ព័ត៌មានក្ដៅ

    ដក​តំណែង​ប្រធាន​មន្ទីរពេទ្យ​ស្រុក​ថ្មពួក​ដោយសារ​បណ្ដោយ​ឲ្យ​អ្នក​ជំងឺ​ស្លាប់

    ដោយៈ សួន សុផលមុន្នី បន្ទាយមានជ័យ ថ្ងៃទី 03 ខែ 12 ឆ្នាំ 2012 វេលាម៉ោង 08:55 នាទី ចំនួនអានៈ 1047

    ប្រធាន​មន្ទីរពេទ្យ​ស្រុក​ថ្មពួក ត្រូវ​បាន​ប្រកាស​ដក​ចេញ​ពី​តំណែង ​បន្ទាប់​ពី​គេ​រក​ឃើញ​ថា មាន​កំហុស​ទុក​ឲ្យ​​ក្មេង​ប្រុស​អាយុ ៨​ឆ្នាំ​ម្នាក់ ដែល​រងគ្រោះ​ដោយសារ​ពស់វែក​ចឹក​ស្លាប់ ​មិន​ព្រម​ផ្ដល់​ថ្នាំ​ជួយ​សង្គ្រោះ។

    អាជ្ញាធរ​ខេត្ត​បន្ទាយមានជ័យ ​ប្រកាស​ដក​តំណែង​ប្រធាន​មន្ទីរពេទ្យ​ស្រុក​ថ្មពួក ​ដើម្បី​ជា​ការ​ព្រមាន​ដល់​គ្រូពេទ្យ​ និង​មន្ត្រី​សុខាភិបាល​ជា​ច្រើន​រូប​ទៀត ​ត្រូវ​នាំ​គ្នា​គោរព​ក្រមសីលធម៌​គ្រូពេទ្យ​ និង​​វិជ្ជាជីវៈ​របស់​ខ្លួន​ឲ្យ​បាន​ត្រឹម​ត្រូវ ​ដោយ​ពុំ​មាន​ការ​រើសអើង​ចំពោះ​អ្នក​ជំងឺ ​នៅ​ពេល​ពួកគេ​រត់​ទៅ​រក​ សេវា​ព្យាបាល​នៅ​តាម​មន្ទីរ​ពេទ្យ​សាធារណៈ។

    អភិបាល​ខេត្ត​បន្ទាយមានជ័យ លោក អ៊ុង អឿន បាន​ថ្លែង​នៅ​ថ្ងៃ​ទី​៣ ​ខែ​ធ្នូ ថា លោក​បាន​ប្រកាស​ដក​ហូត​តំណែង​លោក គឹម សំអុល ​ប្រធាន​មន្ទីរពេទ្យ​ថ្មពួក ជាមុន​សិន ចាំ​រាយការណ៍​ទៅ​ថ្នាក់​លើ​តាម​ក្រោយ។ អាជ្ញាធរ​ខេត្ត​បាន​ស៊ើប​អង្កេត​លើ​ករណី​ស្លាប់​របស់​ក្មេង​ប្រុស​អាយុ ៨​ឆ្នាំ​ ដោយសារ​ពស់​វែក​ចឹក​នោះ​ រក​ឃើញ​ថា​ មន្ទីរពេទ្យ​មាន​ថ្នាំ​ព្យាបាល​ពស់​ចឹក ​ប៉ុន្តែ​ពុំ​ផ្ដល់​ព្យាបាល​ជួយ​សង្គ្រោះ​អាយុ​ជីវិត​មនុស្ស​ទេ។

    លោក អ៊ុង អឿន៖ «និយាយ​រួម គឺ​ការ​ធ្វេសប្រហែស​របស់​គាត់ ដែល​ធ្វើ​ឲ្យ​មាន​គ្រោះ​ថ្នាក់​ដល់​អាយុ​ជីវិត​ក្មេង​ហ្នឹង ដែល​គាត់​សង្គ្រោះ​មិន​ទាន់ អ៊ីចឹង​យើង​ស្រាវជ្រាវ​រក​ហេតុផល​រក​ឃើញ។ នេះ​ជា​ការ​ព្រមាន​របស់​អាជ្ញាធរ ហើយ​ម្យ៉ាង គឺ​ខ្ញុំ​បាន​ឯកភាព​ជាមួយ​ប្រធាន​មន្ទីរ​សុខាភិបាល​ខេត្ត​ ជាមួយ ​អភិបាល​ស្រុក ហើយ​សុំ​ការ​គាំទ្រ​ពី​ឯក​ឧត្ដម​រដ្ឋមន្ត្រី​ក្រសួង​សុខាភិបាល»

