ព័ត៌មានក្ដៅ

    នាយរងប៉េអឹមស្រុកត្រពាំងប្រាសាទប្រវាយប្រតប់អ្នកកាសែតខណៈខឹងអ្នកកាសែតថតរូបខ្លួន រួចចាប់អ្នកកាសែតយកទៅឃុំខ្លួន ហើយបង្វិលសាច់រឿងទៅជាបទកំហែងទាប្រាក់ពីឈ្មួញដឹកឈើទៅវិញ

    ដោយៈ រ៉េត ខេត្តសៀមរាប ថ្ងៃទី 13 ខែ 06 ឆ្នាំ 2016 វេលាម៉ោង 10:49 នាទី ចំនួនអានៈ 4100

    នាយ​រង​ប៉េអឹម​ស្រុក​ត្រ​ពាំង​ប្រាសាទឈ្មោះ​ គង់​សម្បត្តិ (ហៅតង) បាន​ឃាត់​ខ្លួន​អ្នក​កា​សែត​​ម្នាក់​ឈ្មោះ ខៀវ សុផានុរស្ស តាំង​ពី​ម៉ោង​ជាង​១រសៀលម្សិល​មិញ រហូត​ដល់​ព្រឹក​ថ្ងៃទី១៣ ខែមិថុនា ឆ្នាំ២០១៦នេះ មិន​ទាន់​ដោះលែង​នៅ​ឡើយ​ទេ​ ដោយមូល​ហេតុ​​ខឹង​និង​អ្នក​កាសែត​ទៅ​ថត​រថ​យន្ត​​របស់​ខ្លួន​ ក្នុងខណៈពេលក្រុម​ប៉េអឹម​របស់​ខ្លួន​ចុះ​បំ​ពេញ​បេសកម្ម​ចាប់​ម៉ូតូចោរលួច​ច្រឡំស្លាកលេខ។​​

    លោក ខៀវ សុផានុរស្ស​ អាយុ​៣៣​ឆ្នាំ​ជា​អ្នក​ឆ្លើយ​ឆ្លង​ព័ត៌មាន​អោយ​ទូរទស្សន៍​អប្ស​រា​ប្រ​ចាំ​ស្រុក​អន្លង់​វែង​ខេត្ត​ឧត្តរ​មាន​ជ័យ និង​ជា​អតី​ត​ជា​អ្នក​យក​ព័ត៌មាន​អោយ​សារព័ត៌មាន​កម្ពុជា​សុវណ្ណ​ភូមិប្រ​ចាំ​ខេត្តឧត្តរ​មាន​ជ័យ បច្ចុប្បន្ន​ស្នាក់​នៅ​ស្រុក​អន្លង់​វែង ត្រូវ​បាន​កម្លាំង​ប៉េអឹម​ស្រុក​ត្រពាំង​ប្រាសាទ ឃាត់​ខ្លួន​ភ្លាមៗ​យក​ទៅ​សាក​សួរ​បន្ទាប់​ពី​លោក សុផានុរស្ស​ បាន​ទៅ​ថត​រថ​យន្ត​ប៉េអឹម​ខាង​លើ​ដែល​បាន​ទៅ​ចាប់​ម៉ូតូ១គ្រឿង​ច្រ​ឡំ​ដែល​​ចោរ​​បាន​លួច​​កាល​ពី​​ប៉ុន្មាន​ថ្ងៃ​មុន​នេះ។

