ព័ត៌មានក្ដៅ

    យិន-ថាវ អាងខ្លួនជាប៉ូលីស និងស្គាល់អ្នកធំច្រើនបានរកស៊ីដឹកឈើហើយគំរាមអ្នកកាសែត

    ដោយៈ ផ្លុង-រ៉េត សៀមរាប ថ្ងៃទី 05 ខែ 10 ឆ្នាំ 2012 វេលាម៉ោង 10:37 នាទី ចំនួនអានៈ 3043

    ឈ្មួញ​រក​ស៊ី​ដឹក​ឈើ​ក្នុង​ខេត្ត​សៀម​រាបទាំង​តូច​ទាំង​ធំ ទាំង​មាន​ច្បាប់ទាំង​អត់​ច្បាប់ ត្រូវ​បាន​បញ្ជប់ នៅ​ពេល​មាន​លោក​ យិន-ថាវអតី​ត​ជា​ថៅ​កែ​សៃ​វេន​ប្រ​ជល់​មាន់​ខ្នាយ​ដែកដ៏ធំក្នុង​ខេត្តសៀមរាប​រូប​នោះ បាន​ក្លាយ​ជា​ថៅ​កែ​រក​ស៊ី​ដឹក​ឈើ ពី​ស្រុក​អន្លង់​វែងខេត្ត​ឧត្តរ​មាន​ជ័យ និង​ពី​ស្រុកបនទ្ទាយ​ស្រី ស្រុក​វារិនខេត្ត​សៀមរាប ដោយ​កាត់​ច្បាប់​តិច​ទូចពី​រដ្ឋ​បាល​ព្រៃ​ឈើ តែ​ដឹក​រាប់​ពាន់​ម៉ែត្រគូប និង​ប្រ​មូល​ទិញ​ឈើ​ពី​សង្គម​ងងឹងរាប់​សិប​ម៉ែត្រគូប ស្តុកក្នុង​ដេប៉ូក្រៅ​ផ្លូវ​ការទុក​ចែក​ចាយ​ក្នុង​ខេត្តសៀមរាប។

    កាល​ពី​ថ្ងៃ​ទី04 ​ខែសីហា​ឆ្នាំ2012​ វេលា​ម៉ោង9​ព្រឹកលោក សេន-លន ​ជា​នាយ​រង​សង្កាត់​រដ្ឋបាល​ព្រៃឈើ​កន្ទួត​ខ្នា​ក្រៅ​បាន​បញ្ជារ​ឲ្យកូន​ចៅ​ទៅ​ចាប់​រថយន្ន​កូរ៉េដឹ​ឈើមួយ​គ្រឿង​​របស់​លោក ​យិន-ថាវ ​ដែល​មាន​ផ្ទុក​​ឈើមុខ​កាត់​ធំៗ (ឈើតាប់) ​យក​មកកាន់​ស្នាក់ការ​រដ្ឋបាល​ព្រៃឈើ​កន្តួត​ខ្នា​ក្រៅ​ តែប្រ​ហែល​២ថ្ងៃ​ក្រោយ​មក​បាត់​ឈើ និង​រថ​យន្ត​​នោះ​ពី​រដ្ឋ​បាល​ព្រៃ​ឈើ​​បាត់​ទៅ​ហើយ។

    ប្រ​ជា​ពលរដ្ឋ​​នៅ​កន្ទួត​ខ្នារ​ក្រៅ ក្នុង​ស្រុក​បន្ទាយ​ស្រី​ ដែល​ជា​កន្លែង​លោក​យិន-ថាវ​ទិញ​ឈើ​នោះ​បាន​ប្រាប់​ថា ​ឈើ​ដែល​លក់​អោយ​លោក​យិន-ថាវ​នេះ មិន​មែន​ឈើ​ក្រញូង​អី​ទេ គឺ​ជា​ប្រ​ភេទ​ឈើសុក្រំ ធ្នង​តែប៉ុណ្ណោះ ហើយ​ឈើ​អស់​នេះ​ប្រ​ជា​ពលរដ្ឋ​ក្នុង​ស្រុក​នេះ ខំ​អារកាត់​បាន​ម្នាក់​១០ដុំ​ ២០ដុំប្រ​មូល​គ្នា៣០-៤០​នាក់​យក​មក​លក់​អោយ​គាត់ មិន​មាន​ម៉ាស៊ីន​រ៉ៃ​ធំៗអាច​កាត់​ឈើ​បាន​ច្រើន​ដូច​ក្រុម​ហ៊ុនឯណា។