    វិទ្យុ​អាស៊ី​សេរី​មិន​អាច​ទាក់ទង​លោក គឹម សំអុល ដើម្បី​សុំ​សេចក្ដី​បញ្ជាក់​ជុំវិញ​ការ​ប្រកាស​ដក​តួនាទី​ លោក​ចេញ​ពី​ប្រធាន​មន្ទីរពេទ្យ​ស្រុក​ថ្មពួក​នេះ​បាន​ទេ។

    កាល​ល្ងាច​ថ្ងៃ​ទី​២៩​ ខែ​វិច្ឆិកា ​ក្មេង​ប្រុស​អាយុ ៨​ឆ្នាំ​ រង​របួស​ដោយសារ​ពស់​វែក​ចឹក។ ភ្លាម​នោះ ឪពុក​ម្ដាយ​របស់​ក្មេង​នោះ ​បាន​បញ្ជូន​កូន​ទៅ​មន្ទីរ​ពេទ្យ​ស្រុក​ថ្មពួក ប៉ុន្តែ​គ្រូពេទ្យ​បដិសេធ​មិន​ផ្ដល់​ថ្នាំ​ពស់​ចឹក​ព្យាបាល។ ថ្នាំ​ពស់​ចឹក​ទុក​សម្រាប់​ព្យាបាល​ក្រុម​និស្សិត​របស់​លោក​នាយករដ្ឋមន្ត្រី ហ៊ុន សែន។

    លោកស្រី សឺ ចន្ទី ត្រូវ​ជា​ម្ដាយ​ជន​រងគ្រោះ រស់​នៅ​ភូមិ​ក្បាល​ទន្សោង ​ឃុំ​បន្ទាយឆ្មារ។ ​លោកស្រី​ ថ្លែង​​ថា ​គ្រូពេទ្យ​បម្រើ​ការ​នៅ​មន្ទីរពេទ្យ​ស្រុក​ថ្មពួក រើសអើង​ចំពោះ​អ្នក​ជំងឺ ​ទុក​ឲ្យ​កូន​គាត់​អាយុ ៨​ឆ្នាំ ដែល​រងគ្រោះ​ដោយសារ​ពស់​វែក​ចឹក​នោះ ដាច់​ខ្យល់​ស្លាប់។

    ទាក់ទិន​ការ​ដក​តំណែង​ប្រធាន​មន្ទីរពេទ្យ​ថ្មពួក​នេះ​ លោកស្រី​យល់​ថា នេះ​គ្រាន់​ជា​ការ​ព្រមាន​មួយ ប៉ុន្តែ​បញ្ហា​សំខាន់​ គឺ​អាយុ​ជីវិត​របស់​មនុស្ស៖ «ថ្ងៃ​ក្រោយ​កុំ​ឲ្យ​មាន​ក្មេង​ស្លាប់​វេទនា​ដូច​កូន​ខ្ញុំ ឲ្យ​ពេទ្យ​ទាំង​អស់​គ្នា​ចាំ​ទុក មើល​គំរូ។ ខ្ញុំ​អង្វរ​គេ គេ​ថា មាន​តែ​ថ្នាំ​និស្សិត ខ្ញុំ​ថា យក​មក​ចាក់​ឲ្យ​កូន​ខ្ញុំ​មក ខ្ញុំ​សុខ​ចិត្ត​អោយ​ប្រាក់ គេ​ថា ចាក់​មិន​បាន​ទេ គេ​ខុស​ច្បាប់​គេ សុខ​ចិត្ត​ឲ្យ​កូន​ខ្ញុំ​ងាប់ គេ​ថា គេ​មិន​ចាក់​ឲ្យ​ទេ គេ​ថា​ខុស​ច្បាប់»