    អ្នក​កាសែត​ម្នាក់​ក្នុង​ចំ​ណោម​២នាក់​ដែល​ត្រូវ​បាន​ប៉េអឹម​ឃាត់​ខ្លួន​ហើយ​បាន​ដោះ​លែង​វិញ​ ​បាន​ប្រាប់​តាម​ទូរស័ព្ទ​កាល​ពី​​យប់​​​ថ្ងៃទី១២ម្សិល​មិញថា កាលពី​ប៉ុន្មាន​ថ្ងៃ​មុន​នេះ​មាន​ចោរ​បាន​លួច​កាច់​សោ​ម៉ូតូមួយ​គ្រឿង​ដែល​មាន​ស្លាកលេខ 4267 លុះ​ដល់​ព្រឹក​ថ្ងៃ​ទី​១២​នេះ​ខាង​ប៉េអឹម​ស្រុក​ត្រពាំង​ប្រាសាទបាន​បើក​រថយន្ត​ទៅ​ចាប់​ម៉ូតូ​មួយគ្រឿង​ច្រឡំដែល​ពាក់​ស្លាកលេខ 2067 រួច​ក៏បាន​ដោះ​លែង​ទៅ​វិញ។ ប្រ​ភព​បន្តថា ឃើញ​ដូច្នេះ​លោក​ ខៀវ សុផានុរស្ស​បាន​ទៅ​ថត​រូប​ភាព​យក​ព័ត៌មាន​​តាម​វិជ្ជាជីវៈ ដោយ​ថត​ទាំង​រថ​យន្ត​របស់​ប៉េអឹម​ផង ទើប​បណ្តាល​អោយលោក គង់​សម្បត្តិ (ហៅតង) នាយ​រង​ស្តី​ទី​​ប៉េអឹមស្រុក​ត្រពាំង​ប្រាសាទ​​ខឹង​សម្បា​យ៉ាង​ខ្លាំង​ ហើយ​ក៏ស្ទុះ​មក​ប្រ​វាយ​ប្រ​តប់​បម្រុង​យក​ទូរស័ព្ទ​អ្នក​កា​សែត​ទៅ​លុប​រូប​ចោល តែ​លោក​សុផានុរស្ស​មិន​ព្រម​អោយ​ទើប​បណ្តាល​អោយ​មាន​រឿង​កាន់​តែ​វែង​ឆ្ងាយ។ ​អ្នក​កាសែត​រូប​នេះ​បាន​បន្តថា ឃើញ​ដូច្នេះ​លោក​ក៏រត​ទៅ​ឃាត់​ បន្ទាប់​មក​នាយ​រង​ប៉េអឹម​រូប​នេះក៏បាន​នាំខ្លួន​អ្នក​កាសែត​ទៅ​ស្នាក់​ការ​ប៉េអឹម​ស្រុក​ត្រពាំង​ប្រា​សាទ​តាំង​ពី​ម៉ោង​១រសៀលថ្ងៃទី១២ខែ​មិថុនា​ឆ្នាំ២០១៦​ម្សិល​មិញ​ដោយ​បង្វិល​ពី​រឿង​ឈ្លោះ​គ្នា​ជាមួយអ្នក​កាសែតទៅជា មាន​ពាក្យ​បណ្តឹង​ពី​ឈ្មួញ​រក​ស៊ី​ដឹក​ឈើថា អ្នក​កាសែត​ខាង​លើ​នេះ​ធ្លាប់​បាន​ទៅ​កំហែង​ទាប្រាក់​ពី​ក្រុម​ឈ្មួញ​រក​ស៊ី​ដឹក​ឈើ​ទៅវិញ។

    ​លោក លី ណារិទ្ធ មេប៉េអឹម​ស្រុក​ត្រពាំង​ប្រាសាទបាន​ប្រាប់​តាម​ទូរស័ព្ទនៅ​ល្ងាច​ម៉ោង​៦និង១១នាទីថ្ងៃទី១២​ម្សិល​មិញថា លោក​នៅ​ឯភ្នំពេញ​ ហើយ​សាច់​រឿង​ឃាត់​ខ្លួន​អ្នក​កាសែត​ខាងលើនេះ​គឺ​​លោក គង់ សម្បត្តិ (ហៅ​តង) ប្រ​ធាន​ស្តី​ទីប៉េអឹម​ស្រុកត្រ​ពាំង​ប្រាសាទ​​របស់​លោក​កំពុង​សាក​សួរមិន​ទាន់​ចប់​នៅ​ឡើយ​ទេ។ លោកលីណារិទ្ធបន្ថែមថា រឿង​ថត​ឡានប៉េអឹម​មិន​ជា​រឿង​ដើមចម​ក្នុង​ការ​ឃាត់​ខ្លួន​នោះទេ តែ​មាន​ឈ្មួញ​រក​ស៊ី​ដឹក​ឈើ​គេ​ប្តី​ថា លោក​ ខៀវ​ សុផានុរស្ស​ ទៅ​កំហែង​ទាប្រាក់​គេ។

