ទំនិញគេចពន្ធគ្រប់ប្រភេទមានការហូរចូលយ៉ាងខ្លាំងពីសៀមចូល មកក្នុងទឹកដីខេត្ដបន្ទាយមានជ័យ រហូតដល់បន្ដមកកាន់រាជធានីភ្នំ ពេញហើយច្រករបៀងជាច្រើន នៅក្នុងខេត្ដបន្ទាយមានជ័យមាន ភាពធូររលុងដោយសារអាជ្ញាធរ ខេត្ដក៏ដូចជាកងកម្លាំងប្រដាប់ អាវុធឃុបឃិតឱ្យមានការហូរចូលនូវទំនិញគេចពន្ធទាំងនោះក៏ជា អត្ថប្រយោជន៍សម្រាប់មន្ដ្រីគយ ពុករលួយផងដែរ ។
គេបានរាយការណ៍មកថា មាន ច្រករបៀងល្មើសច្បាប់ធំៗចំនួន ៣ ដែលកំពុងតែហូរចូលនូវទំនិញគ្រប់ប្រភេទក្នុងនោះមានច្រកអូរបីជាន់ ច្រកម៉ាឡៃនិងច្រកបឹងត្រកួន ។ គេបានបញ្ជាក់ថានៅចំណុចច្រក អូរបីជាន់បច្ចុប្បន្នគឺគ្រប់គ្រង ដោយក្រុមនគរបាលវរៈការពារព្រំដែនលេខ ៩១១ របស់លោក សូ សុវណ្ណារី និងនគរបាលវរៈការពារ ព្រំដែនលេខ ៨៩១ របស់លោក ហាំ វណ្ណៈ ។ ច្រកអូរបីជាន់មាន នាំចូលនូវប្រភេទជាម៉ូតូក្ដៅដែលជាម៉ូតូប្រជាជនសៀមលួចនិងប្លន់ពីទឹកដីរបស់គេយកមកលក់ឱ្យ ឈ្មួញរបស់ខ្មែរនៅចំណុចច្រកព្រំ ដែនហើយក្រៅអំពីម៉ូតូក៏មានចេញ ផងដែរនូវប្រភេទហ្គាសដូចជានៅ ចំណុចច្រករបៀងដើមស្នួលមានទាំង ហ្គាសនិងម៉ូតូស្ថិតក្នុងទ្រង់ទ្រាយដ៏ ច្រើនផងដែរ ។ បើបញ្ហាម្ហូបអាហារ ដូចជាសាច់មាន់ និងជ្រូកក្រហមក៏ មាននាំចូលតាមចំណុចច្រកម៉ុងចិន ដែលគ្រប់គ្រង ដោយនគរបាលវរៈ ការពារព្រំដែនលេខ៨៩១ ។
ច្រកម៉ាឡៃកន្លងទៅក៏មានការ នាំចូលនូវទំនិញគ្រប់ប្រភេទជាច្រើន ផងដែរប៉ុន្ដែត្រូវបានផ្អាកមួយរយៈ ដោយសារ បញ្ហាផ្លូវមិនទាន់ អំណោយផលធ្វើឱ្យឈ្មួញពិបាក ដឹកទំនិញឆ្លងកាត់តែមានទំនិញ មួយចំនួននៅតែបន្ដលួចចេញខ្លះៗដែរ ។ ករណីច្រកបឹងត្រកួនបច្ចុប្បន្ន ក្លាយទៅជាច្រកដ៏ធំក្នុងការនាំទំនិញ គេចពន្ធចូលពិសេសទ្រង់ទ្រាយធំជាងគេគឺការនាំម៉ូតូចូលដូចជា ម៉ូតូ ហ្វីណូ និងម៉ូតូស្កូបពី ឃ្លីចស៊េរី ឆ្នាំ២០១២ ក្នុងមួយថ្ងៃៗមាន ចំនួនរាប់សិបគ្រឿងដែលឈ្មួញ បានដឹកជញ្ជូនដូចជាប្រភេទឡាននីសាន់ និងមួយចំនួនទៀតគេបាន ឃើញក្រុមឈ្មួញជួលឱ្យក្មេងស្ទាវជាអ្នកបើកចេញពីចំណុចច្រកបឹងត្រកួនដែលធ្វើឱ្យការហូរចូលប្រភេទ ជាម៉ូតូគេចពន្ធទាំងនេះរដ្ឋបាត់បង់ចំណូលពន្ធជាច្រើនក្នុងមួយខែៗ ។
