ដែរ​​ ដែល​ជា​កូន​ចៅ​ជំនិត​របស់​លោក​សត​-ណាឌីស្នង​ការខេត្ត ទី-២​គាត់​ជា​អ្នក​ជិត​ដិត​ជា​មួយ​លោក ស៊ូ-ភិរិន្ទ អភិបាល​ខេត្តសៀមរាប ទី-៣ ថាវ​ធ្លាប់​អួត​ថា ស្គាល់​ថ្នាក់ដឹក​នាំរង​ៗ​នៅ​អង្កភាព​ប្រ​ឆាំង​អំ​ពើពុក​រលួយដូច​បង​ប្អូន ទី-៤ លោក​ ហុង-តារាវុធ ប្រ​ធាន​នា​យក​ដ្ឋាន​អភិ​រក្ស​តំ​បន់​អង្គរ ​ជា​ខ្មួយ​របស់គាត់ទៀត ទី-៥ គាត់អួតថា គាត់មាន​លុយ​ច្រើនអាច​ចំ​ណាយ​អោយ​គ្រប់​សមត្ថកិច្ច​ពាក់​ព័ន្ធពេល​មាន​រឿង​រាវ​។ ប្រ​ភព​តាម​តុ​កាហ្វេដដែលនេះ​បាន​បន្តថា លោក​ថាវ​ធ្លាប់​ព្រមាន​អ្នក​កាសែត​ក្នុង​ខេត្ត​សៀមរាប​ថា អោយ​តែ​អាកាសែត​ណា​ ហ៊ាន​ចុះ​ផ្សាយ​លោក​ នោះ​លោក​នឹង​បុក​លុយ​អោយ​ចាង​ហ្វាង​ដក​ក្បាល​ចោល​​ភ្លាមៗ​។ មែន​វា​ពិត​ដូច​សម្តីរបស់​ យិន-ថាវ​ មែន ព្រោះ​កន្លង​មក​ធ្លាប់​មាន​អ្នក​កាសែត​ប៉ុន្មាន​នាក់​ហើយ ​ដែល​ត្រូវ​បាន​ ចាង​ហ្វាង​ ដកក្បាល​ចោល​ដោយគ្មាន​មូល​ហេតុ ហើយ​​​បើ​តាម​ការ​អង្កេតទៅ​ពួក​នោះ​ធ្លាប់​បាន​ប៉ះ​ពាល់​លោក​យិន​ថាវមែន​។

យើង​ពុំ​អាច​សុំ​ការ​បំ​ភ្លឺ​ពី​ ឯក​ឧត្ត​ម​ សត-ណាឌី ស្នង​ការ​ខេត្តសៀម​រាបបានទេនៅ​រសៀល​ដដែល​នេះ ​ព្រោះ​​ទូរស័ព្ទ​ខល​ទៅ​ស្ងាត់​ឈឹង គ្មា​លឺ​ឆ្លើយ​សូម្បី​សំ​លេង​ក្រុម​ហ៊ុន តែ​យើង​សូម​ផ្ញើ​សារ​ទៅ​ ឯក​ឧត្ត​ម​ សត-ណាឌី ស្នង​ការ​ខេត្តសៀម​រាប និង​ជា​ពិសេស​ ឯក​ឧត្ត​ម នេត​-សារឿន អគ្គស្នង​ការ​​ដ្ឋាន​នគរ​បាល​ជាតិ មេត្តា​បញ្ជប់​សកម្ម​ភាព​ដឹក​ឈើ​ទាំង​ស្រប​ច្បាប់ និង​មិន​ស្រប​ច្បាប់​របស់​លោក​ ប៉ូលីស​យិន​ថាវទៅទាន ព្រោះ​វា​អាច​ប៉ះ​ពាល់​ដល់​កិត្តិយកដ៏ស្អាត​ស្អំ​របស់​អង្កភាព​ប៉ូលីស នៅ​ក្នុង​ព្រះ​រាជាណា​ចក្រកម្ពុជា​ទាំងមូល ហើយ​វា​ផ្ទុយ​​ពី​ប្រ​សាសន៍ សម្តេច ហ៊ុន-សែន ដែល​តែង​លើក​ឡើង​ថា កុំ​អោយ​សមត្ថកិច្ច​ពាក់​ព័ន្ធទៅ​នឹង​ការ​រក​ស៊ី​ដឹក​ឈើ។

