ព័ត៌មានក្ដៅ

    ការ​សម្ញែង​និង​ភាព​អាត្មានិយម​នៅ​ក្នុង​សង្គម

    ដោយៈ មតិមិត្តអ្នកអាន ថ្ងៃទី 31 ខែ 03 ឆ្នាំ 2013 វេលាម៉ោង 12:27 នាទី ចំនួនអានៈ 838

    ជាទូទៅ​ក្នុង​សង្គម​កម្ពុជា​យើង​សព្វ​ថ្ងៃ​គេ​សង្កេត​ឃើញ​ថា​ ភាព​អាត្មា​និយម​តែង​តែ​កើត​ឡើង​គ្រប់​ច្រក​ល្ហក​នៃ​ជ្រុង​សង្គម​។​​អាត្មា​ និយម​ គឺ​ស្តែង​ឡើង ​តាម​រយៈ​សកម្មភាព​របស់​បុគ្គល​ម្នាក់ៗ​។ ​អាច​និយាយ​បាន​ថា​ សព្វ​ថ្ងៃ​មាន​មន្រ្តី​រដ្ឋា​ភិបាល​​ជា​ច្រើន​​បាន​ប្រើ​ឥទ្ធិពល​បស់​ខ្លួន​ ក្នុង​ស្ថាប័ន​ខ្លួន​មិន​អស់​ចិត្ត​ ពួក​គេ​ក៏​ប្រើ​ឥទ្ធិពល​នៅ​ខាង​ក្រៅ​ ធ្វើ​ឲ្យ​ម​ហា​ជន​ដឹង​ថា​ ខ្លួន​មាន​លុយ​មាន​អំណា​ចបុណ្យ​ស័ក្តិ​។ ពិសេស​មន្ត្រី​ក្នុង​ជួរ​យោធា​ នគរ​បាល ​កង​រាជ​អាវុធហត្ថ និង​គយ​ជា​ដើម។

    ពួក​មន្រ្តី​ទាំង​នោះ ចូល​ចិត្ត​សម្ញែង​ឯក​សណ្ឋាន​របស់​ពួក​គេ​ពាក់​ទៅ​នឹង​កៅអី​មុខ រថយន្ត​​របស់​ខ្លួន ​ដែល​កំពុង​បើក​បរ​ឲ្យ​មហាជន​មើល​មកឡាន​​របស់​ខ្លួន​ថា​ជា​​អ្នក​អស្ចារ្យ ​ និង​មាន​អំណាច​ ពោល​គឺ​មិន​ចង់​ឲ្យ​មាន​អ្នក​ណា​ម្នាក់​ មក​រំខាន​ខ្លួន​កំពុង​បើក​បរ​ក៏​ថា​បាន ​ឬ​ក៏​ចង់​ប្រព្រឹត្ត​បទ​ល្មើស​អ្វី​មួយ​ឲ្យ​ក្រុម​សមត្ថកិច្ច​តាម​ដង ផ្លូវ​មើល​រំលង ឬក៏​ជា​សញ្ញា​ប្រាប់​ថា​ ខ្លួន​ក៏​ជា​សមត្ថកិច្ច​ដែរ​។​

    បើ​សិន​ហ៊ាន​ធ្វើ​ខុស​តាម​ដង​ផ្លូវ​ ដូច​ជា​បង្ក​គ្រោះ​ថ្នាក់​ចរាចរណ៍​ពួក​គេ​អាច​សម្រុះ​សម្រួល​បាន​​លឿន​ បំផុត​។ ​បើ​មិន​ដូច្នោះ​ទេ​ ពួក​គេ​អាច​ទូរស័ព្ទ​ទៅ​មេ​កើយ​របស់​ពួក​គេ​ តែ​បន្តិច​ រឿង​នោះ​ឆាប់​ចប់​បំផុត​។ ​កត្តា​ទាំង​អស់​នេះ​ ក្រុម​អ្នក​ច្បាប់​បាន​ទូន្មាន​ថា ​ទាំង​មន្រ្តី​ជាន់​ខ្ពស់​អ្នក​មាន​ អ្នក​ក្រីក្រ ត្រូវ​ឈរ​ចំពោះ​មុខ​ច្បាប់​ស្មើ​ភាព​គ្នា​ ទើប​ធ្វើ​ឲ្យ​សង្គម​​រស់​នៅ​សុខ​ដុម​រមនា​ និង​មាន​សេច​ក្តី​ថ្លៃ​ថ្នូរ​ទៅ​វិញ​ទៅ​មក​។

