ព័ត៌មានក្ដៅ

    លោក​ហ៊ុ​សែន ​បញ្ជា​ឲ្យ​អាជ្ញាធរ​ខេត្ត​ព្រះវិហារ​ចាប់អ្នក​​លក់​ដី​រដ្ឋ

    ដោយៈ រំដួល ខេត្ត​ព្រះ​វិហារ ថ្ងៃទី 11 ខែ 10 ឆ្នាំ 2012 វេលាម៉ោង 04:07 នាទី ចំនួនអានៈ 691

    ការ​បែង​ចែក​ដី​សម្បទាន​សង្គម​កិច្ច​ដោយ​គ្មាន​តម្លាភាព ត្រូវ​បាន​អង្គការ​សង្គម​ស៊ីវិល​រិះគន់​ថា កើត​ឡើង​គ្រប់​រូបភាព រួម​មាន​ទាំង​ការ​សូកប៉ាន់​លុយ​កាក់​មួយ​ចំនួន ដល់​អាជ្ញាធរ​សម្រាប់​ទទួល​បាន​ដី​សម្បទាន​សង្គម​កិច្ច ហើយ​ថ្មីៗ​នេះ អ្នក​ភូមិ​នៅ​ឃុំ​កន្ទួត ស្រុក​ជាំក្សាន្ត ខេត្ត​ព្រះវិហារ បាន​ចំណាយ​លុយ​ពី ១.៥០០​ដុល្លារ​ទៅ​ជាង ៣.០០០​ដុល្លារ ដើម្បី​ទិញ​ដី​ពី​ប្រធាន​សមាគម​អេដស៍ ដែល​ទទួល​សិទ្ធិ​ចែក​ដី​សម្បទាន​សង្គម​កិច្ច​ពី​រដ្ឋាភិបាល។

    ការ​ប្រកាស​លក់​ដី​សម្បទាន​សង្គម​កិច្ច​ខុស​ច្បាប់​នេះ ត្រូវ​បាន​លោក ហ៊ុន សែន ប្រកាស​ថា​ជា​សកម្មភាព​ខុស​ច្បាប់។

    ប្រមុខ​រដ្ឋាភិបាល លោក ហ៊ុន សែន បាន​ព្រមាន​ឲ្យ​អាជ្ញាធរ​ខេត្ត​ព្រះវិហារ ចាប់​ខ្លួន​ប្រធាន​សមាគម​ណា​ដែល​រដ្ឋ​បាន​ផ្តល់​ដី​ជា​សម្បទាន​សង្គម​កិច្ច សម្រាប់​ចែក​ជូន​ប្រជាពលរដ្ឋ​ក្រីក្រ តែ​បែរ​ជា​យក​ដី​រដ្ឋ​ទាំង​នោះ​ទៅ​លក់​ខុស​ពី​គោលដៅ។

    ថ្លែង​នៅ​ក្នុង​ពិធី​ចែក​ប័ណ្ណ​កម្មសិទ្ធិ​ដីធ្លី​ជូន​ប្រជាពលរដ្ឋ​ជាង ៥០០​គ្រួសារ នៅ​ស្រុក​ឈូក ខេត្ត​កំពត នៅ​ថ្ងៃ​ទី១០ ខែ​តុលា លោក ហ៊ុន សែន បាន​សង្កត់​ធ្ងន់​ថា បញ្ហា​សមាគម ឬ​អង្គការ​បង្កើត​ឡើង​ដើម្បី​ស្នើសុំ​ដី​ពី​រដ្ឋ​ធ្វើ​ជា​ដី​សម្បទាន​សង្គម​កិច្ច​កន្លង​មក សម្រាប់​ចែក​ជូន​ប្រជាពលរដ្ឋ​ក្រីក្រ មិន​គួរ​ឲ្យ​មាន​នោះ​ទេ។ លោក ហ៊ុន សែន បន្ត​ថា មាន​អ្នក​ភូមិ​នៅ​ខេត្ត​ព្រះវិហារ បាន​មក​តវ៉ា​ដីធ្លី​នៅ​មុខ​ផ្ទះ​គាត់ ដែល​មាន​ទំនាស់​ជាមួយ​សមាគម​អេដស៍​មួយ​នៅ​ទីនោះ។ អង្គការ​អេដស៍​នោះ ទទួល​ដី​សម្បទាន​សង្គម​កិច្ច​ពី​រដ្ឋ សម្រាប់​ចែក​ជូន​ឲ្យ​ប្រជាពលរដ្ឋ តែ​បែរ​ជា​យក​ដី​ទៅ​លក់​ឲ្យ​ប្រជាពលរដ្ឋ​ខុស​ច្បាប់។

