ព័ត៌មានក្ដៅ

    ខ្សឹបដាក់ពាង៖ ពាក្យថា កេងចំណេញនយោបាយ និង ជនអគតិ កំពុងតែពេញនិយមសំរាប់អ្នកគាំទ្របក្សកាន់អំណាច

    ដោយៈ នាយប៉ោត ខេត្តសៀមរាប ថ្ងៃទី 07 ខែ 08 ឆ្នាំ 2015 វេលាម៉ោង 04:38 នាទី ចំនួនអានៈ 2207

    អ្នក​នយោ​បាយ​នៅ​កម្ពុជា​ត្រូវ​បាន​គេ​មើល​ឃើញ​ថា ធ្វើ​នយោបាយ​ដើម្បី​តែ​អំ​ណាច​ផ្ទាល់​ខ្លួន អំ​ណាច​ប្រ​មូល​ផ្តុំ​ បក្ខ​ពួក​និយម ទាំង​គណបក្ស​កាន់​អំ​ណាច​ និង​គណបក្ស​ប្រ​ឆាំង​គេ​ច​មិន​ផុត​ពី​ការ​តែង​តាំង​ខ្សែ​ស្រឡាយ​ សាច់​សាលោហិត​របស់​ខ្លួន​អោយ​ធ្វើ​ធំ​ដើម្បី​ការ​ពារ​អំ​ណាច​របស់​ខ្លួន​ទៅ​ថ្ងៃអនាគត ដោយ​មិន​បាន​គិត​ពី​ប្រ​យោជន៍​រួម​របស់​ប្រ​ទេស​ជាតិជាធំ ដែលធ្វើ​អោយអ្នក​​ងុប​ងុល​និង​បក្ស​ខ្លះ ​រហូត​ឈាន​ទៅ​ដល់​ការ​ជេរ​ប្រ​មាត​គ្នា​ដៀល​ត្មេះគ្នា​ទៅ​វិញ​ទៅមក ដោយ​ប្រើ​ពាក្យ​សម្តី​មិន​សម​រម្យ​ដូច​ជា អាយ៉ង​យួន អាកញ្ជះយួន អាឆ្កែបំ​រើ​ផ្កាប់​មុខ អាក្បត់ជាតិ អាប្រឆាំង​ផ្កាប់​មុខ អា​បោក​ប្រាស​ ឬពួក​អាកេញ​ចំ​នេញ​ន​យោ​បាយ​ជា​ដើម។​​

    ក្រោយ​​ពី​គណបក្ស​ប្រ​ឆាំង​បាន​ចូល​សភា បន្ទាប់​ពី​ការ​ធ្វើ​ពហិការ​មិន​ចូល​សភា​អស់​រយៈ​ពេល​មួយឆ្នាំរាប់​ចាប់​តាំង​ពី​ថ្ងៃទី២៧ ខែកក្កដា ឆ្នាំ២០១៣ នៃ​ការបោះឆ្នោត​ជ្រើស​តាំង​តំណាង​រាស្ត្រ​អា​ណត្តិ​ទី​៥​រួច​​មក គេ​សង្កេត​ឃើញថា គណបក្ស​សង្គ្រោះជាតិ​បាន​ចុះ​ធ្វើ​កិច្ច​ការ​មួយ​ចំ​នួន​ដូច​ជា ដោះ​ស្រាយ​ជំលោះ​ដីធ្លី តាម​បណ្តារ​ខេត្ត​ក្រុងនានា និង​ជា​ពិសេសនោះ​គឺក្រុម​តំ​ណាង​រាស្រ្ត​គណ​បក្ស​នេះ​បាន​ចុះ​ត្រួត​ពិនិត​បញ្ហាព្រំដែន កម្ពុជា-​វៀត​ណាម ​ដែល​ជា​រឿង​រសើប​របស់​គណ​បក្ស​កាន់​អំ​ណាច​។

    ថ្នាក់​ដឹកនាំ សកម្មជន និង​ប្រ​ជា​ពល​រដ្ឋ​អ្នក​គាំទ្រ គណ​បក្ស​ប្រជា​ជន​កម្ពុជា តែង​តែ​រិះ​គន់​នូវ​ទង្វើ​របស់​គណបក្ស​សង្គ្រោះ​ជាតិថា ជាការ​ញុះញង់​អោយ​ពល​រដ្ឋ​ខ្មែរ​ចេះ​ប្រកាន់​ពូជសាសន៍ ស្អប់​ជន​ជាតិយួន ម្យ៉ាង​ទៀត​ការ​ចុះ​ទៅ​តវ៉ារឿង​ព្រំ​ដែន​របស់​គណបក្ស​សង្គ្រោះជាតិនោះ ជាការ​ ˝កេងចំ​នេញ​នោបាយ˝​ តែប៉ុណ្ណោះ។ ភាសាដែល​ក្រុម​មន្ត្រី​ក្រោម​ឱវាតគណបក្ស​កាន់​អំ​ណាច​តែង​តែនិយាយថា ˝កេងចំ​នេញ​នយោ​បាយ˝ នោះ​វាបាន​ក្លាយ​ជាភាសាមួយ​កំពុង​ពេញ​និយម​សំ​រាប់​គណបក្ស​ប្រ​ជាជនកម្ពុជា ហើយ​ពួកគេ​និយាយដដែលៗហាក់​គ្មាន​ការ​ជិនណាយ​ ដោយ​រក​ភាសា​ណា​ថ្មី​មក​ជំ​នួស​មិន​បាន។

    ពល​រដ្ឋ​កម្ពុជាមួយ​ចំនួនបាន​ចោទសួរថា បើ​គណបក្ស​ប្រ​ជាជន​កម្ពុជា ដឹងហើយ​​ថា គណបក្ស​សង្គ្រោះ​ជាតិ​កំពុង​យក​រឿង​ព្រំ​ដែន​កម្ពុជា វៀត​ណាម​ រឿង​ជំ​លោះ​ដីធ្លី មក​ធ្វើ​ជា​ដើម​ចម​ ដើម្បី​ ˝កេងចំ​នេញ​នយោ​បាយ˝ គេ​ង​ចំ​ណេញ​សន្លឹក​ឆ្នោត​ហើយនោះ ចុះ​ហេតុអ្វី​ ក៏គណបក្ស​កាន់​អំ​ណាច​មិន​នាំ​គ្នា ចុះ​ទៅ​ដេញ​ដោល​រឿង​ព្រំដែន ចុះ​ទៅ​ដោះ​ស្រាយ​រឿង​ជំ​លោះ​ដី​ធ្លី ដែល​ក្រុម​ហ៊ុន​មួយចំ​នួន​រំ​លោភ​បំ​ពាន​ទៅ​លើ​ប្រ​ជារាស្រ្ត​ ដើម្បី​ ˝កេងចំ​នេញ​នយោបាយ˝ កេ​ញ​ចំ​ណេញ​សន្លឹក​ឆ្នោត​ដែរទៅ? ចាំ​បាច់​អង្គុយ​ស្រែក​តាម​កញ្ជក់​ទូរទស្សន៍ ដូច្នេះធ្វើ​អី បើ​អ្នក​រាល់​គ្នា​ពិត​ជា​មាន​ឆន្ទៈស្នេហាជាតិ មាន​ឆន្ទៈការ​ពារបូរណភាពទឹក​ដី​មែននោះ?

    ក្រុម​ប្រ​ជា​រាស្ត្រខ្មែរមួយចំ​នួន និង​ក្រុម​អ្នក​គាំ​ទ្រ​គណបក្ស​ប្រ​ឆាំង​បាន​សរសេររិះ​គន់​នៅ​លើ​បណ្តាញ​សង្គម (facebook) ទៅលើ​​រដ្ឋា​ភិបាល​កម្ពុជាថា ជា​រដ្ឋា​ភិបាល​អាយ៉ង​យួន ជា​រដ្ឋា​ភិ​បាល​ស្ថិត​ក្រោម​អំ​ណាច​របស់​យួន ហើយ​គណបក្ស​ប្រ​ជា​ជន​កម្ពុជា ជា​បក្ស​ដែល​យួន​ជាអ្នក​បង្កើត​ ដែល​ជា​គោល​នយោបាយ​របស់​យួន​ ហូជីមីញ ក្នុង​គោល​បំ​ណង​​លេប​ត្របាក់​យក​ទឹក​ដី​កម្ពុជា និង​ប្រទេស ឡាវ ច្រ​បាច់​ចូល​គ្នា​ជាមួយ​ប្រទេស​យួន ឬ​គេ​ហៅ​ថា ជាប្រទេស ឥណ្ឌូចិន ដែល​យួន​ហូជីមីញ​និយាយថា ជាដំ​ណើរឆ្ពោះទៅ​ទិស​ខាលិចរបស់គេ​។