    នៅដើម​ខែ​សី​ហាឆ្នាំ​២០១២ លោក​យិន​ថាវ​បាន​ប្រ​កាស​ជា​សាធារ​ណថា លោក​ផ្អាក​កាត់​ច្បាប់​ដឹក​ឈើ មួយ​រយៈនៅ​រដូវ​ភ្លៀង​ធ្លាក់​ ទឹក​ឡើង​ពិ​បាក​ដឹក​ព្រោះ​ជាប់​ឡាន ពេល​ដាក់​ឈើ​ធ្ងន់។

     

    ថ្ងៃទី​៧ខែ​កញ្ញាឆ្នាំ​២០១២វេលា​ម៉ោង​១០​ព្រឹក​ ប្រ​ភព​សុំ​មិន​បញ្ចេញ​ឈ្មោះ​បាន​រាយ​ការ​ថា រថ​យន្ត​ម៉ាក​កូរ៉េ​១តោន​កន្លះ​ ពណ៍ខៀវរបស់​លោក យិន-ថាវ បាន​ដឹក​ឈើមុខ​កាត់​ធំ​ៗ​ដែល​ជា​ប្រ​ភេទ​ឈើសុក្រំ​ ធ្នង់ គគី​បង្កប់​ក្រោម​អុះ ដឹក​ចូលដេប៉ូក្រៅ​ផ្លូវ​ការ​របស់​លោក​ថាវ ក្នុង​ភូមិអញ្ចាញ សង្កាត់​នគរធំ ក្រុង-ខេត្ត​សៀម​រាប។ ប្រ​ភព​រូប​នោះ​បាន​បន្ថែមថា រយះពេល​៤-៥​ថ្ងៃ​នេះ​លោក​ថាវ​ដឹង​៤-៥​ឡាន​ហើយ​តែ​គេ​មិន​បាន​ចាំ​ថ្ងៃណា​ពិត​ប្រា​កដ​នោះទេ។

    ថ្ងៃទី៨ខែឆ្នំា​ដដែល វេលា​ម៉ោង១២​យប់ រថ​យន្ត​កូរ៉េ​ខាង​លើ​របស់ លោក​យិន-ថាវ បាន​ដឹក​ឈើ​លេខ​២​គ្រប​កៅ​​ស៊ូ​ប៉ា​តង់​ពណ៍​ខៀវ ឡើង​សំ​ពីង​សំ​ពោង ចុះ​ពី​ផ្លូវ​ស្រុក​បន្ទាយ​ស្រី កម​ក្រុង​សៀមរាប តាម​ផ្លូវ​ឃុំ​ព្រះ​ដាក់​។

    ព្រឹក​ថ្ងៃទី៩ខែកញ្ញាដដែល អ្នក​យក​ព័ត៌មាន​យើង​បាន​ សាក​សួរទៅ លោក សេន-លន នាយរង​ស្តី​ទី​សង្កាត់​រដ្ឋ​បាល​ព្រៃ​ឈើកន្ទួត​ខ្នារ​ក្រៅ ស្ថិត​ក្នុង​ស្រុក​បន្ទាយ​ស្រី លោក​បាន​បដិសេធថា មួយ​រយៈពេល​នេះ​មិន​ដែល​ឃើញ​លោក​ យិន-ថាវ ដឹក​ឈើឆ្លង​កាត់សង្កាត់លោកទេ។

    ម៉ោង​៣​រសៀលថ្ងៃទី​៩ដដែល លោក​ ងួន អ្នក​កាន់​បញ្ជី​ទិញ​លក់​ឈើ របស់​លោក​យិនថាវ និង​ជា​អ្នកចំា​ចែក​លុយ​ដល់​ស្ថា​ប័ណ​ពាក់​ព័ន្ធចាក់​សាំង​ដាក់​កាតទូរ​ស័ព្ទ បាន​ប្រាប់​អ្នក​យក​ព័ត៌​មាន​យើង​ថា មេ​(ថាវ)​គាត់ផ្អាក​ដឹក​ហើយ​ខែ​ភ្លៀង រឿង​ដឹក​ឈើ​ចូល​ទៀត​គាត់​មិន​ដឹង​ទេ ព្រោះ​គាត់​មួយ​រយៈ​នេះនៅ​ផ្ទះអត់​បាន​ទៅ​ធ្វើ​ការ​អោយ​លោក​ថាវ​ទេ។