    លោក ផុន និមល ត្រូវ​ជា​ឪពុកមា​ក្មេង​រងគ្រោះ​ថ្លែង​ថា ​ក្មួយ​របស់​គាត់​ក្រោយ​ពី​ពស់​ចឹក បាន​បញ្ជូន​ទៅ​មន្ទីរ​ពេទ្យ​ភ្លាម។ ចម្ងាយ​ពី​ផ្ទះ​ទៅ​មន្ទីរពេទ្យ​មាន​ប្រវែង ១៦​គីឡូម៉ែត្រ ជិត​ជាង​ពី​ផ្ទះ​ទៅ​មន្ទីរ​ពេទ្យ​មិត្តភាព​កម្ពុជា-​ជប៉ុន មង្គលបុរី​ ដែល​មាន​ចម្ងាយ​រហូត​ទៅ​ដល់​ជាង ៦០​គីឡូម៉ែត្រ។

    លោក​បន្ត​ថា មន្ទីរពេទ្យ​ថ្មពួក បាន​ធ្វើ​ឲ្យ​ក្មួយ​ប្រុស​គាត់​ស្លាប់៖«ប្រជាពលរដ្ឋ​គ្នា​សង្ឃឹម​ថា ទៅ​រក​ពេទ្យ ពេទ្យ​មិន​បាន​ធ្វើការ មិន​បាន​ធ្វើ​តួនាទី​ខ្លួន​ដក​ចេញ។ ឲ្យ​មន្ត្រី​ពេទ្យ​ទាំង​អស់​កែ​ខ្លួន​ផង អ្នក​ដែល​មិន​បាន​ដក​ចេញ​ឃើញ​ប្រជាពលរដ្ឋ​មើល​ឲ្យ​បាន​ដិត​ដល់​ផង គ្នា​មិន​មាន​លុយ​មិន​មាន​កាក់ គោល​បំណង​លើក​ដៃ​សំពះ ហើយ​ក៏​មិន​ជួយ»

    លោក អ៊ុង អឿន ជា​អភិបាល​ខេត្ត​បញ្ជាក់​ថា នៅ​ល្ងាច​ថ្ងៃ​ទី​៣ ​ខែ​ធ្នូ មន្ទីរ​សុខាភិបាល​ខេត្ត​បន្ទាយមានជ័យ មាន​រៀបចំ​កិច្ច​ប្រជុំ​គ្រប់​មន្ត្រី​ទាំង​អស់​ទូទាំង​ស្រុក​ ក្រុង ខេត្ត ចូលរួម។ គោល​បំណង​គឺ​ដើម្បី​ពង្រឹង​ឲ្យ​មាន​ការ​យក​ចិត្ត​ទុក​ដាក់​ក្នុង​ការ​ជួយ​សង្គ្រោះ​អាយុ​ជីវិត​ប្រជាពលរដ្ឋ​ទូទៅ​មិន​គិត​ក្មេង​ចាស់ អ្នក​ណា​ធំ អ្នក​ណា​តូច​នោះ​ទេ៕

    កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ព្រះចៅអធិការវត្តតាស្អាងអំពាវនាវរកសប្បុរសជនជួយកសាងសាលាឆាន់ចាស់ទ្រុឌទ្រោម   អាន687ដង ពលរដ្ឋប្រមាណ១៤០០គ្រួសារទទួលបានទឹកស្អាតប្រើប្រាសនៅខេត្តកំពង់ស្ពឺ    អាន715ដង បង្រ្កាបករណីជួញដូរផ្លូវភេទតាមសណ្ឋាគារឃាត់ខ្លួនបានស្រីៗ៦នាក់    អាន680ដង ក្រុម​ប្រឹក្សា​ធម្មនុញ្ញ​នឹង​បើក​សវនាការ​ជំនុំ​ជម្រះ​លើ​សំណុំ​រឿង​លោក សម រង្ស៊ី   អាន622ដង កម្ម​វិធី​បុណ្យ​សព្វ​របស់​ លោករៀមវ៉ាន់រ៉ា អ្នក​សារ​ព័ត៌មានខេត្ត​សៀមរាប   អាន695ដង ចាប់PMជាឈ្មួញឈើក្រញូងម្នាក់តៃកុងម្នាក់ ដកហូតរថយន្តពាក់ស្លាកលេខ ខ.ម ក្លែងក្លាយ១គ្រឿង   អាន3790ដង លោក កែមលី អ្នកវិភាគឯករាជត្រូវបានឃាត្តករបាញ់សម្លាប់នៅម៉ោងជាង៩ព្រឹកនេះ   អាន3483ដង ពិធី ឡើងអ្នកតា   អាន6335ដង ព្យាករណ៍កម្ពស់ទឹកជំនន់ថ្ងៃទី២៦ខែតុលាឆ្នាំ២០១២   អាន510ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    លោក ឡាយ ម៉ារីវ៉ូ បានកំពុងដើរតាមគន្លងអគ្គនាយកចាស់លោក​អគ្គនាយកដ្ឋាន​ទូរគមនាគមន៍​កម្ពុជា មិនទាន់​បាន​ធ្វើ​កំណែទម្រង់​ឱ្យបាន​ស៊ីជម្រៅ​ទៅតាម​ទិសដៅ របស់​រាជរដ្ឋាភិបាល​អាណត្តិ​ទី ៥ នៅឡើយ ។ ការគ្រប់គ្រង​នឹង​ដឹកនាំ​របស់​អគ្គនាយក​បច្ចុប្បន្ន​កំពុង​បង្កើត បក្...Read more
    លោក អាំងគីហេង មេឃុំប៉ោយប៉ែតពលរដ្ឋរិះគន់ថាអត់ទៅធ្វើការ អំណាចធំជាងនាយករដ្ឋមន្រ្តី ហ៊ុនសែន?ប្រជាពលរដ្ឋ​ជាច្រើនរូប​រស់នៅ​ភូមិ​ក្បាលស្ពាន​១ សង្កាត់​ប៉ោយប៉ែត ក្រុង​ប៉ោយប៉ែត បាន​ឲ្យ​ដឹងថា ពួកគាត់​ទៅធ្វើ​សំបុត្រកំណើត និង​លិខិតស្នាម​ផ្សេងៗ​ជាច្រើនលើក​ច្រើនសា​នៅតែ​ធ្វើ​មិនបាន ព្រោះ​មិនឃើញ​ចៅសង្កាត...Read more
    ព្រះរាជអាជ្ញារ ព្រមានចាត់វិធានការលើអាជីវកម្ម ព្យាបាលមាត់ធ្មេញ ក្រោយរកឃើញថាអាជីវកម្មនេះ ភាគច្រើនគ្មានច្បាប់លោក ជា សុភ័ក្ត្រ ព្រះរាជអាជ្ញា​អម​សាលាដំបូង​ខេត្ត​រតនគីរី បាន​ដឹកនាំ​កម្លាំង​គណៈកម្មការ​សុខាភិបាល​ថ្នាក់​ខេត្ត ចុះ​ត្រួតពិនិត្យ​ច្បាប់​កន្លែង​ធ្វើ​អាជីវកម្ម ព្យាបាល​ដាក់​ធ្មេញ និង​ធ្វើ​ការផ្អាក ធ្វើ​អ...Read more
    រដ្ឋសភាសម្រេចដកលោក កឹមសុខា ពីអនុប្រធានទី១នៃរដ្ឋសភានៅព្រឹកនេះយោង​តាម​ប្រ​ភព​ព័ត៌មាន​ពី​រដ្ឋ​សភាបាន​អោយ​ដឹង​ថា លោក កឹម​សុខា អនុ​ប្រ​ធានទី១​នៃ​​រដ្ឋ​សភាត្រូវ​បាន​សមា​ជិក​៨៦​សំ​លេងលើ​៨៦​សំលេង នៃ​សមាជិក​រដ្ឋ​សភាមក​ពី​គណបក្ស​កាន់​អំ​ណាចបាន​​បោះឆ្នោត​ទំលាក់ជា​ផ្លូវ​ក...Read more