លោក ផូ ផល្លា ប្រធានសាខា គយ និងរដ្ឋាករខេត្ដបន្ទាយមាន ជ័យត្រូវបានគេចាត់ទុកថាមាន ភាពធូររលុងទៅលើការអនុញ្ញាតឱ្យទំនិញទាំងអស់នោះហូរចូល ព្រោះកន្លងទៅនៅក្នុងទឹកដីខេត្ដ បន្ទាយមានជ័យនេះមានករណី ហូរចូលតាំងពីប្រេងឥន្ធនៈជាដើម ដោយមន្ដ្រីគយមួយចំនួនគឺជាអ្នក ប្រមូលផលលើទំនិញគេចពន្ធ ប៉ុន្ដែបញ្ហាចំណូលពន្ធត្រូវបាន ខាតបង់ ។ មន្ដ្រីគយជាច្រើនក៏បាន ដាក់ប៉ុស្ដិ៍ដែលគេហៅថាក្រុមគយ ចល័តសម្រាប់ទប់ស្កាត់ទំនិញគេច ពន្ធស្ទើរតែគ្រប់ទីកន្លែងក្រោមការបង្គាប់បញ្ជារបស់លោក ផូ ផល្លា ប្រធានសាខាគយនិងរដ្ឋាករខេត្ដ បន្ទាយមានជ័យ ប៉ុន្ដែលទ្ធផល របស់មន្ដ្រីគយទាំងនោះមិនទាន់ ហុចចេញជាផ្លែផ្កាណាមួយទៅ លើការទប់ស្កាត់ទំនិញដែលបានហូរ ចូលដូចហែកឋិនទាំងនោះទេ ។ ផ្ទុយទៅវិញរាល់ការដឹកជញ្ជូនទំនិញ គេចពន្ធដែលបានឆ្លងកាត់ទីតាំង កុងត្រូលជជុះនៃក្រុមគយចល័ត ទាំងនោះគឺគេឃើញតែក្រុមឈ្មួញចូលបង់ប្រាក់សម្រាប់ ក្បាលឡាន ប៉ុន្ដែប្រសិនបើជាទំនិញណាដែលមានរូបភាពជាទ្រង់ទ្រាយធំៗ ក្រុម គយចល័តមិនអាចធ្វើការបង្ក្រាប ឬក៏បង្ខំឱ្យចូលបង់ប្រាក់ដោយសារតែក្រុមឈ្មួញទាំងនោះទូទាត់តាម រយៈទូរស័ព្ទជាមួយលោកប្រធាន ផូ ផល្លា ដោយផ្ទាល់ ។
ច្រករបៀងជាច្រើននៅក្នុង ខេត្ដបន្ទាយមានជ័យប្រសិនបើ អាជ្ញាធរខេត្ដកងកម្លាំងប្រដាប់ អាវុធរួមទាំងជំនាញសមត្ថកិច្ចគយ និងរដ្ឋាករខេត្ដនេះមានវិធានការ លុបបំបាត់គឺអាចឱ្យរដ្ឋប្រមូលបាន នូវចំណូលពន្ធយ៉ាងច្រើន ។ ប៉ុន្ដែ ការបង្ក្រាបកន្លងទៅនៃច្រករបៀង ធ្វើឡើងបានត្រឹមតែច្រកដែលមានរូបភាពតូចតាចចំណែកឯច្រកធំៗដូចជាការនាំចូលនូវប្រភេទជាប្រេង សាំងជ្រូកក្រហមហ្គាសគ្រឿងភេសជ្ជៈ រួមទាំងម៉ូតូគេចពន្ធនេះជាដើមមិន ទាន់ធ្វើការលុបបំបាត់បានដោយសារ តែកើតមានអំពើពុករលួយ ឬមន្ដ្រី ដែលពាក់ព័ន្ធទាំងនោះទុកសម្រាប់ ជាឆ្នាំងបាយរបស់ពួកគេ ។