    ក្រៅ​ពី​នេះ​ នៅ​មាន​បុគ្គល​មួយ​ចំនួន​សូម្បី​បាន​ថត​រូប​ជា​មួយ​មេ​ដឹក​នាំ​ជាន់​ខ្ពស់​ របស់​រដ្ឋាភិបាល​ ក៏​ពួក​គេ​យក​ទៅ​ដាក់​តាំង​បង្អួត ធ្វើ​អាជីវកម្ម​ ក្នុង​ហាង​ភោជនីយដ្ឋាន​របស់​គេ​ដែរ​។​ ការ​យក​រូប​ថត​ដែល​ថត​ជា​មួយ​មេ​ដឹក​នាំ​ជាន់​ខ្ពស់​ទៅ​ដាក់​តាំង អាច​​ធ្វើ​ឲ្យ​អាជីវកម្ម​របស់​គេ​មាន​ឥទ្ធិពល​បន្ថែម​ ដោយ​អាច​កម្លា​ មិន​ឲ្យ​ពួក​ក្រុម​សមត្ថកិច្ច​ ឬ​ក្រុម​ជំនាញ​មក​ធ្វើ​ការ​ត្រួត​ពិនិត្យ​ការ​ប្រកប​របរ​អាជីវកម្ម​ទៅ​ តាម​ច្បាប់​ដែរ​ឬ​យ៉ាង​ណា​?​

    បើ​ក្រុម​អាជ្ញាធរ​ មាន​​សមត្ថ​កិច្ច​ ចង់​ឆែក​ឆេរ​ក៏​ពួក​​គេ​ មាន​ចិត្ត​ខ្លាច​រអា​ខ្លះ​ដែរ​។​ ចង់​មិន​ចង់​ខា្លច​អស់​បុណ្យ​ស័ក្តិ​តួនាទី​មុខ​តំណែង​ក្នុង​ស្ថាប័ន របស់​ខ្លួន។ ក្នុង​សង្គម​ខ្មែរ​យើង​ គេ​សង្កេត​ឃើញ​មាន​រឿង​រ៉ាវ​ជា​ច្រើន​​ទៀត​ដែល​យើង​ត្រូវ​ថ្លឹង​ថ្លែង​និង​ សូម​ឲ្យ​​មហាជន​ ជួយ​ពិចារណា​ លើ​សុជីវធម៌​ និង​សីល​ធម៌​ ដែល​បាន​និង​កំពុង​​ដាំ​ក្បាល​ចុះ​យ៉ាង​ខ្លាំង​ដែល​​យើង​មិន​អាច​នឹក​ស្មាន​ ដល់​។

    អាត្មា​និយម​តែង​តែ​កើត​មាន​ផង​ដែរ​នៅ​​តាម​ស្ថាប័ន​សាធាណៈ​ដែល ​គ្រប់​គ្រង​ដោយ​ឯក​ជន​ និង​រដ្ឋ​។​ យើង​ឃើញ​ថា ​បុគ្គ​លិក​ខ្លះ​ បាន​ខិត​ខំ​ធ្វើ​ការ​តាម​មុខ​តំណែង​និង​ជំនាញ​រៀងៗ​ខ្លួន​។ ​ទន្ទឹម​នឹង​នោះ​ដែរ​ បុគ្គលិក​មួយ​ចំនួន​ មិន​បាន​ចូល​រួម​ចំណែក​សន្សំ​សម្ភារ​​ការិយាល័យ​ដែល​ពួក​គេ​ប្រើប្រាស់​ នោះ​ឡើយ ​ដូច​ជាប្រើ​ក្រដាស​ខ្ជះខ្ជាយ​ ភ្លើង​អគិ្គសនី​ដែល​ពួក​គេ​ប្រើ​រួច​មិន​​បិទ​វា រាប់​ទាំង​សម្ភារ​ផេ្សងៗ​ទៀត​ ដោយ​មិន​ថែទាំ​​ជូត​សម្អាត​។​

