ព័ត៌មានក្ដៅ

    សម្តេច ហ៊ុន សែន ដាក់​បទបញ្ជា​ឲ្យ​អាជ្ញាធរ បង្ក្រាប​បទល្មើស​តាម​អតីត​ឡូត៍​នេសាទ​

    ដោយៈ កំពង់ធំ ថ្ងៃទី 01 ខែ 12 ឆ្នាំ 2012 វេលាម៉ោង 02:14 នាទី ចំនួនអានៈ 1005

    ក្នុង​ពិធី​ចែក​ប័ណ្ណកម្មសិទ្ធិ​ដីធ្លី ដល់​ប្រជាពលរដ្ឋ នៅ​ខេត្ត​កំពង់ធំ កាលពី​ព្រឹក​ថ្ងៃទី​៣០ ខែវិច្ឆិកា ឆ្នាំ​២០១២ សម្តេចនាយក​រដ្ឋមន្ត្រី ហ៊ុន សែន បាន​ប្រកាស​ដោយ​ផ្ទាល់មាត់ ទៅកាន់​អាជ្ញាធរ​គ្រប់​លំដាប់ថ្នាក់ ពិសេស​អាជ្ញាធរ​ខេត្ត នៅ​ជុំវិញ​បឹង​ទន្លេសាប ឲ្យ​ចាត់វិធានការ​ជាបន្ទាន់ ដើម្បី​បង្ក្រាប​បទល្មើស​នេសាទ នៅតាម​អតីត​ឡូត៍​នេសាទ ដែល​រាជរដ្ឋាភិបាល បាន​លុបចោល នា​ពេលកន្លងមក​។ នោះ​គឺ​ការចាត់វិធានការ “​បិទ​ក្រោលសេះ មុន​នឹង​សេះ​ចេញផុត​ពី​ក្រោល​” ពោល​គឺ ត្រូវ​ចាត់​វិធាន​ទប់ស្កាត់ និង​បង្ក្រាប​បទល្មើស​នេសាទ នៅពេល​ដែល​បទល្មើស​ទាំង​នោះ កើតឡើង ដើម្បី​ផ្តល់​ផលប្រយោជន៍​ពិតប្រាកដ ដល់​ប្រជាពលរដ្ឋ ពី​ការលុបចោល​នូវ​ឡូត៍​នេសាទ​។​

    ថ្ងៃទី 30 វិច្ឆិកា 2012
    ដោយ: លី សិលា
    CEN

    សម្តេច ហ៊ុន សែន ដាក់​បទបញ្ជា​ឲ្យ​អាជ្ញាធរ បង្ក្រាប​បទល្មើស​តាម​អតីត​ឡូត៍​នេសាទ

    សម្តេច ហ៊ុន សែន ដាក់​បទបញ្ជា​ឲ្យ​អាជ្ញាធរ បង្ក្រាប​បទល្មើស​តាម​អតីត​ឡូត៍​នេសាទ

    ​សម្តេចនាយក​រដ្ឋមន្ត្រី ហ៊ុន សែន បាន​មានប្រសាសន៍ថា ការ​លុប​ឡូត៍​នេសាទ​នេះ នាំ​ឲ្យ​តម្លៃ​ទំនិញ​លើ​ទីផ្សារ មិន​ឡើងថ្លៃ​ទេ ពិសេស​ត្រី​លើ​ទីផ្សារ រក្សា​ថ្លៃ​ល្អ​។ អតិផរណា ឆ្នាំនេះ មិន​ដល់ ៣%​ផង​។ បើសិនជា​ត្រី​ឡើង វា​ទាញ​ថ្លៃ​សាច់គោ ថ្លៃ​សាច់ជ្រូក កើន​ឡើង​តាម​នឹង​ដែរ​។ ក្នុង​ពិភពលោក​នេះ គឺ​កម្ពុជា ជា​អ្នក​ហូប​ត្រី​ច្រើនជាងគេ​។​

    ​ជាមួយនឹង​ប្រសាសន៍​ដូច្នេះ សម្តេច ហ៊ុន សែន បាន​មានប្រសាសន៍​ដោយ​ខ្លាំងៗ​ថា “​ខ្ញុំ​សូម​ស្នើឲ្យ​អាជ្ញាធរ​ខេត្ត ក៏ដូចជា​ស្ថាប័ន​ក្រសួង​កសិកម្ម រដ្ឋបាល​ជលផល សូមមេត្តា បិទ​ក្រោលសេះ មុន​ពេល​សេះ ចេញផុត​ពី​ក្រោល​”​។​