    លោក ហ៊ុន សែន បាន​ចោទ​ជា​សំណួរ​ថា តើ​ចៅហ្វាយ​ខេត្ត​ព្រះវិហារ ទៅ​ណា​អស់​ហើយ ទើប​មិន​ដោះស្រាយ​ទំនាស់​ដី​ឲ្យ​អ្នក​ភូមិ? ចាំបាច់​ឲ្យ​អ្នក​ភូមិ​ឡើង​មក​តវ៉ា​នៅ​មុខ​ផ្ទះ​របស់​គាត់។ លោក ហ៊ុន សែន ក៏​បាន​បញ្ជា​ឲ្យ​អាជ្ញាធរ​ចាប់​ខ្លួន​ប្រធាន​សមាគម​ដែល​បាន​យក​ដី​រដ្ឋ​ទៅ​លក់​ឲ្យ​ប្រជាពលរដ្ឋ​នោះ​ដែរ៖ «អា​អ្នក​ដែល​ថា​ឲ្យ​ដី​ធ្វើ​ជា​ដី​សង្គម​កិច្ច​ចែក​ឲ្យ​ប្រជាជន បែរ​ជា​យក​ដី​ទៅ​លក់ អា​ហ្នឹង​ត្រូវ​វៃ​ខ្នោះ​វា​ទើប​វា​ត្រូវ ត្រូវ​វៃ​ខ្នោះ​វា ហើយ​ឮ​ថា​ឧកញ៉ា អី​គេ​ផង ហើយ​ទីប្រឹក្សា​អី​គេ​ទៀត កុំ​ថា​លោក​ឯង​ពាក់​ត្រឹម​ផ្កា ពាក់​លោក​ខែ​ក៏​ត្រូវ​ដែរ»

    លោក ហ៊ុន សែន បន្ត​ថា ការ​ផ្តល់​ដី​សម្បទាន​សង្គម​កិច្ច​ទៅ​ឲ្យ​ស្ថិត​ក្រោម​ការ​គ្រប់គ្រង​របស់​អង្គការ ឬ​សមាគម យូរៗ​ទៅ​វា​នឹង​ក្លាយ​ជា​ដី​ឯកជន ហើយ​ដី​ឯកជន​ទាំង​នោះ​នឹង​ត្រូវ​លក់​ដោយ​ខុស​ច្បាប់។

    លោក អ៊ំ ម៉ារ៉ា អភិបាល​ខេត្ត​ព្រះវិហារ មិន​អាច​សុំ​ការ​អត្ថាធិប្បាយ​បាន​ទេ នៅ​ថ្ងៃ​នេះ ដោយ​លោក​ប្រាប់​ថា​កំពុង​ជាប់​ប្រជុំ។

    ការ​ព្រមាន​ឲ្យ​មាន​ការ​ចាប់​ខ្លួន​ប្រធាន​អង្គការ​ដែល​ជាប់​ពាក់ព័ន្ធ​យក​ដី​រដ្ឋ ទៅ​លក់​ឲ្យ​អ្នក​ភូមិ​នេះ ធ្វើ​ឡើង​តែ​មួយ​ថ្ងៃ​ប៉ុណ្ណោះ ក្រោយ​ពី​មាន​អ្នក​ភូមិ ១៧០នាក់ តំណាង​ឲ្យ​អ្នក​ភូមិ ៣៩១គ្រួសារ នៅ​ឃុំ​កន្ទួត ស្រុក​ជាំក្សាន្ត ខេត្ត​ព្រះវិហារ បាន​នាំ​គ្នា​មក​តវ៉ា​រឿង​ទំនាស់​ដីធ្លី​នៅ​មុខ​ផ្ទះ​របស់​លោក ហ៊ុន សែន ក្បែរ​វិមាន​ឯករាជ្យ កាល​ពី​ថ្ងៃ​ទី៩ ខែ​តុលា ដែល​មាន​ជម្លោះ​ជាមួយ​លោក ប៉ែន លឹម ប្រធាន​អង្គការ​ស្រាវជ្រាវ​ទប់ស្កាត់​គ្រឿង​ញៀន និង​ជំងឺ​អេដស៍។

