ព័ត៌មានក្ដៅ

    ពលរដ្ឋចោទ ក្រុមហ៊ុនទុមរីងរ៉ាប់ប័រ និងក្រុមហ៊ុនដាតាថា បានរំលោភយកដីរបស់ពួកគាត់

    ដោយៈ ខេត្តឧត្តរមានជ័យ ថ្ងៃទី 05 ខែ 07 ឆ្នាំ 2013 វេលាម៉ោង 01:34 នាទី ចំនួនអានៈ 737

    ពល​រដ្ឋ​ភូមិ​អូរ​តា​ម៉ែង​ ១២០​គ្រួ​សារ មាន​ដី​៥០០​ហិ​តា រស់​នៅ​ឃុំ​អន្លង់​វែង​ និង​អ្នក​ស្រុក​ភូមិ ទួល​គ្រោះ ​១៥០​ គ្រួ​សារ​ មាន​ដី​៦០០​ ហិក​តា រស់​នៅ​ឃុំ​ថ្លាត​ ស្រុក​អន្លង់​វែង​ ខេត្ត​ឧត្តរ​មាន​ជ័យ  បាន​ធ្វើ​បទ​សម្ភាសន៍​ទាំង​ទឹក​ភ្នែក​ ហូរ​រហាម​ និ​យាយ​អួល​ដើមក​ថា​ ក្រុម​ហ៊ុន​ទុម​រីង​រ៉ាប់​ប័រ​ និង​ក្រុម​ហ៊ុន​ដា​តា​ បានរំលោភយក​ដី​របស់​ពួកគាត់។

    ពលរដ្ឋ​បានអោយដឹងថា ​ក្រោយ​​សមាហរណ៍​​កម្ម​មក​ បាន​​កាប់​​ព្រៃ​​ដោយ​​កំ​​លាំង​​បាយ​​ បាន​​ដី​​មិន​​លើស​​ពី​​ប្រាំ​​ហិក​​តា​ទេ ដាំ​ដំ​ណាំ​ហូប​ផ្លែ​ជា​ច្រើន​មុខ​ មាន​ផ្ទះ ​រស់​នៅ​ជា​ច្រើន​ខ្នង​បាន​សុខ​សាន្ដ​មិន​ដែល​មាន​រឿង​​អ្វី​​កើត​​ឡើង​​ឡើយ​​ ស្រាប់​​តែ​​ឆ្នាំ​​២០១១​ ក្រុម​ហ៊ុន​ ទាំង​​អស់​​ដែល​​មាន​​ឈ្មោះ​​ខាង​​លើ​ បាន​​មក​​ឈូស​​ដំ​​ណាំ ​​ផ្ទះ​​សម្បែង​ខ្ទេច​ខ្ទី​អស់​ ជាង​១០​ឆ្នាំ​រស់​នៅ​ ដោយ​សន្ដិ​ភាព​ត្រូវ​រលាយ​អស់។​

    ពួក​គាត់​បាន​ប្ដឹង​មេឃុំ ​អភិ​បាល​ស្រុក​ ៤-៥​ដង​ហើយ​ តែ​ចម្លើយ​ពី​អាជ្ញា​ធរ​ សន្យា​ដោះ​ស្រាយ​ៗ​រហូត។​ លោក​ អ៊ុជ ផា ​មេឃុំ​ថ្លាត​​ថ្លែង​ថា​ មន្រ្តី​ជំ​នាញ ​និង​ក្រុម​និ​ស្សិត​ បាន​វាស់​ដី​ជូន​ពល​រដ្ឋ​ចំនួន​ ១៧៣០​ក្បាល​ដី និង​បិទ​ផ្សាយ​ឯក​សារ​នៃ​កិច្ច​វិ​និច្ឆ័យ​រួច​រាល់​ហើយ​ដែរ​ ក៏​ប៉ុន្តែ​ ភា​គី​ក្រុម​ហ៊ុន​តំ​ណាង​ដោយ​លោក​ ស៊ីម​ វណ្ណៈ ​បាន​ប្ដឹង​ជំ​ទាស់​នា​ថ្ងៃ​ទី​១៥ ខែ​មិថុនា​ ឆ្នាំ២០១៣​ មិន​អោយ​ចេញ​ប័ណ្ណ​កម្ម​សិទ្ធ​ជូន​ដល់​ពល​រដ្ឋ​​។

