ព័ត៌មានក្ដៅ

    វិប្បត្តិស្នេហ៍ចាស់នៅក្រោមដើមជ្រៃ (មានសម្លេង)

    ដោយៈ ផ្លុង-រ៉េត សៀមរាប ថ្ងៃទី 21 ខែ 09 ឆ្នាំ 2014 វេលាម៉ោង 12:01 នាទី ចំនួនអានៈ 4170

    ពាក្យ​ស្លោក​មួយ​បាន​ពោលថា​​ កូលាប​តែង​មាន​បន្លា រី​ឯ​ស្នេហា​តែ​ង​មាន​ឧប្បសក្តិ អ្នក​ខ្លះ​មាន​ស្នេហា​មាន​សេច​ក្តី​សុខ អ្នក​ខ្លះ​មាន​ស្នេហា​បែ​ជា​មាន​ទុក្ខ​ ដោយ​សា​ការ​ព្រាត់​ប្រាស​ បែក​បាក់​ មិន​ទទួល​បាន​នូវ​អ្វី​ដែល​ខ្លួន​បាន​ប្រា​ថ្នា ចុះ​បុរស់ម្នាក់អង្គុយ​នៅ​ក្រោមដើមជ្រៃ​តាំង​ពី​សូរិយារៀប​អស្តង្គត់​រហូត​ដល់​ពាក់​កណ្តាល​អាធ្រាត្យ​ក្រោមផ្ទៃ​​មេឃពណ៍​​ខ្មៅង​​ងឹត​ដែល​លឺ​តែ​សូរ​សំ​លេង​មជ្ជុរាជ​រាត្រី​ដង្ហោយ​ហៅ​ឥត​ឈប់​ឈរ តើ​បុរស​ម្នាក់​នេះ​មាន​វិបត្តិ​អ្វី​ដែរ? តោះចាំអីទៀត​យើង​នាំគ្នា​អាន​ដើម្បី​ដឹង​នួវ​រឿង​រាវ​ពិតរបស់គាត់​​!

    កណ្តាល​រាត្រី​ដ៏សែន​ស្ងាត់​ជ្រ​ងំ​បង​មិន​​មាន​លឺ​សូរ​សំលេង​អ្វី​​ក្រៅ​សត្វ​ចង្រិត​ ខ្លែង​ស្រាក មៀម​ ទី​ទុយ​ ខ្លះ​យំ​ខ្លះ​ច្រៀង​លាន់​លឺ​សូរ​ល្វើយ​ៗ​ លាយ​ឡំ​ជាមួយនិង​ស្នូរ​ស្លឹក​ឈើ​បក់​រវិចៗទៅ​តាម​កម្លាំង​ព្រះ​ពាយ​ផាយ​ផាត់​រសាត់​​មក​ពី​ឆ្ងាយ  ឯផ្ទៃ​មេឃ​ពោ​ពេញ​ទៅ​ដោយ​ពពក​ខ្មៅ​អួរអាប់ពពក​​រសាត់​ដុំ​ៗហាក់​រក​កល​ចង់​ភ្លៀង​ ធ្វើ​​អោយ​រូប​បង​នឹក​ឃើញ​អនុស្សាវ​រីយ៍ចាស់​ដែល​និរាស​ចោល​គ្នា​ជា​យូ​រ​ឆ្នាំ​ណាស់​ទៅ​ហើយ​ តែស្នាម​ស្នេហ៍​អតីត​​ធ្វើ​អោយ​បង​នៅ​តែ​នឹក​នាមិន​អាច​បំ​ភ្លេច​បានអស់​មួយ​ជីវិត។

              អូន​ដឹង​ទេថា? បង​អង្គុយ​ក្រោម​ដើម​ជ្រៃ​តែ​ម្នាក់​ឯង​ស្ទើ​ជា​រៀង​រាល់​ថ្ងៃ​រៀប​លិច ​រហូត​ដល់​កណ្តាល​រាត្រី​កាល​​ដ៏​សែន​ស្ងាត់​ជ្រ​ងំ​ មិន​មាន​អ្នក​ណា​ម្នាក់​​ដឹង​ថា បង​កំ​ពុង​តែ​គិត​អ្វី​នោះ​ទេ តាម​ពិត​ទៅ​ បង​កំ​ពុង​តែ​នឹក​រលឹក​ដល់​អូនដែល​ជា​សង្សា​សំណព្វ​ចិត្ត​របស់​បង​។​ ការ​នឹក​ឡើង​វិញ​វា​ថែម​ទាំ​ងធ្វើ​អោយ​បង​មាន​ការ​ឈឺ​ចាប់​ស្ទើ​តែ​ក្អូត​ឈាម​រក​ថ្លែង​មិន​រួច​ ដំ​បៅ​ស្នេហ៍​ចាស់​ហាក់​ដូច​ជា​ស្រ​មោល​អន្ទោល​តាម​ប្រាណ​របស់​បង​គ្រប់​វិនាទី ធ្វើ​អោយ​បង​នឹក​ឃើញ​អូន​គ្រប់​ពេល​វេលា មិន​ថា​ពេល​ញុំ​ ពេល​គេង ពេល​ដើរ​លេង​កម្សាន្ត។ គ្រប់​ពេល​វេលា​​បង​តែង​តែ​ខំ​ប្រឹង​ញញឹម​បង្ហាញ​ញាតិ​មិត្ត​ថា បង​រីក​រាយ​ តែ​តាម​ពិត​បេះ​ដូង​របស់​បង​បាន​រលេះ​រលួត​អស់​ទៅ​ហើយ។ បង​នឹក​ឃើញ​ថ្ងៃ​មួយ​ក្រោម​ភ្លៀង​រលឹមស្រិចៗ​ យើង​ដឹក​ដៃគ្នា​រតលេង​​កម្សាន្ត​សប្បាយ​ បង​ដឹក​ដៃ​អូន​រត​ឆ្វែល​ដើម​ជ្រៃ​ ហើយ​យក​ហត្ថា​​យើង​ទាំង​ទ្វេ​​​​គូស​រូប​ពួក​យើង​ទាំង​ពីរ​​នៅ​លើ​ព្រះ​ធរណី ហើយ​ថែ​ម​ទាំង​ស្បថ​សច្ចា​ថា ​បើ​ទោះ​ជា​ពួក​យើង​មិន​កើត​ក្នុង​ខែ​ឆ្នាំ​តែ​មួយ​ តែ​សូម​អោយ​ស្លាប់​ទៅ​វិញ​ក្នុង​ខែ​ឆ្នាំ​តែមួយ។ បង​នៅ​ចាំ​ទៀត​ថា នៅ​រដូវ​​ភ្ជុំបិណ្ឌ​ឆ្នាំនោះ​អូន​ស្លៀក​ហូល​ពាក់​អាវ​ប៉ាក់​ពានា​កន្សែង​ពណ៍​ស​យក​ចង្ហាន់​ទៅ​ប្រ​គេន​ព្រះ​សង្ឃ​នៅ​ឯវត្តអង្គរ​ខាង​កើត បន្ទាប់​មក​​បង​នាំ​អូន​ឡើង​លើ​កំ​ពូល​ប្រា​សាទ​អង្គរ អូន​ខ្លាច​មិន​ហ៊ាន​ឡើង​ជណ្តើរ​ដ៏​ចោត បង​កាន់​ដៃ​អូន​ ផ្តល់​កម្លាំ​ង​ចិត្ត​ដល់​អូន​រហូត​យើង​បាន​ឡើង​ដល់​លើ​កំពូល​ប្រាសាទ គយ​គន់​ទេស​ភាព​ដ៏​ស្រស់​បម្រង​ និង​ចម្លាក់​ក្បាច់រចនា​ដ៏​កម្រ​មាន​ ដែល​ជា​ស្នា​ដៃ​របស់​បុព្វ​បុរស​ខ្មែរ​យើង​កាល​ពី​ជំ​នាន់​ដើម។ ស្នាម​ញញឹម​ដ៏ស្រ​ទន់​ កាយ​វិការ​ដ៏ល្វត​ល្វន់ សក់ខ្មៅ​រលោង​​​​វែង​អន្លាយក្រាល​គ្រប​លើ​ស្មា​ នេត្រា​ខ្មៅ​យង់ ម្រាម​ដៃ​ស្រួច​ដូច​បន្លាក្រូច ចរិក​សុភាព​រាប​សា​ចេះ​ស្គាល់​ចាស់​ទុំ​ ចេះ​ចែក​រំ​លែក​ដល់​អ្នក​ដទៃ​ ចេះ​ជួយ​យក​ទុក្ខ​ធុរៈអ្នក​ភូមិផង​របង​ជាមួយ បូក​​ផ្សំ​ជាមួយ​ក្លិន​ខ្លួនដ៏​ក្រ​អូប​ប្រហើ ដូច​បំ​បុក​ស្រូវ​ថ្មី​របស់អូន​ ឥឡូវ​វា​នៅ​​តែ​ដិត​ដាម​ដក់​ក្នុង​​ក្រ​អៅ​បេះ​ដូង​​របស់​បង​ជា​និច្ច​ ធ្វើ​អោយ​បង​បំ​ភ្លេច​មិន​បាន​អស់​មួយ​ជីវិត។ ឥឡូវ​ដើមជ្រៃ​នៅ​រស់ស្រស់​ញញឹម​​​ស្លឹក​រី​កស្គុះ​ស្គាយ ឬស​វែង​អន្លាយ​ តែ​បាត់​រូប​អូន​លែង​ឃើញ​ស្រ​មោល​ទៅ​ហើយ អ្វី​ៗ​ប្រែ​ប្រួល​អស់រលីង​ ហើយ​ភ្ជុំបិណ្ឌ​ឆ្នាំនេះមិន​ដឹង​អូន​នៅ​ឯណា​ ទៅ​ដល់​ទី​ណា​នោះ​ទេ។ នឹក​ដល់​ត្រឹមនេះ​ដើម​ទ្រូង​បង​ក៏​ចាប់​ផ្តើម​តឹង​ណែនអួល​ដើម​ក​ បេះដូច​លោត​ខុស​ចង្វះ ទឹក​នេត្រា​ក៏​ចាប់​ផ្តើម​ហូរ​មក​ឯងៗ ព្រោះ​ស្រី​ដែល​បង​ស្រលាញ់​ស្មើ​និង​ជី​វិត បែ​ជា​មិន​មាន​វាសនា​បាន​ជួប​គ្នា​ជា​គូ​អនាគត់លុះ​អាវ​សាន្ត​​ នេះ​ហាក់​ដូច​ពាក្យ​ចាស់​មួយ​បាន​ពោល​ថា ស្រលាញ់​ពេញ​ប្រាស។ តើ​ការ​ព្រាត់​ប្រាស​គ្នា​រវាង​បង​និង​អូន​ វា​ជា​ព្រហ្ម​លិខិត ជា​ព្រេង​វាសនា ​ជា​ផល​កម្ម​ពី​ជាតិ​មុន ឬមក​ពី​បង​មិន​សម​នឹង​អូន​ ឬ​មក​ពី​សង្គម​វណ្ណៈ? អូន​ដឹង​ទេ? គ្រប់​ពេល​ដែល​រៀម​រា​ធ្មេច​នេត្រា​ទៅ​ រៀម​​តែង​តែ​ស្រ​មៃ​ឃើញ​ពៅ​ ឃើញ​គ្រា​ដែល​យើង​ធ្លាប់​អង្គុយ​សាសង​ ផ្តោះ​ផ្តង​វាចារ​ហ្នេហា​ក្រោម​ដួង​ព្រះ​ច័ន្រ្ទា​មូល​ក្រឡង់​ដ៏​ភ្លឺ​ត្រ​ចាស់​ត្រ​ចង់​ ហើ​យ​ពេល​នោះ​អូច​បាន​វាចារមិន​ដាច់​ពី​មាត់ដដែល​ៗថា ​អូន​ស្រ​លាញ់​តែ​បង​អស់​មួយ​ជី​វិតឥត​មាន​ប្រែ​ប្រួល បើ​ទោះ​ជា​មេឃ​រលំ​ភ្នំ​រលាយ​ក៏ដោយ តែ​ផ្ទុយ​ទៅ​វិញ​ទង្វើ​របស់អូន​​គឺ​ខុស​ស្រ​ឡះ​ពី​សម្តី​ ខុស​ពី​ពាក្យ​ស្លោក​ដែល​ពោល​ថា មនុស្ស​គេ​យក​សម្តី​ដំ​រី​គេ​យក​ភ្លុគ តែ​សម្តី​របស់​អូន​មិន​អាច​យក​ជាការ​បាន​ទេ។ ​បើ​បង​ក្រលេក​មើ​ល​ប្រ​វត្តិ​ស្នេហា​កាល​ពី​អតីត​​កាល​ដូច​ជា​ស្នេហា​ទំ​ទាវ គឺ​ពួក​គេ​ព្រាត់​គ្នា​ដោយ​សា​យាយ​ផាន់​ម្តាយ​ទាវ​ស្រ​លាញ់​មាស​ប្រាក់ ឈ្លគ់​និង​អំ​ណាចចង់​អោយ​កូន​ស្រី​ឡើង​ទ្រ​នុំ​ខ្ពស់ រី​ឯនាង​វិធាវី និង​លោក​ប៊ុន​ធឿន តួអង្គ​ក្នុង​រឿង​ផ្កា​ស្រ​ពោន​វិញ ព្រាត់​គ្នា​ដោយ​សារ​គ្រួសារ​ប៊ុន​ធឿន​ធ្លាក់​ខ្លួន​ក្រ ចុះ​ចំ​ណែក​រឿង​យើង​ព្រាត់​គ្នា​ព្រោះ​រឿង​អ្វីទៅ? យប់កាន់​តែ​ជ្រៅ​ផ្គរ​លាន់​គ្រឹមៗគ្រ​ហឹម​រក​ភ្លៀង​ចង្រិត​ស្រែក​ច្រៀង​ហីង​ផ្ទៀង​ខំ​ស្តាប់​ រាល់​ថ្ងៃបង​រស់​ហាក់​ដូច​ជា​ស្លាប់​មិន​ដឹង​រាយ​រ៉ាប់​ប្រាប់​ដល់​អ្នក​ណា ទឹក​នេត្រាហូរ​តក់​ៗ​ស្រក់​ឡើង​ជោគព្រះ​ធរណី​កណ្តាល​រាត្រី​ក្រោម​ជ្រៃកម្សត់​អូន​ភ្លេច​សន្យា​ដែល​បាន​ស្បែ​ស្បថ​ថ្ងៃ​នេះ​អូន​ព្រាត់​ឥត​មាន​នឹក​នា។

              បើ​បង​ទៅ​បួស​ខ្លាច​ញាតិ​ដៀល​ថាបួស​ព្រោះ​ស្នេហាមិន​បាន​បុណ្យទេ​បើ​បង​ផឹក​ស្រា​នឹក​អូន​កើន​ទ្វេរ​លោត​ទឹក​ទន្លេ​ខ្លាច​ព្រះ​មិន​ប្រោស​ ​បងចង់​​ស្រែក​ប្រាប់​ញាតិមិត្ត​អោយ​ដឹង​ពីការ​ពិត​ តែ​បង​គ្មាន​សេចក្តី​ក្លាហាន ដូច្នេះ​ផ្លូវ​តែ​មួយ​គត់​ដែល​បង​ត្រូវ​ដើរ​បន្ត​នោះ​គឺ​ ទ្រាំ​រស់​ទាំ​ង​ការ​ឈឺចាប់​ខ្លោច​ផ្សា​តែ​ប៉ុណ្ណោះ។ អូន​ដឹង​ទេ? ​មាន​តែ​ដើម​ជ្រៃ​ទេ​ដែល​ជាមិត្ត​សម្លាញ់​របស់​បង មាន​តែ​ដើម​ជ្រៃ​ទេ​ដែល​ដឹង​រឿង​ពិត​របស់​បង សូម្បី​តែ​អូន​ដែល​បង​ស្រលាញ់​ស្មើ​ជីវិត​ ក៏​មិន​យល់​ពី​ជម្រៅ​ចិត្ត​បង​ដែរ តែ​ទោះ ​ជា​បង​ឈឺ​ចាប់ខ្លោច​ផ្សា​​យ៉ាង​ណា​ក៏​ដោយ​ បង​ស៊ូ​ដាក់​កាំ​បិត​ចុះ​តាំង​ខ្លួន​ជា​ព្រះ​ ហើយ​លើក​ដៃ​សំ​ពះ​អង្វ​ទេវតា​ និង​វត្ថុ​សាក​សិទ្ធ​លើ​លោក​អោយ​ជួយ​ថែ​រក្សា​អូន​ អោយ​អូន​ជួប​តែ​សេចក្តី​សុខ​ សុភមង្គលអស់​មួយ​ជី​វិត។ ​អ្វី​ដែល​បង​ប្រាថ្នាចុង​ក្រោយ​​ក្នុង​ជាតិ​នេះ​​​គឺ​ ចង់​ឃើញ​ស្នាម​ញញឹម​របស់​អូន​ ដើម្បី​អោយ​បង​អស់​ចិត្ត​ថា អូន​មាន​សេចក្តី​សុខ​ហើយ ធ្វើ​ម្តេច​ជាតិ​នេះ​យើង​គ្មាន​វាស​នា​បាន​ចាប់​ដៃ​គ្នា​ជា​គូ​លុះ​គ្រាអាវ​សាន្ត បង​ប្រាថ្នា​ចំា​ជួប​អូន​ជាតិ​ក្រោម​ម្តង​ទៀតទៅ​ចុះ៕ ដោយ៖ ផ្លុង-រ៉េត

