ព័ត៌មានក្ដៅ

    រថយន្តដឹកដី​បុករថយន្តទូរីស អ្នកស្លាប់កើនដល់៦នាក់

    ដោយៈ បាយ័ន សៀមរាប ថ្ងៃទី 27 ខែ 05 ឆ្នាំ 2013 វេលាម៉ោង 09:05 នាទី ចំនួនអានៈ 834

    សោកនាដកម្ម​ដ៏​រន្ធត់ ក្នុង​គ្រោះថ្នាក់​ចរាចរណ៍ ដែល​បាន​បណ្តាល​ឲ្យ​មនុស្ស​ចំនួន​ប្រាំ​នាក់ ដែល​រួមទាំង​តៃកុង​ទូ​រី​ស​ផង បាន​ស្លាប់​ភ្លាមៗ នៅ​កន្លែងកើតហេតុ​។ ឯ​ម្នាក់ទៀត​បាន​ស្លាប់ ពេលទៅដល់​មន្ទី​ពេទ្យ និង​ដប់​នាក់​ទៀត រងរបួស​ធ្ងន់ កំពុង​ជួយសង្គ្រោះ​បន្ទាន់ ពី​សំណាក់​ក្រុមគ្រូពេទ្យ ដោយសា​រថយន្ត​ដឹក​ដី បុក​ជាមួយ​រថយន្ត​ទូ​រី​ស ក្នុង​ដំណើរ​បញ្ច្រាសទិស​។​

    ហេតុការណ៍​នេះ បានកើត​ឡើង​នៅ​ម៉ោង ៨ និង ១៥ នាទី ព្រឹក​ថ្ងៃទី​២៧ ខែឧសភា ឆ្នាំ​២០១៣ នៅលើ​កំណាត់ ផ្លូវជាតិ​លេខ​៦ ស្ថិតក្នុង​ភូមិ​ស្ពាន​ក្អែក ឃុំ​ក​ណ្តែ​ក ស្រុក​ប្រាសាទបាគង ត្រង់ចំណុច​ខាងលិច​ស្ពាន​ក្អែក ប្រមាណ​ជា ២០០​ម៉ែត្រ​។​

    ​ក្រោយ​កើតហេតុ អ្នកបើកបរ​រថយន្ត​ដឹក​ដី រត់គេចខ្លួន​បាត់ ដោយ​បន្សល់ទុក​អ្នកស្លាប់ ខាង​រថយន្ត​ទួរីស ៥​នាក់ សត្វ​គោមួយ​ក្បាល និង​អ្នករងរបួស រដូករណែល ពាសពេញ​កន្លែងកើតហេតុ​។ 

    ​រថយន្ត​ដឹក​ដី​ធុន ២,៥​តោន ពណ៌​ខៀវ ស្លាក​លេខ​សៀមរាប 3A 0796 ក្នុង​ដំណើរ​ពី​លិចទៅ​កើត​។ ឯ​រថយន្ត​ទូ​រី​សព​ណ៌​ស ស្លាក​លេខ សៀមរាប 2A 1697 ក្នុង​ដំណើរ​ពី​កើ​តទៅ​លិច​។​
    ​    ​
    ​ទោះបីយ៉ាងណា សមត្ថកិច្ច​នៅ​ពុំទាន់​ទទួលបាន​អត្តសញ្ញាណ​អ្នកស្លាប់ និង​អ្នករងរបួស​ច្បាស់លាស់​នៅឡើយ​ទេ​។ តែ​សមត្ថកិច្ច​ឲ្យ​ដឹង​មួយ​ជំ​ហ៊ាន​ថា ១០ នាក់ ដែល​កំពុង​បញ្ជូនទៅ​សង្គ្រោះបន្ទាន់ គឺ​សុទ្ធសឹង​ជា​អ្នករងរបួស​ធ្ងន់​ទាំងអស់ ក្នុងនោះ មាន​ទាំង​កុមារ​ផង​។​
    ​    ​
    ​ចំណែក​អ្នកស្លាប់ ដែលជា​តៃកុង​រថយន្ត​ទូ​រី​ស មានឈ្មោះ នុត ម៉ា​នី ប្រុស​អាយុ ៤៨​ឆ្នាំ ទីលំនៅ​ភូមិ​ទួល​ព្រិច ឃុំ​ថ្លា​ត ស្រុក​អន្លង់វែង ខេត្ត​ឧ​ត្ត​រ​មានជ័យ គាត់​ជា​យោធា​នៅ​កងពលតូច​អន្តរាគមន៍​លេខ​៦​។ ក្រៅពី​បំរើការ​ជា​យោធា គាត់​ជា​អ្នករត់​តាក់ស៊ី ពី​ត្រពាំង​ប្រាសាទ ទៅមក​សៀមរាប​។ ជនរងគ្រោះ មាន​ប្រពន្ធ​ឈ្មោះ ទៀង បាន​រងរបួស កំពុង​សង្គ្រោះ នៅ​មន្ទីរពេទ្យ​។ 