    រសៀល​ដដែលនោះ លោក វ៉ា ហៅ​ ចាន់ថុន ដៃ​ស្តាំ​ខាង​រត​​ការ​ឈើ​របស់​លោក​ យិន-ថាវ ដំ​បូងបាន​ប្រាប់​តាម​ទូរ​ស័ព្ទ​ទាំង​រដាក់​រដុបដោយ​មាន​បំ​ណង​លាក់​បាំង​​​ថា មាន​ដឹក​ឈើ​ឯណា​ ដល់​អ្នក​យក​ព៍ត៌មាន​យើង​បញ្ជាក់​ពី​ក្លែង ​និង​ដំ​ណើរ​ដែល​រថ​យន្ត​កូរ៉េ​នោះដឹក​ឈើ​មក ទើ​លោក​ថុន​ឆ្លើយថា ឈើ​របស់​មេថាវ មិន​មែន​របស់​​គាត់(ចាន់​ថុន) ទេ គាត់​មិន​ដែល​រក​ស៊ី​ទេ គឺគ្រាន់​តែ​ជូយ​មើល​អោយ​មេថាវ​​ហ្នឹង​ណា មាន​ឈើ​ឯណាច្រើន​ដឹក​តិច​ទូច​យក​មក​បង្គ្រប់​ធ្វើ​ទ្វា​របង្អួច។

    ថ្ងៃទី៥​ខែ​តុលា​ឆ្នាំ​២០១២វេលា​ម៉ោង​១០​និង​៤០​នាទីព្រឹកនេះ រឺ​ម៉ក​ដឹក​ឈើ​មុខ​កាត់​ធំៗ របស់​លោក​ ថាវ បាន​ដឹក​ចេញ​ពីដេ​ប៉ូនៅ​ភូមិ​អញ្ចាញ​ខាង​លើ យក​មក​លក់​អោយ ដេប៉ូលក់​ឈើ​ដ៏​មហិ​មា​មួយដែល​មាន​យី​ហោ​ ” ដេ​ប៉ូ​ផេម​ផាត់“ ស្ថិត​ក្នុង​ភូមិ​ជន្លង់ សង្កាត់សាលាដំ​រើក ក្រុង-ខេត្ត​សៀមរាប ហើយ​លោក​ ភា​ ម្ចាស់​រឺម៉ក​ជា​អ្នក​ប្រាប់​ថាឈើ​របស់​លោកថាវ។

    ភ្លាម​នោះអ្នក​យក​ព័ត៌​មាន​យើង​បាន​សាក​សួរ​ទៅ​លោក​ថាវ តាម​ទូរ​ស័ព្ទ តែ​ត្រូវ​បាន​លោក​ថាវ សំ​ឡុត​គំរាម​កំ​ហែង​តាម​ទូរ​ស័ព្ទថា​ ”ឈើ​របស់អញ ហើយអញ​​ធ្លាប់​ប្រ​កាស​ថា ផ្អាក​ដឹក​មួយ​រយៈ វាយ៉ាង​មេច ឯង​ចង់​យ៉ាង​មេច​ជាមួយអញ បើ​ឈើ​ហ្នឹង​ជា​របស់អញមែន​? “ រួចក៏បិត​ទូរស័ព្ទ​បាត់ទៅ។

    ដើម្បី​ជៀស​វាង​ការ​ចោទ​ប្រ​កាន់​តាម​ផ្លូវ​ច្បាប់​ដោយ​ប្រ​ការ​ណា​មួយ​នោះ​ អ្នក​យក​ព័ត៌​មាន​យើង​បាន​រាយ​ការ​ជូន​លោក ទី​-សុវិនថាល់ ព្រះ​រាជ​អាជ្ញាសាលា​ដំ​បូង​ខេត្តសៀមរាប​អំ​ពី​សកម្ម​ភាព​ដឹក​ឈើ​របស់​លោក​យិន-ថាវ​ខាង​លើនេះភ្លាមៗ​ បន្ទាប់​ពី​ យិន-ថាវ បាន​សំ​ឡុត​តាម​ទូរស័ព្ទរួច។