សូម​បញ្ជាក់​បន្ថែមថា លោក យិន-ថាវ មិន​មែន​មាន​តែ​ឡាន​កូ​រ៉េ​ដឹ​ឈើ​១ទេ គឺ​មាន​ឡាន​កូរ៉េ​ធំតូច​ចា​ច្រើន ហើយ​ដឹក​ឈើ​ចែក​ចាយ ស្ទើរ​គ្រប់​ស្រុក​ក្នុង​ខេត្ត​សៀម​រាប៕ 

ស្លាក:  ព័ត៌មានថ្មីៗ  ព័ត៌មានជាតិ 

ព័ត៌មានដែលមានទំទាក់ទំទង

រថយន្តដឹកម្នាង​សិលា​បង្កប់ឈើក្រញូងលោតមិនផុតពីភ្នែកសមត្ថកិច្ច   អាន1348ដង បរិយាយថ្ងៃនេះ៖ អ្នកស្នេហាជាតិមាតុភូមិ មិនប្រកាន់និន្នាការនយោបាយនោះទេ   អាន2054ដង មន្ទិលរបស់មនុស្សប្រុសស្រី ៩យ៉ាង   អាន2114ដង លោក​ឧកញ៉ា តាំងសេងហាក់ ត្រូវឃាត់​ខ្លួន​ពាក់ព័ន្ធគ្រឿងញៀន   អាន1623ដង ពលរដ្ឋច្រើនគ្រួសារថាសាលាដំបូងដោះលែងជនដៃ ដល់វាយអ្នកភូមិជារឿងមិនប្រក្រតី   អាន1382ដង សង្ឃក្លែងក្លាយចំនួន២នាក់កំពុងដើរបិណ្ឌបាតក្នុងផ្សារត្រូវប៉ូលីសចាប់ឃាត់ខ្លួន   អាន1615ដង ប៉េអឹមខេត្តសៀមរាប ចាប់រថយន្តដឹកឈើប្រគល់អោយ លោកមេព្រៃ   អាន1545ដង ព្រះចៅអធិការបីវត្ត សពព្រះហឬទ័យចែកអំណោយដល់ជនរងគ្រោះដោយសារពស់ចឹក   អាន1608ដង បទល្មើសអួននេសាទខុសច្បាប់ កើតមានគគ្រឹកគគ្រេងក្នុងស្រុកបរិបូរណ៍ មន្ត្រីជលផលគ្មានការបង្ក...    អាន2100ដង សារជូនពរ លោក អនុសេនីយ៍ឯក យុទ្ធភូមិភាគ៤ ខាន់ ង៉ិក   អាន1978ដង
ព័ត៌មានផ្សេងៗទៀត
ទំនាក់ទំនងចុះផ្សាយ ឬផ្សាយពាណិជ្ជកម្មតាមអាសយដ្ឋានខាងក្រោម

 

