លោក គួក ទាហានភូមិភាគ៥ គ្រប់គ្រងច្រករបៀងព្រំដែនសេះងាប់ បើកដៃឲ្យឈ្មួញថៃនិងឈ្មួញខ្មែរនាំទំនិញគ្រប់ប្រភេទ ចូលមកកម្ពុជាយ៉ាងកំហុក?

ខេត្តបន្ទាយមានជ័យ៖ មួយរយៈកាលចុងខែចាប់ពីថ្ងៃទី២៥ ធ្នូ ២០២២ សារព័ត៌ក្នុងស្រុកបានចុះទៅដល់ចំណុចច្រករបៀងសេះងាប់ ប្រទះឃើញរថយន្ត១គ្រឿង បានដឹកទំនិញយ៉ាងសំពីងសំពោងខូចនៅលើផ្លូវជាតិលេខៈ ៥៨ ទល់មុខច្រកនេះ ដោយសាររថយន្តនោះបានដឹកលើសកំណត់បណ្តាលឲ្យដាច់ក្រឡេទៅមុខមិនរួច ស្ថិតនៅភូមិសាស្ត្រ ព្រំប្រទល់ស្រុកស្វាយចេក និងស្រុកថ្មពួក ខេត្តបន្ទាយមានជ័យ។

បើតាមការអះអាងពីអ្នកបើកបរ បានបញ្ជាក់ឲ្យដឹងថា ឈ្មួញថៃនាំទំនិញគេចពន្ធតាមច្រករបៀងសេះងាប់ យ៉ាងពេញបន្ទុក ដូចជា ទឹកដោះគោ មី គ្រឿងកំប៉ុងគ្រប់មុខ និងទំនិញផ្សេងៗ ជាច្រើនប្រភេទទៀត ដោយសារលោក គួក ជាអ្នកបើកភ្លើងខៀវ ទើបពួកឈ្មួញ ហ៊ានធ្វើអ្វីៗ តាមអំពើចិត្តបែបនេះ។

ប្រភពបានបន្តទៀតថា លោក គួក ជាទាហានអភិវឌ្ឍន៍ភ្នំឆ័ត្រ ចំណុះភូមិភាគ៥ ឈរជើងនៅតំបន់នោះ បានបើកដៃឲ្យឈ្មួញខ្មែរ និងឈ្មួញថៃនាំទំនិញចូលទាំងយប់ទាំងថ្ងៃ គ្មានសមត្ថកិច្ចពាក់ព័ន្ធ ចាត់វិធានការបង្រ្កាបក្រុមឈ្មួញរត់ពន្ធទាំងនេះឡើយ៕ សហការី