    ការ​រិះ​គន់​ថា រដ្ឋា​ភិបាល​កម្ពុជា ស្ថិត​ក្រោម​ការ​គ្រប់​គ្រង​របស់​ រដ្ឋាភិបាល​យួន​ខាងលើ​នេះ បាន​ធ្វើ​អោយ​អ្នក​គាំ​ទ្រគណបក្ស​កាន់​អំ​ណាច​មាន​ការ​ខឹង​សម្បា មិន​សប្បាយ​ចិត្ត ហើយ​បាន​វាយ​បក​មក​ក្រុម​អ្នក​គាំទ្រ​គណបក្ស​ប្រឆាំង​វិញថា ពួក​អាប្រ​ឆាំង​ផ្កាប់​មុខ ពួកអាជាតិ​សាសន៍​និយម ពួកអា ˝កេងចំ​នេញ​នយោ​បាយ˝។ មិន​តែប៉ុណ្ណោះកន្លងទៅធ្លាប់​មាន​ពិធីករទូរទស្សន៍ខ្លះបាន​ស្រែក​តាម​កញ្ចក់​ទូរទស្សន៍ថា នៅ​កម្ពុជាអត់​មាន​យួន​ទេ ពួក​អ្នក​ប្រ​ឆាំង​ផ្កាប់​មុខ ពួក​ជន​អគតិ​មាន​គោល​បំ​ណង​ ˝កេងចំ​នេញ​នយោ​បាយ˝ តែប៉ុណ្ណោះ។

    ដូច​ម្តេចដែល​ហៅ​ថា ˝ជន​អគតិ˝ ? លោក​សាស្ត្រាចារ្យ​ផ្នែក​អក្សរ​សាស្រ្ត​ខ្មែរមួយ​រូប​បាន​ពន្យល់យ៉ាង​ងាយ​ស្តាប់​​ថា ˝ជន​អគតិ˝ គឺ​ជា​មនុស្ស​ទាំង​ឡាយណា ដែល​គ្មាន​ការ​គិត​ ល្ងិត​ល្ងង់ គ្មាន​ចំ​ណេះដឹង គ្មាន​ការ​ពិចារណាវែកញែករកខុសរក​ត្រូវ បើ​ទោះជា​អ្នក​ណា​ធ្វើ​ខុស​ឬធ្វើ​ត្រូវ​ក៏ដោយ​ ក៏ជន​នោះមិន​ដឹង​មិន​យល់អ្វី​ទាំងអស់។ ប៉ុន្តែក្រុម​មន្ត្រី​របស់​បក្ស​កាន់​អំណាច​ និង​អ្នក​គាំទ្រ​បក្ស​កាន់​អំ​ណាច​បែជាចូល​ចិត្ត​យក​ពាក្យថា ˝ជន​អគតិ˝ មក​ប្រើ​ប្រាស​ជាញឹក​ញាប់​ទៅ​វិញ រហូត​សូម្បី​ពិធី​ករ​ទូរទស្សន៍​មួយ​ចំ​នួន​ដែល​មាន​និន្នាករ​ទេរទៅ​ខាង​បក្ស​កាន់​អំ​ណាច​ក៏​បាន​យក​ពាក្យ ˝ជន​អគតិ˝ នេះមក​ប្រើ​ផងដែរ។

