ព័ត៌មានក្ដៅ

    កម្មការិនី​ដែល​ត្រូវ​លោក ឈូកបណ្ឌិត បាញ់​ស្នើ​រដ្ឋាភិបាល​ផ្ដល់​យុត្តិធម៌

    ដោយៈ មករា ភ្នំពេញ ថ្ងៃទី 12 ខែ 12 ឆ្នាំ 2012 វេលាម៉ោង 12:32 នាទី ចំនួនអានៈ 1734

    កម្មការិនី​បី​នាក់​ដែល​ត្រូវ​បាន​អតីត​ចៅហ្វាយ​ក្រុង​បាវិត បាញ់​ប្រហារ​នា​ពេល​កន្លង​ទៅ ថ្លែង​ជា​សាធារណៈ​ទាំង​អួល​ដើម​ក ស្នើ​ឲ្យ​រដ្ឋាភិបាល​ផ្តល់​យុត្តិធម៌​ជូន​ពួក​គេ។

    ការ​ថ្លែង​បែប​នេះ ធ្វើ​ឡើង​នៅ​ចំពោះ​មុខ​អង្គការ​សង្គម​ស៊ីវិល និង​មហាជន​ជាង ៥.០០០​នាក់ ដែល​ចូល​រួម​ប្រារព្ធ​ទិវា​សិទ្ធ​មនុស្ស​អន្តរជាតិ ១០​ធ្នូ នៅ​ទីលាន​ប្រជាធិបតេយ្យ រាជធានី​ភ្នំពេញ។

    កម្មការិនី​រោងចក្រ​កៅវ៉េ បី​នាក់​ដែល​ត្រូវ​បាន​លោក ឈូក បណ្ឌិត អតីត​អភិបាល​ក្រុង​បាវិត បាញ់​ប្រហារ​ក្នុង​កូដកម្ម​ទាម​ទារ​រក​ដំណោះស្រាយ​មួយ​នា​ពេល​កន្លង​ទៅ មិន​ទាន់​ទទួល​បាន​យុត្តិធម៌​នៅ​ឡើយ។ ស្ត្រី​ទាំង​បី​នាក់ ដង្ហោយ​ហៅ​តុលាការ​បើក​សវនា​ឲ្យ​បាន​ឆាប់​រហ័ស និង​កាត់​ទោស​ជន​សង្ស័យ​តាម​ច្បាប់ ដើម្បី​ធានា​ថា មនុស្ស​ទូទៅ​នៅ​ក្នុង​សង្គម​កម្ពុជា ទាំង​អ្នក​តូច​អ្នក​ធំ ត្រូវ​តែ​ស្ថិត​នៅ​ក្រោម​សំណាញ់​ច្បាប់។

    កម្មការិនី លោកស្រី នុត សុខន ដែល​ត្រូវ​គ្រាប់​កាំភ្លើង​ចំ​ដៃ ថ្លែង​ថា ក្រុម​គ្រួសារ​របស់​អ្នកស្រី​រស់នៅ​រាល់​ថ្ងៃ​ដោយ​ភាព​ភ័យ​ខ្លាច ព្រោះ​ថា​ជន​បង្ក​ការ​បាញ់​ប្រហារ​មាន​សេរីភាព​នៅ​ឡើយ។ លោកស្រី​បន្ត​ថា តុលាការ​ខេត្ត​ស្វាយរៀង បាន​កោះ​ហៅ​កម្មការិនី​ទៅ​ស៊ើប​សួរ​ជាច្រើន​ដង​មក​ហើយ ប៉ុន្តែ​តុលាការ​បែរ​ជា​ពន្យារ​ពេល​បើក​សវនាការ​ជាច្រើន​ដង​ច្រើន​សារ។ លោកស្រី នុត សុខន បញ្ជាក់​ថា រដ្ឋាភិបាល​ត្រូវ​តែ​ផ្តល់​យុត្តិធម៌​ឲ្យ​កម្មការិនី​ដែល​រង​គ្រោះ មិន​គួរ​ណា​ឲ្យ​ជន​ដែល​ប្រព្រឹត្ត​កំហុស​នៅ​ក្រៅ​សំណាញ់​ច្បាប់​នោះ​ទេ៖ «ពេល​អីចឹង​ទៅ គាត់​រឹត​តែ​បាន​ដៃ​ឡើង គាត់​ព្រងើយ​កន្តើយ ដឺ​តែ​ម្តង និយាយ​រួម​ទៅ និង​មាន​សេរីភាព​ហ៊ឺហា​តែ​ម្តង សុំ​ឲ្យ​រដ្ឋាភិបាល​ជួយ​រក​យុត្តិធម៌​ឲ្យ​ខ្ញុំ​ផង»