    លោក ប៉ែន លឹម បាន​ទទួល​ដី​សម្បទាន​សង្គម​កិច្ច​ពី​រដ្ឋ​ទំហំ ៥៥៦​ហិកតារ តាំង​ពី​ឆ្នាំ​២០០៨ សម្រាប់​ចែក​ជូន​ប្រជាពលរដ្ឋ​ក្រីក្រ។

    អ្នកស្រី សាត សាវឿន តំណាង​អ្នក​ភូមិ​នៅ​ឃុំ​កន្ទួត ដែល​បាន​ឡើង​មក​តវ៉ា​ដីធ្លី​នៅ​មុខ​ផ្ទះ​លោក ហ៊ុន សែន ឲ្យ​ដឹង​ថា លោក ប៉ែន លឹម មិន​បាន​ចែក​ដី​សង្គម​កិច្ច​ដល់​អ្នក​ភូមិ​ទេ តែ​បាន​យក​ដី​លក់​ក្នុង​មួយ​ប្លង់​ទំហំ ៣០​គុណ​៥០ម៉ែត្រ តម្លៃ​ពី ១.៥០០​ដុល្លារ​ដល់​ជាង ៣ពាន់​ដុល្លារ ហើយ​ក្នុង​មួយ​ប្លង់ មាន​រហូត​ពី ៣​ទៅ ៥ម្ចាស់ ទើប​បង្ក​ឲ្យ​មាន​ទំនាស់​កើត​ឡើង៖ «បញ្ហា​អ្នក​ទិញ​ហ្នឹង អ្នក​ទិញ​ឈ្លោះ​គ្នា​ម្ង៉ៃៗ​ចង់​កាប់​ចង់​ចាក់​គ្នា​អូន។ ហើយ ប៉ែន លឹម អត់​ចេញ​មុខ​មក​ដោះស្រាយ​ទេ គឺ​គេច​រហូត»

     មិន​អាច​ទាក់​ទង​លោក ប៉ែន លឹម បាន​ទេ នៅ​ថ្ងៃ​ទី១០ ខែ​តុលា តែ​លោក ប៉ែន លឹម ធ្លាប់​ប្រាប់​ថា កាល​ពី​ថ្ងៃ​ទី៨ ខែ​តុលា កន្លង​ទៅ​ថា លោក​ច្រាន​ចោល​ចំពោះ​ការ​ចោទ​ប្រកាន់​របស់​អ្នក​ភូមិ។ លោក​បាន​ពន្យល់​ថា ដី​សម្បទាន​សង្គម​កិច្ច​ដែល​គាត់​បាន​ទទួល​ទំហំ ៥៥៦​ហិកតារ​ពី​រដ្ឋ​នោះ បាន​ចែក​ជូន​ប្រជាពលរដ្ឋ​ក្រីក្រ​ទំហំ ១.២១៩​គ្រួសារ​រួច​ហើយ ហើយ​អ្នក​ភូមិ​ដែល​ឡើង​ទៅ​ប្ដឹង​នៅ​ផ្ទះ​លោក ហ៊ុន សែន នោះ ជា​អ្នក​អានាធិបតេយ្យ​រស់នៅ​ខុស​ច្បាប់៖ «ខ្ញុំ​ចែក​ឲ្យ​ប្រជាពលរដ្ឋ​អស់​ហើយ ហើយ​ប្រសិន​ណា​ជា​អាជ្ញាធរ​ខេត្ត អាជ្ញាធរ​ស្រុក គាត់​ដក​ពី​ប្រជាជន​ដែល​រស់នៅ​រាល់​ថ្ងៃ ដេញ​ប្រជាជន​ចេញ ហើយ​ឲ្យ​ប្រជាជន​អានាធិបតេយ្យ ក៏​ឲ្យ​ទៅ​វា​រឿង​របស់​គាត់»

