ព័ត៌មានក្ដៅ

    បទវិភាគ៖ តើសង្គ្រាមអាចកើតឡើងដូចសម្តីលោកហ៊ុនសែនដែរទេបើគណបក្សប្រឆាំងឈ្នះឆ្នោត?

    ដោយៈ រ៉េត ខេត្តសៀមរាប ថ្ងៃទី 20 ខែ 02 ឆ្នាំ 2016 វេលាម៉ោង 09:49 នាទី ចំនួនអានៈ 6708

    នៅ​លើភិភព​លោកនេះ គ្មាន​នរណាម្នាក់​ចង់​អោយ​ប្រ​ទេស​ជាតិមាន​សង្គ្រាម​កើត​ឡើង​នោះទេ សង្គ្រាម​អាច​ធ្វើ​អោយ​ប្រ​ទេស​ជាតិ​ធ្លាក់​ដុន​ដាម​ខាង​ផ្នែក​សេដ្ឋ​កិច្ច សង្គ្រាម​អាច​ធ្វើ​អោយ​មនុស្ស​ស្លាប់​ បែក​បាក់​ព្រាត់​ប្រាសគ្រួសារ​បង​ប្អូន​ម៉ែឪ សង្គ្រាម​កើត​ឡើងមាន​តែភាព​វិនាស ហិន​ហោចខ្លោ​ចផ្សា គ្រប់​បែប​យ៉ាង​តែ​ប៉ុណ្ណោះ ចុះហេតុអ្វីបាន​លោក​នាយក​រដ្ឋ​មន្រ្តី​ ហ៊ុនសែន បែជាស្រែក​ក្តែងៗ​នៅ​លើ​កញ្ចក់​ទូរ​ទស្សន៍​ថា បើ​បក្ស​របស់លោក​(គណបក្សប្រជាជន)​ចាញ់​ឆ្នោត​នោះ​កម្ពុជា​ និង​កើត​សង្គ្រាម​សាជាថ្មីម្តង​ទៀត​ទៅ​វិញ​?

    លោកនាយក​រដ្ឋ​មន្ត្រី​ ហ៊ុនសែន ត្រូវ​បាន​គេ​ដឹងថា កើត​ចេញ​ពី​ត្រកូន​រាស្ត្រធម្មតា ហើយ​ត្រូវ​បាន​គេ​ដឹង​ទៀត​ថា កាល​ពី​ក្មេង​លោក​ធ្លាប់​ជាក្មេង​វត្តដ៏កម្សត់​ម្នាក់​ផងដែរ ហើយ​បាន​ចូល​បំ​រើកង​ទ័ព​អស់​រយៈពេល​ជា​យូរ​ឆ្នាំ មុន​លោក​បាន​ក្លាយ​ជា​នាយក​រដ្ឋ​មន្ត្រី​ដូច​សព្វ​ថ្ងៃនេះ។ គេ​អាច​និយាយបាន​ថា លោក​ហ៊ុន​សែនជា​មនុស្ស​ដែល​មាន​បទ​ពិសោធន៍យ៉ាង​ក្រាសក្រែលក្នុង​ការ​ដឹក​នាំប្រ​ទេសជាតិ ជា​ពិសេស​លោក​ធ្លាប់​ឆ្លង​កាត់​ភ្នគ់​ភ្លើង​សង្គ្រាមគ្រប់​បែបយ៉ាងទៀតផង ដែល​ផ្ទុយ​ស្រឡះ​ពី​លោក​ សម​រង្ស៊ី ដែល​ជា​អ្នក​សេដ្ឋ​កិច្ចនៅ​ឯ​បរ​ទេស​។​

    ការ​ប្រ​កាស​របស់​លោក ហ៊ុនសែន ថាបើ​បក្ស​លោក​ចាញ់​ឆ្នោត​ប្រ​ទេស​និង​កើត​សង្គ្រាមម្តង​ហើយ​ម្តង​ទៀត​កន្លង​ទៅ​នេះ ហាក់​ជាសារនយោបាយ​មួយព្រ​​មាន​ដល់​ប្រ​ជារាស្ត្រ​ខ្មែរ និង​គណបក្ស​នយោបាយ​ផ្សេងៗ ជា​ពិ​សេស​គណបក្ស​សង្គ្រោះ​ជាតិនេះ​តែ​ម្តង​។