    លោក អ៊ុជ ផា​ ​បាន​បន្ដ​ថា សា​លាស្រុក​ធ្វើ​ការ​ណែ​នាំ​ ដល់​លោក​ ស៊ីម វណ្ណៈ​  អោយ​ប្ដឹង​សារ​ជា​ថ្មី​ ចំ​ពោះ​ដី​ណា​ដែល​ពាក់​ព័ន្ធ​ជា​មួយ​ក្រុម​ហ៊ុន ​ ចំ​ពោះ​ក្រុម​ហ៊ុន​ ដែល​នៅ​សល់​ពេល​ប្ដឹង​ជំ​ទាស់​តែ​ប្រាំ​ថ្ងៃ​ គឺ​គិត​ពី​ថ្ងៃទី​១៥ ​ខែ​មិថុនា ដល់​ថ្ងៃទី២០ ខែមិ​ថុនា​ ដដែល ផុត​កំ​ណត់​មិន​មាន​សិទ្ធិ​ប្តឹង​ឡើយ​ ។

    លោក ផា បានបន្ដទៀតថា គ្មានអ្នកណាហ៊ានប្រឆាំងបទបញ្ជាលេខ ០១.ប.ប ទេ តែ​អា​ជ្ញា​ធរ​ផ្ដល់​យុត្តិ​ធម៌​ដល់​ក្រុម​ហ៊ុន​ បើ​ស្រុក​ដោះ​ស្រាយ​មិន​ចេញ​នៅ​ខេត្ត​ ដោះ​ស្រាយ​ មិន​ចេញ​នៅ​ក្រ​សួង​ តែ​នៅ​ចុង​បញ្ចប់​សម្ដេច​អ្នក​សម្រេច​អោយ​ដី​ពល​រដ្ឋ​ដដែល ​ពាក្យ​បណ្ដឹង​របស់ ​ក្រុម​ហ៊ុន​ចុះ​ថ្ងៃទី​១៥ ខែ​មិថុនា​ ឆ្នាំ​២០១៣​ សុំ​លោក​អភិ​បាល​ស្រុក​អន្លង់​វែង​ផ្អាក​ការ​ចេញ​ប័ណ្ណ ​កម្ម​សិទ្ធ​ជូន​ពល​រដ្ឋ​នោះ​ថា​ ដី​នោះ​ភាគ​ច្រើន​​មិន​មែន​ជា​ដី​បង្ករ​បង្កើន​ផល​ មិន​មែន​ជា​ដី​មាន​លំ​នៅ​ដ្ឋាន​ ជាក់​ស្ដែង​ទេ​ដែល​ជា​ដី​ព្រៃ​នៅ​ឡើយ​ ចំ​ណុច​នោះ​ហើយ​ធ្វើ​អោយ​ប្រ​ជា​ពល​រដ្ឋ​ក្ដៅ​ក្រ​ហាយ។​

    តំ​ណាង ​អ្នក​ស្រុក ៤១​នាក់ កាលពី​ថ្ងៃទី​២៥ ខែមិថុនា ឆ្នាំ២០១៣ចំនួន៣​ភូមិ​គឺ​ ទី០១-​ភូមិ​​អូរ​​តា​​ម៉ែង​​ ទី០២​-ភូមិថ្នល់ថ្មី ទី០៣-ភូមិ​ទួល​គ្រោះ ​បាន​ទៅ​តវា​នៅ​ទីក្រុង​ភ្នំ​ពេញ​មុខ​ផ្ទះ​សម្ដេច​ ហ៊ុន សែន​ នៅ​វិ​​មាន​​ឯក​រាជ្យ ​ពេល​នោះ​មាន​ តំ​ណាង​សុំ​​អោយ​​សម្ដេច​​មក​​ទទួល​​ពាក្យ​​បណ្ដឹង​​ ហើយ​សន្យា​ថា​នឹង​ផ្ដល់​យុត្តិ​ធម៌​ជូន​ពួក​គាត់។ ​ពួក​គាត់​បន្ដថា លោក​ ស៊ីម វណ្ណៈ ​ តំ​ណាង​ភា​គី​ក្រុម​ហ៊ុន​ ជា​មន្រ្តី​ប៉ូ​លិស​ពាក់​សក្ដិ​បួន​កន្លះ ​ប្រ​ចាំ​ខេត្ត​ឧត្តរ​មាន​ជ័យ​ ត្រូវ​ ជា​កូន​ប្រ​សារ​លោក ​ឃឹម ផាន់ណា ​ អភិ​បាល​ស្រុក​អន្លង់​វែង​ ពួក​គាត់​មិន​មាន​ជំ​នឿ​លើ​លោក ​ឃឹម ផាន់ណា ​ ដែល​ត្រូវ​ជា​ឪ​ក្មេក​លោក​ ស៊ីម វណ្ណៈ ​ ពីរ​ឆ្នាំ​ហើយ​ដែល​​ពួក​គាត់​ប្ដឹង​រក​​​យុត្តិ​ធម៌មិន​បាន​​ទេ គឺ​ទុក​ឱកាស​ អោយ​ក្រុម​ហ៊ុន​ធ្វើ​បាប​អ្នក​ស្រុក​តាម​អំ​ពើ​ចិត្ត។ ​

