ព័ត៌មានក្ដៅ

    ក្រសួង​ព័ត៌មាន​ថ្កោលទោស​ការ​ប្រើ​ហិង្សា​ទៅ​លើ​អ្នក​កាសែត

    ដោយៈ ទេព សុរ៉ាវី សៀមរាប ថ្ងៃទី 05 ខែ 05 ឆ្នាំ 2014 វេលាម៉ោង 03:21 នាទី ចំនួនអានៈ 522

    ក្រុម​អ្នក​សារព័ត៌មាន​កំពុង​តែ​ព្រួយ​បារម្ភ​ចំពោះ​ការ​វាយ​ប្រហារ​ហិង្សា​ពី​កងកម្លាំង​បង្ក្រាប​បាតុកម្ម​របស់​រដ្ឋាភិបាល នៅ​ពេល​ដែល​ពួកគេ​ទៅ​យក​ព័ត៌មាន និង​ថត​ផ្តិត​យក​រូបភាព។ ការ​វាយ​ប្រហារ​មិន​រើស​មុខ​របស់​កម្លាំង​បង្ក្រាប​បាតុកម្ម​ក្នុង​ដំណាក់​កាល​ចុង​ក្រោយ​ទៅ​លើ​អ្នក​កាសែត​ជាតិ អន្តរជាតិ​នេះ ធ្វើ​ឲ្យ​មានការ​រិះគន់​ជាច្រើន ពិសេស​ទៅ​លើ​ស្ថាប័ន​ក្រសួង​ព័ត៌មាន ដែល​ជា​អាណាព្យាបាល​របស់​អ្នក​កាសែត បន្ទាប់ពី​ថ្នាក់ដឹកនាំ​ក្រសួង​មួយ​នេះ​លើក​ឡើង​ថា ការ​ប្រើ​ហិង្សា​លើ​អ្នក​កាសែត​គឺ​ជា​រឿង​ចៃដន្យ ខណៈ​ដែល​អង្គការ​ឃ្លាំមើល​សិទ្ធិមនុស្ស​កម្ពុជា អំពាវនាវ​យ៉ាង​ទទូច​ដល់​រដ្ឋាភិបាល​អោយ​គោរព​សេរីភាព និង​ធានា​សុវត្ថិភាព​អ្នក​សារព័ត៌មាន។

    ការ​រិះគន់​ផ្ទួនៗ​ចំពោះ​ការ​វាយ​ប្រហារ​ហិង្សា​ទៅ​លើ​អ្នក​កាសែត​ជាតិ អន្តរជាតិ ពី​កងកម្លាំង​បង្ក្រាប​បាតុកម្ម​របស់​រដ្ឋាភិបាល ធ្វើ​ឲ្យ​ថ្នាក់ដឹកនាំ​ក្រសួង​ព័ត៌មាន ចេញ​សេចក្ដី​ថ្លែងការណ៍​ដ៏​កម្រ​មួយ​ចំ​ថ្ងៃ​អាទិត្យ ជា​ថ្ងៃ​ឈប់​សម្រាក ដើម្បី​ថ្កោល​ទោស​ចំពោះ​ការ​គំរាម​កំហែង​ហិង្សា​ទៅ​លើ​អ្នក​កាសែត។

    ​ក្រសួង​ព័ត៌មាន​បាន​ចេញ​សេចក្ដី​ថ្លែងការណ៍​មួយ​នៅ​ថ្ងៃ​ទី​៤ ឧសភា ដោយ​ចាត់​ទុក​ការ​គំរាម​កំហែង​អំពើ​ហិង្សា ការ​រឹប​អូ​សម្ភារៈ និង​ការ​ប្រមាថ​ចំពោះ​អ្នក​កាសែត ជា​ការ​រំលោភ​បំពាន​ធ្ងន់ធ្ងរ​ដល់​សេរីភាព​សារព័ត៌មាន​នៅ​កម្ពុជា។

    ក្រសួង​ព័ត៌មាន អំពាវនាវ​ដល់​ក្រុម​អ្នក​តវ៉ា បាតុករ និង​អាជ្ញាធរ​មាន​សមត្ថកិច្ច កងកម្លាំង​រក្សា​សន្តិសុខ​សណ្ដាប់ធ្នាប់ ត្រូវ​ប្រកាន់​យក​នូវ​ការ​អនុវត្ត​សិទ្ធិ​សេរីភាព និង​សមត្ថកិច្ច​របស់​ខ្លួន​ឲ្យ​បាន​ត្រឹមត្រូវ​តាម​ច្បាប់។