    លោក ឡោ ចាន់ អ្នក​សម្រប​សម្រួល​អង្គការ​អាដហុក ប្រចាំ​ខេត្ត​ព្រះវិហារ ឲ្យ​ដឹង​ថា តាម​ការ​ស្រាវជ្រាវ​ឃើញ​ថា ក្រោយ​ពី​លោក ប៉ែន លឹម ទទួល​ដី​សម្បទាន​សង្គម​កិច្ច​ពី​រដ្ឋាភិបាល​ទំហំ ៥៥៦​ហិកតារ​ហើយ លោក ប៉ែន លឹម មិន​បាន​ធ្វើ​តាម​គោលការណ៍​នៃ​ការ​ស្នើសុំ​របស់​លោក​ទុក​សម្រាប់​ចែក​ជូន​ប្រជាពលរដ្ឋ​ក្រីក្រ និង​មាន​ការ​ខ្វះ​ខាត​ទេ។ លោក​បន្ត​ថា លោក ប៉ែន លឹម បាន​យក​ដី​សម្បទាន​ទាំង​នោះ ទៅ​ចាត់​ចែង​ពិត​មែន តែ​ទៅ​ចាត់​ចែង​លក់​ទៅ​ឈ្មួញ លុះ​ឈ្មួញ​ទាំង​នោះ​មិន​នៅ លោក ប៉ែន លឹម បាន​យក​ដី​ដដែល​នោះ​ទៅ​លក់​ឲ្យ​អ្នក​ផ្សេង​ទៀត រហូត​ធ្វើ​ឲ្យ​ដី​មួយ​ប្លង់​មាន​ដល់ ៥​ទៅ ៦ម្ចាស់​ក៏​មាន៕ ប្រ​ភពពី CCKNEWS