    បន្ទាប់​ពី​ការ​ប្រកាស​របស់​លោក​ ហ៊ុនសែន ខាងលើនេះ គេសង្កេត​ឃើញថា មាន​ប្រ​ជា​រាស្ត្រ​ភាគ​ច្រើន​គេ​សើច​​ចំ​អកទៅ​លោក​ ហ៊ុនសែន វិញ​ថា​ វាគ្រាន់​តែជាភាសាដែល​និយាយឥតប្រយោជន៍តែប៉ុណ្ណោះ​ ព្រោះ​សម័យ​នេះ​ទៅ​ហើយ​ ការ​គាំរាមរាស្ត្រ បោករាស្ត្រលែងបានទៀតហើយ នេះ​ជា​សម័យហ្វេសប៊ុគ (Facebook) សម័យអ៊ីនធើ​ណិត រាស្ត្រខ្មែរ​យល់​ដឹងអំ​ពី​នយោបាយ​របស់​គណបក្ស​ប្រ​ជាជនអស់ទៅ​ហើយ។ តែផ្ទុយទៅ​វិញ​ ក៏មាន​ប្រ​ជា​រាស្ត្រមួយ​ចំ​នួន​តូច​នៅ​ស្រុក​ស្រែចំ​ការ ដែល​មិន​មាន​ហ្វេសប៊ុគ (Facebook) មិន​មាន​ប្រ​ព័ន្ធអ៊ីន​ធើណិត ហើយ​ភាគ​ច្រើន​ជាមនុស្ស​ចាស់​ដែល​ធ្លាប់​បាក់​ស្បាតជាមួយនិង​សង្គ្រាម​ជា​ពិ​សេស​គឺ​កាល​ពី​សម័​យ​ប៉ុល​ពត​នោះ​​តែ​ម្តង ពួកគាត់បាន​ខ្លាច​រអា សម្តែង​នូវ​ក្តី​ព្រួយ​បារម្មណ៍ហើយ​ពោល​ថា មិន​ចង់​អោយ​ស្រុក​កើត​សង្គ្រាម​ម្តង​ទៀត​នោះ​ទេ ព្រោះ​ពួក​គាត់​ព្រាត់​ប្រាស​សាច់ញាតិ និង​រលាយ​ហិន​ហោច​ទ្រព្យសម្បត្តិដោយ​សាតែសង្គ្រាម។

    បើ​ក្រឡេក​មើល​ទៅ​ក្រុម​អ្នក​គាំ​ទ្របក្ស​កាន់​អំ​ណាច​វិញ គេសង្កេត​ឃើញថា បន្ទាប់​ពី​មេ​របស់​ខ្លួន​ប្រកាស​ថា បើចាញ់​ឆ្នោត​ស្រុក​កើត​សង្គ្រាមនោះ ពួកគេ​ហាក់​សប្បាយរីករាយណាស់ ដូច​ត្រីបានហែល​ក្នុង​​ទឹក​ជ្រៅ​អញ្ចឹង ព្រោះ​ពួក​គេ​គិត​ថា មេ​គេ​នៅ​ក្រាញ​អំ​ណាច​បាន​យូរប៉ុណ្ណា ពួកគេក៏អាច​​ក្រាញ​អំ​ណាច​បាន​យូរ​ប៉ុណ្ណោះ​ដែរ ហើយ​ពួក​គេ​ថែម​ទាំងជួយន្ទរ ហៃអើៗ ពីក្រោម​មេរបស់​ខ្លួន​ទៀតផង ដើម្បីជាកម្លាំងចិត្តអោយ​មេក្រាញ​អំ​ណាច​សំ​រាប់​ខ្លួន​ឯង​ផង និង​ជួយ​ក្រាញ​អំ​ណាច​សំ រាប់​ពួកគេ​ទៀត​ផង។