    លោកស្រី នុត សុខន បន្ត​ថា បើ​រដ្ឋាភិបាល​បណ្តោយ​ឲ្យ​លោក ឈូក បណ្ឌិត រួច​ផុត​ពី​សំណាញ់​ច្បាប់​នោះ បាន​ន័យ​ថា រដ្ឋាភិបាល​មិន​អើពើ និង​ឈឺ​ឆ្អាល​អាយុ​ជីវិត​រាស្ត្រ​ក្រីក្រ​ឡើយ។ ចំណែក​ឯ​កម្មការិនី​ពីរ​នាក់​ទៀត គឺ​លោកស្រី ប៊ុន ចិន្តា និង​កញ្ញា កែវ នី សុទ្ធ​តែ​លើក​ឡើង​ស្រដៀង​គ្នា​ពី​ទុក្ខ​លំបាក ទាំង​ផ្លូវ​កាយ​ផ្លូវ​ចិត្ត​គ្រប់​បែប​យ៉ាង បន្ទាប់​ពី​ទទួល​រង​គ្រោះ​ដោយ​គ្រាប់​កាំភ្លើង​រួច​មក។ កញ្ញា កែវ នី ថ្លែង​ថា នាង​នឹង​ក្រុម​គ្រួសារ​មិន​ធ្លាប់​សប្បាយ​ចិត្ត​ម្តង​ណា​ឡើយ បន្ទាប់​ពី​មាន​ហេតុការណ៍​ទាំង​នោះ​កើត​មាន​ឡើង៖ «នៅ​ឈឺ​បង​ឈឺ​ចាប់ ពេល​ណា​ត្រជាក់​ចិត្ត​វា​ឈឺ ចាប់​ខ្ទោកៗ​ខ្ញុំ​មាន​អារម្មណ៍​ឈឺ​ចាប់​ណាស់ ពេល​របួស​ខ្ញុំ​ឈឺ​អីចឹង»

    ទន្ទឹម​នឹង​នេះ ប្រធាន​សហជីព​ប្រជាធិបតេយ្យ​កាត់​ដេរ​កម្ពុជា លោក អាត់ ធន មាន​ប្រសាសន៍​ថា សហជីព និង​កម្មករ​នៅ​តាម​បណ្ដា​រោងចក្រ​នានា​ក្នុង​ប្រទេស​កម្ពុជា ស្នើ​ឲ្យ​រដ្ឋាភិបាល និង​តុលាការ​ចាត់​ការ​រឿង​នេះ​ឲ្យ​បាន​ឆាប់។ លោក​បន្ត​ថា ពលរដ្ឋ​កម្ពុជា សុទ្ធ​តែ​ចង់​ឲ្យ​តុលាការ​ចាត់​ការ​ឲ្យ​ជន​សង្ស័យ លោក ឈូក បណ្ឌិត ព្យាបាល​កម្មការិនី​ឲ្យ​បាន​ជា​សះ​ស្បើយ បង់​សំណង​ជំងឺ​ចិត្ត និង​ដាក់​ទោស​ជន​សង្ស័យ​តាម​ក្រមព្រហ្មទណ្ឌ​នៃ​ប្រទេស​កម្ពុជា៖ «គាត់​ត្រូវ​ការ​ជួយ​គ្រប់​ពេល​វេលា ទាំង​លុយ​កាក់ ទាំង​អី​ហ្នឹង ដូច​នេះ​រដ្ឋាភិបាល​ត្រូវ​តែ​ជំរុញ​រឿង​នេះ ធ្វើ​យ៉ាង​ណា​ឲ្យ​ប្រទេស​កម្ពុជា ហ្នឹង អ្នក​តូច​អ្នក​ធំ​ទាំង​អស់​ត្រូវ​ស្ថិត​នៅ​ក្រោម​ច្បាប់ បើ​គាត់​ប្រព្រឹត្ត​ត្រូវ​តែ​ទទួល​តាម​ព្យសនកម្ម ហើយ​ត្រូវ​តែ​ទទួល​ទោស​តាម​ច្បាប់»