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ពលរដ្ឋប្ដឹងក្លឹបហ៊ីបហបនៅសៀមរាបជាថ្មីរឿងចាក់ធុងបាសឮខ្លាំងៗនៅពេលយប់   អាន1911ដង តំណាងរាស្រ្តគណបក្សសង្គ្រោះជាតិមកកាន់បិណ្ឌនៅខេត្ត សៀមរាបខណៈរដ្ឋសភាបើកអង្គប្រជុំលើកដំប?...    អាន791ដង សុខភាព: សាច់ឆ្កែអាចធ្វើអោយអ្នកទទួលទានឆ្លងជំងឺបីប្រភេទ   អាន23700ដង មន្ត្រីនគរបាលខេត្តសៀមរាបម្នាក់ ស្នើរសុំអភិបាលខេត្តសៀមរាបជួយពន្លឿនការដោះស្រាយ ក្រុមហ៊ុ...    អាន4180ដង សមត្ថកិច្ចបង្រ្កាបទីតាំងមួយកន្លែងលួចផលិតគ្រឿងញៀននៅស្រុកភ្នំស្រួច   អាន794ដង ក្រសួងមហាផ្ទៃយល់ព្រមអោយគណបក្ស​សង្គ្រោះជាតិធ្វើ​បាតុកម្មបីថ្ងៃ   អាន590ដង ព្រះសង្ឃ​ជាង​៥ពាន់​អង្គ​សូត្រ​ធម៌​ឧទ្ទិស​កុសល​ថ្វាយ​ព្រះ​មហា​វីរក្សត្រ   អាន743ដង អ្នកកាសែតភ្នំពេញប៉ុស្តិ៍ម្នាក់ បើកសាលាបង្រៀនភាសាអង់គ្លេសនិងកុំព្យូទ័រមិនយកប្រាក់   អាន1332ដង មេ​បញ្ជាការ​ទ័ព​២​នាក់​នៅ​បន្ទាយមានជ័យ​រង​ការ​ប្ដឹង​ចោទ​ថា​ជួញ​ដូរ​ឈើ​គ្រញូង​និង​ពុ?...    អាន649ដង សមត្ថកិច្ចចំរុះចុះរឹបអូសឈើក្រញូងបានជាង៣តោននិងរថយន្ត២គ្រឿង   អាន615ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនទៅលក់នៅប្រទេសវៀតណាម តាមច្រកទ្វារព្រំដែនស្រុកអូរយ៉ាដាវ ឡេថាញ់ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនយ៉ាងគំហុកអាណាធិបតេយ្យទៅប្រទេសវៀតណាមតាមរយៈរថយន្តសាំយ៉ុង និងរថយន្តស៊េរីទំនើបដូចជា លុច្សស៊ីស បាឡែន ធុនត្រា ឡង់គ្រីស័រ ហាយឡែនដ័រជា...Read more
    តុលាការសម្រេចឃុំខ្លួនលោក សុខប៊ុន ដាក់ពន្ធនាគារបណ្តោះអាសន្នករណីប្រើអំពើហិង្សាលើកញ្ញាសាសាយោង​តាម​មន្ត្រី​តុលាការថ្លែងអោយ​ដឹង​ថា នៅ​រសៀល​ថ្ងៃ​ទី​១៨ ខែកក្កដា ឆ្នាំ​២០១៥ លោក លាង​សំ​ណាត់ ចៅក្រម​ស៊ើបសួរ​សាលាដំបូង​រាជធានី​ភ្នំពេញ បាន​សម្រេច​ឃុំខ្លួន​លោក សុខ ប៊ុន អតីត​ប្រធាន​ក្រុមហ៊ុន TEHO Devel...Read more
    បទវិភាគ៖ ប៉ុន្មានឆ្នាំចុងក្រោយនេះគេមើលឃើញថាលោក ហ៊ុនសែន រាសីស្រុតចុះ ឬយីអ៊ុនដាក់ប្រជា​ជន​ខ្មែរមួយចំនួន​តែង​មាន​ជំនឿថា បើ​ថ្ងៃខែឆ្នាំណាគេ​រក​ស៊ី​មាន​បានទ្រព្យ​ធន​ហូរចូល​ ឡើង​បុណ្យឡើង​សក្តិ ឡើង​ប្រាក់ខែ នោះ​គេ​តែង​និយាយថា ថ្ងៃខែឆ្នាំនេះរាសីឡើងខ្ពស់ ឬយីអ៊ុនឡើង តែ​បើ​គេ​រក​ស៊ី​ខាត​បង...Read more
    សេចក្តីជូនដំណឹងយើង​ខ្ញុំ​ចាង​ហ្វាង​សារព័ត៌មាន កម្ពុជា​សុវណ្ណភូមិ មាន​កិត្តិយស​សូម​​ជំ​រាបជូន​ដំ​ណឹង​ដល់​សា​ធា​រ​ណជន អាជ្ញាធរដែនដី និង​មន្ត្រី​រាជ​ការ​គ្រប់​ជាន់​ថ្នាក់​អោយ​បាន​ជ្រាប​ថា អង្គភាព​សារព័ត៌មាន ​កម្ពុជា​សុ...Read more