    រី​ឯក្រុម​អ្នក​គាំទ្របក្ស​ប្រឆាំង (គណបក្សសង្គ្រោះជាតិ)​ និង​ថ្នាក់​ដឹក​នាំ​បក្សនេះវិញ ពួកគេ​និយាយថា គេ​មិន​រុញ​រា មិន​ខ្លាច​ មិន​រាថយ​ ចំ​ពោះ​ការ​ប្រកាស​របស់​លោក ហ៊ុនសែន ថាបើចាញ់ឆ្នោត​ប្រ​ទេសកើត​សង្គ្រាម​ម្តង​​ទៀតនោះទេ ដោយ​អ្នក​ខ្លះ​បាន​និយាយថា ការ​ប្រកាស​របស់​លោក ហ៊ុនសែន នេះគ្រាន់​តែ​ជាការ​គំរាម​កំហែង​ប្រជា​រាស្ត្រ​មិន​អោយ​បោះ​ឆ្នោត​អោយ​បក្ស​ប្រ​ឆាំង​តែប៉ុណ្ណោះ ហើយ​ក្រុម​អ្នក​គាំ​ទ្រ​បក្ស​ប្រ​ឆាំង​ចោទ​សួរ​ថា តើ​បក្ស​ប្រ​ជា​ជន​កើត​សង្គ្រាម​ជាមួយអ្នក​ណា បើ​បក្ស​ប្រ​ឆាំង​អត់​មាន​ទ័ព​ អត់​មាន​អាវុធ​ សំ​រាប់​ធ្វើ​សង្គ្រាម​ផងនោះ? ឬ​មួយ​បក្ស​កាត់​អំ​ណាច​ត្រូវ​បាញ់​សម្លាប់​រាស្ត្រ​ខ្មែរ​ដែល​មិន​បោះ​ឆ្នោត​អោយ​ខ្លួន អោយ​អស់​ពី​ប្រ​ទេស​កម្ពុជា?

    ជាក់ស្តែង​លោកនាយក​រដ្ឋ​មន្ត្រី​ ហ៊ុនសែន ធ្លាប់ធ្វើ​ជាកង​ទ័ព និងធ្លាប់​​ឆ្លង​កាត់​សង្គ្រាម​រាប់​មិន​អស់ជាច្រើន​ឆ្នាំ ហើយ​លោក​ក៏បាន​អួត​ថា លោកនិង​បក្ស​ប្រ​ជាជន​របស់​លោក ជា​អ្នក​មានគុណ ដែល​បាន​រំ​ដោះ​ប្រ​ទេស​​កម្ពុជា​ ​ចេញ​ពី​សង្គ្រាម រហូត​ដល់​គណបក្ស​ប្រ​ជាជន​ជ្រើស​យក​ថ្ងៃ ៧មករា​ឆ្នាំ១៩៧៩ ជា​ថ្ងៃរំដោះជាតិ ហើយ​បាន​យក​ថ្ងៃ ៧មករា នេះធ្វើ​ជា​ថ្ងៃបុណ្យជាតិ អោយ​រាស្ត្រ​ខ្មែរប្រារព្វ​ជារៀងរាល់​ឆ្នាំទៀតផង។ ​ចុះ​បើ​លោក​ជា​អ្នក​រំ​ដោះ​អោយ​ប្រ​ទេស​ខ្មែរ​រួច​ចាក​ពី​សង្គ្រាម​ទៅ​ហើយ​ ចុះ​ហេតុដូច​ម្តេច​​បាន​ជា​លោក​នាយក​រដ្ឋ​មន្ត្រី​​ចង់​អោយ​ប្រ​ទេសខ្មែរ​កើត​សង្គ្រាមទៅ​វិញ? ឬមួយ​លោក ហ៊ុនសែន គិត​ថានៅ​ប្រ​ទេស​កម្ពុជា​គ្មាន​អ្នក​ណា​អាច​ធ្វើ​ជា​នាយក​រដ្ឋ​មន្ត្រី​ជំនួស​លោក និង​សាច់​សាលោហិត​របស់​លោកបាន​ទេ អោយ​តែ​មាន​អ្នក​ណា​ឡើង​ធ្វើ​ជា​នាយក​រដ្ឋ​មន្ត្រី​ក្រៅ​ពី​លោក​និង​គ្រួសារលោក កម្ពុជាត្រូវ​តែកើត​សង្គ្រាម?