    សូម​បញ្ជាក់​ថា​ក្រុម​ហ៊ុន​ ទុម​រីង​រ៉ាប់​ប័រ​​ ខូអិល​ធីឌី​ មាន​សិទ្ធ​វិ​និយោគ​លើ​ផ្ទៃ​ដី​ចំនួន​ ៧៧៥០​ ហិកតា​  ពី​ក្រុម​ហ៊ុន​ ដា​តា​រ៉ា​ប័រ​ ខេម​បូឌា​ ខូអិល​ធីឌី​ មាន​សិទ្ធ​លើផ្ទៃ​ដី ​ចំនួន ៧៧០០​ហិក​តា ​ស៊ី​ញ៉េ​បោះ​ត្រា​ ដោយ​សម្ដេច​អគ្គម​ហាសេ​នា​ប​តី​តេ​ជោ​ ហ៊ុន សែន ថ្ងៃទី​១៤ ខែ​មិថុនា ឆ្នាំ២០១១ ។

    ទីស្ដី​ការ​គណៈ​រដ្ឋ​មន្ត្រី​​រាជ​ធា​នី​ភ្នំ​ពេញ ​ថ្ងៃទី​៣០ ខែឧសភា ឆ្នាំ២០១២ ឧប​នាយ​ក​រដ្ឋ​មន្ត្រី ទទួល​បន្ទុក​ទី​ស្ដី​ការ​គណៈ​រដ្ឋ​មន្រ្តី​ រាជ​រដ្ឋាភិ​បាល​សម្រេច​យល់​ព្រម​តាម​សំ​ណើរ​ដក​ដី​ចំនួន​ ៣៣៥៤​ ហិកតា ចេញ​ពី​ក្រុម​ហ៊ុន ទុម​រីង​រ៉ាប់​ប័រ​ និង​ក្រុម​ហ៊ុន​ដាតារ៉ាប់ប័រ​ ដើម្បី​ផ្ដល់​ជូន​ប្រ​ជា​ពល​រដ្ឋ​ចំនួន​២២០០ គ្រួ​សារ​ជូន​ពល​រដ្ឋ​ ឃុំ​អន្លង់​វែង ​ស្រុក​អន្លង់​វែង។​

    បទ​បញ្ជា​លេខ ​០១.ប.ប ​ចុះថ្ងៃទី​២២ ខែឧ​សភា ស៊ី​ញ៉េ​បោះ​ត្រា​ដោយ​សម្ដេច ហ៊ុន​សែន ​ចំណុច​ទី២​ ពិ​សេស​គឺ​ការ​អនុ​វត្ត​តាម​គោល​នយោបាយ​ រូប​មន្ដ​ស្បែក​ខ្លា និង​ការ​មិន​ធ្វើ​អោយ​ប៉ះ​ពាល់​ដល់​ដីធ្លី​ ស​ហ​គមន៍​ និង​ជីវ​ភាព​រស់​នៅ​របស់​ប្រ​ជា​ពល​រដ្ឋ ក្នុង​គោល​ដៅ​ធ្វើ​អោយ​សម្បទាន​ដី​សេដ្ឋ​កិច្ច​ទាំង​អស់​ នេះ​ បាន​ផ្ដល់​ផល​ប្រ​យោជន៍​ពិត​ប្រាក​ដ​ជូន​ដល់​ប្រ​ទេស​ជាតិ​ និង​ប្រ​ជា​ជន​ប្រកប​ដោយ​ចិរ​ភាព។​

