ការការពារ គារគោរព និង ដំណោះស្រាយ គោលការណ៍ណែនាំស្តីពីធុរកិច្ច និងសិទ្ធមនុស្ស

សិទ្ធិឯកជន និងសិទ្ធិសមូហភាពរបស់ជនជាតិដើមភាគតិច មានតំកល់នៅក្នុងសេចក្តីប្រកាសរបស់ អង្គការសហប្រជាជាតិស្តីពីសិទ្ធិជនជាតិដើមភាគតិច និងក្នុងចំណោមឧបករណ៍អន្តរជាតិដទៃទៀត និងមានចែងនៅក្នុងច្បាប់កម្ពុជាផងដែរ។ ប្រការសំខាន់គឺ ជនជាតិដើមភាគតិច យល់ដឹងអំពីសិទ្ធិរបស់ខ្លួន។ សិទ្ធិទាំងអស់នេះ ត្រូវតែទទួលបាននូវ ការគោរព និងការការពារ។
០១	រដ្ឋមានភារកិច្ចគោរព ការពារ និងធ្វើអោយទទួលបានពេញលេញនូវសិទ្ធិមនុស្ស និងសេរីភាពជាមូលដ្ឋាន។
០២	អាជ្ញាធររដ្ឋាភិបាល និងតំណាងក្រុមហ៊ុន ត្រូវធ្វើការ ពិគ្រោះយោបល់ជាមួយសហគមន៍ មុននឹងផ្តល់ដីសម្បទាន។
០៣	មុនចាប់ផ្តើមសកម្មភាពរបស់ក្រុមហ៊ុន ត្រូវមានការធ្វើសេចក្តីសម្រេចរួមគ្នាមួយដោយសហគមន៍ អាជ្ញាធរមូលដ្ឋាន និងតំណាងក្រុមហ៊ុន ដើម្បីទប់ស្កាត់ផលប៉ះពាល់អវិជ្ជមានលើសិទ្ធិមនុស្ស។
០៤	អាជ្ញាធររដ្ឋាភិបាល និងអ្នកជំនាញ ត្រូវធ្វើការវាយតំលៃអំពី ផលប៉ះពាល់អវិជ្ជមានដែលអាចកើតចេញមកពីសកម្មភាពរបស់ក្រុមហ៊ុនទៅលើសហគមន៍ និងបរិស្ថាន។
០៥	ក្រុមហ៊ុន គួរតែគោរពចំពោះប្រពៃណី និងវប្បធម៌ របស់សហគមន៍ជនជាតិដើមភាគតិចតាមរយៈការវាយតំលៃផលប៉ះពាល់។
០៦	សហគមន៍ និងតំណាងក្រុមហ៊ុន គួរតែទាក់ទង ពិគ្រោះយោបល់គ្នានៅគ្រប់តំណាក់កាលទាំងអស់ នៃគំរោងវិនិយោគ ដើម្បីដោះស្រាយ ផលប៉ះពាល់សិទ្ធិមនុស្ស។
០៧	ក្រុមហ៊ុនត្រូវតែប្រតិបត្តិ និងអនុវត្តន៍តាមកាតព្វកិច្ច ទាំងអស់ដែលមានចែងនៅក្នុងកិច្ចសន្យា។