    ​សម្តេច​តេជោ នាយករដ្ឋមន្ត្រី ហ៊ុន សែន បាន​លើកឡើង​ថា “​ខ្ញុំ​បាន​ឃើញ​ការលើក​ឡើង នៅ​តាម​កញ្ចក់​ទូរទស្សន៍​មួយចំនួន បាន​ផ្សព្វផ្សាយ​ពី​ភាព​អាណាធិបតេយ្យ នៅ​តំបន់​ឡូត៍ ផ្នែក​ខាងលើ​ទៅវិញ មិន​មែន​ក្នុង​ទន្លេសាប​ទេ​។ ឡូត៍​ខ្លះ នៅក្នុង​ខេត្ត​កំពង់ចាម ឡូត៍​នៅ​ខេត្ត​នេះ ខេត្ត​នោះ​។ ផលប្រយោជន៍ ដែល​ប្រជាជន​ត្រូវ​ទទួល វា​មិន​សម​។ អីចឹង​ទេ អស់លោក កុំ​បិទ​ក្រោល​សេះ នៅពេល​សេះ ចេញផុត​ពី​ក្រោល​។ ចាំ​ដល់​ខែ​៤ ចាំ​អស់លោក​រាយការណ៍​ឲ្យ​ខ្ញុំ​ថា វា​មាន​រឿង​អី​?​។ អស់លោក ត្រូវធ្វើ​កិច្ច​ការងារ​នេះ ឲ្យបាន​ល្អ​ជាង​នេះ​”​។

    ​សម្តេចនាយក​រដ្ឋមន្ត្រី ហ៊ុន សែន បាន​បន្ថែមថា “​ឥឡូវ​ថ្ងៃនេះ ថ្ងៃ​២​រោច ខែ​ក​ក្តិក​។ ត្រី​ទើបនឹង​ចាប់​ត្រូវតែ​ប៉ុន្មាន​។ ព្រោះ​ត្រី​នៅ​កម្ពុជា ត្រូវតែ​ថ្ងៃសីល​នឹង​តែម្តង​។ ថ្ងៃ​ពេញ​បូរ​មី ឬ​ថ្ងៃ​៨​កើត ថ្ងៃ​១៥​កើត ថ្ងៃ​៨​រោច និង​ថ្ងៃ​១៥​រោច ហើយ​ត្រី​នេះ ក៏ត្រូវ មិនទាន់​ចំ​ពេលវេលា​របស់​វា​ទេ ដោយសារ​ប្រទេស​របស់​យើង នៅសល់​ភ្លៀង​…​។ អា​បញ្ហា​អាណាធិបតេយ្យ ក្នុង​ការប្រើប្រាស់ ត្រូវតែ​បាន​ត្រួតពិនិត្យ នៅ​គ្រប់​ខេត្ត​ទាំងអស់ ធ្វើ​ម៉េច​ធានា​ផលប្រយោជន៍​ប្រជាពលរដ្ឋ មិនមែន​ធានា​ផលប្រយោជន៍​ឲ្យ​ពួក​អតីត​ថៅកែ​ឡូត៍​ទេ ហើយ​រឿង​នឹង ឯកឧត្តម យឹម ឆៃលី ត្រូវ​យកចិត្តទុកដាក់​មុនគេ ព្រោះ​ឯកឧត្តម ទទួលខុសត្រូវ​លើ​បញ្ហា​នឹង​”​។

    ​សម្តេច​តេជោ ហ៊ុន សែន បាន​គូសបញ្ជាក់ថា “​មើល​! វា​គ្មាន​អី​រឹង​ជាង យើង​ធ្វើ​ទេ​វ៉ើយ​!​។ ឡូត៍​នេសាទ មាន​អាយុ ១០៤ ឆ្នាំ គង់​លុបចោល​បាន​! លុប​ដើម្បី​អី​? មិនមែន​លុប ក្រៅ​ពី​ផលប្រយោជន៍​ប្រជាជន​ទេ​។ អីចឹង​អស់លោក កុំ​ចាំ​ដល់​ពេល​គេ​ស្រែក បាន​ធ្វើ​មើល​! ខ្ញុំ​មិន​ចង់​ស្រែក​តទៅទៀត​ទេ ដោយសារ​ខ្ញុំ​បាន​ធ្វើ​អស់​នូវ​កិច្ចការ ដែល​ជា​កាតព្វកិច្ច​របស់​នាយក​រដ្ឋមន្ត្រី​។ លុប​ឡូត៍​នេសាទ វា​ទាល់តែ​ជា​សមត្ថកិច្ច​របស់​នាយ​ក​រដ្ឋមន្ត្រី ទើប​អាច​លុប​បាន​។ ប៉ុន្តែ​អា​រឿង​ត្រួតពិនិត្យ​បទល្មើស​នេសាទ វា​មិន​ចាំបាច់​ទៅ​នាយក​រដ្ឋមន្ត្រី ទៅ​ស្រែក​ទេ​។ ក៏​ប៉ុន្តែ​មក​ពី​អស់លោក វា​ស្ពឹក​។ ដេក កេះ​វា​មិន​ក្រោក​។ តាំង​ពីលើ រហូត​ដល់​ក្រោម​យ៉ាងនេះ​។ សូម​អស់លោក បិទ​ក្រោលសេះ នៅ​មុន​ពេល​សេះ វា​ចេញ​ផុត​ពី​ក្រោល​!”​។​