    លិខិត​ស្នើ​សុំ​អន្ដរា​គមន៍ ចុះថ្ងៃទី​០៣ ខែមិ​ថុនា ឆ្នាំ​២០១៣ ស្នាម​មេ​ដៃ១២០នាក់​  អ្នក​តំ​ណាងគឺទី​០១-អ្នក​ស្រី​ អ៊ឹម ចន្ថា ទី០២-អ្នក​ស្រី ស៊ុំ សាវ ទី០៣-អ្នក​ស្រី ​អ៊ូម មំ ទី០៤-អ្នក​ស្រី ទីម ស្រី ​អា​ជ្ញា​ធរ​ជាតិ​ដោះ​ស្រាយ​ ទំ​នាស់​ដីធ្លី​ បាន​ចោទ​អាជ្ញា​ធរ​ និង​ក្រុម​ហ៊ុន​ បាន​ផ្សំ​គំ​និត​គ្នា​អោយ​ក្រុម​ហ៊ុន​ ឈូស​ឆាយ​ដី​នៅ​ពេល​យប់​ នៅ​ពេល​ដែល​ប្រ​ជា​ពល​រដ្ឋ​ដាំ​ស្វាយ​ លួច​ដក​ស្វាយ​ ដាំ​អី​លួច​ដក​ហ្នឹង​ ជា​ពិ​សេស​សន្ដិ​សុខ​ ក្រុម​ហ៊ុន​ មាន​កាំ​ភ្លើង​ គំ​រាម​ប្រ​ជា​ពល​រដ្ឋ។​

    គោល​នយោ​បាយ ឈ្នះឈ្នះ ​គោល​នយោ​បាយ​ចាស់ ​សកម្ម​ភាព​ថ្មី​ លើ​វិ​ស័យ​ដី​ធ្លី ​បទ​បញ្ជា​លេខ ០១.ប.ប​ ច្បាប់​ភូមិ​បាល​ ឆ្នាំ២០០១​ ដាក់​ថា​ពល​រដ្ឋ​ណា ​រស់​នៅ​លើ​ដី​មាន​ដំ​ណាំ ​គួរ​កត់​សម្គាល់​ បីឆ្នាំ​ ដល់​ប្រាំឆ្នាំ​ ជា​កម្ម​សិទ្ធ​ស្រប​ច្បាប់​ តែ​ផ្ទុយ​ទៅ​វិញ​រាល់​ បទ​បញ្ជា​ពី​ប្រ​មុខ​រដ្ឋា​ភិ​បាល​ ក៏​ដូច​ជា​ច្បាប់​ភូមិ​បាល​ ក៏​មិន​បាន​ធ្វើ​អោយ​ក្រុម​ហ៊ុន​ និង​អាជ្ញា​ធរ​ ស្រុក​អន្លង់់​វែង​ ឈឺ​ក្បាល​ដែរ។​

    អ្នក​យក​ពត៌​មាន​សុំ​ការ​ពន្យ​ល់​ពី​លោក​ ងួន សំអឿម​ ប្រ​ធាន​នាយ​ករដ្ឋ​បាល​ សា​លា​ស្រុក​អន្លង់​វែង​ លោក​ឆ្លើយ​ថា​ លោក​បាន​​ទទួល​​ពាក្យ​​បណ្ដឹង​លើក​ទី​០១​ នៅ​ថ្ងៃ​ទី​១៥ ខែ​មិ​ថុនា ​មក​ដល់​ថ្ងៃ​ទី០១ ខែ ​កក្ដដា​ លោក​ មិន​បាន​ទទួល​ពាក្យ​បណ្ដឹង​ក្រុម​ហ៊ុន​សារ​ជា​ថ្មី​ឡើយ​ លោក​អោយ​សួរ​សុ​រិ​យោ​ដី​ស្រុក។