    ​ឯ​អ្នកស្លាប់​៥​នាក់​ទៀត​នៅ​មិនទាន់​ស្គាល់​ទេ ក្នុងនោះ មាន​ស្ត្រី​បីនាក់ ក្មេង​តូច​ពីរ​នាក់ ។ តែ​ប៉ូលិស​បញ្ជាក់ថា រថយន្ត​ទូ​រី​សព​ណ៌​ស ដែលមាន​អ្នកស្លាប់ និង​របួស​នោះ ជា​រថយន្ត​តាក់ស៊ី ដឹក​អ្នកដំណើរ​ពី​ត្រពាំង​ប្រាសាទ មកកាន់​ក្រុង​សៀមរាប​។ 
    ​    ​
    ​សាក្សី​នៅ​កន្លែងកើតហេតុ និយាយថា នៅ​មុនពេល​កើតហេតុ គេ​បានឃើញ​ឡាន​ដឹក​ដី បើកបរ​យ៉ាង​លឿន ពី​លិចទៅ​កើត លុះ​ពេលមកដល់​ចំណុចកើតហេតុ ក៏បាន​ឃើញ​សត្វ​គោមួយ​ក្បាល រត់​ឆ្លងថ្នល់​កាត់មុខ​ឡាន ហើយ​ត្រូវ​ឡាន​ដឹក​ដី​បុក​ពេញទំហឹង អូស​សត្វ​គោ​រ៉េ​ចង្កូត ទៅ​ផ្នែក​ខាងឆ្វេង​។ ស្របពេល​រថយន្ត​ទូ​រី​ស មកដល់​ក៏ត្រូវ​រថយន្ត​ដឹក​ដី បុក​ពេញទំហឹង​ចំ​បញ្ឆិត​ពីមុខ បណ្តាល​ឲ្យ​តៃកុង​ទូ​រី​ស ស្លាប់ គាប​ជាប់​នឹង​រថយន្ត ហើយ​អ្នករួមដំណើរ​ផ្សេងទៀត បាន​ស្លាប់ និង​របួស រដូករណែល ពេញ​កន្លែងកើតហេតុ ដោយ​អ្នកខ្លះ​ខ្ទាត​ចេញ​ក្រៅ​រថយន្ត​។ ក្នុងពេល​សមត្ថកិច្ច មិនទាន់​ទៅដល់ អ្នកបើករថយន្ត​ដឹក​ដី​រត់​គេចខ្លួនបាត់​។​
    ​    ​
    ​លោក​អនុសេនីយ៍ឯក បោះ ចន្ថា អធិការរង​ស្រុក​ប្រាសាទ បាគង​បាន​ឲ្យ​ដឹងថា ម្ចាស់​រថយន្ត​ដឹក​ដី គឺ​ឈ្មោះ ប្រាក់ តិះ រស់នៅ​ស្វាយ​ធំ ឃុំ​ក​ណ្ដែ​ក ស្រុក​ប្រាសាទបាគង​។​     ឈ្មោះ ប្រាក់ តិះ ពេលនោះ មិន​បើកបរ​ដោយ​ខ្លួនឯង​ទេ គឺ​កម្មករ​ជា​អ្នកបើក​ដឹក​ដី​ជា​រៀងរាល់ថ្ងៃ ប៉ុន្តែ​កម្មករ​ពេលនេះ វា​រត់​បាត់ទៅហើយ​។​