    ​ជាមួយនឹង​ប្រសាសន៍​ដូច្នេះ សម្តេចនាយក​រដ្ឋមន្ត្រី ហ៊ុន សែន បាន​បន្ថែមថា “​កុំ​ចាំ​ដល់​គេ​ចាប់​ត្រី​ឲ្យ​ផុត​ទៅ ទើប​ទៅ​បង្ក្រាប​។ បង​ឈិន គួរតែ​ចាត់​អធិការកិច្ច មើល​ពី​លើ​នឹង​ទៀត ដើម្បី​ធានា​ឲ្យ​ការលុបឡូត៍​នេសាទ​របស់​យើង បាន​ផល​ប្រយោជន៍​ទៅលើ​ប្រជាជន​។ ហើយ​សូម​កុំឲ្យ​មាន​ចរិក រុញ​ឲ្យ​ខ្លោច រោច​ឲ្យ​ឆៅ​!​។ ខ្ញុំ​អាច​គិត​បាន​ថា បើសិនជា​អស់លោក មិន​អាច​ធ្វើ​រឿងនេះ​បាន គឺ​អស់លោក កំពុងតែ​រុញ​ឲ្យ​ខ្លោច រោច​ឲ្យ​ឆៅ​។ មានន័យ​ថា អស់លោក ចង់​ផ្ចាញ់ផ្ចារ​ខ្ញុំ ថា​ខ្ញុំ​កាត់​ឡូត៍​នេសាទ​នេះ ជូន​ប្រជាពលរដ្ឋ នាំ​មាន​អំពើ​អាណាធិបតេយ្យ​លើ​បញ្ហា​នេសាទ ដើម្បី​ឲ្យ​រដ្ឋាភិបាល ទ្រាំ​មិន​បាន បង្កើត​ឡូត៍​នេសាទ​ឡើងវិញ​។ មើល​! អស់លោក ដាក់​មើល​!​ៗ​។ វា​អត់​មានអី​ខ្លាំង​ទេ​!​។ បញ្ហា​វា​ស្ថិតនៅ​ត្រង់​យើង​តើ​!​។ យើង​មើល ឬ​មិន​មើល​!​។ ដល់​ទៅ​តឹង តឹង​ជ្រុល​។ ដល់​ទៅ​ធូរ ធូរ​ហួស​!”​។

    ​សម្តេច​តេជោ នាយករដ្ឋមន្ត្រី ហ៊ុន សែន ក៏​បាន​គូសបញ្ជាក់ថា “​កែទម្រង់​អស់ហើយ ជូន​អស់ហើយ​! បញ្ហា​វា​ស្តិតនៅ​ត្រង់​មន្ត្រី​អនុវ​ត្ត​។ មើលៗ នៅ​អា​ដែន​ខាងលើ​នោះ​។ នៅក្នុង​ទន្លេសាប មិនទាន់​មាន​បញ្ហា​ទេ​។ ហើយ​ខ្ញុំ​ស្នើ ក្រៅ​ពី​ខាង​ក្រុមប្រឹក្សា​អភិវឌ្ឍន៍​កសិកម្ម និង​ជនបទ ហើយ​យឹម​ឆៃលី ត្រូវធ្វើ​អា​ការងារ​នឹង កុំ​ស្ពឹក​ពេក​មើល​!…”​។​