    អ្នក​សារ​ពត៌​​មាន​​ សុំ​​ការ​ពន្យល់​ពី​លោក​ សុខ គាវិន​ តាម​ទូរ​ស័ព្ទ​លោក​ឆ្លើយ​ថា​ ក្រុម​ហ៊ុន​ប្ដឹង​លើក​ទី​០២​ចំនួន​ ៣៣៧ ​ក្បាល​ដី លោក​បាន​ទទួល​ពាក្យ​បណ្ដឹង​ពី​ថ្ងៃ​ទី​៣០ ខែមិ​ថុនា ឆ្នាំ២០១៣​ តែ​ពាក្យ​បណ្ដឹង​នោះ​ចុះ​ថ្ងៃ​ទី​​២០​ ខែមិថុនា​  ពេល​សួរ​បើ​ដូច្នេះ​តើ​លោក​ចាត់​ទុក​ថា​ពាក្យ​បណ្ដឹង​ហ្នឹង​មាន​ប្រ​សិទ្ធ​ភាព​ដែរ​ឬ​អត់ ​លោក​ឆ្លើយ​ថា កាល​ពី​ថ្ងៃ​ទី​​​១៧ ខែមិថុនា​ សា​លា​ស្រុក​បាន​ប្រ​ជុំ​គណៈ​កម្ម​ការ​បើក​ផ្លូវ​អោយ​ក្រុម​ហ៊ុន​ លោក​បន្ដ​ថាភាគី​ក្រុម​ហ៊ុន​ប្ដឹង​ មាន​ចេនា​ទំ​លាក់​កំ​ហុស​លើ​ក្រុម​លោក​ ដូច្នេះ​លោក​បញ្ជូន​បណ្ដឹង​នោះ​ អោយ​ស្រុក​ដោះ​ស្រាយ​ ពេល​សួរ​ដី​ដែល​មិន​ពាក់​ព័ន្ធ ​ចំនួន​១៣៩៣ ក្បាល​ដី​ លោក​ សុខ គាវិ​ន​ ឆ្លើយ​ថា ​អត់​បញ្ហា​អី​នោះ​ទេ ក្រុម​លោក​ នឹង​បំ​ពេញ​បែប​បទ​ ធ្វើ​កម្ម​សិទ្ធិ​ជួន​ពល​រដ្ឋ​នា​ពេល​ខាង​មុខ​នេះ។​

    ពល​រដ្ឋ​ស្រុក​អន្លង់​វែង​ចោទ​អាជ្ញា​ធរ​ពាក់​ព័ន្ធ​ថា មាន​​ចេត​នា​បន្ធូ​ដៃ​អោយ​ភាគី​ក្រុម​ហ៊ុន​។ តាម​រយៈ​អ្នក​យក​ពត៌​មាន​ សុំ​ឯក​ឧត្តម​ នាយ​ឧត្តម​សេនីយ៍ ​គន់ គីម​ បេក្ខជន​ អ្នក​តំ​ណាង​រាស្រ្ត​មណ្ឌល​ខេត្ត​ឧត្តរ​មានជ័​យ ​អាណត្តិ​ទី​០៥​ ធ្វើ​យ៉ាង​ណា​អោយ​ពួក​គាត់​ បាន​ដី​តាម​ការ​ទាម​ទារ​ និង​ក្រុម​យុវ​ជន​ស្ម័គ្រ​ចិត្ត​​ ធ្វើ​ ប័ណ្ណ​កម្ម​សិទ្ធិ​ស្រប​ច្បាប់​ដោយ​ក្តី​អនុ​គ្រោះ៕ ដោយ៖ សហការី