    កម្ពុជា​សុវណ្ណភូមិ​បាន​ខល​ទូរស័ព្ទ​ទៅ​លោក គង់សម្បត្តិ ប្រ​ធាន​ស្តី​ទី​ប៉េអឹម​ស្រុក​ត្រពាំង​ប្រាសាទ និង​លោក គយ​ កាន់យ៉ា ព្រះ​រាជអាជ្ញាសាលាដំ​បូង​ខេត្ត​ឧត្តរ​មាន​ជ័យ​នៅ​ម៉ោង​៦ថ្ងៃទី១២​ម្សិល​មិញ​ ដើម្បី​សុំ​សាក​សួរ​ព័ត៌​មាន​ពាក់​ព័ន្ធ​និង​ការ​ចាប់​ខ្លួន​អ្នក​កាសែត​ខាងលើ​​តែ​មិន​មាន​អ្នក​លើក​ទូរស័ព្ទនោះ​ទេ។

    លោក​ ខៀវ សុផានុរស្ស​ ​បាន​ប្រាប់​កម្ពុជា​ភូមិ​តាំង​ពី​ព្រឹក​​​ម៉ោង​៩ថ្ងៃទី១២​ម្សិលមិញ​មុន​ប៉េអឹម​ឃាត់​ខ្លួន​ថា កាល​ពី​ថ្ងៃទី​១១​​ខែ​មិថុនាឆ្នាំ២០១៦ មាន​រថ​យន្ត​ដឹក​ឈើ​មួយ​គ្រឿង​ដឹក​សុទ្ធតែ​ឈើ​ថ្មីនៅ​ស្រុក​ត្រពាំង​ប្រាសាទ​ខេត្តឧត្តរ​មាន​ជ័យ តែ​បែជា​រត​ច្បាប់​ជា​ឈើ​ផ្ទះ​ចាស់​ទៅ​វិញ​ ឃើញ​ដូច្នេះ​អ្នក​កាសែត​ជិត​១០​នាក់​បាន​ទៅ​ថត​រូប​បម្រុង​ហៅ​មេព្រៃ​អោយ​ចាប់​តែ​អ្នក​រត​ការ​ឡាន​ដឹក​ឈើ​ខាង​លើ​ប្រាប់​ថា មិន​បាច់​ហៅ​មេ​ព្រៃ​ទេ​សុទ្ធ​​តែ​ខ្មែរ​ដូច​គ្នា យក​លុយ​ម្នាក់​ពី​រម៉ឺន​ចាក់​សាំង​ទៅ ហើយ​ឈើ​នេះ​ជា​កូន​ចៅ​របស់​លោក​អភិបាល​ស្រុក​​ត្រពាំង​ប្រាសាទផង គួរ​មាន​ការ​​យោគ​យល់​​ខ្លះ​ផង។ លោក​ សុផា​នុរស្ស​ បន្ថែម​ថា លុះ​ដល់​រថ​យន្ត​ដឹក​ឈើ​ទៅ​បាត់​ស្រាប់​តែ​ព្រឹក​ថ្ងៃទី១២​​​លឺ​ពាក្យ​ចចាម​អារាម​តាម​តុការហ្វេថា កូន​ចៅ​លោក​ចៅ​ហ្វាយ​ស្រុក​​ត្រ​ពាំង​ប្រាសាទ​គំ​រាម​ថា ចៅ​ហ្វាយ​ស្រុក​ខឹង​ខ្លាំ​ងណាស់​ ហើយ​បម្រុង​អោយ​ឈ្មួញ​ដឹក​ឈើ​ខាងលើ​ដាក់​ពាក្យ​ប្តឹង​​ថា​ក្រុម​អ្នក​កាសែត​ទៅ​ជំរិត​ទាប្រាក់​អ្នក​​ដឹក​ឈើ​ផ្ទះ​ចាស់​ទៅ​វិញ។ លុះ​ស្រាប់​តែ​​ម៉ោង​ជាង​៣​រសៀល​ថ្ងៃទី១២​ម្សិល​មិញមាន​អ្នក​កាសែត​ម្នាក់​ប្រាប់​កម្ពុជា​សុវណ្ណភូមិ​​ថា មាន​ការ​ចាប់​ខ្លួន​លោក ខៀវ​ សុផានុរស្ស​ ដូច​ការ​គំរាម​ពី​ក្រុម​អ្នក​រក​ស៊ី​ដឹក​ឈើ​ ដែល​អួត​ខ្លួន​ថា ជា​កូន​ចៅ​របស់​លោក​ចៅ​ហ្វាយ​ស្រុកដូច​ការ​គ្រោង​ទុកមែន​។