    ​សម្តេច​តេជោ ហ៊ុន សែន ក៏បាន​លើកឡើង​ថា “​អា​ខែ​នឹង អា​ខែ​ទឹក​វា​ចុះ រួច​អា​តាម​ដៃ​ព្រែក ជាពិសេស​ក្នុង​នឹង មាន​អា​ព្រែក​ពាម​ជា​លាំង​មួយ​ដែរ ខ្ញុំ​ឲ្យ​លុ​បប៉ុន្មាន​ឆ្នាំ​ហើយ​។ អា​ឡូត៍​នេះ ឆៃ ទៅ​មើល ដាក់​បន្តិច​មើល​!… អា​នឹង​មក​ពី​អស់លោក មិន​ធើ​។ អីចឹង ឆៃលី​ឯង គឺ​អ្នក​ពញាក្រែក​។ អ្នក​ពញាក្រែក ធ្វើ​ម៉េច​ដឹង​?… លោក​ឯង​សិក្សា ឲ្យ​វា​ស៊ីជម្រៅ​បន្តិច​ទៅ​មើល​! ទោះបី​យើង​មិនមែន​អ្នក​ទន្លេ តែ​ត្រូវ​ស្គាល់​ស្ថានភាព​នេសាទ​ឲ្យ​ច្បាស់​មើល​!​។ អា​ពេល​នឹង មិនមែន​ជា​ពេលវេលា ធំ​ពេក លើ​បញ្ហា ត្រឹម​អា​ដៃ​ឡូត៍​នេសាទ កាត់​មុខ​វាំង​ទេ​។ បញ្ហា​បណ្តា​ឡូត៍​នេសាទ ដែល​យើង​លុបចោល រួម​មាន​នៅ​ខេត្ត​កំពង់ចាម ខេត្ត​ព្រៃវែង ខេត្ត​កណ្តាល ខេត្តតាកែវ​… ត្រូវ​មើល​អា​នឹងណែ៎​! តើ​អតីត​ថៅកែ​ឡូត៍ នៅ​បង្ក​ការរំខាន នៅ​នឹង​ទេ​? សហគមន៍​នេសាទ កន្លែង​ខ្លះ គឺ​អតីត​ថៅកែ​ឡូត៍ ទៅ​ឈរ​ឈ្មោះ​ដដែល​។ មើល​អា​នឹង​ឲ្យ​វា​ស្រួលបួល​មើល​!”​។

    ​សម្តេច​តេជោ ហ៊ុន សែន ក៏​បាន​សង្កត់ធ្ងន់ថា “​ខ្ញុំ​គិតថា អត់​លោក​ធ្វើបាន​។ សុទ្ធតែ​ថ្នាក់បណ្ឌិត ថ្នាក់​ស្អី ហើយ​ចង្កូម​ឲ្យ​ពេញ​។ បើ​អត់​លោក ត្រូវការ​រថក្រោះ រថក្រោះ​ថ្មី​។ អា​ថ្មីៗ ទិញ​មក មិនទាន់​បាន​ប្រើ​។ អស់លោក​ត្រូវការ​ប៉ុន្មាន​? មើល​ប្រាប់​ខ្ញុំ​មើល​! ហើយ BM 21 ទិញ​ច្រើន​គ្រឿង​ណាស់ណា៎​! បាញ់​ម្តង គឺ​ជាង ២ តោន​។ អស់លោក ត្រូវការ​ប៉ុន្មាន​ប្រាប់​ខ្ញុំ​មក​!​។ ខ្ញុំ​គិតថា ពួក​ណុង មិនមែន​ក្បាល​ប៉ាន​ដែក​ទេ​។ ប៉ុន្តែ​បញ្ហា​សំខាន់ គឺ​អស់លោក មិន​ធ្វើ​តែម្តង​។ កន្លែង​ខ្លះ មិន​ធ្វើ មិន​យកចិត្តទុកដាក់ ហើយ​អាច​មាន​ការឃុបឃិត​គ្នា​ផង ក៏​អាច​ថា​បាន​។ អាច​មាន​ការឃុបឃិត គឺ​ចាប់​ទៅ ដាក់​ទៅ​!​។ អា​នឹង ខ្ញុំ​សូម​ផ្តាំ និយាយ​ជា​ចំហរ ជូន​សារ​តែម្តង​។ ធ្វើ​ម៉េច​ឲ្យ​ប្រជាពលរដ្ឋ គាត់​ទទួលបាន​ផលប្រយោជន៍​ពិតប្រាកដ តាមរយៈ​ការពង្រឹង​សហគមន៍ ឲ្យ​ជា​សហគមន៍​របស់​ប្រជាជន កុំ​ឲ្យ​ជា​សហគមន៍​អតីត​ថៅកែ​ឡូត៍​”​។