    ទាំង​អស់​សុទ្ធ​តែ​អាត្មា​និយម​ដែល​មិន​គិត​គូរ​ពី​ភាព​ម្ចាស់​ការ​របស់​ ខ្លួន​ដោយ​មិន​គិត​ពី​ផល​ប្រយោជន៍​របស់​ថៅ​កែ​ខ្លួន​ ដូច​ជា​ប្រយោជន៍​របស់​ខ្លួន​ដែរ​។ នេះ​ស​បញ្ចាក់​ថា​ នៅ​កន្លែង​ធ្វើ​ការ​ ពួក​គេ​មិន​បាន​បំពេញ​កាតព្វកិច្ច​ជា​បុគ្គលិក​ល្អ​ក៏​ដូច​ជា​មិន​បាន​ បង្ហាញ​ថា​ ពួក​គេ​ជា​មនុស្ស​ល្អ​ ប្រកប​ដោយ​គុណធម៌ និង​សីលធម៌​នៅ​ក្នុង​សង្គម​​នោះ​ដែរ។

    យើង​ក៏​មាន​ការ​សោក​ស្តាយ​ណាស់​ដែរ ​ ដែល​នៅ​តាម​តំបន់​រមណីយដ្ឋាន​ទេសចរណ៍​មួយ​ចំនួន អ្នក​ធ្វើ​ការ​នៅ​ទី​នោះ ពួក​គេ​គិត​តែ​សប្បាយ​កើប​លុយ​ មិន​បាន​គិត​ពី​តម្លៃ​សុវត្ថិភាព​ សេវា​កម្ម​សណ្តាប់​ធ្នាប់​អនាម័យ ដល់​ទេសចរ​ជាតិ និង​អន្តរជាតិ​ឡើយ។​ ដូច​ជា​រមណីយដ្ឋាន​កម្សាន្ត​ឆ្នេរ​សមុទ្រ​កន្លែង​ចត​ផ្ញើ​រថយន្ត​ចេញ​ ចូល​​មាន​ការ​ពិបាក​ដោយ​ម្ចាស់​ចំណត​​គិត​ធ្វើ​យ៉ាង​ម៉េច​ឲ្យ​បាន​ឡាន​ចត ច្រើន​ លុយ​ក៏​បាន​ច្រើន​ដែរ។​ អាជ្ញាធរ​មូល​ដ្ឋាន​ មិន​បាន​គិត​ពី​ការ​រក​មធ្យោបាយ​ធ្វើ​យ៉ាង​ណា​គ្រប់​គ្រង​រដ្ឋបាល​ឲ្យ បាន​ល្អ​ឡើយ​ ក្រៅ​ពី​រក​លុយ​ដាក់​ហោប៉ាវ​ឲ្យ​ខាន​តែ​បាន​តែ​ប៉ុណ្ណោះ​​ដោយ​មិន​យក​ ចិត្ត​ទុក​ដាក់​ អំពី​អនាម័យ​ និង​បរិស្ថាន​ឡើយ​។ កត្តា​ទាំង​នេះ​ហើយ​ត្រូវ​បាន​មហា​ជន​ហៅ​ថា​ ការ​គ្រប់​គ្រង​រដ្ឋបាល​មិន​បាន​ល្អ​ នាំ​គ្នា​គិត​តែ​ពី​ការ​ប្រមូល​លុយ​ដាក់​ហោ​ប៉ៅ​។