    សូម​បញ្ជាក់​ថា អ្នក​រក​ស៊ី​ស្លូន​ត្រង់​នៅ​ស្រុក​អន្លង់​វែង​ធ្លាប់​បាន​ប្រាប់​កម្ពុជា​សុវណ្ណភូមិថា លោក​ ខៀវ សុផានុរស្ស​ ជាអ្នក​កាសែត​ម្នាក់​សកម្ម​ខាង​ហៅ​សមត្ថ​កិច្ច​អោយ​ចាប់​រថ​យន្ត​ដឹក​ឈើ​ខុស​ច្បាប់​ ដែល​ជា​ហេតុ​ធ្វើ​អោយ​មាន​ការ​ប៉ះ​ទង្គិច​ជាមួយ​ក្រុម​ឈ្មួញ​ និង​មន្ត្រី​រាជការ​លេម​លើម​មួយ​ចំ​នួន​ដែល​បាន​ទទួល​លាភ​ស​ការៈ​​ពី​ក្រុម​ឈ្មួញ​អ្នក​រក​ស៊ី​ខុស​ច្បាប់ទាំង​តូច​ទាំង​ធំ។

    សារព័ត៌មាន​កម្ពុជាសុវណ្ណភូមិ​សូម​ធ្វើ​ការ​ខន្តី​អភ័យ​ទោស​ចំ​ពោះ​ការ​ចុះ​ផ្សាយ​ច្រឡំកាល​ពី​ថ្ងៃទី១២​ម្បិល​មិញ ទៅ​លើលោក ហោជិនវីរៈយុទ្ធ អភិបាល​ស្រុក​អន្លង​វែង​ថា ជាអ្នក​ជាប់​ព័ន្ធ​ក្នុង​ករណី​ឈ្មួញ​រក​ស៊ី​ដឹក​ឈើ​ជាកូន​ចៅ​របស់​លោក តាម​ពិត​ទៅ​គឺ​ជា​ចៅ​ហ្វាយ​ស្រុក​ត្រពាំង​ប្រាសាទទេ ដែល​ជាអ្នក​ជាប់​ពាក់​ព័ន្ធ​ករណី​​ឈ្មួញ​រក​ស៊ី​ដឹក​ឈើ​ ដែល​ប្តី​អ្នក​កាសែត។