    ​សម្តេច​តេជោ ហ៊ុន សែន បាន​បន្តថា “​បង ប៊ិន ឈិន ដាក់​កម្លាំង​ឈ្លប ព្រោះ​យើង​អ្នកត្រួតពិនិត្យ អធិការកិច្ច​។ មើល​! ខាង​ឆៃលី ជា​អ្នកអនុវត្ត​។ ប៉ុន្តែ​ដើម្បី​ឲ្យមើល គឺថា ឲ្យមាន​ត្រួតពិនិត្យ​មួយទៀត កុងត្រូល​ពី​ខាងក្រោយ ព្រោះ​ខ្ញុំ​ត្រូវ​លេង ល្បែង​តុល្យភាព​ហើយ​។ លោក​ឯង​ទៅ រាយការណ៍​ឲ្យ​ខ្ញុំ​តែ​ពី​រឿង​ល្អ​។ អីចឹង ខ្ញុំ​ក៏​ត្រូវ​ពិនិត្យ អា​ល្អ​នឹង វា​ល្អ​ពិត ឬ​ក៏​មិន​ល្អ​ពិត​ដែរ​។ ខ្ញុំ​ដាក់​ឧបនាយក​រដ្ឋមន្ត្រី​ម្ខាង សម្រាប់​ត្រួត​។ ឧបនាយក​រដ្ឋមន្ត្រី​ម្ខាង ដឹកនាំ អនុវត្ត​។ ហើយ​រដ្ឋមន្ត្រី អស់លោក​នឹង គឺ​ល្មម​នេះហើយ​។ ទី​១-​ខ្ញុំ​ផ្តាំ បិទ​ក្រោលសេះ មុន​ពេល​សេះ​ចេញផុត​។ ឥឡូវ​សេះ បាន​ចេញ​ផុត​ពី​ក្រោល អស់​រយៈពេល​២​យាម ២​ដង​ហើយ​។ ១៥ រោច ខែ​អស្សុជ​។ ១៥ កើត ខែ​ក​ក្តិក កន្លងផុត​។ ប៉ុន្តែ​មិន​ត្រូវ​ភ្លេច​ថា នៅសល់ ១៥ រោច ខែ​ក​ក្តិក និង ១៥ កើត ខែ​មាឃ​។ សុទ្ធ​តែ​ពេល​ត្រី​ត្រូវ​។ អីចឹង កុំ​ឲ្យ​សេះ​ណុង ចេញផុត​ពី​ក្រោល​ទៀត​។ កុំ​ចាំ​រួចហើយ បាន​អស់លោក​ឯង​ទៅ​!​។ អស់លោក​ឯង ទៅ​ដាក់​ស្កាត់​មុន ដើម្បី​ឲ្យ​ប្រជាជន​ទទួល​ផលប្រយោជន៍​ឲ្យ​ពិតប្រាកដ​!”​។​

    ​សម្តេច ហ៊ុន សែន ក៏​បាន​គូសបញ្ជាក់ថា “​រដ្ឋមន្ត្រី មាន​រដ្ឋមន្ត្រី​កសិកម្ម រដ្ឋមន្ត្រី​ស្អី​! នាំគ្នា​ធើ​មើល​! ហើយ​កុំ​ចាំ​ដល់​ពេល​ខែ​បី ខែ​បួន បាន​ធើ បូក​សរុប​សន្និបាត​ប្រចាំឆ្នាំ​អី​…​។ ពិត​ហើយ ខ្ញុំ​ទទួលស្គាល់ កន្លែង​ខ្លះ វា​ល្អ​។ តែ​វា​មាន​ចំណុច​មិនល្អ នៅ​ចំណុច​ខ្លះ​។ ហើយ​ក៏​សូម​ផ្តាំ​ថា សូម​កុំ​លេង​អា​ល្បែង រុញ​ឲ្យ​ខ្លោច រោច​ឲ្យ​ឆៅ​។ ស្រាប់តែ​ថា លោក ហ៊ុន សែន លុបចោល​ឡូត៍​នេសាទ គឺ​មិន​ល្អ ទាល់តែសោះ​! ព្រោះ​វា​កើតឡើង​នូវ​អាណាធិបតេយ្យ អីចឹង​តម្រូវ​ឲ្យ​រៀបចំឡូត៍​នេសាទ​ឡើងវិញ​។ ខ្ញុំ​មិន​លេង​ចូល​ជាមួយ​លោក​ទេ​!​។ ស្រែក បាន​ធើ បើ​មិន​ស្រែក​មិន​ធើ​!…”​។