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    លោក ឌឿន សុវណ្ណ សមត្ថកិច្ចនាំខ្លួនក្រោយដកហូត តំណែង   អាន2124ដង ធំក្លិនស្អុយរលួយចេញពីមេបញ្ជាការប៉េអឹមស្រុកបសេដ្ឋ   អាន749ដង លោក ឧកញ្ញា សុខប៊ុន ត្រូវតុលាការបង្គាប់អោយនាំខ្លួនពីបទប្រើហឹង្សា លើកញ្ញាសាសា   អាន5947ដង កន្លែងស្តុកឈើក្រញូងដ៏មហិមាមួយត្រូវបានសមត្ថកិច្ចចុះទៅដល់ហើយបន្ទាប់ពីអ្នកកាសែតបានរាយក?...    អាន835ដង សេចក្តីប្រកាសព័ត៌មាន ស្តីពី លទ្ធផលនៃសម័យ​ប្រជុំលើក​ទី៧ព្រឹទ្ធសភា​នីតិកាលទី៣ ថ្ងៃសុក្រ?...    អាន3318ដង លោក ប៉ូ ប៉េអឹមស្រុកស្វាយលើកាងនិងរតការឈើក្រញូងយូរឆ្នាំតែថ្នាក់លើធ្វើមិនដឹង   អាន868ដង ក្រុមហ៊ុនចិនវិនិយោគ ផ្លូវដែក និងរោងចក្រស្លដែក នៅព្រះវិហារ លើទឹកប្រាក់ជាង ៩៦០០ លានដុល្លា?...    អាន1080ដង កម្លាំងនគរបាលខេត្តសៀមរាបចុះជួយពន្លត់ភ្លើងឆេះព្រៃ   អាន544ដង ព្រះអាជ្ញាខេត្តកំពង់ស្ពឺអនុញ្ញាត្តិអោយដឹកឈើប្រណិត តែត្រូវសមត្ថកិច្ចចាប់ថាខុសច្បាប់   អាន615ដង រថយន្តដឹកដី​បុករថយន្តទូរីស អ្នកស្លាប់កើនដល់៦នាក់   អាន817ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    ពលរដ្ឋរិះគន់ថា ពហុកីឡាដ្ឋានថ្មីរបស់ខេត្តកំពង់ធំធ្វើទុកសំរាប់អោយខ្មោចលេងកីឡា និងសំរាប់អោយគោជាអ្នកទស្សនាពាក់ព័ន្ធ​និងករណីឃុបឃិតគ្នាលក់ដីពហុកីឡាដ្ឋានចាស់ដែលមានទីតាំងស្ថិតនៅក្នុងភូមិក្តី សង្កាត់ព្រៃតាហ៊ូ ក្រុងស្ទឹងសែននេះដែលមានផ្ទៃដីសរុបជិត៤ហិតា!ក៏មានមតិមហាជននាំគ្នានិយាយរិះគន់ដល់អាជ្ញាធរខេត្តកំពង់ធំជំនាន់ម...Read more
    ទឹកស៊ុបមកពីយួនកំពុងពេញនិយមនៅខេត្តសៀមរាបមន្រ្តីជំនាញមើលមិនឃើញ (មានវីដេអូ)បើ​យើង​សង្កេត​តាម​ដាន​មើល​អោយ​បាន​ដិត​ដល់​អំ​ពីជីវភាព​ និង​ជីវិត​របស់​ប្រ​ជា​ជន​ខ្មែរ​តាំង​ពី​យូរ​លុង​ណាស់​មក​ហើយ​ រហូត​មក​ទល់​កំលុង​ប្រហែល​ជាង​១០​ឆ្នាំមុននោះ គេ​ឃើញ​ថា ប្រ​ជាជន​ខ្មែរ​មាន​សុខ​ភាព​ល្អ​...Read more
    សមត្ថកិច្ចនៅតែអះអាងថា នាយរងប៉ុស្តិ៍សង្កាត់សៀមរាប​ពុលផ្សែងម៉ាស៊ីនភ្លើង តែខាងមន្ទីរពេទ្យសង្ស័យថា ពុលថ្នាំសត្វល្អិតបន្ទាប់ពី​ធ្វើ​ការ​ស្រាវ​ជ្រាវ​អស់​រយៈពេល​ជាច្រើន​ថ្ងៃក្នុង​ករណី​គ្រួសារ​ប៉ូលីស​ប៉ុស្តិ៍ពុល​ទាំង​គ្រួសារកាល​ពី​ថ្ងៃទី២៤ ខែឧសភា ឆ្នាំ២០១៥ ក្រុង​សមត្ថកិច្ច ជំនាញបានឲ្យដឹងថា នាយ​រង​ប៉ុស្ដិ៍​នគរបាល សង្កាត...Read more