    យើង​ជា​ពល​រដ្ឋ​ខ្មែរ​ជឿជាក់​ថា លោក​ ហ៊ុនសែន មិន​ធ្វើ​សង្គ្រាម​នោះ​ទេ បើ​ទោះ​ជា​លោក​ចាញ់​ឆ្នោត​ក៏ដោយ ព្រោះ​យើង​យល់​ឃើញ​ថា លោក​ ហ៊ុន​សែន មិន​មែន​មនុស្ស​ល្មោម​សង្គ្រាម ងុបងុល​និង​អំ​ណាច​​នោះទេ​ ហើយ​ក៏មិន​មែន​ជា​មនុស្ស​គិត​អា​ក្រក់​សំ​រាប់​ប្រ​ទេស​ជាតិ​របស់​ខ្លួន​ដូច​សម្តី​នោះ​ដែរ។ បើ​គណបក្ស​ប្រ​ជា​ជន​ចាញ់​ឆ្នោត​ ហើយ​កើត​សង្គ្រាម​មែន​នោះ​ក៏​មិន​មែន​ជា​គំនិត​របស់​លោក ហ៊ុន​សែន ដែរ យើង​អាច​ស្មាន​បាន​ថា ប្រហែល​មាន​ជន​ទី៣ ដែល​អាច​ជាអ្នក​បង្កសង្គ្រាមដោយ​រូប​ភាព​ណាមួយ។

    បើ​គណបក្ស​ប្រ​ជាជន​របស់​លោក ហ៊ុនសែន ចាញ់​ឆ្នោត​នៅ​ឆ្នាំ ២០១៧-២០១៨ ហើយ​សង្គ្រាម​​កើត​ឡើង ឬមិន​កើត​ឡើង​ដូច​លោក ហ៊ុន​សែន​ ប្រ​កាស​ក៏ដោយ ក៏នេះ​ជា​សារមួយសំ​រាប់​អោយ​ប្រជា​រាស្ត្រ​ខ្មែរ​គ្រប់​រូប​ចង​ចាំ​ ហើយ​ប្រុង​ប្រៀប​ខ្លួន​ជាស្រេច​ ដើម្បី​ដោះ​ស្រាយ​បញ្ហាដោយ​យៈថាហេតុ​ ជូន​ជាតិ​មាតុភូមិ​ទាំង​អស់​គ្នា។

    ជាពិសេសគឺ ថ្នាក់ដឹក​នាំគណបក្សសង្គ្រោះជាតិ ដែល​មាន​លោក​ សមរង្ស៊ី ជាប្រ​ធាន និង​លោក កឹម​សុខា ជា​អនុប្រធាន លោកទាំង​ពីរ​​ត្រូវ​តែរិះ​រក​គ្រប់​មធ្យោបាយ ដើម្បី​ការ​ពារ​ប្រ​ទេស​កម្ពុជា​កុំ​អោយ​កើត​សង្គ្រាម។ ថ្នាក់​ដឹក​នាំ​បក្ស​ប្រ​ឆាំង​ត្រូវ​តែរៀប​ចំ​ជើង​​ព្រួល​ទុក​ជាមុន នៅ​មុន​ថ្ងៃបោះ​ឆ្នោត ថ្ងៃបោះ​ឆ្នោត និង​ក្រោយ​ថ្ងៃបោះ​ឆ្នោត។ ថ្នាក់​ដឹក​នាំ​បក្ស​ប្រ​ឆាំង​ត្រូវ​តែ រក​ជំ​នួយ​ពី​ប្រទេស​មហាអំ​ណាចធំៗនៅ​លើ​សកលលោក អោយ​គេ​ជួយការ​ពារ​ជាតិ​អោយ​កម្ពុជាអោយ​ខាន​តែបាន នៅ​ថ្ងៃបោះឆ្នោត និង​ក្រោយថ្ងៃបោះ​ឆ្នោត​ រហូត​ដល់​ប្រ​ទេស​កម្ពុជាអាច​ផ្លាស់​ប្តូរ​ថ្នាក់​ដឹក​នាំ​ដោយ​សន្តិភាព ព្រោះ​ក្រែងលោ​មាន​ជន​ទី៣ ឆ្លៀត​ឱកាស​បង្ក​សង្គ្រាមដោយ​រូប​ភាព​ណាមួយ ​បន្ទាប់​ពី​បក្ស​ប្រ​ជា​ជន​កម្ពុជា​ចាញ់​ឆ្នោត។ ថ្នាក់​ដឹក​នាំ​បក្ស​ប្រ​ឆាំង​ត្រូវ​តែ លើក​ជើង​ដូច​សត្វ​ត្រដេវវិច ក្រែង​មេឃបាក់​សង្កត់ ហើយ​មិន​ត្រូវ​មើល​ស្រាល​ទៅ​លើ​សម្តី​របស់​លោកនាយក​រដ្ឋ​មន្ត្រី​ ហ៊ុនសែន ដែល​ថ្លែង​ថា បើគណបក្ស​ប្រជាជន​ចាញ់​ឆ្នោត​ កម្ពុជានិងកើត​សង្គ្រាម។