    ​សូម​រម្លឹកថា ​សម្តេច​ហ៊ុន​សែន បានចុះហត្ថលេខា​លើ​អនុក្រឹត្យ ២ ដាច់ដោយឡែក​ពីគ្នា។ អនុក្រឹត្យមួយ ចេញកាលពី​ថ្ងៃ​ទី​៥ ខែ​មីនា ឆ្នាំ​២០១២ ដែល​ជា​ការលុបចោល​នូវ​ឡូត៍​នេសាទ នៅ​ទន្លេមេគង្គ និង​ទន្លេបាសាក់ ក្នុង​ខេត្ត​កំពង់ចាម កណ្តាល ព្រៃវែង និង​ខេត្ត​តាកែវ​។ ចំណែក​អនុក្រឹត្យមួយទៀត ចេញ​កាលពី​ថ្ងៃ​ទី​៧ ខែ​មីនា ឆ្នាំ​២០១២ គឺ​សម្តេច​ហ៊ុន​សែន បានសម្រេច​លុបចោល​ឡូត៍​នេសាទ នូវ​ជុំវិញ​បឹង​ទន្លេសាប ទាំង ៣៧ ក្នុង​ខេត្ត​កណ្តាល ខេត្ត​កំពង់ធំ កំពង់ចាម សៀមរាប បាត់ដំបង បន្ទាយមានជ័យ ពោធិ៍សាត់ និង​ខេត្ត​កំពង់ឆ្នាំង​។​

    ​សម្តេច ហ៊ុន សែន ក៏បានធ្វើសេចក្តីប្រកាស ​ដោយផ្ទាល់​មាត់ កាលពី​ថ្ងៃ​ទី​៨ ខែ​មីនា ឆ្នាំ​២០១២ ដោយសម្តេច បាន​លើកឡើង​ថា ទំហំ​ឡូត៍​នេសាទ​ទាំង ៣៧ នៅ​ជុំវិញ​បឹង​ទន្លេសាប នៅ​ខេត្ត​សៀមរាប បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង និង​កំពង់ធំ មាន​ចំនួន ២៧១.១២៦ ហិកតា​។ រដ្ឋាភិបាល ក៏បាន​កាត់​ជូន​ប្រជា​នេសាទ​ចំនួន ១៧៧.៨៨១ ហិកតា ស្មើនឹង ៦៥,៦១%​។ រក្សាទុក​ជា​ដែន​អភិរក្ស ៩៣.២៤៦ ហិកតា ស្មើនឹង ៣៤,៣៩%៕