    លោក​សាស្រ្តាចារ្យ​អក្សរសាស្រ្ត​ខ្មែរ​រូប​នោះ​បាន​បន្ថែមថា ˝ជន​អគតិ˝ មិន​ចេះ​វិភាគ​ទៅ​លើ​អ្នក​នយោបាយ​ថា អ្នក​ណា​ល្អ អ្នក​ណាអាក្រក់​បាន​ទេ ហើយ​ក៏មិន​អាច​ចេះ​ប្រើ​ភាសា​រិះ​គន់​អ្នក​ដ៏ទៃ​ដែរ ព្រោះ​ ˝ជន​អគតិ˝ មាន​ការ​គិត​មក​ពីណា? អាច​និយាយថា ជា​មនុស្ស​មិន​ដឹង​អី​ទាំង​អស់។ លោក​សាស្រ្តាចារ្យ​បាន​ចោទសួរថា តើ​អ្នក​ធ្លាប់​ឃើញ​ ˝ជន​អគតិ˝ ​ចេះ​រិះ​គន់​ថ្នាក់​ដឹក​នាំ​ ឬរិះគន់​គណបក្ស​នយោបាយ​ដែរឬទេ? ដូច្នេះសរុប​សេចក្តី​មក​ អ្នក​ដៀល​ថា គេជា ˝ជន​អគតិ˝ នោះ​ប្រហែល​ជា​ខ្លួន​ឯង​ទៅ​វិញ​ទេជា ˝ជន​អគតិ˝ ព្រោះ​ខ្លួន​មិន​បាន​យល់​ន័យ​ពាក្យ​​ថា ˝ជន​អគតិ˝ យ៉ាង​មេចផង។

    អ្នក​គាំទ្រ​គណបក្ស​កាន់​អំ​ណាច​ក៏ជាខ្មែរ អ្នក​គាំទ្រគណបក្សប្រ​ឆាំង​ក៏ជាខ្មែរ ចុះ​បើ​សុទ្ធ​តែ​ជា​ជន​ជាតិ​ខ្មែរ​ដូច​គ្នា​ចាំ​បាច់ប្រើ​ភាសា​ដៀល​ត្មេះ​គ្នា​ ខាំ​គ្នា​ដូច​សត្វ​តិរិច្ឆាន​ធ្វើ​អ្វី? មេច​មិន​គិត​អំ​ពី​ផល​ប្រ​យោជន៍រួម​របស់​ជាតិ? មេច​មិន​នាំ​គ្នា​ការ​ពារ​ប្រ​ទេស​ជាតិអោយ​បាន​គង់​វង់? អ្នក​មាន​ស្នា​ដៃគួរលើក​សរសើហើយ​ផ្តល់​រង្វាន់ អ្នក​ធ្វើ​ខុស​ត្រូវ​តែ​ពិន័យ​ ចាំ​បាច់​មើល​បំ​ណាំ​គ្នាធ្វើ​អី? ចាំ​បាច់​ចាំ​ចាប់​កំ​ហុស​គ្នាឯងដើម្បី​ទទួល​ពាន​វង្វាន់​ធ្វើ​អី? ព្រោះ​តែ​ចរិឈ្នៀនីស អំ​នួតក្អេងក្អាង កាប់​សម្លាប់​គ្នា​ដើម្បី​អំ​ណាច​នេះហើយ ដែល​ធ្វើ​អោយ​ទឹក​ដី​កម្ពុជារួញ​ស្ទើតែអស់​ នេះបើ​យោង​​តាម​ការ​អានប្រ​វត្តិសាស្ត្រ​របស់​ប្រ​ទេសកម្ពុជាតាំង​ពី​សម័យ​ដើម​មក។