    ក្នុង​នាម​យើង​ជាពល​រដ្ឋ​ខ្មែរ សូម​បួង​សួង​ដល់​វត្ថុស័កសិទ្ធលើលោកនេះ សូម​ជួយ​អោយ​ប្រ​ទេស​កម្ពុជា​ក្លាយ​ជា​ប្រ​ទេស​កាន់​លទ្ធិ​ប្រជា​ធិប្បតេយ្យ​សេរី​ពហុបក្ស​ពេញ​លេញ  រួច​ផុត​ពី​ភ្លើង​សង្គ្រាម ប្រ​ទេស​ជាតិរីក​ចំ​រើន រាស្ត្រសម្បូរសប្បាយ ហើយ​សូម​អោយ​សត្រូវ​ទាំង​ឡាយដែល​តែងតែ​ប៉ង​យាយី​លេប​ត្របាក់​ទឹក​ដី​កម្ពុជា អោយ​វាវិនាសអន្តរាយ​សាប​សូន្យ​​ពីលើ​លោក​នេះទៅ៕​ ដោយ៖ ផ្លុង-រ៉េត

    ស្លាក:  ព័ត៌មានថ្មីៗ  ព័ត៌មានជាតិ  លិខិតមិត្តអ្នកអាន 

    ព័ត៌មានដែលមានទំទាក់ទំទង

    មេរោគ EV-71 សំលាប់កុម៉ានៅកម្ពុជា52នាក់ហើយ   អាន659ដង លោក ចាបសុផារិទ្ធិ មេប៉ូលីសសេដ្ឋកិច្ចខេត្តបន្ទាយមានជ័យកំពុងតែផ្គើនបទបញ្ជារាជរដ្ឋាភិបាល...    អាន2317ដង លោកអៀងសារីទទួលមរណភាពនៅព្រឹកមិញ   អាន762ដង បុរសស្មោះស្នេហ៍គិតខ្លី សម្រេចចិត្តចងកសម្លាប់ខ្លួនទៅតាមសង្សារ   អាន1225ដង លោក ភុនសារ៉ុម មេវីរសេនាតូចអន្តរាគមន៍លេខ ៣៨៤ យកបន្ទាយទាហ៊ានធ្វើជាដេប៉ូលក់ឈើរាប់ម៉ឺនម៉ែត?...    អាន628ដង លោក មឿងសុន ផ្ញើសេចក្តីអំពាវនាវជូនសម្តេច​ ហ៊ុនសែន   អាន706ដង ផ្កាយពីរយោធាកាងបទល្មើសគ្រឿងញៀន   អាន810ដង រួមរ័កក្នុងឡានអស់​កំលាំងដេក​ដល់​ថ្ងៃរះផ្អើល​អស់​អ្នក​ភូមិ   អាន2159ដង បទល្មើសប្រេងគេចពន្ធចរាចណ៍ឡើងគំហុកតែសមត្ថកិច្ចធ្វើមិនដឹង   អាន637ដង ជល់មាន់ យូគី បៀអាប៉ោងបើកលេងជាចំហរនៅក្នុងកាស៊ីណូកំពង់សោម ស៊ីធី   អាន6620ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    លោកផ្កាយ២ គឹម-ម៉ាវិន្ថា ដែលសម្លាប់ប្រពន្ធនិងកូន ត្រូវបានសមត្ថកិច្ចបញ្ជួនខ្លួនទៅតុលាការនៅព្រឹកយោង​តាម​ប្រ​ភព​ព័ត៌មាន​នៅ​ព្រឹក​ថ្ងៃទី១៤ ខែកញ្ញា ឆ្នាំ២០១៤​ នេះបាន​អោយដឹង​ថា ឧ​ត្ត​ម​សេនីយ៍​ផ្កាយ២ឈ្មោះ គឹម-ម៉ា​វិន្ថា ត្រូវ​បាន​ប៉ូលិស​ក្រសួងមហាផ្ទៃ​ធ្វើការ​សហ​ការណ៍​ជាមួយ​អាជ្ញាធរ​ប្រទេស​ថៃ​ចាប...Read more