នាយករដ្ឋមន្ដ្រីលោក ហ៊ុន សែន ធ្លាប់បានលើកឡើងជាញឹកញាប់ផងដែរទៅលើបញ្ហាជំរុញឱ្យសមត្ថ កិច្ចគយនិងកងកម្លាំងប្រដាប់អាវុធ ចូលរួមដោយសកម្មដើម្បីលុប បំបាត់ការហូរចូលនូវទំនិញគេច ពន្ធប៉ុន្ដែរូបភាពក្នុងការដឹកទំនិញ គេចពន្ធចេញពីខេត្ដបន្ទាយមាន ជ័យមានជាច្រើនដែលមិនទាន់បាន បង្ក្រាបពិសេសលោក ផូ ផល្លា ប្រធានសាខាគយ និងរដ្ឋាករខេត្ដ បន្ទាយមានជ័យហាក់ដូចជាខ្វះការ ទទួលខុសត្រូវទោះជារូបភាពនៃការ ហូរចូលទំនិញគេចពន្ធទាំងនោះមាន ទាំងយប់ទាំងថ្ងៃហើយក្លាយទៅជា ទម្លាប់មួយដែលឈ្មួញបានរកស៊ីជា ប្រចាំយ៉ាងណាក៏ដោយមេគយរូប នេះហាក់បីដកខ្លួនពីការបង្ក្រាប ។
ដូចជាករណីនាំម៉ូតូគេចពន្ធ ចូលគ្រាន់តែនៅច្រកបឹងត្រកួនមួយ ប៉ុណ្ណោះគឺមានប្រមាណពី២០ ទៅ៣០គ្រឿងក្នុងមួយថ្ងៃដែលគេ បានដឹកជញ្ជូនតាមប្រភេទឡាននីសាន់និងមួយចំនួនទៀតត្រូវបាន ឈ្មួញជួលឱ្យក្រុមក្មេងស្ទាវបើក ចូលយ៉ាងហូរហែបន្ដកន្ទុយគ្នាកាត់មុខសមត្ថកិច្ចដែលយូរៗម្ដងគេបានឃើញកម្លាំងសមត្ថកិច្ចនគរបាល ក៏ដូចជាកងរាជអាវុធហត្ថក្នុងខេត្ដនេះធ្វើការឃាត់ចាប់ដើម្បីតម្រូវឱ្យ មានការបង់ពន្ធនាំចូលប៉ុន្ដែមួយ ចំនួនធំនៃម៉ូតូគេចពន្ធទាំងនោះគេបានឃើញឈ្មួញដឹកជញ្ជូនផងដែរមកកាន់រាជធានីភ្នំពេញ ។
លោក ផូ ផល្លា មេគយខេត្ដ បន្ទាយមានជ័យនេះក៏មិនអាច លុបបំបាត់បានផងដែរជុំវិញបញ្ហាពុករលួយមួយចំនួននៃមន្ដ្រីគយរបស់ គាត់នៅច្រកទ្វារអន្ដរជាតិប៉ោយ ប៉ែតព្រោះមានទំនិញមួយចំនួនត្រូវបានបង់ពន្ធមិនគ្រប់ដោយសារតែ មានការឃុបឃិតគ្នាជាមួយឈ្មួញហើយករណីខ្លះបែរជាមន្ដ្រីគយ ទាំងនោះធ្វើការគាបសង្កត់មកលើ ប្រជាពលរដ្ឋព្រមទាំងជនពិការ ដែលបានរកស៊ីប្រើកម្លាំងលីសែង បង្ខំឱ្យបង់ប្រាក់ដោយចោទប្រកាន់ ថាទំនិញទាំងអស់នោះមិនបានបង់ ពន្ធ ។ គេបានរិះគន់ថា គ្រាន់តែ ករណីផលប្រយោជន៍សេវាដែល បានមកអំពីក្បាលឡានដឹកទំនិញ ដែលបានឆ្លងកាត់ច្រកអន្ដរជាតិ ប៉ោយប៉ែតនេះក៏ក្នុងមួយខែៗមានចំនួនច្រើនផងដែរ ប៉ុន្ដែក្រុមមន្ដ្រី គយទាំងនោះនៅតែព្យាយាមទទួល ផលប្រយោជន៍ពីការឃុបឃិតគ្នា ទៅលើទំនិញដែលបង់ពន្ធមិនគ្រប់ហើយលោក ផូ ផល្លា ជាអ្នក ទទួលខុសត្រូវលើបញ្ហានេះ ៕