 លិខិតមិត្តអ្នកអាន
សមត្ថកិច្ចចំរុះ ចុះបង្រ្កាបទីតាំងស្កុកឈើរបស់ជនជាតិយួន២កន្លែងធំៗនៅក្រុងបានលុង កន្លែងស្កុក​ឈើ​របស់ជនជាតិយួន​២កន្លែង​ធំៗ នៅក្រុង​បានលុង​ត្រូវ​បាន​កម្លាំង​ចំរុះរបស់​ខេត្ត​ចុះ​បង្រ្កាប ដែល​ដឹក​នាំ​ដោយ លោក ជាសុភ័ក្រ្ក ព្រះរាជអាជ្ញារង​នៃ​សាលាដំ​បូង​ខេត្ត ​កាល​ពី​ថ្ងៃទី១៨​ ខែមេសា ឆ្នា...Read more
ឯកឧត្តម នួននៅ នាយរង​ភូមិ​ភាគ៤ គ្រោះ​ថ្នាក់ចរាចរណ៍​ស្លាប់​នៅ​ច្រក​ជាំសាងាំ ឯកឧត្តម​ឧត្តមសេនី​យ៍​ទោ នួន នៅ ប្រធាន​គណបញ្ជាការ​ឯកភាព​ទិស​ទី​២ នៃ​ភូមិភាគ​ទី​៤ បាន​ជួប​ឧបទ្ទវហេតុ​គ្រោះថ្នាក់​ចរាចរ​ស្លាប់​បាត់បង់​ជីវិត នៅពេល​បំពេញ​ភារកិច្ច​ណាត់​ជួប​ប្រជុំ​ជាមួយ​ថៃ អំពី​កិច្ច​ទំនាក...Read more
លោក ឧញ្ញ៉ា អ៊ឹង-ម៉េងជឺ ជាថៅកែស៊ីម៉ង់ពេជ្រ ត្រូវបានខ្មាន់កាំភ្លើងបាញ់សម្លាប់នៅមុខហាងលក់ផ្លែឈើ (មានវីដេអូ) លោក ឧញ្ញា អ៊ឹង-ម៉េងជឺ ជា​ថៅ​កែ​ស៊ីម៉ង់ពេជ្រ ត្រូវបាន​ខ្មាន់​កាំភ្លើង​បាញ់​សម្លាប់​នៅ​មុខ​ហាង​ ឡោតិចសេងភិភព​ផ្លែឈើនៅ​ម៉ោង​ជាង​៧យប់ នៅ​ចំណុចបណ្តោយ​ផ្លូវ​ព្រះសីហនុ កែង​ផ្លូវ​២៥០ សង្កាត់​ទូលស្វាយ​ព្រៃ២ ខណ...Read more
អ្នកកាសែតម្នាក់ត្រូវបានឃាត្តករបាញ់សម្លាប់កាលពីយប់មិញ អ្នក​សារ​ព័ត៌មាន​ម្នាក់​ប្រចាំ​គោល​ដៅ​ខេត្ត​ក្រចេះ ​ត្រូវ​ឃាតក​បាញ់​មួយ​គ្រាប់​ចំ​ក្បាល​ស្លាប់​ភ្លាមៗ ​នៅ​កន្លែង​កើត​ហេតុ​ ខណៈ​ដែល​អ្នក​កាសែត​រូប​នោះ​ព្យាយាម​តាម​ប្រមាញ់​ការ​ជួញ​ដូរ​ឈើ​ខុស​ច្បាប់​។​ ...Read more
សមត្ថកិច្ចចំរុះចុះបង្ក្រាបសិប្បកម្មកែឆ្នៃបង្កប់ឈើក្រញូងបីកន្លែងទល់មុខគ្នាដូចមុំចង្ក្រានក្នុងពេលតែមួយ នៅ​ព្រឹក​ថ្ងៃ​ទី១៨ ខែកញ្ញា ឆ្នាំ២០១៥នេះស្ថិត​នៅ​ក្នុង​ភូមិ​តាវៀន សង្កាត់​សាលាកំ​រើក ក្រុង​+ខេត្តសៀមរាប​ កម្លាំង​សមត្ថ​កិច្ច​ចំរុះ​ចុះ​បង្ក្រាប​សិប្ប​កម្ម​កែ​ឆ្នៃ​​២​កន្លែង ​និង​ផ្ទះ​ពល​រដ្ឋ​មួយ​កន្លែង...Read more