    ប៉េអឹមស័ក្ត២ម្នាក់វៃស្រីម៉ាស្សា និងបង្កអោយខូចខាតទ្រព្យសម្បត្តិ តែគ្មានសមត្ថកិច្ចណាហ៊ានឃាត់ខ្លួនឡើយនៅ​ម៉ោង​ប្រ​ហែល​១១​យប់​ថ្ងៃទី២០ ខែវិច្ឆកា ឆ្នាំ២០១៥ មាន​ប៉េអឹម​​ស័ក្ត២ម្នាក់​​​ឈ្មោះ មិត្តសៅ អត្តលេខ ០៥១០៦៩ បាន​ប្រើ​អំ​ពើ​ហឹង្សា​ទៅ​លើ​ស្ត្រី​ម៉ាស្សា​ ដែល​ហាង​មាន​យី​ហោ ម៉ារ៉ាឌីម៉ាស្សា ស្ថិត​នៅ​ភូមិត...Read more
    ពិធីប្រកាសផ្ទេរមុខតំណែងមេបញ្ជាការកងរាជអាវុធហត្ថខេត្តសៀមរាបនៅ​ព្រឹក​ថ្ងៃទី១២ ខែឧសភា ឆ្នាំ២០១៥នេះ ពិធីប្រកាសផ្ទេរមុខ​តំណែង​មេបញ្ជាការកង​រាជ​អាវុធហត្ថ​​ខេត្ត​សៀមរាប បាន​ធ្វើ​ឡើង​នៅ​ទីបញ្ជាការកង​រាជអាវុហត្ថ​ខេត្ត ក្រោម​អធិបតីភាពរបស់ឯកឧត្តម​ សៅ សុខា មេបញ្ជាការ​រង...Read more
    បទវិភាគ៖ អ្នកមានលុយមកធ្វើនយោបាយ និងអ្នកមកធ្វើនយោបាយដើម្បីលុយនៅ​ក្នុង​ប្រ​ទេស​នីមួយៗ​ មាន​មនុស្ស​រស់​នៅ​ចំរុះ​ជាតិសាសន មាន​អ្នក​ក្រ​មាន​អ្នក​មាន​ អ្នក​តូច​អ្នក​ធំ​ អ្នក​ខ្ពស់​អ្នក​ទាប មាន​អ្នក​ចេះ​មាន​អ្នក​ល្ងង់ មាន​អ្នក​ស្នេហាជាតិ​មាន​អ្នក​បំផ្លាញជាតិ មាន​អ្នក...Read more
    និស្សិតប្រកាសធ្វើបដិវត្តន៍ពណ៌ក្នុងហ្វេកប៊ុកដែលត្រូវសមត្ថកិច្ចចាប់ខ្លួនបដិសេធមិនផ្តល់ចម្លើយយោង​តាម​ប្រ​ភព​ព័ត៌​មាន​បាន​អោយ​ដឹងថា យុវជន​​​ក្លាហាន​ជា​និស្សិត​សកល វិទ្យា​ល័យ​ខេមរៈ ម្នាក់​កំពុង​ជាប់ពន្ធនាគារ​ព្រៃ​ស រឿង​ប្រកាស​ធ្វើ​បដិវត្តន៍​ពណ៌​ក្នុង​បណ្តាញ​ទំនាក់ទំនង​សង្គម​ហ្វេ​ក​ប៊ុ​ក បដិសេធ​...Read more
    ខ្យល់កន្ត្រាក់មួយពព្រិចភ្នែកធ្វើអោយផ្ទះ៧៦ខ្នងរលំខ្ទិចខ្ទី និងបំផ្លាញផលដំណាំមួយចំនួនតែមួយពព្រិចភ្នែកផ្ទះជាង៧០ខ្នង ព្រមទាំងដំណាំកៅស៊ូ ចន្ទីត្រូវរងការខូចខាត និងមនុស្សប្រុស​ស្រី​ចំ​នួ​ន​៥នាក់រងរបួសធ្ងន់ស្រាល ក្នុងករណីខ្យល់កន្ត្រាក់ដ៏ធំ ​គ្របដណ្ដប់លើ​៣ឃុំ ក្...Read more
    ដើមរាំងទឹកនៅជុំវិញបឹងទន្លេសាបប្រឈមនឹងការលួចកាប់យកទៅលក់ក្រៅប្រទេសប្រជាពលរដ្ឋ​ខ្មែរ​ជាច្រើន​ជំនាន់ សុទ្ធតែ​បាន​ស្គាល់​ពី​គុណប្រយោជន៍​នៃ​ដើម​រាំង​ទឹក ដែល​ភាគច្រើន​ដុះ​នៅជុំវិញ​​បឹង​ទន្លេសាប និង​ដុះ​នៅតាម​បឹង អូរ ត្រពាំង តែ​បច្ចុប្បន្ន​ដើម​រាំង គឺជា​មុន​ស្នេហ៍​ទាក់ទាញ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      844នាក់
    ម្សិលមិញ    9673នាក់
    សប្ដាហ៍នេះ    54484នាក់
    ខែនេះ    221562នាក់
    ឆ្នាំនេះ   3297053នាក់
    សរុប   33963299នាក់
    ថ្ងៃទី 25 ខែ 08 ឆ្នាំ 2019 ម៉ោង 04:59