    នៅ​ព្រឹក​ថ្ងៃទី១៣​ខែ​មិថុនា​ឆ្នាំ២០១៦​នេះ លោក នៅ ​សមតារារិទ្ធ អភិបាល​ស្រុក​ត្រពាំង​ប្រាសាទមិន​អាច​សុំ​ការ​បក​ស្រាយ​បាន​ទេពាក់​ព័ន្ធ​ករណី​គេ​ចោទ​ប្រ​កាន់​ថា លោក​ជាប់ពាក់​​ព័ន្ធ​ជា​មួយ​ក្រុម​ឈ្មួញ​រក​ស៊ី​ដឹក​ឈើ​ដែល​ប្តី​អ្នក​កាសែត​ខាង​លើ ព្រោះ​នៅ​ពេល​ទូរស័ព្ទ​ចូល​លោក​ឆ្លើយ​យ៉ាង​ខ្លី​ថា លោក​មាន​ជំងឺ​កំពុង​ព្យា​បាល​ខ្លួន​នៅ​​ឯបាង​កក​ប្រទេស​ថៃ បើ​មាន​ការ​អី​ទៅ​ជួប​ប្រធាន​ស្តី​ទី​របស់​លោក​នៅ​ឯសាលាស្រុក​ត្រពាំង​ប្រា​សាទ​ទៅ។

    នៅ​ព្រឹក​ថ្ងៃទី១៣នេះភរិយា​របស់​លោក សុផានុរស្ស បាន​ប្រាប់​កម្ពុជា​សុវណ្ណភូមិ​តាម​ទូរស័ព្ទ​ថា ប្តី​របស់​គាត់​ខាង​ប៉េអឹម​ស្រុក​ត្រ​ពាំង​ប្រាសាទ​បានបញ្ជូន​ទៅ​ខេត្ត​ឧត្តរ​មាន​ជ័យ​ហើយ។

    លោក សុខសុវណ្ណ ប្រធាន​ក្រុម​ ក្រុម​ប្រឹក្សា​សារព័ត៌មាន​កម្ពុជា បាន​មាន​ប្រ​សាសន៍​តាម​ទូរស័ព្ទ​នៅ​ព្រឹក​ថ្ងៃទី១៣​នេះ​ថា មន្ត្រី​អាវុធហត្ថ​ ដែលខឹង​និង​អ្នក​កាសែត​ថត​រូប​ ហើយ​​បង្ខំ​អោយ​អ្នក​កាសែត​លុប​រូប​នោះ​ជា​អំ​ពើ​ខុស​ច្បាប់​ ហើយ​ជា​ទង្វើ​មួយ​កំ​ពុង​តែ​គាប​សង្កត់ គំរាម​កំហែង ដល់​​សេរី​ភាព​អ្នក​សារព័ត៌មាន​ ព្រោះ​ថាក្នុង​ពេល​សមត្ថ​កិច្ច​ចុះ​បំ​ពេញ​បេសកកម្ម​នោះ​អ្នក​ឯង​ជា​មន្ត្រី​សាធារណៈរបស់​រដ្ឋ​ ហើយ​នៅ​ទី​សាធារណៈទៀត​ផង​ ដូច្នេះ​អ្នក​កាសែត​មាន​សិទ្ធិ​ថត​រូប​ទុកជាឯកសារ ឬ​ថត​យក​មក​ផ្សយ​ថា ម៉ូតូដែល​ប៉េអឹម​ចាប់​ត្រឡំនោះ​បាន​ដោះ​លែង​ទៅ​វិញ​ហើយ ជាស​វាង​មាន​ការ​ភាន់​ច្រឡំណា​មួយ​ពី​មហាជន តែ​លោក​ម៉េអឹម​ខាង​លើ​ដែល​បង្ខំ​អោយ​អ្នក​កាសែត​លុប​រូប​រហូត​ដល់​ថ្នាក់​ប្រវាប្រតប់​គ្នា​នោះ​ មិន​មែន​ជា​អ្នក​ចេះ​ច្បាប់​នោះ​ទេ សរុប​ទៅ​គឺ​គាត់​ប្រើ​ច្បាប់​ព្រៃ ដែលកំ​ពុង​តែ​​ធ្វើ​អោយ​ខូច​កិត្តិ​យសដល់​ថ្នាក់​លើ​ និង​ថ្នាក់​ដឹក​នាំ​ហើយ។