    សរុប​សេចក្តីមក បើ​យើង​ឃើញថា ​គណបក្ស​មួយ​គេ​កំ​ពុង​តែ ˝កេងចំ​ណេញនយោបាយ˝ ដោយ​ចុះ​ទៅ​តវ៉ារឿង​ព្រំ​ដែន កម្ពុជា-វៀតណាម បាន​មួយខេត្ត យើង​គួរតែចុះទៅ​តវ៉ារឿង​ព្រំ​ដែន​អោយ​បាន​ប្រាំ​ខេត្តទៅ ដើម្បី ˝កេងចំ​ណេញនយោបាយ˝ គេ​ងការ​គាំទ្រ គេ​សន្លឹក​ឆ្នោត ហើយ​បើ​ឃើញ​គេ​ចុះ​ទៅ​ដោះ​ស្រាយ​រឿង​ជម្លោះ​ដីធ្លីជូន​ពល​រដ្ឋ​បាន​ប្រាំ​ខេត្ត យើង​មេច​មិន​ចុះ​ទៅ​ជួយ​ដោះ​ស្រាយ​អោយ​បាន​ម្ភៃខេត្ត​ទៅបើម្បី ˝កេងចំ​ណេញនយោបាយ˝ កេង​ការគាំទ្រ គេង​​សន្លឹក​ឆ្នោតនៅ​អាណត្តិក្រោយ នេះ​ទើប​ហៅ​ថា ឈ្លោះ​គ្នា​ដើម្បីជាតិ ប្រជែងគ្នាដើម្បី​រាស្ត្រ មិន​មែន​អង្គុយស្រែកខ្វាកៗដូច​ខ្វែកនិង​ក្អែកនោះទេ៕ ដោយ​៖ នាយប៉ោត