    មិន​តែ​ប៉ុណ្ណោះ​ យើង​ក៏​មិន​ដឹង​ថា​លោក​ចៅហ្វាយ​ក្រុង​ភ្នំពេញ​ កែប ​ជុតិមា​បាន​ជ្រាប​និង​ដឹង​ដែរ​ឬ​អត់​? ​ឬ​ដឹង​ហើយ​ធ្វើ​មិន​ដឹង​ អំពី​ការ​យក​កំណាត់​ផ្លូវ​ក្រោយ​ស្ថាន​ទូត​អាមេរិក​ ក្នុង​សង្កាត់​វត្ត​ភ្នំ​ និង​កំណាត់​ផ្លូវ​សួន​ច្បារ​ រហូត​ដល់​ផ្សារ​ចាស់​ជា​ដើម សម្រាប់​ជា​កន្លែង​ក្រុម​អ្នក​លក់​ឡាន​និង​ក្រុម​អ្នក​គួក​ជេ​ឡាន​ដាក់​ លក់​ឡាន​តាម​ដង​ផ្លូវ​ទាំង​នេះ​យ៉ាង​អនាធិបតេយ្យ​។

    អ្នក​នៅ​ភ្នំពេញ អ្នក​ណា​ក៏​គេ​ដឹង​ដែរ​ថា​ ចរាចរណ៍​ជា​រឿយៗ​ កកស្ទះ​រក​ផ្លូវ​វៀង​ឬ​ចង់​ជិះ​រក​ផ្លូវ​ទូលាយ​ក៏​ពិបាក​ណាស់​ដែរ​។​ តែ​បែរ​ជា​លោក​ចៅ​ហ្វាយ​ក្រុង​ភ្នំពេញ​មិន​យក​ចិត្ត​ទុក​ដាក់​ និង​រៀបចំ​សណ្តាប់​ធ្នាប់​តាម​ដង​ផ្លូវ​ទាំង​នេះ​ និង​ទុក​ឲ្យ​ពួក​លក់​ឡាន​ យក​ដង​ផ្លូវ​ ធ្វើ​អាជីវកម្ម​បែប​នេះ​រហូត​ទៅ​ឬ​?​ ក្រៅ​ពី​នេះ​លក់​ឡាន​ហើយ​ពួក​គេ​នាំ​គ្នា​លេង​បៀ​សើច​យ៉ាង​​ក្អាក​ក្អាយ​ទៀត ផង​។ ក្នុង​ករណី​នេះ​ប្រហែល​ជា​ទទួល​​បាន​ការ​អនុញ្ញាត​ពី​សាលា ខណ្ឌ​ដូន​ពេញ​ ដែល​ទទួល​បាន​លុយ​រាប់​ពាន់​ដុល្លារ​ក្នុង​មួយ​ខែៗ​ ពីការ​យក​ដង​ផ្លូវ​ដាក់​លក់​ឡាន​នេះ​។ យើង​ចាំ​បាន​ថា​ទី​នោះ លោក​នាយក​រដ្ឋ​មន្ត្រី​ហ៊ុន​ សែន​ធ្លាប់​ធ្វើ​ការ​ណែ​នាំ​ម្តង​រួច​មក​ហើយ ​ការ​ដែល​យក​ដង​ផ្លូវ​ដាក់​លក់​ឡាន ​តែ​រឿង​នេះ ​កើត​ឡើង​ដដែលៗ ដូច​ជា​ការ​វែក​ចក​កណ្តាល​ស្ទឹង​បឹង​យ៉ាង​ដូច្នោះ​ដែរ​។