    ស្ថាប័ណ្ណឯករាជសូម​សំនូម​ពរ​ទៅ​លោក គយ កាន់យ៉ាង ព្រះ​រាជអាជ្ញាសាលាដំ​បូង​ខេត្ត​ឧត្តរ​មាន​ជ័យ​មេត្តា​លើក​លែង​ការ​ចោទ​ប្រកាន់​ទៅលើ​អ្នក​កាសែត​ឈ្មោះ ខៀវ សុផានុរស្ស ដែល​នាយ​រង​ប៉េអឹម​ស្រុក​ត្រពាំង​ប្រាសាទ​បាន​ឃាត់​ខ្លួន​កាល​ពី​ថ្ងៃទី១២ម្សិល​មិញ ព្រោះនិយម​ន័យ ​បទ​កំ​ហែង​យក​ ក្នុង​ក្រម​ព្រហ្ម​ទណ្ឌ​មិន​សាក​សម​ទៅ​នឹង​ករណី​ខាង​លើ​នេះទេ៕ ដោយ៖ ផ្លុង រ៉េត

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    មេ​ឈ្មួញ ​លឹម​ ប៊ុ​ណ្ណា​(ហៅ​ខ្នា) ដឹក​ឈើ​ខុសច្បាប់ឆ្លងកាត់ទឹកដីខេត្តត្បូង​ឃ្មុំ​ទៅ​លក់​...    អាន3624ដង សមត្ថកិច្ច​នគរបាល​ខណ្ឌមាន​ជ័យឃាត់​ខ្លួនអ្នក​សារព័ត៌មាន​ភ្នំពេញ​ប៉ុស្តិ៍សាក​សួរ​និង​?...    អាន848ដង មេខ្យល់បោកគេថានាំទៅធ្វើការនៅស្រុកថៃត្រូវ អ ហ ចាប់ដាក់ទ្រុង   អាន1095ដង មេឈ្មួញឈ្មោះ ពន្លក ដឹកឈើក្រញូងឡើងកក្រើក ផ្លូវលេខ៦៧មេព្រៃរាប់ក្បាលឡានយកលុយ   អាន1356ដង សមយុទ្ធ​រួម​គ្នា​រវាង​សហរដ្ឋ​អាមេរិក និង​កម្ពុជា​ចាប់​ផ្តើម​នៅ​ថ្ងៃ​នេះ   អាន857ដង លោកមេគយ ឈួន ហៃប្រធានស្តីទីស្នាក់ការគយ និង លោក យិន ផល្លី កំពុងប្រព្រឺត្តអំពើពុករលូយពេញទំហ?...    អាន2535ដង លោក កែមលី អ្នកវិភាគឯករាជត្រូវបានឃាត្តករបាញ់សម្លាប់នៅម៉ោងជាង៩ព្រឹកនេះ   អាន4188ដង លោក នាយករដ្ឋមន្ត្រី ហ៊ុនសែន ប្រកាសដកការលក់សំបុត្រអង្គរពីក្រុមហ៊ុនលោក សុខគង់ មកជាសម្បត្ត...    អាន4856ដង សមត្ថកិច្ចឃាត់ខ្លួនជនសង្ស័យភេទប្រុស ម្នាក់ និង នារី ម្នាក់ ក្នុងករណីសម្រួលអោយប្រើប្រាស់...    អាន914ដង សេចក្តីជូនដំណឹង   អាន6603ដង
    ព័ត៌មានផ្សេងៗទៀត
    ខួបកំណើតសម្តេចហ៊ុនសែន
    ផ្សាយពាណិជ្ជកម្ម