០៨	នៅពេលក្រុមហ៊ុន បង្កឬរួមចំណែកអោយមានផលប៉ះពាល សិទ្ធិមនស្សអវិជ្ជមាន នោះមានន័យថាក្រុមហ៊ុន រំលោភលើកិច្ចសន្យាវិនិយោគរបស់ខ្លួន និងច្បាប់ភូមិបាលឆ្នាំ២០០១ ព្រមទាំងបញញត្តិច្បាប់មានពាក់ព័ន្ធដទៃទៀត។
០៩	ឧទាហរណ៍ ករណីនៃផលប៉ះពាល់បរិស្ថាន ជាអវិជ្ជមាននៅលើដីសហគមន៍ជនជាតិដើមភាគតិច (ជាការរំលោភច្បាប់ភូមិបាលឆ្នាំ ២០០១)។
១០	សមាជិកសហគមន៍ជនជាតិដើមភាគតិចជួបប្រជុំពីគ្រោះយោបល់គ្នាអំពីបញ្ហានៃការរំលោភបំពានសិទ្ធិជនជាតិដើមភាគតិច និងជ្រើសរើសអ្នកតំណាងដើម្បី ដោះស្រាយបញ្ហានានាជាមួយតំណាងក្រុមហ៊ុន។
១១	អាជ្ញាធររដ្ឋាភិបាល ពិនិត្យមើល និងតាមដានមើល ផលប៉ះពាលដែលបណ្តាលមកពីសកម្មភាពក្រុមហ៊ុន។
១២	រដ្ឋមានតួនាទី និងកាតព្វកិច្ច ការពារ និងរកដំណោះស្រាយសមស្រប ដើម្បីដោះស្រាយបញ្ហានានាដែលប៉ះពាល សហគមន៍ជនជាតិដើមភាគតិច (ដំណោះស្រាយ)។
១៣	ក្រុមហ៊ុនមានការទទួលខុសត្រូវដោះស្រាយចំពោះ ផលប៉ះពាលនានាដែលបណ្តាលមកពីសកម្មភាពរបស់ខ្លួន និងផ្តល់សំណងសមរម្យចំពោះ ផលប៉ះពាលទាំងអស់។
១៤	សមាជិកសហគមន៍ ជួបប្រជុំដើម្បីភិភាក្សារកដំណោះស្រាយចំពោះបញ្ហារំលោភបំពាន (ដំណោះស្រាយ)។
១៥	សហគមន៍ និងតំណាងក្រុមហ៊ុន ជួបប្រជុំគ្នាដើម្បី ពិភាក្សាឯកភាពគ្នាលើដំណោះស្រាយនានា និងលើការផ្តល់សំណង (ដំណោះស្រាយ)។
១៦	តំណាងក្រុមហ៊ុន ផ្តល់សំណងសមរម្យ និងយល់ព្រមមិន បង្កផលប៉ះពាល់សិទ្ធិមនុស្សអវិជ្ជមានបន្ថែមទៀត ដល់សហគមន៍ឡើយ។
១៧	រូបភាពបង្ហាញពីក្រុមហ៊ុនចូលរួមចំណែក ដល់ការអភិវឌ្ឍន៍សង្គមក្នុងប្រទេសកម្ពុជា តាមរយៈសាលារៀន និង មណ្ឌលសុខភាព បន្ថែមពីលើការ ដោះស្រាយចំពោះផលប៉ះពាល់សិទ្ធិមនុស្ស។