    មួយ​វិញ​ទៀត ​ការ​មិន​យក​ចិត្ត​ទុក​ដាក់​ពី​សំណាក់​គ្រូ​ពេទ្យ​ នៅ​មន្ទីរ​ពេទ្យ​បង្អែក​សម្តេច​ឪ ​គីឡូ​ម៉ែត្រ​ ៦​ ក្រុង​ភ្នំ​ពេញ​ ទៅ​លើ​ស្ត្រី​ជា​អ្នក​លក់​លៀស​ហាល ​ដែល​មាន​ផ្ទៃ​ពោះ​ ជិត​សម្រាល​កូន ឲ្យ​​គ្នា​ជិះ​ម៉ូតូ​ឌុប​ត្រលប់​ទៅ​ផ្ទះ​វិញ​ រហូត​ដល់​ស្ត្រី​នោះ​ទ្រាំ​ពុំ​បាន​ ក៏​សម្រាល​កូន​ នៅ​តាម​​ផ្លូវ​​សាធារណៈ ​ដោយ​មាន​ស្ត្រីចំ​ណាស់​ម្នាក់​ជា​អ្នក​ជួយ​។ ​តាម​រយៈ​ទង្វើ​របស់​គ្រូ​ពេទ្យ​គ្មាន​គុណ​ធម៌​​រូប​នេះ​ វា​បង្ហាញ​ថា សីល​ធម៌​​នៅ​ក្នុង​សង្គម​ខ្មែរ បាន​ធ្លាក់​ចុះ​យ៉ាង​​គំហុក​ ដោយ​គ្រូ​ពេទ្យ​រូប​នេះ​ មិន​គិត​ពីការ​យក​ព្រះ​នាម​សម្តេច​ឪ ​សម្តេច​តា​ដាក់​ឲ្យ​មន្ទីរ​ពេទ្យ​នេះ​ និង​ថែម​ទាំង​មិន​គិត​ពី​តម្លៃ​នៃ​អាយុ​ជីវិត​មនុស្ស​ឡើយ។

    យើង​ក៏​សូម​ អំពាវនាវ និង​សុំណូម​ពរ​ដល់​ខ្មែរ​ប្រុស​ស្រី​គ្រប់​វ័យ ​គ្រប់​ជាន់​ថ្នាក់​មេត្តា​ចូល​រួម​ការ​ពារ​រក្សា​កិតិ្ត​នាម ​និង​សេច​ក្តី​ថ្លៃ​ថ្នូរ​ ក្នុង​សង្គម​ជាតិ​យើង នូវ​ទង្វើ​អ្វី​ដែល​អ្នក​គិត​ថា​ល្អ​ប្រពៃ​ និង​ចេះ​ជួយ​គ្នា​ទៅ​វិញ​ទៅ​មក ​ក្នុង​ការ​ប្រកប​​របរ​រស់​នៅ​សុចរិត​ និង​សុខ​ដុម​រមនា​ ក្នុង​គ្រួ​សារ​ក៏ដូច​ជា​សង្គម​ជាតិ​ទាំង​មូល​៕