    ​ការ​ចេញ​សេចក្ដី​ថ្លែងការណ៍​នេះ ធ្វើ​ឡើង​២​ថ្ងៃ ក្រោយ​មាន​ការ​វាយប្រហារ​ហិង្សា​ទៅ​លើ​អ្នក​កាសែត វិទ្យុ​សំឡេង​ប្រជាធិបតេយ្យ វីអូឌី (VOD) និង​អ្នក​កាសែត​បរទេស កាល​ពី​ថ្ងៃ​ទី​២ ឧសភា នៅ​ពេល​ដែល​ពួកគេ​ទៅ​យក​ព័ត៌មាន និង​ថត​ផ្ដិត​យក​សកម្មភាព​ដែល​ក្រុម​សន្តិសុខ​ខណ្ឌ​ដូនពេញ វាយ​ទៅ​លើ​ពលរដ្ឋ និង​អ្នក​តវ៉ា នៅ​ក្បែរ​ទីលាន​ប្រជាធិបតេយ្យ។

    ​ក្រុម​អ្នក​សារព័ត៌មាន​បាន​បង្ហាញ​ការ​ព្រួយ​បារម្ភ​ចំពោះ​ការវិវត្តន៍​ចុង​ក្រោយ​របស់​កម្លាំង​បង្ក្រាប​បាតុកម្ម​ប្រឆាំង​អ្នក​តវ៉ា ហើយ​យុទ្ធសាស្ត្រ​នៃ​ការ​បង្ក្រាប​នេះ បាន​ងាក​ទិសដៅ​មក​លើ​អ្នក​សារព័ត៌មាន នៅ​ពេល​ដែល​កម្លាំង​បង្ក្រាប​ទាំង​នោះ មិន​ចង់​ឲ្យ​ធ្លាយ​រូបភាព ឬ​ព័ត៌មាន​ពី​ការ​ប្រើ​អំពើ​ហិង្សា​ផ្សព្វផ្សាយ​ជា​សាធារណៈ តាម​ទំព័រ​សារព័ត៌មាន​នានា។

    ​នាយក​វិទ្យាស្ថាន​កម្ពុជា​សម្រាប់​ការសិក្សា​ផ្នែក​សារព័ត៌មាន លោក មឿន ឈានណារិទ្ធ បារម្ភ​ថា ការ​ចេញ​សេចក្ដី​ថ្លែងការណ៍​របស់​ក្រសួង​ព័ត៌មាន​នៅ​ពេល​នេះ គឺ​មិន​មាន​ប្រសិទ្ធភាព​និង​ឥទ្ធិពល​អ្វី​ជា​ដុំកំភួន ដើម្បី​រារាំង​ចំពោះ​ក្រុម​កម្លាំង​បង្ក្រាប​របស់​រដ្ឋាភិបាល​ដែល​វាយ​ប្រហារ​ទៅ​លើ​ពលរដ្ឋ និង​អ្នក​សារព័ត៌មាន​ឡើយ។

    លោក មឿន ឈានណារិទ្ធ៖ «សូម្បី​តែ​រាជរដ្ឋាភិបាល​ក៏​តែងតែ​អះអាង​ថា ប្រទេស​កម្ពុជា​យើង​គោរព​នូវ​សេរីភាព​បញ្ចេញ​មតិ សេរីភាព​សារព័ត៌មាន​ដែល​មាន​ចែង​ក្នុង​រដ្ឋធម្មនុញ្ញ ប៉ុន្តែ​ជា​អកុសល ការ​អនុវត្ត​ជាក់ស្ដែង​តែងតែ​រំលោភ​លើ​សេរីភាព​សារព័ត៌មាន សេរីភាព​បញ្ចេញ​មតិ។ អ៊ីចឹង​យើង​មិន​ដឹង​ថា តើ​សេចក្ដី​ថ្លែងការណ៍​របស់​ក្រសួង​ព័ត៌មាន មាន​ឥទ្ធិពល ឬ​មាន​អំណាច​កម្រិត​ណា​ចំពោះ​អាជ្ញាធរ​មូលដ្ឋាន​ជា​អ្នក​អនុវត្ត​ច្បាប់។ អ្វី​ដែល​យើង​សោក​ស្ដាយ​នោះ គឺ​នៅ​ពេល​ដែល​អ្នក​សារព័ត៌មាន​ត្រូវ​គេ​វាយ​ប្រហារ គឺ​ក្រុម​អ្នក​វាយ​ប្រហារ គឺ​ក្រុម​អ្នក​អត់​យល់​ច្បាប់​សោះ»