    លោក​ព្រះ​រាជ​អាជ្ញា​មាន​ប្រ​សាសន៍ថា អោយ​តែ​អត់​ច្បាប់ចាប់​​ទាំងអស់ គ្មាន​ទុក​យូទេ ហើយ​លោក​ស្គាល់​លោក​យិន​ថាវ​ដែរ​ ថា​លោកថាវជា​ប៉ូលីស​ខាង​ផ្នែក​សន្តិ​សុខ​​ប្រហែល​សត្តិ៍៤កន្លះ​ ឬ​អាច​សត្តិ៍៥ នៅ​ស្នង​ការ​ខេត្ត​សៀមរាប​ ហើយ​ថ្មី​ៗ​នេះ​បាន​គាត់ហ្នឹង(ថាវ)​​ហើយ​ជា​អ្នក​រាយ​ការ​អោយ​ចាប់​ក្រុម​រក​ស៊ី​គ្រឿង​ញៀន​នៅ​ឃុំ​ស្រែ​ណូយ។ លោក​ទី​សុវិន​ថាល់​បន្ថែម​ថា ត្រូវ​ប្រ​យ័ត​ចំ​ពោះ​ពួក​​ខ្មូត ​ប្អូន​ចុះ​ផ្សាយ​ថា ឈើ​គេ​អស់​ច្បាប់ស្រាប់​តែ​ក្រោយ​មកចុះ​ផ្សាយ​រួច ​គេ​យក​ច្បាប់​មក​បង្ហាញថា​មាន​ច្បាប់ បើ​ដឹង​ថាឈើ​អត់​ច្បាប់​ឈរ​ចាំ​កុំ​ទៅ​ណា​ចាំ​គាត់​អោយ​កំ​លាំ​ទៅ​បង្រ្កាប។​​

    ថ្ងៃទី៥ដដែលនេះដែរ​ លោក សេន-លន បាន​ប្រាប់​តាម​ទូរ​ស័ព្ទ​ថា លោក​ខាន​​ឃើញ​លោក​ ថាវ ដឹក​ឈើ​តាម​ដង​ផ្លូវ​លេខ​៦៧​យូដែរ​ហើយ។ លោក​បន្ត​ថា ឈឺ​ក្បាល​ណាស់​ កាល​ប៉ុន្មាន​ថ្ងៃមុនធ្លាប់​មាន​អ្នក​កា​សែត​ផ្សេង​ៗ​ខល​ទៅ​សួរ​គាត់​អំ​ពី​ឡាន​កូរ៉េ​ដឹក​ឈើ​របស់​លោក​ យិន-ថាវ ដែរ តែ​លោក​ចាំ​ចាប់វាមិន​ឃើញមកសោះ។

    លោក​ ទា-គឹម​សុទ្ធ នាយ​ខណ្ឌ​រដ្ឋ​បាល​ព្រៃ​ឈើ​ខេត្ត​សៀមរាប មិន​អាច​សុំ​ការ​បំ​ភ្លឺ​បាន​ទេ​ព្រឹក​ដដែលនេះ ដោយ​អ្នក​យ​ក​ព័ត៌​មាន​យើង​សួរថា ”តើ​មួយ​រយៈ​នេះ​លោក​យិន-ថាវ​មាន​កាត់​ច្បាប់​ដឹក​ឈើ​ទេ?“ តែ​លោក​នាយ​ខណ្ឌ​បែរ​ជា​ឆ្លើយ​ថា ចង់​ដឹង​សួរ​ទៅ​ខាង​បរិស្ថាន​ ព្រោះលោក​ថាវ​​ទិញ​ឈើ​ពី​កន្លែង​ក្បែ​ស្នាក់​ការ​ប​រិ​ស្ថាន​ស្ថិត​ត្រង់​ចំ​ណុច​ត្រពាំង​ក្រសាំង ឃុំ​ស្រែ​ណូយ។

    យើង​មិន​អាច​សុំ​ការ​បំ​ភ្លឺ​ពី​លោក​ ម៉ម-ប៊ុន​ហៀង ប្រ​ធាន​ស្នាក់ការ​បរិស្ថាន​ក្រសួងស្ថិត​ក្នុង​ភូមិ​ត្រពាំង​ក្រសាំង ឃុំ​ស្រែ​ណូយ​ស្រុក​វារិន ខេត្ត​សៀមរាប​​ ជា​កូន​ចៅ​របស់​លោក ហុង-តារាវុធ (ប្រ​ធាន​នា​យក​ដ្ឋាន​អភិ​រក្ស​តំ​បន់​អង្គរ) បានទេ ព្រោះ​លេខ​ទូរ​ស័ព្ទ​ពីរ​ខ្សែ​ដែល​លោក​ធ្លាប់​ប្រើ​ខល​លែង​ចូល​ហើយ។