    មេ​ឈ្មួញ ​លឹម​ ប៊ុ​ណ្ណា​(ហៅ​ខ្នា) ដឹក​ឈើ​ខុសច្បាប់ឆ្លងកាត់ទឹកដីខេត្តត្បូង​ឃ្មុំ​ទៅ​លក់​ស្រុក​យួន​បានរ​លូន​ដោយ​មាន​ការឃុប​ឃិត​ជាមួ​យសម​ត្ថកិច្ច​គ្រប់​ស្ថា​ប័នប្រភពពី​ឈ្មួញ​រកស៊ី​ឈើ​​បាន​ឲ្យ​ដឹងថា​មេ​ឈ្មួញជាឧញ្ញ៉ាលឹមប៊ុណ្ណា(ហៅខ្នា)  មាន​មេការ​ម្នាក់​ឈ្មោះ សាន ច​យជាមនុស្សមានជំនាញជាច្រើនឆ្នាំខាងយកលុយឲស្ថាប័នពាក់ពន្ធ័​ទើប ប្រព្រឹត្តទៅ​ដោយ​​រលូនបើសិនជាមិនល...Read more
    ចំណុចដែលបុរស់មិនចូលចិត្តស្រ្តី-ចរិតប្ញកពារដូចប្រុស -ចាត់ចែងក្នុងគ្រប់រឿង -ប្រកែកយកឈ្នះគ្មានហេតុផល -ចូលចិត្តប្រើហិង្សា -ចូលចិត្តយកឈ្នះដោយគ្មានហេតុ -អួតអាងក្រអឺក ក្រទម -ចំណាយពេលវេលាឥតមានប្រយោជន៍ -គ្មានការងារធ្វើច្បាស់លាស់ -ម...Read more
    រថយន្តពណ៍ត្រេអ៊ីពាក់ស្លាកលេខខេមរភូមិន្ទ ដឹកឈើខុសច្បាប់ចូលក្រុងសៀមរាបដូចហែកឋិនសកម្ម​ភាព​រថយន្តពណ៍​ត្រេ​អ៊ីពាក់​ស្លាក​លេខ​ខេមរភូមិន្ទ ​ដឹក​ឈើ​ខុស​ច្បាប់​ពី​ស្រុក​វ៉ារិន​មក​ក្រុង​សៀមរាប​រាប់​សិប​គ្រឿង​នៅ​ពេល​យប់​ ​តែ​មិន​មាន​មន្រ្តី​ជំ​នាញ​ ឬ​ក្រុម​សមត្ថ​កិច្ច​ណា​ធ្វើ​ដឹង​ធ្វើ​លឺ...Read more
    បរិយាយថ្ងៃនេះ៖ វេទិការបុណ្យអ៊ំទូកខេត្តសៀមរាបជាការរួមចំណែកបំផ្លាញព្រៃឈើបុណ្យអ៊ំទូក​ជា​ពិធី​បុណ្យប្រ​វត្តិ​សាស្រ្ត​មួយ​ដែល​ប្រ​ជា​ជន​ខ្មែរ​តែង​តែ​ប្រា​រព្វ​ធ្វើ​ជា​រៀង​រាល់​ឆ្នាំនៅ​ក្នុង​ប្រ​ទេស​កម្ពុជា​តាំង​ពី​យូរ​លុង​ណាស់​មក​ហើយ​រហូតមក​​ទល់​​​និង​​បច្ចុប្បន្ន​ ហើយ​នៅ​ឆ្...Read more
    ផ្អើលពលរដ្ឋរាប់ពាន់នាក់ទៅមើលខ្មោចស្លាប់ហើយរស់ឡើងវិញក្រុម​ប្រ​ជា​ពល​រដ្ឋ​រាប់​ពាន់​នាក់​បាន​ផ្អើល​ឈូឆរ​ទាំង​ប្រុស​ទាំ​ង​ស្រី ភ្លូក​ទឹក​ភ្លូកដី នាំ​គ្នា​ទៅ​មើល​សាក​​សព​ស្រ្តី​ម្នាក់ឈ្មោះ ចាន់ធាន អាយុ២៣ឆ្នាំ ដែល​បាន​​ស្លាប់នៅ​មន្ទី​ពេទ្យ​ខេត្ត​កាល​ពី​ថ្ង...Read more