    ប៉ុន្តែ​កន្លង​ទៅ លោក​នាយក​រដ្ឋមន្ត្រី ហ៊ុន សែន ធ្លាប់​មាន​ប្រសាសន៍​ជា​ញយ​ដង​ថា កម្ពុជា កំពុង​ពង្រឹង​នីតិរដ្ឋ ដូច​នេះ​មិន​មាន​ជន​ណា​ម្នាក់​ដែល​នៅ​ក្រៅ​សំណាញ់​ច្បាប់​នោះ​ទេ ទោះ​បី​ជា​អ្នក​នោះ​ពាក់​លោក​ខែ​ក៏ដោយ។

    ទោះ​យ៉ាង​ណា​ក្តី ប្រធាន​សមាគម​ការពារ​សិទ្ធិ​មនុស្ស​អាដហុក (Adhoc) លោក ធន សារ៉ាយ មាន​ប្រសាសន៍​ថា កម្ពុជា ត្រូវ​បាន​សហគមន៍​អន្តរជាតិ​រិះគន់​យ៉ាង​ខ្លាំង​ជុំវិញ​បញ្ហា​សិទ្ធិ​មនុស្ស និង​និទ្ទណ្ឌភាព។ លោក​បន្ត​ថា កន្លង​មក​រដ្ឋាភិបាល​បាន​ចាត់​វិធានការ​មាន​ប្រសិទ្ធភាព​គួរ​ជា​ទី​អបអរ ដូច​ជា​ការ​ចាប់​ខ្លួន​មន្ត្រី​ជាច្រើន​ដែល​ល្មើស​ច្បាប់ ហេតុ​អ្វី​រឿងរ៉ាវ​លោក ឈូក បណ្ឌិត មួយ​ពិបាក​ចាត់​ការ​ម្ល៉េះ។ លោក ធន សារ៉ាយ បញ្ជាក់​ថា រដ្ឋាភិបាល​ត្រូវ​ផ្តល់​សិទ្ធិ​ឲ្យ​តុលាការ​ខេត្ត​ស្វាយរៀង ធ្វើ​ការ​ដោយ​ឯករាជ ព្រោះ​ថា​បើ​មន្ត្រី​ធំ​មួយ​ចំនួន​ទៅ​ការពារ​លោក ឈូក បណ្ឌិត តុលាការ​ក៏​មិន​ហ៊ាន​ចាត់​ការ​ចំពោះ​រឿង​នេះ​ឡើយ។

    ជន​សង្ស័យ​ឈ្មោះ ឈូក បណ្ឌិត ត្រូវ​បាន​វែក​មុខ​ដោយ​សមត្ថកិច្ច​នគរបាល​ក្រសួង​មហាផ្ទៃ បន្ទាប់​ពី​ជន​រូប​នេះ​បាន​បាញ់​រះ​ទៅ​លើ​កម្មករ​ជាច្រើន​នាក់​ក្នុង​ពេល​កម្មករ​ធ្វើ​កូដកម្ម​តវ៉ា​នៅ​តំបន់​សេដ្ឋកិច្ច​ពិសេស​ក្រុង​បាវិត កាល​ពី​ដើម​ឆ្នាំ​២០១២ ប៉ុន្តែ​ព្រះរាជ​អាជ្ញា​អម​សាលា​ដំបូង​ខេត្ត​ស្វាយរៀង បែរ​ជា​សម្រេច​ចោទ​ប្រកាន់​អតីត​អភិបាល​ក្រុង​រូប​នេះ​ពី​បទ​បង្ក​របួស​ស្នាម​ដោយ​ចេតនា​ទៅ​វិញ ធ្វើ​ឲ្យ​មាន​ការ​រិះគន់​ជា​ខ្លាំង​ពី​សំណាក់​សង្គម​ស៊ីវិល​ជាតិ និង​អន្តរជាតិ៕