    ស្លាក:  ព័ត៌មានថ្មីៗ  ព័ត៌មានជាតិ  លិខិតមិត្តអ្នកអាន 

    ព័ត៌មានដែលមានទំទាក់ទំទង

    លទ្ធផលប្រលងមធ្យមសិក្សាទុតិយភូមិចំណេះទូទៅនិងបំពេញវិជ្ជា ខេត្តកណ្តាល    អាន1124ដង លោក នាយករដ្ឋមន្ត្រី ហ៊ុនសែន ប្រកាសដកការលក់សំបុត្រអង្គរពីក្រុមហ៊ុនលោក សុខគង់ មកជាសម្បត្ត...    អាន4018ដង លោក សុខគឹមសេង សមាជិកក្រុមប្រឹក្សាខេត្តមកពីគណបក្សសង្គ្រោះជាតិសរសេរលិខិតស្នើសុំទៅលោក ឃឹ?...    អាន3070ដង សមត្ថកិច្ចចាប់រថយន្តដឹកឈើក្រញូងទាប្រាក់បាន៨០០០ដុល្លារជាថ្នូរនិងការដោះលែង    អាន706ដង ពិធី ឡើងអ្នកតា   អាន6561ដង អៀឆៃយិន អួតថារកស៊ីដឹកឈើក្រញូងដើម្បីចិញ្ចឹមសមត្ថកិច្ចខេត្តសៀមរាប   អាន821ដង ក្រុម​ប្រឹក្សា​ធម្មនុញ្ញ​សម្រេច​ឲ្យ​បក្ស សម រង្ស៊ី ចាញ់​ក្ដី គ.ជ.ប   អាន614ដង នាង ណូហ្សូម៉ីសាសាគឺ ថតស្រាតល្បីពេញពិភពលោក   អាន3316ដង ប៉េអឹមខេត្តសៀមរាប ចាប់រថយន្តដឹកឈើប្រគល់អោយ លោកមេព្រៃ   អាន44ដង សំណុំ​រឿង​លោក ឈូក បណ្ឌិត ​អាច​នឹង​ត្រូវ​ដក​ចេញ​   អាន905ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    ពលរដ្ឋសាទរចំពោះ ក្រុមហ៊ុនស៊ូជីង និងក្រុមហ៊ុនស៊ីផេក ត្រូវបានសម្តេចហ៊ុនសែនចេញលិខិតបញ្ជាអោយបិតការលក់សំបុត្រអោយភ្ញៀវទេសចរណ៍តាមច្រកនានានៃបឹងទន្លេសាបប្រ​ជា​ពល​រដ្ឋ​ខេត្ត​សៀម​រាប​បាន​សាទរ​ចំ​ពោះ លោក ហ៊ុន សែន នាយករដ្ឋមន្រ្តី នៃ​ព្រះរាជាណាចក្រ​កម្ពុជា បានបញ្ជាឲ្យ ក្រុមហ៊ុនស៊ូជីង (Sou Ching Port Investment) និងក្រុមហ៊ុនស៊ីផេក(Sea Pac Investment) បិទ​រ...Read more
    ផ្អើលពលរដ្ឋរាប់ពាន់នាក់ទៅមើលខ្មោចស្លាប់ហើយរស់ឡើងវិញក្រុម​ប្រ​ជា​ពល​រដ្ឋ​រាប់​ពាន់​នាក់​បាន​ផ្អើល​ឈូឆរ​ទាំង​ប្រុស​ទាំ​ង​ស្រី ភ្លូក​ទឹក​ភ្លូកដី នាំ​គ្នា​ទៅ​មើល​សាក​​សព​ស្រ្តី​ម្នាក់ឈ្មោះ ចាន់ធាន អាយុ២៣ឆ្នាំ ដែល​បាន​​ស្លាប់នៅ​មន្ទី​ពេទ្យ​ខេត្ត​កាល​ពី​ថ្ង...Read more
    លោកមេគយ ឈួន ហៃប្រធានស្តីទីស្នាក់ការគយ និង លោក យិន ផល្លី កំពុងប្រព្រឺត្តអំពើពុករលូយពេញទំហឹងក្រោយ​ពី​មា​នការ​រិះគន់​និង​កាសែ​ត​ ក្នុង​ស្រុក​មួយ​ចំនួនចុះ​ផ្សាយ​ពី​ភា​ពពុករ​លួយ ​របស់​ម​ន្ត្រីគ​យ​នៅ​ច្រក​ទ្វារ​អ​ន្តរជាតិ​​ប៉ោយប៉ែ​តខេត្ត​បន្ទាយមាន​ជ័យ ​ ដែល​បាន​​បើក​ដៃ​ឲ្យ​ឈ្មួញ​តូ​ចធំនាំចូ​ល​ទំ...Read more
    សមត្ថកិច្ចឃាត់រថយន្តមួយគ្រឿង និងមនុស្សម្នាក់ពាក់ព័ន្ធឈើក្រញូងនិងគ្រឿងញៀនលោក​​ ឯម មុន្នី​ នាយរង​​រដ្ឋបាលព្រៃឈើ​ខាងជើងបឹង​ទន្លេសាប ក្រោម​ការ​ដឹក​នាំរបស់​លោក សំ​រិទ្ធ​សុខុន ព្រះ​រាជអាជ្ញា​រង​តំ​ណាង​អយ្យការ​សាលា​ដំ​បូង​ខេត្ត​សៀម​រាប បាន​ចាប់​​រថយន្តឡិចស៊ិសដឹក​ឈើ​ក្រញូង​ ១គ្រឿ...Read more