    ស្លាក:  ព័ត៌មានថ្មីៗ  ព័ត៌មានជាតិ  កំណាព្យ  ចម្រៀង  លិខិតមិត្តអ្នកអាន 

    ព័ត៌មានដែលមានទំទាក់ទំទង

    សមត្ថកិច្ចឃាត់ខ្លួនជនសង្ស័យភេទប្រុស ម្នាក់ និង នារី ម្នាក់ ក្នុងករណីសម្រួលអោយប្រើប្រាស់...    អាន660ដង ឃុំខ្លួននិសិ្សតពីរនាក់ ដែលវាយនិងផ្ទុះអាវុធ   អាន759ដង បរិយាយថ្ងៃនេះ៖ អ្នកនយោបាយស្រុកខ្មែរភាគច្រើនមិនមែនជាអ្នកស្នេហាជាតិពិតប្រាកដ   អាន768ដង បែកធ្លាយលិខិតអាណាមឹក រឿងអធិការក្រុងប្រព្រឹត្តអំពើពុករលួយ   អាន1417ដង ពលរដ្ឋប្ដឹងក្លឹបហ៊ីបហបនៅសៀមរាបជាថ្មីរឿងចាក់ធុងបាសឮខ្លាំងៗនៅពេលយប់   អាន1890ដង អគ្គីភ័យឆាបឆេះផ្សារាត្រីបណ្តាលអោយមានមនុស្សស្លាប់ជាច្រើននាក់   អាន1756ដង យកកូនទាហ៊ានអោយទៅយាមក្រុមហ៊ុនឯកជន ហើយធ្វើទារុណកម្មដូចសត្វធាតុ   អាន19834ដង លោក អ៊ុំសំអាន រកឃើញផែនទីខ្នាត ១/១០០.០០០ នៅអង្គការសហប្រជាជាតិ (UN) កាលពីម្សិលមិញ   អាន3099ដង ក្រុមហ៊ុនហួតម៉េងរីតាដឹកឈើធ្វើអាជីវកម្មមួយយប់ជិត១០រថយន្តយីឌុប   អាន868ដង ក្មេងស្រីម្នាក់ស្លាប់ ក្រោយពីហូបនំកញ្ចប់«Vong Na Tra» របស់យួន   អាន1952ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    លោក ឡុងសំអឿន នគរបាលសេដ្ឋកិច្ចក្រសួង ដាក់ប៉ុស្តិ៍ជជុះប្រមូលលុយពីឈ្មួញដឹកឈើនិងទំនិញ ផ្អើលប៉ែកឧត្តរលោក​ប៉ូលីស​សក្តិ​៤ ឡុងសំអឿន ជា​ប្រធាន​ផ្នែក​ភស្ដុភារ ការិយាល័យ​រដ្ឋបាល​សរុប​នាយកដ្ឋាន​ន​គរ​បាល​​ប្រ​ឆាំង​​បទ​ល្មើ​ស​សេដ្ឋ​កិច្ច​​ក្រ​សួង​​មហាផ្ទៃ និង​​លោក យិនប្រសិទ្ធ ប្រ​ធាន​​ក្រុម​​ប្រ​តិបត្តិ​​ការណ...Read more