    ក្រុមហ៊ុនដឹកដីរបស់លោក ចាំង តេងភាវ កំពុងបង្កភាពក្តៅក្រហាយដល់ប្រជាពលរដ្ឋ អាជ្ញាធរគ្មានវិធានការទប់ស្កាត់ប្រជាពលរដ្ឋជាច្រើនរស់នៅក្រុងប៉ោយប៉ែត ខេត្តបន្ទាយមានជ័យ បានត្អូញត្អែថា រាល់ថ្ងៃនេះ នៅតាមផ្លូវក្នុងក្រុង និងផ្លូវក្រវ៉ាត់ក្រុងជាច្រើនខ្សែបានរងការខូចខាតបណ្តើរៗ ពិសេសផ្លូវ ស្តង់តាងួន ផ្លូវនៅដីថ្មី និងផ្លូ...Read more
    បទវិភាគ៖ អ្នកមានលុយមកធ្វើនយោបាយ និងអ្នកមកធ្វើនយោបាយដើម្បីលុយនៅ​ក្នុង​ប្រ​ទេស​នីមួយៗ​ មាន​មនុស្ស​រស់​នៅ​ចំរុះ​ជាតិសាសន មាន​អ្នក​ក្រ​មាន​អ្នក​មាន​ អ្នក​តូច​អ្នក​ធំ​ អ្នក​ខ្ពស់​អ្នក​ទាប មាន​អ្នក​ចេះ​មាន​អ្នក​ល្ងង់ មាន​អ្នក​ស្នេហាជាតិ​មាន​អ្នក​បំផ្លាញជាតិ មាន​អ្នក...Read more
    អ្នកកាសែត២រូបក្នុងចំណោម៤រូប ត្រូវគេដេញកាប់សម្លាប់ និងបោកកម្ទេចកាមេរ៉ាថតរូបចោលភ្នាក់ងារ​ទូរទស្សន៍​២​ស្ថាប័ន​គឺ​លោក ផូ ប៊ុនថន ភ្នាក់ងារ​ហង្ស​មាស និង​លោក កែ វុទ្ធី ភ្នាក់ងារ ទូរទស្សន៍ប៉ុស្តិ៍​លេខ​៥ ត្រូវបាន​ជន​ស៊ីវិល​ម្នាក់​ចេញពី​ប៉ុស្តិនគរបាល​ការពារ​ព្រំដែន​ចំបក់​នៃ​វ​រះ​៨១៥​ដេញ...Read more
    មិនទាន់ទាំងបានចេញការចរនាបទថ្មីផង អាខ្លោងទ្វារចាស់ត្រូវបានឆេះគ្មានសល់ផេះដោយសារតែការខឹងសម្បារបស់ព្រលឹងដូនតាខ្មែរ ពីការធ្វើខ្លោងទ្វារដូចខ្លោងទ្វារយួន កាលពីវេលាម៉ោង ៣ទៀបភ្លឺ ថ្ងៃទី ០៧ ខែមេសា ឆ្នាំ២០១៥ ក្លោងទ្វារអង្គរសង្គ្រាន ខាងលិចប្រាសាទអង្គរវត្តត្រូវបានឆេះគ្មានសល...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      112821នាក់
    ម្សិលមិញ    10292នាក់
    សប្ដាហ៍នេះ    159693នាក់
    ខែនេះ    260955នាក់
    ឆ្នាំនេះ   260955នាក់
    សរុប   30927201នាក់
    ថ្ងៃទី 18 ខែ 01 ឆ្នាំ 2019 ម៉ោង 18:34