     លិខិតមិត្តអ្នកអាន
    សេចក្តីប្រកាសព័ត៌មានស្តីពីលទ្ធផលនៃសម័យ​ប្រជុំលើក​ទី៦ព្រឹទ្ធសភានីតិកាលទី៣ថ្ងៃទី២៣មីនាឆ្នាំ២០១៥សូមចុចលើរូបភាពខាងក្រោម​ដើម្បីអាច​ព័ត៌មាន​លំអិត។...Read more
    មន្ត្រី និងសកម្មជនគណបក្សសង្គ្រោះជាតិ៥រូបត្រូវបានតុលាការដោះលែងនៅថ្ងៃនេះមន្ត្រី​និង​សកម្មជន​គណបក្ស​សង្គ្រោះ​ជាតិ​៥​រូប ត្រូវបាន​លោក លឹម មករ​ន្ទ ប្រធាន​ក្រុមប្រឹក្សា​ជំនុំជម្រះ​សាលាដំបូង​រាជធានី​ភ្នំពេញ សម្រេច​កាលពី​ព្រឹក​ថ្ងៃទី​១៣ ខែ​មេសា ឆ្នាំ​២០១៥ ដោះ​លែងឲ្យ​នៅ​ក្រៅ​ឃុំ...Read more
    លោក លឹមសម្បត្តិ មេគយច្រកអន្តរជាតិព្រំខេត្តប៉ៃលិនប្រព្រឹត្តអំពើពុករលួយយ៉ាងគឃ្លើនមាន​សេចក្តី​រាយ​ការ​ពី​រឿងអាស្រូវ​របស់លោក លឹម សម្បត្តិ ប្រធានការិយាល័យ​គយ​និង​រដ្ឋាករ​ច្រក​អន្តរជាតិ​ព្រំ​ក្នុង​ខេត្ត​ប៉ៃលិន​បានធ្វើ​ឲ្យ​មន្ត្រី​គយ​ទូទាំងប្រទេស​មានការ​ចាប់​អារម្មណ៍​យ៉ាងខ្លាំង​ ដោយហេត...Read more
    បែក​ធ្លាយ​ ម្តាយ​សរសេរ​សំ​បុត្រ​តប​មក​កូន​វិញ​ រឿង​កូន​ចង់លែង​ប្រ​ពន្ធពុទ្ធោ! កូនប្រុស​មាសម្តាយ កូន​ប្រុស​មាស​ម្តាយ ម្តាយ​នឹក​កូនណាស់ ម្តាយ​ស្មាន​តែ​កូន​បាន​ទទួល​សេចក្តី​សុខ​សាន្ត​ក្នុង​សង្គម​គ្រួសារ​របស់​កូន​ហើយ តែ​បន្ទាប់​ពី​ម្តាយ​បាន​អាន​សំ​បុត្រ​របស់​កូន​ទើប​ម្តា...Read more
    សមត្ថកិច្ចចំរុះ ចុះបង្រ្កាបទីតាំងស្កុកឈើរបស់ជនជាតិយួន២កន្លែងធំៗនៅក្រុងបានលុងកន្លែងស្កុក​ឈើ​របស់ជនជាតិយួន​២កន្លែង​ធំៗ នៅក្រុង​បានលុង​ត្រូវ​បាន​កម្លាំង​ចំរុះរបស់​ខេត្ត​ចុះ​បង្រ្កាប ដែល​ដឹក​នាំ​ដោយ លោក ជាសុភ័ក្រ្ក ព្រះរាជអាជ្ញារង​នៃ​សាលាដំ​បូង​ខេត្ត ​កាល​ពី​ថ្ងៃទី១៨​ ខែមេសា ឆ្នា...Read more
    លោក ឡាយ ម៉ារីវ៉ូ បានកំពុងដើរតាមគន្លងអគ្គនាយកចាស់លោក​អគ្គនាយកដ្ឋាន​ទូរគមនាគមន៍​កម្ពុជា មិនទាន់​បាន​ធ្វើ​កំណែទម្រង់​ឱ្យបាន​ស៊ីជម្រៅ​ទៅតាម​ទិសដៅ របស់​រាជរដ្ឋាភិបាល​អាណត្តិ​ទី ៥ នៅឡើយ ។ ការគ្រប់គ្រង​នឹង​ដឹកនាំ​របស់​អគ្គនាយក​បច្ចុប្បន្ន​កំពុង​បង្កើត បក្...Read more