ព្រៃឈើនៅដែនជម្រកសត្វព្រៃភ្នំឱរ៉ាល់ ប្រឈមនឹងការបំផ្លាញពីពួកជនល្មើសដែលឃុបឃិតជាមួយមន្ត្រីបរិស្ថាន បើយោងតាម​សេចក្ដីរាយការណ៍​ពី​ប្រជាពលរដ្ឋ​ក្នុង​ឃុំរ​កាត និង​ឃុំ​ស​ន្ទ្រែ ស្រុក​ភ្នំក្រវាញ ខេត្តពោធិ៍សាត់ បាន​ឲ្យ​ដឹងថា រយៈពេល​ប៉ុន្មាន​ខែ​កន្លងទៅនេះ​បទល្មើស​កាប់​ឈើ​និង​ដឹកជញ្ជូន​ឈើ​ចេញពី​ ព្រៃ​ក្នុង​ត...Read more
ប្រជាពលរដ្ឋរាប់ម៉ឺននាក់នៅទីលានប្រជាធិបតេយ្យនៅម៉ោង៧:១៥នាទីព្រឹកនេះ យោងតាម​បណ្តាញ​សង្គម​ Facebook បាន​អោយ​ដឹង​ថា ប្រជា​ពលរដ្ឋ​រាប់ម៉ឺននាក់ប្រ​មូល​ផ្តុំ​ជួប​ជុំ​គ្នា​នៅ​ទី​លាន​ប្រ​ជា​ធិប​តេយ្យនៅ​ម៉ោង​៧:១៥នាទីព្រឹកនេះ ក្នុង​ការ​ធ្វើ​មហា​បាតុ​កម្ម​អហឹង្សា។ ...Read more
លោក ឡុងសំអឿន នគរបាលសេដ្ឋកិច្ចក្រសួង ដាក់ប៉ុស្តិ៍ជជុះប្រមូលលុយពីឈ្មួញដឹកឈើនិងទំនិញ ផ្អើលប៉ែកឧត្តរ លោក​ប៉ូលីស​សក្តិ​៤ ឡុងសំអឿន ជា​ប្រធាន​ផ្នែក​ភស្ដុភារ ការិយាល័យ​រដ្ឋបាល​សរុប​នាយកដ្ឋាន​ន​គរ​បាល​​ប្រ​ឆាំង​​បទ​ល្មើ​ស​សេដ្ឋ​កិច្ច​​ក្រ​សួង​​មហាផ្ទៃ និង​​លោក យិនប្រសិទ្ធ ប្រ​ធាន​​ក្រុម​​ប្រ​តិបត្តិ​​ការណ...Read more
សេចក្តីប្រកាសព័ត៌មានស្តីពី លទ្ធផលនៃសម័យប្រជុំវិសមញ្ញព្រឹទ្ធសភានីតិកាលទី៣ ថ្ងៃទី១០ខែតុលាឆ្នាំ២០១៤ អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា​ នាថ្ងៃសុក្រ​ទី១០​ខែតុលាឆ្នាំ២០១៤ (សូមចុចលើ​រូបភាពអត្ថ​បទ​ខាងក្រោម ដើម្បីអានបន្ត)...Read more
តើអ្វីទៅជា អាថ៍កំបាំងស្រ្តី? តើអ្វីទៅជា អាថ៍កំបាំងស្រ្តី? ស្រ្តីខឹងក៏នៅតែសើច គឺស្រ្តីឆ្លាត ចរិយាសម្បត្តិល្អបំផុតរបស់នារីគឺភាពទន់ភ្លន់​ ស្លូតបូត វិធីរក្សារព្រហ្មចារីល្អបំផុត​គឺរក្សាភាពម៉ឺាងម៉ាត់ ទឹកភ្នែកអាចកាត់បន្...Read more
  ស្វែងរកព័ត៌មាន តាមប្រតិទិន្ន
ចំនួនអ្នកទស្សនា
ថ្ងៃនេះ​      26818នាក់
ម្សិលមិញ    43302នាក់
សប្ដាហ៍នេះ    173302នាក់
ខែនេះ    556582នាក់
ឆ្នាំនេះ   1938814នាក់
សរុប   51298740នាក់
ថ្ងៃទី 29 ខែ 03 ឆ្នាំ 2024 ម៉ោង 20:13