មន្រ្តីជលផលបើកឲ្យមានបទល្មើសនេសាទនៅសង្កាត់ចុងឃ្នាសខេត្តសៀមរាប

មិនថាតែនៅតំបន់ទឹករាក់ ឬជ្រៅប៉ុន្មាន ម៉ែត្រនោះទេ គ្រប់ទីកន្លែងទាំងអស់ ទឹកត្រូវបាន ល្អក់កករគ្មានពេលអាចរងថ្លាបានឡើយ ព្រោះតែការនេសាទគ្រប់រូបភាព រួមទាំងការបិទបាំងតាមបណ្ដា ព្រែកតូចធំនិងតាមឡូនេសាទនានាក្នុងតំបន់អភិរក្សផងដែរ តែគ្មានមន្រ្តីមានសមត្ថកិច្ចណាម្នាក់អើពើនោះទេ ព្រោះលុយរបស់ឈ្មួញនេសាទ​បិទបាំងភ្នែក អស់ទៅហើយ។

យោងតាមការរៀបរាប់របស់ប្រជាពលរដ្ឋ បានឲ្យដឹងថា នៅត្រង់ចំណុចឡូនេសាទលលេខ៤ក្នុងតំបន់ អភិរក្សក្នុងភូមិចុងឃ្នាស សង្កាត់ចុងឃ្នាស​ ក្រុងសៀមរាប​ ខេត្តសៀមរាប ត្រូវ បានធ្វើការអូសម៉ាញ់ មានមុខទទឹង រាប់រយម៉ែត្រ នឹងយ៉ាងកោវ​ ចូលរុញក្នុងទឹកដីឡូលេខ​៤​តំបន់អភិរក្ស ជារៀងរាល់យប់​ដោយមិនមានការកោតញញើតអ្វីទ្បើយ។

ប្រភពដដែលបា្រប់ថាមន្រ្តីជលផលសង្កាត់ចុងឃ្នាស ក្រុងសៀមរាបកំពុងបើកភ្លើងខៀវឲ្យមាន បទល្មើសឧបករណ៏ម៉ាញនឹងយ៉ាងកោវយ៉ាងច្រើនចូលរុញក្នុងតំបន់ឡូអភិរក្សដែលរដ្ឋបានហាមឃាត់ ទុកតំបន់នេះជាជំរកត្រីពងកូន។ លោកនាយខណ្ឌគួរយល់ថាបទបញ្ជាលេខ០១និងលេខ០២​​ របស់ប្រមុខរាជរដ្ឋាភិបាលបានប្រកាសជាសាធារណៈ ឲ្យដឹងហើយបែរជាអស់លោកមន្រ្តីជំនាញ ជលផលទំាងអស់នោះមិនគោរពតាមបទបញ្ជារបស់រាជរដ្ឋាភិបាលទេក្រោយពីរាជរដ្ឋាភិបាល  បានកាត់ឡូនេសាទទំាងអស់នេះមកឲ្យប្រជាពលរដ្ឋទូទាំង៦ខេត្តដែលជាប់និងបឹងទន្លេសាប។​ តែរាជរដ្ឋាភិបាលបានយកដីឡូតំបន់អភិរក្សទុកជាជំរកត្រីពងកូនបែជាមានក្រុមមួយចំនួនចេះ តែប្រឹងប្រើឧបករណ៏នេសាទខុសច្បាប់ លើចំណុចតំបន់អភិរក្សឡូនេសាទលេខ៤នេះទៅវិញ។​

សព្វថ្ងៃនេះបទល្មើសនេសាទចេះតែកើនឡើងនៅក្នុងខេត្តសៀមរាបដូចជាតំបន់សង្កាត់ចុង ឃ្នាស មានម៉ាញនិងយ៉ាងកោវនឹងក្រុមអួនមានទំហំធំៗចូលអូសក្នុងតំបន់ហាមឃាត់​។​លោកនាយខណ្ឌ ជលផលខេត្តសៀមរាបកែសំរួលដល់មន្រ្តីក្រោមឱវាទរបស់ខ្លួនផងបើពុំដូច្នោះទេលោកនាយខណ្ឌ ជលផលមុខជាធ្លាក់ដំណែងហើយ ពីព្រោះដំណែងអស់លោកមិនងាយទទួលបានងាយស្រួលឡើយ។