    ​អ្នកឃើញ​ហេតុការណ៍​បាន​និយាយថា រថយន្ត​បង្ក បាន​បើក​យ៉ាង​លឿន ដោយ​ពុំបាន​ដឹក​ដី​នោះទេ ធ្វើឱ្យ​ផ្អើល​គេឯង ហើយ​ទៅបុក​គោ​    ​និង​បន្ត​ទៅបុក​រថយន្ត​ដឹក​អ្នកដំណើរ​មួយគ្រឿង​ទៀត​។ 
    ​គេ​និយាយថា បើករថយន្ត​នោះ បុក​គោ​ហើយ​កុំ​គេច ក៏​មិន​ទៅបុក​រថយន្ត​ដឹក​អ្នកដំណើរ​មួយគ្រឿង​ខាងលើ​ឡើយ​។​
    ​    ​
    ​នៅក្នុង​ហេតុការណ៍​នោះ តំណាង​អយ្យកា​អម​សាលាដំបូង​ខេត្តសៀមរាប លោក ហេង ផេង បាន​ចុះ​ទៅដល់​។ 

    ​លោក​បញ្ជាក់ថា បើទោះបីជា​អ្នកបើកបរ​រថយន្ត​ដឹក​ដី​រត់​បាត់ ក៏ពិតមែន តែ​លោក​បាន​ស្គាល់​ម្ចាស់​រថយន្ត​ហើយ គឺ​ឈ្មោះ ប្រាក់ តិះ រស់នៅ​ក្បែរ​ផ្សារ​ស្វាយ​ធំ​។ 

    ​លោក​ថា ម្ចាស់​រថយន្ត​ដឹក​ដី ត្រូវតែ​ទទួលខុសត្រូវ​។ ឯ​ចំណែក​ម្ចាស់​សត្វ​គោ ក៏​ត្រូវតែ​តាមរក​ឲ្យ​ឃើញ ដើម្បី​ទទួលខុសត្រូវ ក្នុង​រឿងនេះ​ដែរ ពីព្រោះ​សោកនាដកម្ម​នេះ វា​ផ្តើមចេញពី​សត្វ​គោ​។​
    ​    ​
    ​លោក​អនុសេនីយ៍ទោ សុខ ប៊ុន​រ៉ុង នាយផ្នែក​នគរ​បាលច​រាច​រណ៍ ស្រុក​ប្រាសាទបាគង បាន​ឲ្យ​ដឹងថា អ្នកស្លាប់ ៤​នាក់ ដែល​រួមទាំង​តៃកុង ឡាន​ទូ​រី​ស​ផង ត្រូវ​បងប្អូន​បាន​ដឹក​យកទៅ​ឃុំ​ស្រែ​ណូយ ស្រុក​វ៉ារិន​ហើយ​។ ឯ​ម្នាក់​នៅនឹងកន្លែង ហើយ​ម្នាក់​ដែល​ស្លាប់​នៅ​ពេទ្យ នៅ​មិនទាន់មាន​បងប្អូន​មក​យក​ទេ​។ 

    ​ចំណែក​រថយន្ត​គ្រោះថ្នាក់​ទាំងពីរ​គ្រឿង ត្រូវបាន​យកទៅ​រក្សាទុក​នៅឯ​អធិការដ្ឋាន នគរបាល​ស្រុក​ប្រាសាទបាគង រង់ចាំ​ដោះស្រាយ​។ សម្ថ​កិច្ច ក៏​កំពុង​រង់ចាំ​ជនរងគ្រោះ និង​ក្រុមគ្រួសារ​អ្នកស្លាប់ មក​ដាក់​ពាក្យបណ្តឹង​៕