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    លោក សុខអាន ត្រូវ​បាន​អង្គរក្សសែងចេញពីពិធីដង្ហែព្រះបរមសព   អាន1338ដង បែកធ្លាយរឿងអាស្រូវរបស់អធិការនគរបាលស្រុកវ៉ារិន ត្រូវបានកូនចៅផ្តិតមេដៃទំលាក់ពីតំណែង   អាន433ដង សិប្បករចម្លាក់ឈើផ្ទុះការតវ៉ាក្រុមហ៊ុនអាទីសង់អង្គរ    អាន845ដង ជំងឺល្មោភស្រា   អាន2272ដង អង្គការ​សិទ្ធិ​មនុស្ស​ជំរុញ​ឲ្យ​សាលា​ឧទ្ធរណ៍​ពន្លឿន​សំណុំ​រឿង​លោក ម៉ម សូណង់ដូ   អាន769ដង រទេះដឹកឈើខុសច្បាប់ចំនួន១៥ត្រូវរដ្ឋបាលព្រៃឈើចាប់ទាំងបង្ខំចិត្ត   អាន1081ដង ឆក់ការបូបស្ត្រីបរទេសបានសម្រេចជិះម៉ូតូរត់ដួល បែកក្បាលទៅមុខលែងរួច   អាន682ដង សាច់ញាតិដណ្តើមទូដែករហូតមានការប្តឹងគ្នាបន្ទាប់ពីភ្លើងឆេះផ្សារាត្រី   អាន1792ដង របាយការណ៍សមត្ថកិច្ច៖ មនុស្ស​១០៣នាក់ស្លាប់ និង៤៥៦នាក់រងរបួស ដោយ​គ្រោះថ្នាក់ចរាចរណ៍រយៈព?...    អាន1630ដង លោក ហុកចិត្រា ប៉ូលីសសេដ្ឋកិច្ច បកស្រាយថាខ្លួនមិនបានប្រព្រឹត្តិអំពើពុករលួយដូចការចោទប្រ?...    អាន8750ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    បទល្មើសអួននេសាទខុសច្បាប់ កើតមានគគ្រឹកគគ្រេងក្នុងស្រុកបរិបូរណ៍ មន្ត្រីជលផលគ្មានការបង្ក្រាបមានតែអ្នកដាក់ខែនៅឃុំ​ឆ្នុកទ្រូ ស្រុក​បរិបូរណ៍ ខេត្តកំពង់ឆ្នាំង បទល្មើស​នេសាទ​ខុសច្បាប់អូសអួន​ទ្រង់ទ្រាយ​ធំ​ បាន​​ធ្វើ​សកម្មភាព​​យ៉ាង​គគ្រឹក​គ​គ្រេង​នៅ​ដែន​​នេសាទ ជា​រៀងរាល់​ថ្ងៃបាន ម៉ាសេរី ហើយ​បទ​ល្មើស​ទាំង​នេះមាន​ភ...Read more
    គ្លីនិកសុខភាព បានព្យួរសេរ៉ូមឲ្យអ្នកជម្ងឺម្នាក់ស្លាប់សាច់ញាតិប្តឹងទារសំណង១ម៉ឺនដុល្លារបុរស់ម្នាក់ឈ្មោះ យន់សុធា អាយុ៣៣ឆ្នាំ រស់នៅ​ភូមិគ្រួស សង្កាត់ស្វាយដង្គំ ក្រុង​សៀមរាប ត្រូវបានគ្លីនិកឯកជនមួយដែលមានយីហោ គ្លីនិកសុខភាព ស្ថិតនៅភូមិគ្រួស តាម​​ផ្លូវជាតិលេខ៦ ខាង​កើតភ្លើង​ស្តុបទន្លេសាប បាន​ព្...Read more
    មន្ត្រី និងសកម្មជនគណបក្សសង្គ្រោះជាតិ៥រូបត្រូវបានតុលាការដោះលែងនៅថ្ងៃនេះមន្ត្រី​និង​សកម្មជន​គណបក្ស​សង្គ្រោះ​ជាតិ​៥​រូប ត្រូវបាន​លោក លឹម មករ​ន្ទ ប្រធាន​ក្រុមប្រឹក្សា​ជំនុំជម្រះ​សាលាដំបូង​រាជធានី​ភ្នំពេញ សម្រេច​កាលពី​ព្រឹក​ថ្ងៃទី​១៣ ខែ​មេសា ឆ្នាំ​២០១៥ ដោះ​លែងឲ្យ​នៅ​ក្រៅ​ឃុំ...Read more