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ស្រះចិញ្ចឹមត្រីឆ្តោរជាង២រយកន្លែងលោក ព្រិនសាវិន នាយខណ្ឌជលផលមិនចុះបង្ក្រាប   អាន3828ដង ផ្ទះសំណាក់អង្គរតូចត្រូវភ្លើងឆេះភ្ញៀវរត់បាតជើងសព្រាត   អាន994ដង បុរស់ម្នាក់ជិះរថយន្តធុនត្រាប្រើកាំភ្លើងជ័រ និងអាវប៉េអឹមសក្តិ៤កន្លះកៀរថយន្តព្រះរាជអាជ?...    អាន1221ដង បុរសកំណាចវាយប្រពន្ធ និងកូនអាយុជាង១ខែសន្លប់ត្រូវសមត្ថកិច្ចចាប់ខ្លួន    អាន679ដង លោក ច័ន្ទ ឃៀង ហៅង៉ោម៉ៅ ចូលហ៊ុនជាមួយមន្ត្រីយោធាឈ្មោះ ផាន់នី ដឹកជញ្ជូនឈើខុសច្បាប់តាមច្រកត?...    អាន611ដង ​ប្រ​ធា​ន​ម​ន្ទីរ​ទេស​ចរ​ណ៍​ខេត្ត​កោះកុង​ អ​ង្កន់​ដីល​ក់ឬ​ជួ​លតា​ម ​អំ​ពើ​ចិ​ត្ត   អាន530ដង អ្នក​គ្រប់គ្រង​ចិន​ម្នាក់​ត្រូវបាន​កម្មករ​បាតុកម្ម​ទាមទារ​ឲ្យ​ទៅ​សុំ​ទោស​ព្រះ​បរម​ស?...    អាន782ដង សន្ទូងសំណាបត្រូវបានបូមទឹកសង្រ្គោះនៅខេត្តកំពង់ស្ពឺ    អាន629ដង ក្រុមប៉ូលីសរបស់​រដ្ឋា​ភិបាល​បាន​ប្រើ​គ្រាប់​បែក​ផ្សែង ឡានបាញ់ទឹក និង​ប្រើ​អំ​ពើ​ហឹង្ស...    អាន747ដង អាជ្ញាធរស្រុកវ៉ារិនរៀបចំវេទិការសាធារណៈផ្សព្វផ្សាយភូមិឃុំមានសុវត្ថិភាព   អាន759ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    ចំណុចដែលបុរស់មិនចូលចិត្តស្រ្តី-ចរិតប្ញកពារដូចប្រុស -ចាត់ចែងក្នុងគ្រប់រឿង -ប្រកែកយកឈ្នះគ្មានហេតុផល -ចូលចិត្តប្រើហិង្សា -ចូលចិត្តយកឈ្នះដោយគ្មានហេតុ -អួតអាងក្រអឺក ក្រទម -ចំណាយពេលវេលាឥតមានប្រយោជន៍ -គ្មានការងារធ្វើច្បាស់លាស់ -ម...Read more
    ឧញ្ញាសេះហោះម្នាក់ត្រូវបានសមត្ថកិច្ចឃាត់ខ្លូនបញ្ជូនទៅតុលាការចៅ​ក្រមសាលាដំបូងខេត្តរតនគិរី លោក ស្រីជ័យ មាលា បានចេញដីការ​ឃាត់ខ្លួន​បុរស​ម្នាក់​ដែល​តាំង​ខ្លួន​ជា​ឧកញ៉ា។​ ការឃាត់ខ្លួនជន​សង្ស័យនេះដោយកម្លាំងកងរាជ​អាវុធហត្ថមូល​ដ្ឋាន​ក្រុង​បាន​លុង នៅ​...Read more
    អង្គភាពប្រឆាំងអំពើរពុករលួយ ចេញលិខិតព្រមានប្រធានពន្ធដារក្រុងសិរីសោភ័ណ តែពន្ធដាក្រុងប៉ោយប៉ែត យកលុយ១ម៉ឺនទៅ២ម៉ឺនពីលើពន្ធអត់ព្រមានផងក្រោយពីរកឃើញថា អង្គភាពពន្ធដានៅខេត្តបន្ទាយមានជ័យ ពិ​សេស​ពន្ធ​ដា​ក្រុង​សិរី សោភ័ណ មានភាពអសកម្មនិងអនុវត្តន៍ការងារខុសប្រកតី ដូច​ជា​ភាព​យឺត​យ៉ាវ​ក្នុង​ការ​ប្រមូល​​ពន្ធ​​ជូនរដ្ឋ ពីតាមបណ្តាក្រុមហ៊ុន សហគ្រាសត...Read more
    ពលរដ្ឋសាទរចំពោះ ក្រុមហ៊ុនស៊ូជីង និងក្រុមហ៊ុនស៊ីផេក ត្រូវបានសម្តេចហ៊ុនសែនចេញលិខិតបញ្ជាអោយបិតការលក់សំបុត្រអោយភ្ញៀវទេសចរណ៍តាមច្រកនានានៃបឹងទន្លេសាបប្រ​ជា​ពល​រដ្ឋ​ខេត្ត​សៀម​រាប​បាន​សាទរ​ចំ​ពោះ លោក ហ៊ុន សែន នាយករដ្ឋមន្រ្តី នៃ​ព្រះរាជាណាចក្រ​កម្ពុជា បានបញ្ជាឲ្យ ក្រុមហ៊ុនស៊ូជីង (Sou Ching Port Investment) និងក្រុមហ៊ុនស៊ីផេក(Sea Pac Investment) បិទ​រ...Read more