    អង្គការ​ឃ្លាំមើល​សិទ្ធិ​មនុស្ស​កម្ពុជា បាន​អំពាវនាវ​ដល់​រដ្ឋាភិបាល​អោយ​គោរព​សេរីភាព និង​ធានា​សុវត្ថិភាព​អ្នក​សារព័ត៌មាន។ មជ្ឈមណ្ឌល​សិទ្ធិ​មនុស្ស​កម្ពុជា និង​សមាគម​ការពារ​សិទ្ធិមនុស្ស​អាដហុក (ADHOC) ជំរុញ​អោយ​រដ្ឋាភិបាល​ចេញ​បញ្ជា​ភ្លាមៗ អោយ​កងកម្លាំង​អាជ្ញាធរ​បញ្ចៀស​ការ​ដៅ​មុខសញ្ញា​លើ​អ្នក​សារព័ត៌មាន និង​ស៊ើបអង្កេត​រាល់​ការ​ប្រើ​ហិង្សា​លើ​អ្នក​សារព័ត៌មាន។

    ​សម្រាប់​ឆ្នាំ​២០១៤ នេះ អង្គការ​ឃ្លាំមើល​សេរីភាព​សារព័ត៌មាន ឈ្មោះ  ហ្វ្រីឌឹម ហោស (Freedom House) បាន​ចាត់​ថ្នាក់​ប្រទេស​កម្ពុជា ជាប់​លេខ​រៀង​ទី​១៤៧ ជា​ប្រទេស​គ្មាន​សេរីភាព​ក្នុង​ចំណោម​ប្រទេស​១៩៧។ គិត​មក​ត្រឹម​ឆ្នាំ​២០១៤ នៅ​កម្ពុជា មាន​អ្នកសារព័ត៌មាន​ចំនួន ១២​នាក់​ត្រូវ​បាន​សម្លាប់៕

    កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។ ប្រភពដើមពី វិទ្យុអាស៊ីសេរី