១៨	សហគមន៍មានការសាទរចំពោះអាជ្ញាធររដ្ឋាភិបាល និងតំណាងក្រុមហ៊ុនដែលធ្វើការប្រស្រ័យទាក់ទងជាមួយខ្លួន និងឆន្ទៈរបស់ពួកគេក្នុងការដោះស្រាយ ចំពោះផលប៉ះពាលសិទ្ធិមនុស្សដែលបណ្តាលមកពីសកម្មភាពរបស់ក្រុមហ៊ុន។
គោលការណ៍ណែនាំស្តីពីធុរកិច្ច និងសិទ្ធិមនុស្ស របស់អង្គការសហប្រជាជាតិ គឺជាសំណុំគោលការណ៍ទាំងឡាយដែលគាំទ្រដល់ការអនុវត្តន៍ក្របខណ្ឌគោលនយោបាយរបស់អង្គការសហប្រជាតិ ស្តីពី ការការពារ ការគោរព និងដំណោះស្រាយ។
គោលការណ៍ណែនាំរបស់អង្គការសហប្រជាជាតិ គូសបញ្ជាក់អំពីវិធានការទាំងឡាយដែលរដ្ឋនានាគួរតែចាត់ឡើង ដើម្បីជំរុញអោយធុរកិច្ចទាំងឡាយគោរពសិទ្ធិមនុស្ស។
គោលការណ៍ណែនាំនេះ ផ្តល់គំរោងការមួយដល់ធុរកិច្ចទាំងឡាយ អោយបានដឹង និងអោយបង្ហាញអោយឃើញថាពួកគេគោរពសិទ្ធិមនុស្ស និងកាត់បន្ថយហានិភ័យនៃការបង្ករអោយមាន ឬរួមចំណែកធ្វើអោយអន្តរាយដល់សិទ្ធិមនុស្ស។
គោលការណ៍ណែនាំនេះ បង្តើតជាសំណុំនៃ ខ្នាតរង្វាស់សំរាប់អ្នកពាក់ព័ន្ធ ដើម្បីវាយតំលៃអំពីគោលការណ៍សិទ្ធិមនុស្សរបស់ធុរកិច្ច។
គោលការណែនាំនេះ មានចែងផងដែរអំពីអ្វី ដែលទាំងរដ្ឋ និងសហគ្រាសពាណិជ្ជកម្មទាំងឡាយគួរតែធ្វើ ដើម្បីជួយអោយប្រសើរឡើងដល់ការទទួលបាននូវដំណោះស្រាយប្រកបដោយប្រសិទ្ធភាព សំរាប់បុគ្គលទាំងឡាយណាដែលសិទ្ធិរបស់ខ្លួនត្រូវបានរំលោភបំពាន។
គោលការណ៍ណែនាំនេះ មានមូលដ្ឋានលើការទទួលស្គាល់កាតព្វកិច្ចស្រាប់របស់រដ្ឋទាំងឡាយ ក្នុងការគោរព ការពារ និងធ្វើអោយទទួលបានពេញលេញនូវសិទ្ធិមនុស្ស និងសេរីភាពជាមូលដ្ឋាន។ ដូច្នេះ បទដ្ឋានស្តីពីធុរកិច្ច និង សិទ្ធិមនុស្ស មានតំលៃអនុវត្តបានដោយផ្ទាល់ដោយព្រះរាជាណាចក្រកម្ពុជា តាមរយៈការប្តេជ្ញាចិត្តគោរពតាមច្បាប់ជាតិ និងច្បាប់អន្តរជាតិរបស់ខ្លួន។
ការការពារ រដ្ឋមានតួនាទីការពារប្រឆាំងនឹងការរំលោភសិទ្ធិមនុស្សដោយភាគីទីបី រាប់បញ្ចូលទាំងសហគ្រាសពាណិជ្ជកម្ម តាមរយៈគោលនយោបាយ បទបញ្ជា និងសេចក្តីសម្រេច។
ការគោរព សហគ្រាសពាណិជ្ជកម្ម មានការទទួលខុសត្រូវក្នុងការគោរពសិទ្ធិមនុស្ស ដែលមានន័យថា សហគ្រាសពាណិជ្ជកម្មទាំងឡាយគួរតែធ្វើសកម្មភាពដោយយកចិត្តទុកដាក់បំផុត ជៀសវាងការរំលោភបំពានលើសិទ្ធិអ្នកដទៃ និងដោះស្រាយ ផលប៉ះពាល់ធ្ងន់ធ្ងរពាក់ព័ន្ធនិងសកម្មភាពរបស់ខ្លួន។
ការដោះស្រាយ រដ្ឋ សហគ្រាសពាណិជ្ជកម្ម និងអ្នកពាក់ព័ន្ធ ទទួលស្គាល់សេចក្តីត្រូវការអោយមានការដោះស្រាយទូលំទូលាយថែមទៀត សំរាប់ជនរងគ្រោះដោយអំពើរំលោភបំពានទាក់ទងនិងសកម្មភាពរបស់ធុរកិច្ច ទាំងតាមរយៈប្រព័ន្ធតុលាការ និងក្រៅប្រព័ន្ធតុលាការ។
ដកស្រង់ទាំងស្រុងពីសៀវភៅ ការការពារ គារគោរព និង ដំណោះស្រាយ គោលការណ៍ណែនាំស្តីពីធុរកិច្ច និងសិទ្ធមនុស្ស ដែលបោះពុម្ភផ្សាយដោយការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា (ការិយាល័យ OHCHR) សហការជាមួយអង្គការគាំទ្រសហគមន៍ ជនជាតិដើមភាគតិច (អង្គការ ICSO) រូបភាពដោយ សែន សមន្តដារ៉ា៕ ដោយ៖ ផ្លុងរ៉េត

ថ្ងៃនេះ	3435	នាក់
ម្សិលមិញ	9591	នាក់
សប្ដាហ៍នេះ	31994	នាក់
ខែនេះ	179622	នាក់
ឆ្នាំនេះ	3762282	នាក់
សរុប	53122208	នាក់
ថ្ងៃទី 21 ខែ 11 ឆ្នាំ 2024 ម៉ោង 15:50

ព័ត៌មានក្ដៅ

ការការពារ គារគោរព និង ដំណោះស្រាយ គោលការណ៍ណែនាំស្តីពីធុរកិច្ច និងសិទ្ធមនុស្ស

ព័ត៌មានដែលមានទំទាក់ទំទង