    លោក អ៊ំសំអាន សរសេរលិខិតសុំទោសលោក ហេងសំរិត ប្រធានរដ្ឋសភាលោក អ៊ំសំអាន ​តំណាង​រាស្រ្ត​មក​ពី​គណបក្ស​សង្គ្រោះ​ជាតិ មណ្ឌល​ខេត្ត​សៀមរាប​បាន​សរសេរ​លិខិត​សុំ​ការ​អធ្យ​ស្រ័យ​ពី​លោក ហេង​សំ​រិន ប្រ​ធាន​រដ្ឋ​សភាកម្ពុជាកាល​ពី​ថ្ងៃ​ទី​២៤ ខែកក្កដា ឆ្នាំ២០១៥​ម្សិល​មិញ។ ...Read more
    លោក ចាន់សុផល ចៅហ្វាយខេត្តបាត់ដំបងឆ្លើយថា ក្តាប់មិនជុំចំពោះអាជីវកម្មថ្មកែវលើភ្នំ១៥០ការធ្វើ​អាជីវកម្ម​ថ្មកែវ នៅ​ចំណុច​ជួរ​ភ្នំ​១៥០ ស្ថិតនៅ​ក្បែ​វត្ត​គិរី​សិលា​កែវ ក្នុងភូមិ​អន្លង់​ស្វាយ ឃុំ​តា​គ្រាម ស្រុក​បាណន់ ខេត្តបាត់ដំបង ដែល​ក្តោប​ក្តាប់​ដោយ​លោក​ឧកញ៉ា​ដ៏​វ័យក្មេង​ម្នាក់ ប្រចាំខេត...Read more
    ជនជាតិវៀតណាម២៣នាក់ ត្រូវបានចាប់បញ្ជូន ទៅស្រុកកំណើតវិញកម្មករ​ជនជាតិ​វៀតណាម​២៣​នាក់ ដែល​ឆ្លង​ដែន​ខុស​ច្បាប់​ចូល​មក​កម្ពុជា ហើយ​បាន​មក​លាក់ខ្លួន និង​ធ្វើការ​នៅក្នុង​ក្រុមហ៊ុន​សំណង់​មួយ​ឈ្មោះ​ថា ហត្ថ​ពលកម្ម ក្នុង​ក្រុង​ស្ទឹងសែន ខេត្ត​កំពង់ធំ ត្រូវបាន​ក្រុម​...Read more
    ឈើក្រញូងជិត២តោនត្រូវបានស្ថាប័ណតុលាការបញ្ជាអោយជំនាញរឹបអូសតាមផ្លូវច្បាប់ឈើ​ក្រ​ញូង​ខុស​ច្បាប់​ជិត​២តោន ត្រូវ​បាន​លោក សំរិទ្ធសុខុន ព្រះ​រាជ​អាជ្ញា​រង​អម​សាលា​ដំ​បូង​តំ​ណាង​អយ្យ​ការ បញ្ជា​អោយ​កម្លាំង​រដ្ឋ​បាល​ព្រៃ​ឈើ​ខេត្ត​សៀម​រាប​រឹប​អូស​ទៅ​តាម​ផ្លូវ​ច្បាប់​ នៅ​រសៀល​ថ្ងៃទី...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      2263នាក់
    ម្សិលមិញ    7867នាក់
    សប្ដាហ៍នេះ    55435នាក់
    ខែនេះ    244924នាក់
    ឆ្នាំនេះ   2338094នាក់
    សរុប   40631772នាក់
    ថ្ងៃទី 24 ខែ 07 ឆ្នាំ 2021 ម៉ោង 10:51