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ផ្តាំទៅលោក អ៊ុករ៉ាប៊ុន រដ្ឋមន្រ្តីក្រសូងកសិកម្មផងថា ឈើក្រញូងចាប់ផ្តើមចេញទៀតហើយ   អាន1241ដង ពលរដ្ឋចោទថាសង្កាត់រដ្ឋបាលព្រៃឈើអង្គស្នួលជម្រិតទាប្រាក់ពីអ្នកដឹកធ្យូងអុស ហើយឆ្លើយដាក់?...    អាន764ដង អគ្គិភ័យបានឆាបឆេះផ្ទះពីរខ្នង ក្នុងរដូវបុណ្យចូលឆ្នាំចិន និង វៀតណាម   អាន709ដង សាសព្វបុរសជនជាតិបរទេសលង់ទឹកស្លាប់ក្នុងស្ទឹងសៀមរាប   អាន696ដង សមត្ថកិច្ច និង តុលាការចុះឆែកឆេរកន្លែងកែឆ្នៃរថយន្តខុសបច្ចេកទេស តែត្រូវបានលោកផ្កាយបីនៅក?...    អាន1601ដង គោយន្តកន្រ្តៃដឹកឈើដូចហែកឋិនឆ្លងកាត់ស្រុកវ៉ារិនគ្មានអ្នកបង្រ្កាប   អាន703ដង រថយន្ត សាន់យ៉ុង និងនីកសាន់ ដឹកឈើចូលក្រុងសៀមរាបស្ទើបាក់ថ្នល់គ្មានអ្នកបង្រ្កាប   អាន647ដង ប៉ូលិស​ឃុំ​ខ្វាវ​ខេត្តសៀមរាប​បាញ់​យុវជន​ម្នាក់​​​ឱ្យ​រង​របួស​ដោយ​ស្មាន​ថា​ចោរ   អាន771ដង តុលាការ​កោះ​ហៅ​តំណាង​យុវជន​បក្ស​សមរង្ស៊ី​ឲ្យ​ចូល​បំភ្លឺ​នៅ​ថ្ងៃ​៧ ធ្នូ   អាន52ដង ប្អូនស្រី​នាយិការ​ទូរទស្សន៍​ខ្សែ​កា​ប្លិ៍​រស្មី​ស្តារ​ចុះ​ចេញពីផ្ទះទៅ​តាម​ប្រុស​ស្ន?...    អាន1102ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    វិប្បត្តិស្នេហ៍ចាស់នៅក្រោមដើមជ្រៃ (មានសម្លេង)ពាក្យ​ស្លោក​មួយ​បាន​ពោលថា​​ កូលាប​តែង​មាន​បន្លា រី​ឯ​ស្នេហា​តែ​ង​មាន​ឧប្បសក្តិ អ្នក​ខ្លះ​មាន​ស្នេហា​មាន​សេច​ក្តី​សុខ អ្នក​ខ្លះ​មាន​ស្នេហា​បែ​ជា​មាន​ទុក្ខ​ ដោយ​សា​ការ​ព្រាត់​ប្រាស​ បែក​បាក់​ មិន​ទទួល​ប...Read more
    ក្រុមក្មេងទំនើងពីរក្រុម មើលមុខឌឺដងកាប់គ្នារបួសធ្ងន់ពីរនាក់ក្រុម​ក្មេងទំនើង​ពីរ​ក្រុម បាន​បើកឆាក​ប្រយុទ្ធ​គ្នា​យ៉ាង​ស៊ីសាច់​ហុតឈាម បន្ទាប់ពី​មាន​ការ​ឌឺដង​ដាក់គ្នា​ទៅវិញទៅមក បណ្តាល​ឲ្យ​អ្នកចាញ់​២​នាក់ របួស​ធ្ងន់ធ្ងរ ត្រូវ​បញ្ជូន​សង្គ្រោះ​នៅ​មន្ទីរពេទ្យ​។ ចំណែក...Read more
    ចេងដារ៉ាវវុធ៖ សូមសម្តេចតេជោហ៊ុនសែននាយករដ្ឋមន្រ្តីជាទីគោរពដ៏ខ្ពង់ខ្ពស់! មេត្តាផ្ដល់យុត្តិធម៌អំពីការដកតួនាទីនិងតវ៉ាលុបឈ្មោះពីមន្ត្រីរាជការរបស់ក្រសួងសង្គមកិច្ចសូមសម្តេចតេជោហ៊ុនសែននាយករដ្ឋមន្រ្តីជាទីគោរពដ៏ខ្ពង់ខ្ពស់! មេត្តាផ្ដល់យុត្តិធម៌អំពីការដកតួនាទីនិងតវ៉ាលុបឈ្មោះពីមន្ត្រីរាជការរបស់ក្រសួងសង្គមកិច្ច ...Read more
    ប្រជាពលរដ្ឋកម្ពុជាកំពុងជួបជុំនៅមុខស្ថានទូតអាមេរីកដើម្បីដាក់ញត្តិប្រឆាំងការទទួលយកជនភៀសខ្លួនយោង​តាម​បណ្តាញ​សង្គម (Face Book) នៅព្រឹកថ្ងៃទី១៧ ខែតុលា ឆ្នាំ២០១៤នេះបាន​អោយ​ដឹងថា  មាន​ក្រុម​ប្រជាពលរដ្ឋកម្ពុជា ជាច្រើនសន្ធឹកសន្ធាប់​ បានមកជួបជុំគ្នានៅមុខស្ថានទូតសហរដ្ឋ​អាមេរីក ក្នុង​ទីក្រុង...Read more