    អាវុធហត្ថក្រុងនិងខេត្តបង្រ្កាបបានក្រុមចោរលួចម៉ូតូ៨នាក់ដោយជោគជ័យបន្ទាប់ពីបាញ់តគ្នាមួយប្រាវកង​រាជ​អាវុធ​ហត្ថ​ក្រុង និង​ខេត្ត​បាន​ចុះ​ប្រតិបត្តិ​ការ​បង្ក្រាប​ក្រុម​ចោរ​លួច​ម៉ូតូ​នៅ​ចំ​ណុច​ភូមិបឹង សង្កាត់​ជ្រាវ ក្រុម​សៀម​រាប​កាល​ពី​វេលាម៉ោងប្រ​​ប្រែល៦និង​៣០​នាទី​ព្រឹក​​ថ្ងៃទី២៥ ខែមករា ឆ្...Read more
    ចំណងដៃថ្ងៃអាទិទ្យ៖ ចុច  អានបទកំណាព្យ ដ៏ពិរោះកម្រនិងបានលឺពីមុនមក (បើមិនអានច្បាស់ជាស្តាយក្រោយ)បទកំណាព្យដែលអ្នកកម្របានលឺ បានអាន បានស្តាប់ពីមុនមក តែឥឡូវបានមកដល់ហើយ បទកំណាព្យដ៏សែនពិរោះនេះ និងចូលខ្លួនមកបំពេអារម្មណ៍របស់លោកអ្នក អោយ​សើច​សប្បាយលាយឡំជាមួយទឹកភ្នែកក៏អាចថាបាន។ តោះចាំអីទៀតចុចលើ​រូបភាពខាងក្...Read more
    មន្ត្រី និងសកម្មជនគណបក្សសង្គ្រោះជាតិ៥រូបត្រូវបានតុលាការដោះលែងនៅថ្ងៃនេះមន្ត្រី​និង​សកម្មជន​គណបក្ស​សង្គ្រោះ​ជាតិ​៥​រូប ត្រូវបាន​លោក លឹម មករ​ន្ទ ប្រធាន​ក្រុមប្រឹក្សា​ជំនុំជម្រះ​សាលាដំបូង​រាជធានី​ភ្នំពេញ សម្រេច​កាលពី​ព្រឹក​ថ្ងៃទី​១៣ ខែ​មេសា ឆ្នាំ​២០១៥ ដោះ​លែងឲ្យ​នៅ​ក្រៅ​ឃុំ...Read more
    លោកអធិការរងក្រុងកោះហៅមន្ត្រីព្រហ្មទណ្ឌទាំង១៣ប៉ុស្តិ៍អោយចូលរួមរៀនបន្ថែមពីនិតិវិធីព្រហ្មទណ្ឌនៅ​ព្រឹក​ថ្ងៃទី២៣ ខែឧសភា ឆ្នាំ២០១៥នេះ លោកអនុសេនីយ៍ឯក​ នួន សក្តិចំរើនរិទ្ធិ អធីការ​រង​ក្រុង​ទទួល​បន្ទុក​ផ្នែក​ព្រហ្ម​ទណ្ឌ និង​លោកអនុសេនីយ៍ឯក​ ជឹង ម៉ារ៉ា នាយ​ផ្នែក​ព្រហ្មទណ្ឌ បាន​កោះហៅ​មន្រ្តី​នគរបាល​ព្...Read more
    ពលរដ្ឋប្ដឹងក្លឹបហ៊ីបហបនៅសៀមរាបជាថ្មីរឿងចាក់ធុងបាសឮខ្លាំងៗនៅពេលយប់ក្លឹប​ក្លាស៊ិក ហ៊ីប ហប (Classic Hip Hop) ដែល​មាន​ទីតាំង​នៅ​ទល់​មុខ​នឹង​វត្ត​ដំណាក់ ក្រុង​សៀមរាប កំពុង​ចាក់​ភ្លេង​បង្ក​សំឡេង​ខ្លាំង ដើម្បី​មុខ​របរ​រក​ស៊ី​ជា​រៀង​រាល់​យប់។ ការ​ចាក់​សំឡេង​ឮ​ខ្លាំង ដោយ​ប្...Read more
    សេចក្តីប្រកាសព័ត៌មាន ស្តីពី លទ្ធផលនៃសម័យ​ប្រជុំលើក​ទី៧ព្រឹទ្ធសភា​នីតិកាលទី៣ ថ្ងៃសុក្រ​ទី១៧ ខែកក្កដា ឆ្នាំ២០១៥សេចក្តីប្រកាសព័ត៌មាន ស្តីពី លទ្ធផលនៃសម័យ​ប្រជុំលើក​ទី៧ព្រឹទ្ធសភា​នីតិកាលទី៣ ថ្ងៃសុក្រ​ទី១៧ ខែកក្កដា ឆ្នាំ២០១៥។ សូមចុចលើ​រូប​ភាព​ខាង​ក្រោម ដើម្បីអានព័ត៌មាន​លំអិត...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      89797នាក់
    ម្សិលមិញ    112718នាក់
    សប្ដាហ៍នេះ    229048នាក់
    ខែនេះ    415818នាក់
    ឆ្នាំនេះ   2014054នាក់
    សរុប   32680300នាក់
    ថ្ងៃទី 24 ខែ 05 ឆ្នាំ 2019 ម៉ោង 10:55