    ប្រ​ភព​ព័ត៌មាន​ពី​ពល​រដ្ឋ​នៅ​ភូមិ​ត្រពាំ​ង​ក្រសាំ​បាន​រៀប​រាប់​ថា លោក​ថាវ​មិនដែល​ទិញ​ឈើ​ពី​ក្រុម​ហ៊ុន​ដី​សម្បទាន​សេដ្ឋ​កិច្ចអី​ទេ គឺ​ទិញ​ពី​ក្រុម​សង្គម​ងងឹត​ដែល​លួច​កាប់​អារ​នៅ​ត្រ​ពាំង​ក្រសាំ និង​អណ្តូង​បី​ជាប់​ព្រំ​ប្រ​ទល់​ខេត្ត​សៀម​រាប​ ឧត្តរ​មាន​ជ័យ ដែល​ជា​ទឹក​ដី​គូ​លេន​ព្រំ​ទេព ជា​តំ​បន់​ហាម​ឃាត់ ហើយ​កាត់​ច្បាប់​ពី​រដ្ឋ​បាល​ព្រៃ​ឈើ​មិន​បាន​១០​ភាគ​រយ​នៃ​ការ​ទិញ​ដឹក​ជញ្ជូនឈើ​ទាំង​នោះ​​ទេ​។

    ប្រ​ភព​ពី​អ្នក​ដឹក​ឈើ​កំ​បិក​កំ​ប៉ុកតាម​ឡាន​ នីក​សាន់ សាំង​យ៉ុង បាន​អោយ​ដឹង​ថា លោក​ យិន-ថាវ បាន​កាង​​ផ្តេច​មុខ​អំ​ពី​ការ​ដឹក​ឈើក្នុង​​ខេត្ត​សៀម​រាប ដោយ​បញ្ជា​អោយ​អ្នក​ដឹក​ឈើ​ទាំង​អស់​ត្រូវ​យក​មក​លក់​អោយគាត់ ចាំ​គាត់​ចែក​ចាយ​បន្ត​ក្នុង​ខេត្ត​សៀម​រាប បើ​អ្នក​ណា​មិន​លក់​អោយ​គាត់​ទេ គាត់​និង​អោយ​គេ​ចាប់​អោយ​ខាន​តែ​បាន​ ពេល​ដឹក​ឈើ​មក​ក្រុង​សៀម​រាប។ ប្រ​ភពលួច​ខ្សឹមទៀត​ថា ឈើ​ដែល​ដឹក​លក់​រាល់​ថ្ងៃ​នេះ គឺ​លួច​ទិញ​ពី​អ្នក​ដឹក​អត់​ច្បាប់។

    ប្រ​ភព​ព័ត៌​មាន​តាម​តុ​កាហ្វេ​មិន​ទាន់​ជា​ផ្លូវ​ការ​ បាន​អោយ​ដឹង​ថា បាន​ជា​លោក​ យិន-ថាវ រក​ស៊ី​ដឹក​ឈើ​បាន​ដោយ​រលូគ្មាន​សមត្ថកិច្ច ឬ​មន្រ្តី​ជំ​នាញ​ណា​ហ៊ាន​ក្អកនោះ ព្រោះ​ទី​១-លោក​ថាវ​ អា​ង​ក្លួន​ជា​ប៉ូ​លីស​ស្នង​​ការ​ដ្ឋាន​ខេត្ត​សៀមរាប មានបុណ្យ​សត្តិ៍ធំគ្រាន់​បើ​ដែរ​​ ដែល​ជា​កូន​ចៅ​ជំនិត​របស់​លោក​សត​-ណាឌីស្នង​ការខេត្ត ទី-២​គាត់​ជា​អ្នក​ជិត​ដិត​ជា​មួយ​លោក ស៊ូ-ភិរិន្ទ អភិបាល​ខេត្តសៀមរាប ទី-៣ ថាវ​ធ្លាប់​អួត​ថា ស្គាល់​ថ្នាក់ដឹក​នាំរង​ៗ​នៅ​អង្កភាព​ប្រ​ឆាំង​អំ​ពើពុក​រលួយដូច​បង​ប្អូន ទី-៤ លោក​ ហុង-តារាវុធ ប្រ​ធាន​នា​យក​ដ្ឋាន​អភិ​រក្ស​តំ​បន់​អង្គរ ​ជា​ខ្មួយ​របស់គាត់ទៀត ទី-៥ គាត់អួតថា គាត់មាន​លុយ​ច្រើនអាច​ចំ​ណាយ​អោយ​គ្រប់​សមត្ថកិច្ច​ពាក់​ព័ន្ធពេល​មាន​រឿង​រាវ​។ ប្រ​ភព​តាម​តុ​កាហ្វេដដែលនេះ​បាន​បន្តថា លោក​ថាវ​ធ្លាប់​ព្រមាន​អ្នក​កាសែត​ក្នុង​ខេត្ត​សៀមរាប​ថា អោយ​តែ​អាកាសែត​ណា​ ហ៊ាន​ចុះ​ផ្សាយ​លោក​ នោះ​លោក​នឹង​បុក​លុយ​អោយ​ចាង​ហ្វាង​ដក​ក្បាល​ចោល​​ភ្លាមៗ​។ មែន​វា​ពិត​ដូច​សម្តីរបស់​ យិន-ថាវ​ មែន ព្រោះ​កន្លង​មក​ធ្លាប់​មាន​អ្នក​កាសែត​ប៉ុន្មាន​នាក់​ហើយ ​ដែល​ត្រូវ​បាន​ ចាង​ហ្វាង​ ដកក្បាល​ចោល​ដោយគ្មាន​មូល​ហេតុ ហើយ​​​បើ​តាម​ការ​អង្កេតទៅ​ពួក​នោះ​ធ្លាប់​បាន​ប៉ះ​ពាល់​លោក​យិន​ថាវមែន​។