    កីឡាករកីឡាការីនី ជាតិអន្តរជាតិ១៨រូបមកពី៩ប្រទេសនិងធ្វើការប្រកួតនៅយប់ថ្ងៃទី១២នេះកីឡាករ​-​កីឡាការិនី​ជាតិ និង​អន្តរជាតិ​ចំនួន​១៨​រូប មកពី​៩​ប្រទេស ដែល​ត្រូវ​ចូលរួម​ប្រកួត​ក្នុង​ព្រឹត្តិការណ៍​ប្រដាល់​ក្នុង​ទ្រង់​ទ្រាយ​ជា​លក្ខណៈ​អន្តរជាតិ One FC: Rise of the Kingdom បាន​ថ្លឹង​ទម្ងន់...Read more
    សេចក្តីជូនដំណឹងរបស់ អគ្គលេខាធិការដ្ឋានព្រឹទ្ធសភាអគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា​ នាថ្ងៃសុក្រទី១០ ខែតុលាឆ្នាំ២០១៤ វេលាម៉ោង៨ព្រឹកព្រឹទ្ធសភា នៃ​ព្រះរាជាណាចក្រ​កម្ពុជា និងបើកសម័យ​ប្រ​ជុំវិសមញ្ញព្រឹទ្ធសភានីតិកាលទី៣ (​ស...Read more
    ក្រុម​ហ៊ុន​ សុខ​សំ​ណាង ​​កំពុងដឹកឈើលើស​ទម្ងន់បំផ្លាញផ្លូវថ្នល់តាម​ប្រភព​ព័ត៌មានបានឲ្យដឹងថា ក្នុង​រយៈពេល​ប៉ុន្មាន​ឆ្នាំនេះ ក្រុមហ៊ុន សុខ សំណាង ដែល​ទទួលបាន​សិទ្ធិ រកស៊ី​ឈើ​ក្នុង​ទ្រង់ទ្រាយ​ធំ បន្ត​ពី​ក្រុមហ៊ុន ដា​តា រ៉ាប់​ប៊ើ និង​ក្រុមហ៊ុន ...Read more
    អភិបាល​ខេត្ត​បន្ទាយមានជ័យ​ ព្រមាន​ប្រធាន​មន្ទីរ​ទេសចរណ៍​ខេត្ត​ពី​ភាពមិនច្បាស់លាស់​ការងា​រ មិន​ដែល​មក​ធ្វើការ​រវល់​នៅតែ​ភ្នំពេញ​ប្រធាន​មន្ទីរ​ទេសចរណ៍​ខេត្ត​បន្ទាយមានជ័យ លោក ជុង ឡឹម បាន​រង​ការ​អា​មាស​យ៉ាងខ្លាំង ក្នុង កិច្ចប្រជុំ​មួយ ត្រូវបាន​លោក គោ​ស៊ុំ សារឿ​ត អភិបាលខេត្ត​ព្រមាន​ពី​រឿង​អសកម្ម​មួយចំនួន​នៅក្នុង​មន្ទីរ ក្រៅពីនេះ​ក...Read more
    ល្បែងស៊ីសងគ្រប់ប្រភេទ នៅក្រុងសិរីសោភ័ណ រីកដូចផ្សិត គ្មានសមត្ថកិច្ចដេកចាំយកលុយល្បែងស៊ីសង​គ្រប់​ប្រភេទ បាន​កើតមានឡើង​ជាច្រើន​កន្លែង​ក្នុង​ខេត្ត​បន្ទាយមានជ័យ ក្រោយ​ពី​អភិបាលខេត្ត​ថ្មី ស្នងការ​នគរបាល​ថ្មី មេបញ្ជាការ អ ហ ថ្មី ចូលកាន់​តំណែង​មក ពលរដ្ឋ​រិះគន់ថា នៅ​ក្រុង​សិរីសោភ័ណ ជា​ជ...Read more
    លោក ដោ ប៉ូ មេឈ្មួញរកស៊ីដឹកឈើធំជាងគេនៅខេត្តសៀមរាបគ្មានអ្នកហ៊ានបង្រ្កាបលោក ដោ ប៉ូ មេឈ្មួញ​រក​ស៊ី​ដឹក​ឈើ​ដុះ​ស្លែ​ធំមួយ​រូប​ ដែល​នរណា​ៗក៏គេ​ធ្លាប់​ស្គាល់​ឈ្មោះនោះ​បន្ទាប់​ពី​ធ្លាក់​ខ្លួន​ក្រ​កាលពី​ប៉ុន្មាន​ឆ្នាំមុននេះ​ ឥឡូវ​ឡើង​មាន​បាន​ដោយ​សារ​រក​ស៊ី​ដឹក​ឈើ​លើស​ច្បាប់​កំណ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      11891នាក់
    ម្សិលមិញ    34755នាក់
    សប្ដាហ៍នេះ    365203នាក់
    ខែនេះ    551973នាក់
    ឆ្នាំនេះ   2150209នាក់
    សរុប   32816455នាក់
    ថ្ងៃទី 26 ខែ 05 ឆ្នាំ 2019 ម៉ោង 12:39