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ឧកញ៉ា ឌីឌុក និងក្រុមហ៊ុន សំអឿនសុវណ្ណ កំពុងសហការគ្នាដំឡើងម៉ាស៊ីនអារឈើខ្នាតយក្ស ហើយប្រកាស...    អាន1093ដង អង្គរក្សលោក ហ៊ីងប៊ុនហៀង រកស៊ីដឹកឈើគំរាមកំហែងអ្នកកាសែត ត្រូវបានមេព្រៃបង្ក្រាប   អាន5842ដង បុណ្យចូលឆ្នាំខ្មែរ   អាន11557ដង គណៈប្រតិភូបញ្ជាការដ្ឋានអង្គរក្ស អញ្ជើញគោរពវិញ្ញាណក្ខ័ន្ត លោក ប៊ួយ គឹមលៀង   អាន3347ដង ព្រះសង្ឃ​ជាង​៥ពាន់​អង្គ​សូត្រ​ធម៌​ឧទ្ទិស​កុសល​ថ្វាយ​ព្រះ​មហា​វីរក្សត្រ   អាន1118ដង តំណាងរាស្ត្រ​បក្ស​សង្គ្រោះ​ជាតិ​មណ្ឌល​សៀម​រាម ប្រាប់លោក​​ហ៊ុន ម៉ា​នី​​ ​ឲ្យដូរ​​ខ្លោង?...    អាន7022ដង អគ្គនាយកដ្ឋានអន្តោប្រវេសន៍ បានបន្តរចុះបំពេញការងារត្រួតពិនិត្យ និងវាយតម្លៃឯកសាររដ្ឋបាល...    អាន2606ដង លោក សននី ប្រាប់ថា អ្នកគ្រប់គ្រងផ្សារក្រោមធំជាងគេគឺជាអ្នកផ្សេងមិនមែនរូបលោកទេ   អាន948ដង អ្នកធ្វើដំណើររិះគន់រថយន្តក្រុងកាពីតូល ឡើងថ្លៃនៅថ្ងៃមានបុណ្យទាន   អាន1315ដង រាស្ត្រ៖ មុនបោះឆ្នោតឃុំសង្កាត់ប្រើពាក្យបំផុសបំផុលអោយរាស្ត្រធ្វើផ្ទះយកសន្លឹកឆ្នោត តែបោ...    អាន18002ដង
    ព័ត៌មានផ្សេងៗទៀត
    ខួបកំណើតសម្តេចហ៊ុនសែន
    ផ្សាយពាណិជ្ជកម្ម