    យើង​ពុំ​អាច​សុំ​ការ​បំ​ភ្លឺ​ពី​ ឯក​ឧត្ត​ម​ សត-ណាឌី ស្នង​ការ​ខេត្តសៀម​រាបបានទេនៅ​រសៀល​ដដែល​នេះ ​ព្រោះ​​ទូរស័ព្ទ​ខល​ទៅ​ស្ងាត់​ឈឹង គ្មា​លឺ​ឆ្លើយ​សូម្បី​សំ​លេង​ក្រុម​ហ៊ុន តែ​យើង​សូម​ផ្ញើ​សារ​ទៅ​ ឯក​ឧត្ត​ម​ សត-ណាឌី ស្នង​ការ​ខេត្តសៀម​រាប និង​ជា​ពិសេស​ ឯក​ឧត្ត​ម នេត​-សារឿន អគ្គស្នង​ការ​​ដ្ឋាន​នគរ​បាល​ជាតិ មេត្តា​បញ្ជប់​សកម្ម​ភាព​ដឹក​ឈើ​ទាំង​ស្រប​ច្បាប់ និង​មិន​ស្រប​ច្បាប់​របស់​លោក​ ប៉ូលីស​យិន​ថាវទៅទាន ព្រោះ​វា​អាច​ប៉ះ​ពាល់​ដល់​កិត្តិយកដ៏ស្អាត​ស្អំ​របស់​អង្កភាព​ប៉ូលីស នៅ​ក្នុង​ព្រះ​រាជាណា​ចក្រកម្ពុជា​ទាំងមូល ហើយ​វា​ផ្ទុយ​​ពី​ប្រ​សាសន៍ សម្តេច ហ៊ុន-សែន ដែល​តែង​លើក​ឡើង​ថា កុំ​អោយ​សមត្ថកិច្ច​ពាក់​ព័ន្ធទៅ​នឹង​ការ​រក​ស៊ី​ដឹក​ឈើ។

    សូម​បញ្ជាក់​បន្ថែមថា លោក យិន-ថាវ មិន​មែន​មាន​តែ​ឡាន​កូ​រ៉េ​ដឹ​ឈើ​១ទេ គឺ​មាន​ឡាន​កូរ៉េ​ធំតូច​ចា​ច្រើន ហើយ​ដឹក​ឈើ​ចែក​ចាយ ស្ទើរ​គ្រប់​ស្រុក​ក្នុង​ខេត្ត​សៀម​រាប៕ សូម​​ជូយ​ share អត្តបទ​នេះទៅ​ក្នុង​បណ្តាញ Facebook របស់អ្នក ហើយ​បើ​មាន​ចំ​ណាប់​អា​រម្ភអាច​យក​ទៅ​ផ្សាយបន្ត​តាម​តែ​អ្នក​ចូល​ចិត្ត!