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    ម្តាយបង្កើតនិងឳពុកចុងគ្មានព្រហ្មវិហ៊ារធម៌វាយកូនអាយុ៥ឆ្នាំជិតស្លាប់    អាន896ដង អគ្គរាជទូត​អង់គ្លេស និង​CEOP​ ​ផ្ដល់​ប័ណ្ណ​សរសើរ​ជូន​អគ្គស្នងការ​នគរបាល​ជាតិ   អាន754ដង កសិករចាប់ផ្ដើមការងារបង្កបង្កើនផលជាបណ្ដើរៗតែមានភូមិខ្លះកំពង់ខ្វះទឹក   អាន1177ដង ប្រធានមន្ទីរបរិស្ថានខេត្តដឹកនាំកម្លាំងចុះដាំដើមឈើនៅតំបន់បឹងពារាំង   អាន2427ដង ឃាត់​ខ្លួន​ជនជាតិ​ចិន និង​ខ្មែរ ជិត​៥០​នាក់ ជាប់​ពាក់ព័ន្ធ​នឹង​ល្បែង​ភ្នាល់​បាល់​ខុស​?...    អាន747ដង លោក នូ-ស៊ីថា ចាយលុយរាប់ម៉ឺនដុល្លារទិញតំណែងមេគយខេត្តត្បូងឃ្មុំសម្រេចដូចបំណង   អាន2009ដង តំណាងអយ្យការបញ្ជាអោយមេព្រៃរឹបអូសឈើជាច្រើនម៉ែត្រគូបនៅក្បែរព្រៃស្អាក   អាន615ដង សមត្ថកិច្ចចាប់រថយន្តដឹកឈើក្រញូងទាប្រាក់បាន៨០០០ដុល្លារជាថ្នូរនិងការដោះលែង    អាន702ដង លទ្ធផលប្រលងមធ្យមសិក្សាទុតិយភូមិចំណេះទូទៅនិងបំពេញវិជ្ជា ខេត្តកណ្តាល    អាន1089ដង លោកដង្ខៅ ង៉េត ដាក់ណរ៉ាវខុសច្បាប់រាប់រយម៉ែត្រនៅឃុំកំពុងឃ្លាំង   អាន1605ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    iPhone 6 និង iPhone 6plus បង្ហាញខ្លួនលើទីផ្សារហើយiPhone 6 និង iPhone 6plus បង្ហាញខ្លួនលើទីផ្សារហើយ ដែលមានតម្លៃ ជាង ១០០០ដុល្លា។ iPhone 6 isn’t simply bigger — it’s better in every way. Larger, yet dramatically thinner. More power...Read more
    មេប៉ុស្តិ៍ច្រកទ្វារអន្តរជាតិកោះរកា ល្បីថារាប់ក្បាលជនជាតិយួនឆ្លងដែនយកលុយដាក់ហោប៉ៅផ្ទាល់ខ្លួនថ្មីៗ​នេះ​មេ​ប៉ុស្តិ៍​លោក ពេ​ជ មុនី​រតន៍ នាយ​ប៉ុស្តិ៍​ច្រក​ទ្វារ​ព្រំដែន​កោះ​រកា ដែល​ស្ថិត​នៅក្នុង​ឃុំ​កោះ​រកា ស្រុក​ពាម​ជរ ខេត្ត​ព្រៃវែង កំពុង​រង​នូវ​ការរិះគន់​យ៉ាង​ខ្លាំង​ពី​ប្រជាពលរដ្ឋ​ថា កំពុង​បាន...Read more
    ហេតុ៧ប្រការដែលបុរសស្រ្តីយល់ដឹងហេតុ៧ប្រការដែលបុរសស្រ្តីយល់ដឹងគឺ៖ ១- ស្គាល់ហេតុ        ២- ស្គាល់ផល់       ៣- ស្គាល់ប្រពន្ធ        &nb...Read more
    ក្រុមហ៊ុនដឹកអ្នកដំណើរចំនួន០៨ ផ្ដិតមេដៃប្ដឹងទៅចៅហ្វាយខេត្តសៀមរាប ឲ្យលុបបំបាត់កុងត្រូលជជុះចាំយកលុយនៅមុខបុរីសៀងណាំតំណាង ក្រុមហ៊ុន ដឹកជញ្ជូនអ្នក ដំណើរចំនួន ៨ក្រុមហ៊ុន បាននាំគ្នា ផ្តិតមេដៃប្តឹង ទៅ​លោក​ ឃឹម​ ប៊ុន​សុង​ អភិបាល ខេត្តសៀមរាប អំពីបញ្ហា មានកុងត្រូល ជជុះ​មួយ​កន្លែង​ស្ថិត​នៅ​មុខ​បុ​រ...Read more