    លោក ហុកចិត្រា ប៉ូលីសសេដ្ឋកិច្ច បកស្រាយថាខ្លួនមិនបានប្រព្រឹត្តិអំពើពុករលួយដូចការចោទប្រកាន់នោះទេពាក់​ព័ន្ធ​ទៅ​នឹង​ការ​ចុះ​ផ្សាយ​ខាង​ក្រោម នៅ​រសៀល​ថ្ងៃទី២២ ខែ​តុលា ឆ្នាំ២០១៤​នេះ លោកហុកចិត្រា ប៉ូលីស​សេដ្ឋ​កិច្ច​ប្រ​ចាំខេត្ត​បន្ទាយ​មាន​ជ័យ​បាន​​ទូរស័ព្ទ​មក​អង្គភាព​សារ​ព័ត៌មាន ​កម្ពុជា​សុវណ្ណភូមិ​ថា...Read more
    ប៉ូលីសសេដ្ឋកិច្ចខេត្តចុះបង្ក្រាបរថយន្តដឹកឈើប្រណិតខុសច្បាប់ជំនួសមន្រ្តីជំនាញនៅក្នុងតំបន់បទល្មើសក្រុម​ឈ្មួញ​កំ​ពុង​ធ្វើ​សកម្ម​ភាព​សម្រុក​ដឹក​ជញ្ជូន​ឈើ​យ៉ាង​អា​ណា​ធិប​តេយ្យ​ទៅ​លក់​នៅ​ប្រ​ទេស​វៀណាម​ តាម​ច្រក​របៀង​ព្រំ​ដែន​ស្រុក​អណ្តូង​មាស​ ហើយ​ការ​ធ្វើអា​ជីវកម្ម​ដោយ​ពុំ​ស្រប​ច្បាប់​នោះ​ម...Read more
    តំណាងរាស្ត្រ​បក្ស​សង្គ្រោះ​ជាតិ​មណ្ឌល​សៀម​រាម ប្រាប់លោក​​ហ៊ុន ម៉ា​នី​​ ​ឲ្យដូរ​​ខ្លោងទ្វារ​​អង្គ​រ​សង្ក្រាន​​ចេញអ្នក​តំណាងរាស្ត្រ​គណបក្ស​សង្គ្រោះ​ជាតិ​មណ្ឌល​សៀម​រាម លោក​ អ៊ុំ សំអាន បានប្រាប់ ឲ្យលោក​ ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា និងជាអ្នកតំណាងរាស្ត្រគណបក្ស ប្រជា ជនកម្ពុជា នឹងជា កូនប្រ...Read more
    បែកធ្លាយលិខិតអាណាមឹក រឿងអធិការក្រុងប្រព្រឹត្តអំពើពុករលួយលិខិតអនាមិកជាច្រើនសន្លឹក ត្រូវគេឃើញនៅមុខអធិការនគរបាលក្រុងសៀមរាប និងមុខស្នងការដ្ឋាននគរបាលខេត្តសៀមរាបកាលពីថ្ងៃទី៧ ខែកក្កដា ឆ្នាំ២០១៥ ដែលក្នុងនោះស្នើឲ្យលោកស្នងការនគរបាលខេត្ត មានវិធានការ ទៅលើលោកអធិការនគរប...Read more
    លោក នាយករដ្ឋមន្ត្រី ហ៊ុនសែន ប្រកាសដកការលក់សំបុត្រអង្គរពីក្រុមហ៊ុនលោក សុខគង់ មកជាសម្បត្តិរដ្ឋវិញយោងតាមប្រ​ភព​ព័ត៌មាន​ពី​ក្រុង​ភ្នំពេញ​នៅ​ព្រឹក​ថ្ងៃទី០៦ ខែវិច្ឆកា ឆ្នាំ២០១៥​នេះ ​បាន​អោយ​ដឹងថា លោកនាយក​រដ្ឋ​មន្ត្រី​ ហ៊ុនសែន បាន​ប្រកាសក្នុង​អង្គប្រ​ជុំប្រចាំ​សបា្ដហ៍​របស់​ខ្លួន​នៅ​ទីស្ដីការគណ​រដ...Read more