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ស្នងការ​ប៉ូលិស​៖ ការ​បំផ្ទុះ​គ្រាប់បែក នៅ​ជាប់​របង​តុលាការ ជា​អំពើ​បង្កចលាចល​សង្គម   អាន654ដង សាលាឧទ្ធរណ៍ដោះលែងលោកម៉មសូណង់ដូនៅថ្ងៃទី១៦   អាន721ដង លោក កែវវ័យ ប្រធានមន្ទីរធនធានទឹកខេត្តពោធិ៍សាត់ព្យាយាមបិទបាំងអំពើពុករលួយរបស់ខ្លួនបើទោះជ...    អាន2255ដង ប្រភពបែកធ្លាយបានប្រាប់ថា អង្ករក្សឬជំនួយការចៅហ្វាយខេត្តបំរុងចចារស្ងាត់ៗយកឡានដឹកឈើចេញព?...    អាន916ដង សេច​ក្តីថ្លែង​ការ​រួម នៃសង្គមស៊ីវិល​កម្ពុជា    អាន818ដង លោកសៀងណាំដឹកឈើធ្វើសាលប្រជុំជិត២ឆ្នាំហើយនៅតែមិនគ្រប់   អាន1044ដង ល្បែងស៊ីសងគ្រប់ប្រភេទ នៅក្រុងសិរីសោភ័ណ រីកដូចផ្សិត គ្មានសមត្ថកិច្ចដេកចាំយកលុយ   អាន1285ដង ផ្ទះប៉ូលិសក្រុងសៀមរាបម្នាក់បើកល្បែងស៊ីសង ត្រូវបានកម្លាំងព្រហ្មទណ្ឌខេត្តបង្ក្រាបឃាត់ខ?...    អាន794ដង រន្ទះចង្រៃប្រល័យនារីក្រមុំ២នាក់   អាន812ដង លោកអគ្គស្នងការនគបាលជាតិគួរតែតំឡើងឋានៈលោក យិនថាវ ជាស្នងការទើបសមព្រោះគាត់ពូកែរកស៊ីដឹកឈើ...    អាន8442ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    អាជ្ញាធរចុះរុះរើផ្ទះប្រជាពលរដ្ឋរស់នៅជិត៣០ឆ្នាំដើម្បីពង្រីកផ្លូវ ដោយគ្មានសំណងមួយកាក់មួយសេនអាជ្ញាធរ​ក្រុង​ ហែរហម​អមដោយ​សមត្ថកិច្ច​ចំរុះ និង​ដឹក​នាំដោយ​លោក សោម សម្បត្តិ អភិបាល​រង​ក្រុង​ទទួល​បន្ទុក​ផ្នែក​សណ្តាប់​ធ្នាប់ និង​ចូល​រួម​ដោយ​កញ្ញា ទីវ គឹមកល្យាណ ព្រះ​រាជ​អា​ជ្ញា​រង​សា​លា​ដំ​បូង​ខេត្ត...Read more
    ជនសង្ស័យ៣នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័ករណីជួញដូរគ្រឿងញៀនក្រុម​ជនសង្ស័យ​៣​នាក់ មាន​០២​នាក់​ប្រើប្រាស់ ម្នាក់​ជួញដូរ​គ្រឿងញៀន ត្រូវបាន​កម្លាំង​នគរបាល​ស្រុក​មង្គល​បូរី ធ្វើការ​ឃាត់ខ្លួន​ក្រោយ​ពី​រកឃើញថា ពួកគេ​បាន​ធ្វើ​សកម្មភាព​លក់​ចែកចាយ​គ្រឿងញៀន និង​ដកហូត​បា...Read more
    អ្នកកាសែត២រូបក្នុងចំណោម៤រូប ត្រូវគេដេញកាប់សម្លាប់ និងបោកកម្ទេចកាមេរ៉ាថតរូបចោលភ្នាក់ងារ​ទូរទស្សន៍​២​ស្ថាប័ន​គឺ​លោក ផូ ប៊ុនថន ភ្នាក់ងារ​ហង្ស​មាស និង​លោក កែ វុទ្ធី ភ្នាក់ងារ ទូរទស្សន៍ប៉ុស្តិ៍​លេខ​៥ ត្រូវបាន​ជន​ស៊ីវិល​ម្នាក់​ចេញពី​ប៉ុស្តិនគរបាល​ការពារ​ព្រំដែន​ចំបក់​នៃ​វ​រះ​៨១៥​ដេញ...Read more