    សម្តេច ជា ស៊ីម ទទួលមរណៈភាពនៅរសៀលថ្ងៃទី៨នេះសម្តេច ជា ស៊ីម បានទទួលមរណៈភាព នៅម៉ោង៣និង៤៥នាទី ថ្ងៃទី៨ ខែឧសភា ឆ្នាំ២០១៥នេះ ក្នុងជន្មាយុ ៨៣ ឆ្នាំ ដោយរោគាពាធនៅគេហដ្ឋាន ឯរាជធានីភ្នំពេញ។...Read more
    យីហ៊ឺ ហាយប៊ី បបែល ក្លែងក្លាយជាច្រើន ត្រូវបានសម្ថកិច្ចបង្រ្កាបយីហ៊ឺ​សិប្បនិម្មិត ​រួម​ទាំង​បបែល​ ប្រមាណ​ជិត​២០០​គីឡូក្រាម​ ត្រូវ​បាន​កម្លាំង​សមត្ថកិច្ច​នៃ​អធិការដ្ឋាន​នគរបាល​ស្រុក​សង្កែ​ធ្វើការ​ឃាត់​បាន​ជា​បន្តបន្ទាប់​កាលពី​ថ្ងៃ​ទី១០ ​ខែ​កក្កដា ​ឆ្នាំ​២០១៥ ​វេលា...Read more
    តើ ដួងចិត្តស្រ្តី គឺជាអ្វី?​       ដួងចិត្តស្រ្តី ១០យ៉ាង ស្រ្តីមានចរិតចូលចិត្តធ្វើការមិនចេះស្ងៀមទេ ស្រ្តីមានការយកចិតទុកដាក់ទៅលើការងារលើសពួកបុរស ស្រ្តីមានចិត្តអត់ធ្មត់ជាងបុរស ស្រ្តីយកពេលទំនេដើម្បីធ្វើក...Read more
    គ្រួសារស្មៀនឃុំមានគ្នាបីនាក់ត្រូវគេសម្លាប់ដុតទាំងមនុស្សដុតទាំងផ្ទះដើម្បីបំផ្លាញភស្តុតាងមនុស្ស​មួយគ្រួសារ​មាន​គ្នា​បីនាក់​ ត្រូវ​បាន​ឃាត្តករ​សម្លាប់ចង​ផ្អោប​គ្នា ​និង​ដុតទាំង​​ផ្ទះទាំង​មនុស្ស​​បំផ្លាញ​ភស្តុតាង នៅ​យប់រំ​លង​អា​ធ្រាត្យ ​ថ្ងៃទី២០​ឈានចូល​ទី២១​ ខែវិច្ឆកា​ ឆ្នាំ២០១៤នេះ ដែល​គ្រួ...Read more
    លោក ខាំលឿ មេឃុំកណ្តែកត្រូវបានពលរដ្ឋចោទថា បានកាប់រានដើមរាំងទឹកដំបន់ហាមឃាត់យកដីធ្វើស្រែប្រជា​ពលរដ្ឋ​នៅ​ឃុំ​កណ្តែក​មួយក្រុម​បាន​លួច​បង្ហើប​អោយ​ដឹងថា លោកខាំលឿមេ​ឃុំ​កណ្តែក​កំពុង​តែ​កាប់​រាន​ដើម​រាំង​ទឹក​ ព្រម​ទាំង​ចាក់​ថ្នាំសំ​លាប់ដើម​រាំង​​មិន​អោយ​ដុះ​ឡើង​វិញ ដើម្បី​យក​ដី​ធ្វើ​ស្រែ​ប្រាំ...Read more
    កូនប្រុស៤នាក់ពីការភាពក្នុងចំណោមកូនប្រុស៥នាក់ សុំសប្បុរសធម៌ជួយព្យាបាលជំងឺពិការកូនៗផងគ្រួសារ​កសិករ​ក្រីក្រ ដែលមាន​កូនប្រុស​៤​នាក់ សុទ្ធតែ​ពិការ ត្រូវបាន​ក្រុមការងារ​លេខាធិការដ្ឋាន​ក្រុមប្រឹក្សា​ជាតិ​កម្ពុជា ដើម្បី​កុមារ នាំយក​អំណោយ​មួយចំនួន​ទៅ​ផ្តល់ជូន​ដល់ផ្ទះ​របស់គាត់ នៅ​ព្រឹក​ថ្ងៃទី...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      195នាក់
    ម្សិលមិញ    12953នាក់
    សប្ដាហ៍នេះ    74189នាក់
    ខែនេះ    264568នាក់
    ឆ្នាំនេះ   2916012នាក់
    សរុប   33582258នាក់
    ថ្ងៃទី 20 ខែ 07 ឆ្នាំ 2019 ម៉ោង 01:25