    ដើមរាំងទឹកនៅជុំវិញបឹងទន្លេសាបប្រឈមនឹងការលួចកាប់យកទៅលក់ក្រៅប្រទេសប្រជាពលរដ្ឋ​ខ្មែរ​ជាច្រើន​ជំនាន់ សុទ្ធតែ​បាន​ស្គាល់​ពី​គុណប្រយោជន៍​នៃ​ដើម​រាំង​ទឹក ដែល​ភាគច្រើន​ដុះ​នៅជុំវិញ​​បឹង​ទន្លេសាប និង​ដុះ​នៅតាម​បឹង អូរ ត្រពាំង តែ​បច្ចុប្បន្ន​ដើម​រាំង គឺជា​មុន​ស្នេហ៍​ទាក់ទាញ...Read more
    ដីភ្នំធំនៅខេត្តបន្ទាយមានជ័យប្រឈរមុខរលាយហិនហោចបើសិនជាអជ្ញាធរពាក់ពន្ឋ័នៅតែធូរលុងដី​ភ្នំ​នៅ​ស្រុក​មង្គលបូរីខេត្ត​បន្ទាយមានជ័យជាច្រើន​កន្លែង​កំពុង​ប្រឈម​នឹង​ការ​ឈូសឆាយ កាយ​យក​អាច​ម៏​ដី​លក់​យ៉ាង​អណាធិបតេយ្យ បំភ្លេច​បំផ្លាញ​ភ្នំ​ធម្មជាតិ ពី​សំណាក់​ក្រុម​ជនខិលខូច ដោយ​គេ​ពុំ​ដឹង​ថា ការ...Read more
    មានជនមិនស្គាល់មុខបានខលទូរស័ព្ទជេរប្រមាត គំរាមកំហែង ចាងហ្វាងកាសែតកម្ពុជាសុវណ្ណភូមិ (មានសំលេង)នៅ​រសៀល​ម៉ោង​១២និង​២៧​នាទី ថ្ងៃទី​២៧ ខែកក្កដា ឆ្នាំ២០១៣នេះ មាន​បុរស់​ម្នាក់​ខល​ទូរស័ព្ទ​ជេរ​ប្រមាត និង​គំរាម​កំ​ហែង​ដល់​លោក ផ្លុង-រ៉េត ចាងហ្វាង​សារ​ព័ត៌មាន​កម្ពុជា​សុវណ្ណភូមិ ​នេះ​បើ​តាម​ការ​អោយ​ដឹង​ព...Read more
    បែកធ្លាយ​​បុរស​ម្នាក់ សរ​សេរ​​សំបុត្រ​​ទៅ​​ម្តាយ ​ពី​រឿង​​ចង់​​លែង​​ប្រ​ពន្ធ​អ្នកម្តាយជាទីគោរពស្រលាញ់ អ្នក​ម្តាយ​ជាទីគោរពស្រលាញ់​ តើ​អ្នក​ម៉ែ​មាន​សេច​ក្តី​សុខ​ទុក្ខ​យ៉ាង​ណាដែរ? ជា​បឋម​កូន​សូម​ខន្តី​អភ័យ​ទោស​ដែល​ខ្វះ​ការ​គួរ​សម​ដោយ​សរសេរ​សំ​បុត្រ​ផ្ញើ​ជូន​អ្នក​ម៉ែ​ មិន​បាន​ទ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      325នាក់
    ម្សិលមិញ    13460នាក់
    សប្ដាហ៍នេះ    325នាក់
    ខែនេះ    294467នាក់
    ឆ្នាំនេះ   2945911នាក់
    សរុប   33612157នាក់
    ថ្ងៃទី 22 ខែ 07 ឆ្នាំ 2019 ម៉ោង 01:00