    លោក អ៊ំសំអាន សរសេរលិខិតសុំទោសលោក ហេងសំរិត ប្រធានរដ្ឋសភាលោក អ៊ំសំអាន ​តំណាង​រាស្រ្ត​មក​ពី​គណបក្ស​សង្គ្រោះ​ជាតិ មណ្ឌល​ខេត្ត​សៀមរាប​បាន​សរសេរ​លិខិត​សុំ​ការ​អធ្យ​ស្រ័យ​ពី​លោក ហេង​សំ​រិន ប្រ​ធាន​រដ្ឋ​សភាកម្ពុជាកាល​ពី​ថ្ងៃ​ទី​២៤ ខែកក្កដា ឆ្នាំ២០១៥​ម្សិល​មិញ។ ...Read more
    បទវិភាគ៖ តើសង្គ្រាមអាចកើតឡើងដូចសម្តីលោកហ៊ុនសែនដែរទេបើគណបក្សប្រឆាំងឈ្នះឆ្នោត?នៅ​លើភិភព​លោកនេះ គ្មាន​នរណាម្នាក់​ចង់​អោយ​ប្រ​ទេស​ជាតិមាន​សង្គ្រាម​កើត​ឡើង​នោះទេ សង្គ្រាម​អាច​ធ្វើ​អោយ​ប្រ​ទេស​ជាតិ​ធ្លាក់​ដុន​ដាម​ខាង​ផ្នែក​សេដ្ឋ​កិច្ច សង្គ្រាម​អាច​ធ្វើ​អោយ​មនុស្ស​ស្លាប់​ បែក​បាក់​ព...Read more
    ឈើក្រញូងជិត២តោនត្រូវបានស្ថាប័ណតុលាការបញ្ជាអោយជំនាញរឹបអូសតាមផ្លូវច្បាប់ឈើ​ក្រ​ញូង​ខុស​ច្បាប់​ជិត​២តោន ត្រូវ​បាន​លោក សំរិទ្ធសុខុន ព្រះ​រាជ​អាជ្ញា​រង​អម​សាលា​ដំ​បូង​តំ​ណាង​អយ្យ​ការ បញ្ជា​អោយ​កម្លាំង​រដ្ឋ​បាល​ព្រៃ​ឈើ​ខេត្ត​សៀម​រាប​រឹប​អូស​ទៅ​តាម​ផ្លូវ​ច្បាប់​ នៅ​រសៀល​ថ្ងៃទី...Read more
    សមត្ថកិច្ចចំរុះបង្ក្រាបរបាំងសាច់៣៧០០ម៉ែត្រលបលូ៣២មាត់ និងឃាត់ខ្លួនមនុស្ស៥នាក់លបលូសាច់អួនទំនើប៣២មាត់ និងរបាំងសាច់អួន៧កន្លែង ប្រវែង៣៧០០ម៉ែត្រ ឡុកមួយចំនួន​ទៀត ត្រូវបានលោក ឯក ស៊ុនរស្មី ដឹកនាំសមត្ថកិច្ចចម្រុះ និងប្រជាពលរដ្ឋស្ម័គ្រចិត្តនៅក្នុងសហគមន៍​នេសាទ​ចុះ​បង្រាបបទ​ល្មើសដាក់របាំង...Read more
    លោក ឡាយ ម៉ារីវ៉ូ បានកំពុងដើរតាមគន្លងអគ្គនាយកចាស់លោក​អគ្គនាយកដ្ឋាន​ទូរគមនាគមន៍​កម្ពុជា មិនទាន់​បាន​ធ្វើ​កំណែទម្រង់​ឱ្យបាន​ស៊ីជម្រៅ​ទៅតាម​ទិសដៅ របស់​រាជរដ្ឋាភិបាល​អាណត្តិ​ទី ៥ នៅឡើយ ។ ការគ្រប់គ្រង​នឹង​ដឹកនាំ​របស់​អគ្គនាយក​បច្ចុប្បន្ន​កំពុង​បង្កើត បក្...Read more
    នារីយុវសិស្សម្នាក់ចុះងូតទឹកបឹងយក្សឡោមមិនពាក់អាវពោងត្រូវបានលង់ទឹកស្លាប់នារី​វ័យ​ក្មេង​ម្នាក់​ចុះលេង​ទឹក នៅ​បឹង​យក្ស​ឡោម មិន​បាន​ប្រុង​ប្រ​យ័ត្ន​ពាក់​អាវ​ពោង​ការ​ពារ​លង់​ទឹក​ស្លាប់​​ខណៈ​មក​កំ​សាន្ត​នៅ​ខេត្ត​រត​នគីរីដែល​ធ្វើ​អោយ​មហាជន​ភ្ញាក់ផ្អើល​ចោម​រោម​មើល​ឈូឆរ...Read more
    ម៉ូតូបុកម៉ូតូខ្ទាតទៅកណ្តាលផ្លូវត្រូវយីឌុបកិនពីលើបន្ត បណ្តាលឲ្យស្លាប់ម្នាក់ របួសម្នាក់មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      10886នាក់
    ម្សិលមិញ    34755នាក់
    សប្ដាហ៍នេះ    364198នាក់
    ខែនេះ    550968នាក់
    ឆ្នាំនេះ   2149204នាក់
    សរុប   32815450នាក់
    ថ្ងៃទី 26 ខែ 05 ឆ្នាំ 2019 ម៉ោង 11:53