បារ៉ាក់អូបាម៉ា ប្រាប់​​កម្ពុជា​​ឲ្យ​​ធ្វើកំណែទម្រង់​

ដូច​ការ​រំពឹង​ទុក ​​ក្នុង​ជំនួប​​រយៈពេល​​ខ្លី​​ជា​មួយ​​​សមេ្តច នាយករដ្ឋមន្ត្រី​​ខ្មែរ ​ហ៊ុន សែន លោក ​បារ៉ាក់ អូបាម៉ា ​ប្រធានាធិបតី​​អាមេរិក​ បាន​លើក​​យក​​សំណើ របស់​សមាជិក​​រដ្ឋសភា​​-ព្រឹទ្ធសភា អាមេរិក​ ស្តី​ពី​​បញ្ហា​សិទ្ធិមនុស្ស​ ការអនុវត្ត​យន្តការ​ប្រជាធិបតី ការ​​បណ្ដេញ​​​ជម្លៀស​​ប្រជាពលរដ្ឋ​ ​ដើម្បី​​យក​ដី មក​ធ្វើ​ជា​ប្រធាន​បទ ។

លោក ប្រាក់ សុខុន ប្រតិភូ​​អមនាយករដ្ឋមន្ត្រី បាន​ថ្លែង​ប្រាប់​ក្រុម​អ្នក​​រាយ​ការណ៏​ព័ត៌​មា​ន​​ពី​​ជំនួប​នោះ​ថា​ សមេ្តច នាយក​រដ្ឋមន្ត្រី ​ហ៊ុន សែន ​បាន​​ប្រាប់​លោក បារ៉ាក់ អូបាម៉ា​ថា នៅ​កម្ពុជា គ្មាន​អ្នក​ទោស​​នយោបាយ​ទេ​ ​​ ។ ​

ការ​ថ្លែង​​​​បែបនេះ​របស់​​សមេ្តច ហ៊ុន សែន ត្រូវ​​​បាន​​ប្រធានាធិបតី​​អាមេរិក​​តប​ថា​ អ្វី​​ដែល​លោក បាន​​លើក​ឡើង គឺ​គ្រាន់​តែ​​ជា​ទឡ្ហីការណ៏​​ដែល​ស្នើ​ដោយសមាជិក​ ​​ព្រឹទ្ធសភា​ ​និង រដ្ឋសភា អាមេរិក​​តែ​​ប៉ុណ្ណោះ ​ដោយ​លោក​​មិនបាន​​ដឹង​​ថា ​ពួក​គេ​​ស្គាល់​​ច្បាស់​​​ពី​កម្ពុជា​​កម្រិត​ណា​នោះ​ទេ ។​ ប៉ុន្តែ​​យ៉ាង​ណា​ក៏​​ដោយ​​មេដឹកនាំ​​មហាអំណាច​ពិភពលោក​រូប​នេះ​ បាន​ក្រើន​រំឭកបែបការទូត​​​​ថា ដើម្បី​ទទួល​បាន​​នូវ​​​ផលប្រយោជន៏​ កម្ពុជា​គួរ​តែ​ធ្វើ​កំណែ​ទម្រង់ ។​

បើ​តាម​លោក បា្រក់ សុខុន នៅ​ក្នុង​ជំនួប​​នោះ​​​​សមេ្តចតេជោ ហ៊ុន សែន ក៏​បាន​​ទទួច​ផង​​ដែរ​ សុំឲ្យ​សហរដ្ឋអាមេរិក ​លុប​​ចោល​​​​បំណុល​ទាំង​​អស់ប្រមាណជាង​៤រយលាន​ដុល្លារ​ ​ដែល​កម្ពុជា​បាន​ជំពាក់ ​កាល​ពី របប​សាធារណៈរដ្ឋខ្មែរ​ ដែល​គ្រប់គ្រង​ដោយ​លោក​សេនា​ប្រមុខ លន់ ណុល អំឡុង​ទសវត្សរ៏ទី​៧០ ៕