    បរិយាយថ្ងៃនេះ៖ អ្នកស្នេហាជាតិមាតុភូមិ មិនប្រកាន់និន្នាការនយោបាយនោះទេប្រ​ទេស​ជាតិជា​ច្រើន​នៅ​លើ​ពិភពលោក​យើង​នេះ គឺរមែង​តែង​តែមាន​មេដឹក​នាំ​ និង​ប្រ​ជានុរាស្រ្តតិច​ ឬច្រើន​អាស្រ័យទៅ​លើ​ប្រ​ទេសនោះ​តូច​ឬធំ​តែប៉ុណ្ណោះ ប្រ​ទេស​ខ្លះ​គ្មានស្តេច​ តែមាន​ប្រ​ធានាធិបតី ឯប្រទេសខ្ល...Read more
    សមត្ថកិច្ចបង្ហើបប្រាប់ពីមូលហេតុ ក្រុមគ្រួសារនាយរងប៉ុស្តិ៍សង្កាត់សៀមរាបត្រូវថ្នាំពុលក្រុម​គ្រួសារ​នាយ​រង​ប៉ុស្តិ៍​សង្កាត់​សៀមរាប ប្រាំ​នាក់​ពុល​ទាំង​អស់នៅ​យប់​ថ្ងៃទី២៤ ខែឧសភា ឆ្នាំ២០១៥​​ បន្ទាប់​ពី​បញ្ជូន​ទៅ​ព្យាបាល​នៅ​មន្ទីរពេទ្យ​ឯក​ជន ប្តី​​បាន​ស្លាប់​បាត់​បង់ជីវិត ឯកូន​បីនាក់ ​និង...Read more
    បែក​ធ្លាយ​ ម្តាយ​សរសេរ​សំ​បុត្រ​តប​មក​កូន​វិញ​ រឿង​កូន​ចង់លែង​ប្រ​ពន្ធពុទ្ធោ! កូនប្រុស​មាសម្តាយ កូន​ប្រុស​មាស​ម្តាយ ម្តាយ​នឹក​កូនណាស់ ម្តាយ​ស្មាន​តែ​កូន​បាន​ទទួល​សេចក្តី​សុខ​សាន្ត​ក្នុង​សង្គម​គ្រួសារ​របស់​កូន​ហើយ តែ​បន្ទាប់​ពី​ម្តាយ​បាន​អាន​សំ​បុត្រ​របស់​កូន​ទើប​ម្តា...Read more
    បរិយាយថ្ងៃនេះ៖ ប្រទេសរបស់ខ្មែរ ចូលឆ្នាំខ្មែរ តែធ្វើខ្លោងទ្វារស្រដៀងខ្លោងទ្វាររបស់យួនប្រជាពលរដ្ឋ​នៅ​ខេត្ត​សៀមរាប​ និង​អ្នក​លេង​បណ្តាញសង្គម (Facebook) នៅ​កម្ពុជា​ បាន​ធ្វើ​ការ​រិះគន់​ខ្លាំងៗថា ក្រុម​អ្នក​រៀប​ចំ​កម្មវិធីអង្គរសង្ក្រានឆ្នាំនេះ បាន​ធ្វើ​ខ្លោង​ទ្វារពីរនៅ​ចំ​ផ្លូវ​​ចូល​ទៅ​ប្...Read more
    ដើមរាំងទឹកនៅជុំវិញបឹងទន្លេសាបប្រឈមនឹងការលួចកាប់យកទៅលក់ក្រៅប្រទេសប្រជាពលរដ្ឋ​ខ្មែរ​ជាច្រើន​ជំនាន់ សុទ្ធតែ​បាន​ស្គាល់​ពី​គុណប្រយោជន៍​នៃ​ដើម​រាំង​ទឹក ដែល​ភាគច្រើន​ដុះ​នៅជុំវិញ​​បឹង​ទន្លេសាប និង​ដុះ​នៅតាម​បឹង អូរ ត្រពាំង តែ​បច្ចុប្បន្ន​ដើម​រាំង គឺជា​មុន​ស្នេហ៍​ទាក់ទាញ...Read more
    លោក ចេង ដារ៉ាវុធ ផ្ញើលិខិត​អយុត្តិធម៌ជូន​ចម្តេច ហ៊ុន សែន នាយករដ្ឋ​មន្ត្រី​នៃ​ព្រះរាជាណាចក្រកម្ពុជាលោក ចេង ដារ៉ាវុធ អតីតប្រ​ធាន​ស្តីទី នាយកដ្ឋាន​សុខមាលភាពមនុស្ស​ចាស់​នៃ​ក្រ​សួង​សង្គម​កិច្ច បាន​ប្រាប់​កម្ពុជា​សុវណ្ណ​ភូមិ​ថា លោក​មាន​រឿង​អយុត្តិធម៌ ដែល​ធ្វើ​អោយ​លោក​មាន​ការ​ឈឺ​ចុច​ចាប់​ខ្លោច​ផ្សាជា​ទី​...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      371នាក់
    ម្សិលមិញ    8844នាក់
    សប្ដាហ៍នេះ    9227នាក់
    ខែនេះ    195997នាក់
    ឆ្នាំនេះ   1794233នាក់
    សរុប   32460479នាក់
    ថ្ងៃទី 21 ខែ 05 ឆ្នាំ 2019 ម៉ោង 01:48