    លោក ហ៊ុយសុជាតិ មេគយក្រុមងប៉ោយប៉ែត ត្រូវបានពលរដ្ឋចោទថាប្រព្រឹត្តអំពើពុករលួយលើសលោក ឈួន ហៃ មេគយចាស់ទៅទៀតប្រ​ជា​ពល​រដ្ឋ ​មន្ត្រី​គយ និង​ឈ្មួញ​ធំតូច មួយចំនួនបាន​​​រអ៊ួរទាំ​ថា ចរិក​គយ​គឺ​ដូចៗ​តែ​គ្នា​ហ្នឹង​ឯង ! គឺគេ​ប្រើ​​ស្ទីល​គោះ​ថ្លៃ​បាយ ក្នុង​ការ​​ច​ចារ​ស្គាល់​គ្នា​ជា​ដំបូង​ តំលៃ​ថ្លៃ​បាយ​ទឹក​គឺ​ខ្ពស់​...Read more
    សមត្ថកិច្ចចាប់រថយន្តយីឌុបដឹកឈើធ្នង់២គ្រឿងរបស់អតីតអភិបាលរងខេត្តកំពង់ចាមឈើធ្នង់ជិត៦០០ដុំ និងជាង៧០ម៉ែត្រគូប ត្រូវបានកម្លាំងសមត្ថកិច្ចនគរបាលសេដ្ឋកិច្ច សហការជាមួយផ្នែករដ្ឋបាលព្រៃឈើស្ទោង ខេត្តកំពង់ធំ ស្ទាក់ចាប់ឃាត់បានកាលពីថ្ងៃទី២៥ ខែវិច្ឆិកា ឆ្នាំ២០១៤ ខណៈឈើទាំងត្រូវបានដឹកតាមរ...Read more
    លោក តៅសាវឿន និស្សិតគំរាមដាក់គ្រាប់បែកសម្លាប់លោក សខេង និងត្រូវដោះលែងក្នុងពេល​ឆាប់និស្សិត​កំរិត​បរិញ្ញាប័ត្រ​ម្នាក់​ឈ្មោះ​ តៅ​សាវឿន មាន​ទីលំនៅ​បច្ចុប្បន្ន ឃុំ​លាងដៃ ស្រុក​អង្គរធំ ខេត្ត​សៀមរាប និង​ជា​អតីត​និស្សិត​សកលវិទ្យាល័យ​សៅ​ស៍​អ៊ី​ស​ថ៍​អេ​សៀ (South East...Read more
    ពិធីប្រកាសផ្ទេរមុខតំណែងមេបញ្ជាការកងរាជអាវុធហត្ថខេត្តសៀមរាបនៅ​ព្រឹក​ថ្ងៃទី១២ ខែឧសភា ឆ្នាំ២០១៥នេះ ពិធីប្រកាសផ្ទេរមុខ​តំណែង​មេបញ្ជាការកង​រាជ​អាវុធហត្ថ​​ខេត្ត​សៀមរាប បាន​ធ្វើ​ឡើង​នៅ​ទីបញ្ជាការកង​រាជអាវុហត្ថ​ខេត្ត ក្រោម​អធិបតីភាពរបស់ឯកឧត្តម​ សៅ សុខា មេបញ្ជាការ​រង...Read more
    លោកអធិការរងក្រុងកោះហៅមន្ត្រីព្រហ្មទណ្ឌទាំង១៣ប៉ុស្តិ៍អោយចូលរួមរៀនបន្ថែមពីនិតិវិធីព្រហ្មទណ្ឌនៅ​ព្រឹក​ថ្ងៃទី២៣ ខែឧសភា ឆ្នាំ២០១៥នេះ លោកអនុសេនីយ៍ឯក​ នួន សក្តិចំរើនរិទ្ធិ អធីការ​រង​ក្រុង​ទទួល​បន្ទុក​ផ្នែក​ព្រហ្ម​ទណ្ឌ និង​លោកអនុសេនីយ៍ឯក​ ជឹង ម៉ារ៉ា នាយ​ផ្នែក​ព្រហ្មទណ្ឌ បាន​កោះហៅ​មន្រ្តី​នគរបាល​ព្...Read more
    បទវិភាគ៖ ជនបរទេសរស់នៅប្រទេសកម្ពុជាខ្លះ ជួយចំរុងចំរើន ឯខ្លះជួយបំផ្លិចបំផ្លាញប្រ​ទេស​កម្ពុជា ជា​ប្រ​ទេស​ដែល​មាន​វប្ប​ធម៌ អរីយ្យធម៌​វ័យ​ចំ​ណាស់​មួយនៅ​លើ​សកលលោក ហើយ​ជា​ពិសេស​ប្រ​ទេស​មួយ​នេះ​សំ​បូរទៅ​ដោយ​ធន​ធាន​ធម្ម​ជាតិ ដូច​ជា​រ៉ែ​មាស​ រ៉ែត្បូង​ ទឹក​ដី​ព្រៃ​ព្រឹក្សា មច្ឆារស់នៅ​ព...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      824នាក់
    ម្សិលមិញ    7095នាក់
    សប្ដាហ៍នេះ    29472នាក់
    ខែនេះ    196550នាក់
    ឆ្នាំនេះ   3272041នាក់
    សរុប   33938287នាក់
    ថ្ងៃទី 22 ខែ 08 ឆ្នាំ 2019 ម៉ោង 05:17