    លោក ឡុងសំអឿន នគរបាលសេដ្ឋកិច្ចក្រសួង ដាក់ប៉ុស្តិ៍ជជុះប្រមូលលុយពីឈ្មួញដឹកឈើនិងទំនិញ ផ្អើលប៉ែកឧត្តរលោក​ប៉ូលីស​សក្តិ​៤ ឡុងសំអឿន ជា​ប្រធាន​ផ្នែក​ភស្ដុភារ ការិយាល័យ​រដ្ឋបាល​សរុប​នាយកដ្ឋាន​ន​គរ​បាល​​ប្រ​ឆាំង​​បទ​ល្មើ​ស​សេដ្ឋ​កិច្ច​​ក្រ​សួង​​មហាផ្ទៃ និង​​លោក យិនប្រសិទ្ធ ប្រ​ធាន​​ក្រុម​​ប្រ​តិបត្តិ​​ការណ...Read more
    iPhone 6 និង iPhone 6plus បង្ហាញខ្លួនលើទីផ្សារហើយiPhone 6 និង iPhone 6plus បង្ហាញខ្លួនលើទីផ្សារហើយ ដែលមានតម្លៃ ជាង ១០០០ដុល្លា។ iPhone 6 isn’t simply bigger — it’s better in every way. Larger, yet dramatically thinner. More power...Read more
    រថយន្តយក្សដឹកឈើរបស់ក្រុមហ៊ុន ហួតម៉េងរីតា ក្រឡាប់ផ្ងាជើងតៃកុងរបួសធ្ងន់យោង​តាម​ប្រ​ភព​ព័ត៌មាន​បាន​រាយការណ៍បានឲ្យដឹងថា នៅម៉ោង ៣ រំ​លង​អាធ្រា​ត្រថ្ងៃទី៥ឈាន​ចូល​ថ្ងៃទី៦ ខែ​កញ្ញា ឆ្នាំ២០១៥ យប់មិញនេះ រថយន្តយីឌុប​របស់ ក្រុម​ហ៊ុន​ដី​សម្បទាន ហួតម៉េងរីតា បានក្រឡាប់​ខ្ជាក់ចេញ​សុទ្...Read more
    សេចក្តីជូនដំណឹងរបស់អគ្គលេខាធិការដ្ឋានព្រឹទ្ធសភាអគ្គលេខា​ធិការ​ដ្ឋាន​ព្រឹទ្ធ​សភា មាន​កិត្តិ​យស​សូម​ជម្រាប​ជូន​សាធារ​ជន​ជ្រាប​ថា នាថ្ងៃ​ច័ន្ទ​ទី​០៨ ខែ​ធ្នូ ឆ្នាំ២០១៤​ វេលា​ម៉ោង​០៨:០០​ព្រឹក ព្រឹទ្ធ​សភា...Read more
    លោក ចេងដារ៉ាវុធ អតីតប្រធានស្តីទីនាយកដ្ឋានសុខុមាលភាពមនុស្សចាស់នៃក្រសួងសង្គមកិច្ចដង្ហើយហៅលោក នាយករដ្ឋមន្ត្រី ហ៊ុនសែន អោយជួយរកយុត្តិធម៌ជូនលោកផងគេសង្កេត​ឃើញ​ថា មាន​បុគ្គល​មួយ​ចំ​នួន​នៅបំ​រើ​ការ​​ក្នុង​​ក្រ​សួង​សង្គ​មកិច្ច​​មាន​បក្ខពួកនិយម​ បណ្តាល​អោយ​មាន​ភាព​​អយុត្តិ​ធម៌​លើ​មន្ត្រីរាជ​ការ ដូច្នេះ​លោក​ ចេង ដារ៉ាវុធ (អតីត) ប្រ​ធាន​ស្តី​ទី​នាយកដ...Read more
    តំណាងរាស្ត្រ​បក្ស​សង្គ្រោះ​ជាតិ​មណ្ឌល​សៀម​រាម ប្រាប់លោក​​ហ៊ុន ម៉ា​នី​​ ​ឲ្យដូរ​​ខ្លោងទ្វារ​​អង្គ​រ​សង្ក្រាន​​ចេញអ្នក​តំណាងរាស្ត្រ​គណបក្ស​សង្គ្រោះ​ជាតិ​មណ្ឌល​សៀម​រាម លោក​ អ៊ុំ សំអាន បានប្រាប់ ឲ្យលោក​ ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា និងជាអ្នកតំណាងរាស្ត្រគណបក្ស ប្រជា ជនកម្ពុជា នឹងជា កូនប្រ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      372នាក់
    ម្សិលមិញ    9673នាក់
    សប្ដាហ៍នេះ    54012នាក់
    ខែនេះ    221090នាក់
    ឆ្នាំនេះ   3296581នាក់
    សរុប   33962827នាក់
    ថ្ងៃទី 25 ខែ 08 ឆ្នាំ 2019 ម៉ោង 01:31