    ឈើក្រញូងជិត២តោនត្រូវបានស្ថាប័ណតុលាការបញ្ជាអោយជំនាញរឹបអូសតាមផ្លូវច្បាប់ឈើ​ក្រ​ញូង​ខុស​ច្បាប់​ជិត​២តោន ត្រូវ​បាន​លោក សំរិទ្ធសុខុន ព្រះ​រាជ​អាជ្ញា​រង​អម​សាលា​ដំ​បូង​តំ​ណាង​អយ្យ​ការ បញ្ជា​អោយ​កម្លាំង​រដ្ឋ​បាល​ព្រៃ​ឈើ​ខេត្ត​សៀម​រាប​រឹប​អូស​ទៅ​តាម​ផ្លូវ​ច្បាប់​ នៅ​រសៀល​ថ្ងៃទី...Read more
    បទវិភាគ៖ តើសង្គ្រាមអាចកើតឡើងដូចសម្តីលោកហ៊ុនសែនដែរទេបើគណបក្សប្រឆាំងឈ្នះឆ្នោត?នៅ​លើភិភព​លោកនេះ គ្មាន​នរណាម្នាក់​ចង់​អោយ​ប្រ​ទេស​ជាតិមាន​សង្គ្រាម​កើត​ឡើង​នោះទេ សង្គ្រាម​អាច​ធ្វើ​អោយ​ប្រ​ទេស​ជាតិ​ធ្លាក់​ដុន​ដាម​ខាង​ផ្នែក​សេដ្ឋ​កិច្ច សង្គ្រាម​អាច​ធ្វើ​អោយ​មនុស្ស​ស្លាប់​ បែក​បាក់​ព...Read more
    លោកយិនប្រសិទ្ធ ពង្រាយកូនចៅដាក់ប៉ុស្តិ៍ជជុះយកលុយលោក យិន ប្រសិទ្ធ នៅតែមាន​សិទ្ធិ​អំ ណា​ច​ធំធេង​ក្នុងការ​ចាត់តាំង​មន្ត្រី​ជំនិតៗ​ឲ្យ​ចុះ​ប្រមូល​លុយ​ពី​ក្រុម​ឈ្មួញ​រកស៊ី​ដឹកជញ្ជូន​ទំនិញគេចពន្ធ​និង​អ្នករកស៊ី​ដឹកឈើ​ខុសច្បាប់​មិនដែល​ឈឺក្បាល​វិលមុខ​ពី​ចំណ...Read more
    សមត្ថកិច្ចចំរុះចុះបង្ក្រាបសិប្បកម្មកែឆ្នៃបង្កប់ឈើក្រញូងបីកន្លែងទល់មុខគ្នាដូចមុំចង្ក្រានក្នុងពេលតែមួយនៅ​ព្រឹក​ថ្ងៃ​ទី១៨ ខែកញ្ញា ឆ្នាំ២០១៥នេះស្ថិត​នៅ​ក្នុង​ភូមិ​តាវៀន សង្កាត់​សាលាកំ​រើក ក្រុង​+ខេត្តសៀមរាប​ កម្លាំង​សមត្ថ​កិច្ច​ចំរុះ​ចុះ​បង្ក្រាប​សិប្ប​កម្ម​កែ​ឆ្នៃ​​២​កន្លែង ​និង​ផ្ទះ​ពល​រដ្ឋ​មួយ​កន្លែង...Read more
    ប្រជាពលរដ្ឋបានរិះគន់គ្រូពេទ្យនៅមន្ទីរពេទ្យបង្អែកខេត្តថា ប្រព្រឹត្តិអំពើពុករលួយបើ​ទោះ​ជា​រដ្ឋា​ភិបាល​កម្ពុជា និង​ក្រសួងសុខា​ភិបាល​បាន​ប្រ​កាស​​​អោយ​ក្រុម​គ្រូពេទ្យ​នៅ​តាម​មន្ទីរ​ពេទ្យ​នានា​មិន​អោយ​ប្រ​ព្រឹត្តិ​អំ​ពើ​ពុក​រលួយ​ក្តែងៗ​យ៉ា​ង​ណា​ក៏ដោយ ក៏​ទង្វើ​របស់​ក្រុម​​គ្រូ​ពេទ្យ​...Read more
    អាចទាញយក Windows 10 Technical Preview បានហើយឥឡូវនេះImportant Remember, trying out an early build like this can be risky. That's why we recommend that you don't install the preview on your primary home or business PC. Unexpected PC crashes c...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      272នាក់
    ម្សិលមិញ    8912នាក់
    សប្ដាហ៍នេះ    58402នាក់
    ខែនេះ    298860នាក់
    ឆ្នាំនេះ   1332146នាក់
    សរុប   31998392នាក់
    ថ្ងៃទី 21 ខែ 03 ឆ្នាំ 2019 ម៉ោង 04:27