     លិខិតមិត្តអ្នកអាន
    មន្ត្រីពន្ធដាខេត្តរតនគីរីម្នាក់ ត្រូវនគរបាលឃាត់ខ្លួន ពីបទចាប់រំលោភអ្នកអនាម័យយោង​សេចក្តីរាយការណ៍​ពី​ខេត្ត​រតនគីរី បានឲ្យដឹងថា លោក ប្រាក់ សា​វ័ន្ត មន្ត្រី​ពន្ធដា​ខេត្ត​រតន​គី​រី មាន​តួនាទី​ជា​ប្រធាន​ផ្នែក​បំណុល ត្រូវ​នគរបាល​ក្រុង​បាន​លុង​ចាប់ខ្លួន ពី​បទ​ចាប់រំលោភ​​​ស្ត្រី ជា​​អ...Read more
    លោក ឡុងស៊ីថា ព្រះរាជអាជ្ញារងខេត្តព្រះវិហារចាប់អ្នកកាសែត២នាក់ដាក់គុគ គេសង្ស័យថាព្រោះតែគំនុំលោក ឡុងស៊ីថា ព្រះរាជអាជ្ញារង​ខេត្តព្រះវិហារ​ ត្រូវបាន​គេ​សង្កេតឃើញថា ធ្វើការ​ដោយ​គ្មាន​ភាព​ទទួលខុសត្រូវ​​បាយបិណ្ឌ​ជា​បាយ​បាទ​ដូច​ក្មេង​បៀ​ប​ដៃ អនុវត្តន៍​ការងារ​ក្នុង​តុលាការ​ឆ្លើយ​ដាក់គ្នា​ទៅវិញទៅមក ម...Read more
    បុរសស្មោះស្នេហ៍គិតខ្លី សម្រេចចិត្តចងកសម្លាប់ខ្លួនទៅតាមសង្សារក្មេងខ្ចីខ្លីប្រាជ្ញាព្រោះតែស្នេហាធ្វើ​អោយ​យុវជន​ម្នាក់សម្រេចចិត្ត​សម្លាប់ខ្លួន ដែល​សាសពជន​រង​គ្រោះត្រូវបាន​ក្រុមគ្រួសារ​ប្រទះឃើញ​ស្លាប់ ដោយ​មាន​ចំណង​ខ្សែ​គោ​ចង​ក​នៅលើ​ដើម​ព្រីង​ខាងក្រោយ​​ផ្ទះប្រមាណ​១...Read more
    លោក ខាំលឿ មេឃុំកណ្តែកត្រូវបានពលរដ្ឋចោទថា បានកាប់រានដើមរាំងទឹកដំបន់ហាមឃាត់យកដីធ្វើស្រែប្រជា​ពលរដ្ឋ​នៅ​ឃុំ​កណ្តែក​មួយក្រុម​បាន​លួច​បង្ហើប​អោយ​ដឹងថា លោកខាំលឿមេ​ឃុំ​កណ្តែក​កំពុង​តែ​កាប់​រាន​ដើម​រាំង​ទឹក​ ព្រម​ទាំង​ចាក់​ថ្នាំសំ​លាប់ដើម​រាំង​​មិន​អោយ​ដុះ​ឡើង​វិញ ដើម្បី​យក​ដី​ធ្វើ​ស្រែ​ប្រាំ...Read more
    តុលាការកោះហៅ សួន សេរីរដ្ឋា ចូលរួមសវនាការ ថ្ងៃ១៨ កញ្ញា ករណីញុះញង់ដើម្បីផ្តួលរំលំរដ្ឋាភិបាលលោក សួន សេរី​រដ្ឋា ប្រធាន​ចលនា​អំណាច​ពលរដ្ឋ​ខ្មែរ ត្រូវបាន​តំណាង​អយ្យការ អម​សាលាដំបូង​រាជធានី​ភ្នំពេញ ចេញ​ដីកា​កោះហៅ​ឲ្យចូល​រួម​សវនាការ នៅ​ថ្ងៃ​ទី​១៨ ខែ​កញ្ញា ឆ្នាំ​២០១៤​ខាងមុខនេះ ក្រោម​ការចោទប្រកាន់​...Read more
    យុវជនគួរយកពេលទំនេរពីការសិក្សារ មកលែងកីឡាប្រសើរជាងការដើរលេងនាំឲ្យធ្លាក់ក្នុងអំពើរអបាយមុខលោក ឱ បូរិន មេបញ្ជាការ អ ហ ខេត្ត​បន្ទាយមានជ័យ បាន​ថ្លែងថា កីឡា​នាំមក​នូវ​សុភាព​ល្អ មិត្តភាព និង​ការអភិវឌ្ឍន៍ យុវជន​គ្រប់រូប​គួរ​យក​ពេលវេលា​ទំនេរ​ក្រៅពី​ការសិក្សា​មក​លែង​កីឡា ប្រសើ ជាង​ការដើរ​លែង នាំ​ឲ...Read more
    លោក ចាបសុផារិទ្ធិ មេប៉ូលីសសេដ្ឋកិច្ចខេត្តបន្ទាយមានជ័យកំពុងតែផ្គើនបទបញ្ជារាជរដ្ឋាភិបាលលោក​ ​ ចាបសុ​ផារិទ្ធ មេប៉ូលីស​សេដ្ឋ​កិច្ច​ខេត្ត​បន្ទាយ​មាន​ជ័យ កំពុងតែ​សប្បាយ ក្នុង​ការប្រមូល​​លុយក្រោម​តុ​​ពី​​ក្រុម​ឈ្មួញរក​ស៊ី​នាំទំនិញខុស​ច្បាប់​​ចូល​ពី​ប្រ​ទេស​ថៃ​ មក​​កម្ពុជា​តាម​ច្រក​មួយ​ចំ​នួន...Read more
    សម្តេច ជា ស៊ីម ទទួលមរណៈភាពនៅរសៀលថ្ងៃទី៨នេះសម្តេច ជា ស៊ីម បានទទួលមរណៈភាព នៅម៉ោង៣និង៤៥នាទី ថ្ងៃទី៨ ខែឧសភា ឆ្នាំ២០១៥នេះ ក្នុងជន្មាយុ ៨៣ ឆ្នាំ ដោយរោគាពាធនៅគេហដ្ឋាន ឯរាជធានីភ្នំពេញ។...Read more
    រថយន្តសូគឺម៉ិចដឹកសាំងរបស់លោកសុខគង់បន្លំដឹកឈើក្រញូងខុសច្បាប់រថ​យន្ត​ដឹក​សាំង​ដែល​មាន​ស្លាក​យី​ហោ​ សូគឺ​ម៉ិច​ ដែល​ត្រូវ​បាន​គេ​ស្គាល​ថា ជា​របស់​លោក​សុក​គង់​មហា​សេដ្ឋី​ស្រុក​ខ្មែរ​ លួច​ដឹក​ឈើ​ក្រ​ញូង​ពេញ​ស៊ី​តេន​សាំង​ ត្រូវ​បាន​កម្លាំង​សមត្ថ​កិច្ច​​បង្ក្រាប​បាន​...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      292នាក់
    ម្សិលមិញ    4035នាក់
    សប្ដាហ៍នេះ    292នាក់
    ខែនេះ    168046នាក់
    ឆ្នាំនេះ   3037602នាក់
    សរុប   41331280នាក់
    ថ្ងៃទី 27 ខែ 09 ឆ្នាំ 2021 ម៉ោង 01:40