ព័ត៌មានក្ដៅ

    ឈើហ៊ុបរាប់លានដើមត្រូវបានលោក ឧកញ្ញាឌីឌុក និងក្រុមហ៊ុនសំអឿនសុវណ្ណប្រើរណាយក្ស អារជ្រៀកឥតចំចៃដៃ ហាក់កំពុងតែផ្គើនប្រសាសន៍សម្តេច ហ៊ុនសែន

    ដោយៈ រ៉េត ខេត្តសៀមរាប ថ្ងៃទី 28 ខែ 09 ឆ្នាំ 2016 វេលាម៉ោង 12:15 នាទី ចំនួនអានៈ 1828

    ប្រភព​ព័ត៌មាន​ច្បាស់ការ​បាន​រាយ​ការ​​ណ៍ពីស្រុក​ជ័យ​សែន ​ខេត្ត​ព្រះ​វិហារ​​មក​ថា ក្រុម​ហ៊ុន​សំអឿន​សុវណ្ណ ក្រោម​ជំនួយ​ឧបត្ថមរបស់​លោកឧកញ្ញា ឌីឌុក កំពុង​កាប់​ឈើ​ហ៊ុប​ធំៗយក​ទៅ​អារជ្រៀកលក់​ចែក​ចាយ​ទៅ​ខាង​ក្រៅ​​ដោយ​ប្រើ​រណា​យក្ស​នៅ​ក្នុង​ដី​ក្រុម​ហ៊ុន​ ព្រម​ទាំង​ប្រ​កាស​ទិញ​ឈើ​ពី​ប្រ​ជាពល​រដ្ឋ​ដែល​កាត់​ខុស​ច្បាប់ពី​ព្រៃ ​ដោយ​ចំ​ហរ​ជា​សា​ធារ​ណៈ​ទៀត​​ផង ដែល​ទង្វើ​ទាំង​នេះ​ហាក់​កំពុង​តែ​ប្រ​ឆាំង​ជា​មួយ​ប្រ​សាសន៍ សម្តេច​ ហ៊ុនសែន នាយក​រដ្ឋ​មន្ត្រី ​នៃ​ព្រះ​រាជា​ណាចក្រ​កម្ពុជា ដែល​តែ​ង​តែ​ប្រ​កាស​ថា អោយ​បញ្ឈប់រាល​​ការ​កាប់​បំ​ផ្លាញ​ព្រៃឈើ​អោយ​ខាន​តែ​បាន​នោះ​។

    កាល​ពី​ល្ងាច​ថ្ងៃទី​២៧ ខែកញ្ញា ឆ្នាំ២០១៦​ម្សិល​មិញនេះ លោក​ឧកញ្ញា ឌីឌុក បាន​បដិសេធប្រាប់ ​កម្ពុជា​សុវណ្ណ​ភូមិ​ថា រថយន្ត​បង្កុង​ដែល ​កម្ពុជា​សុវណ្ណ​ភូមិ ​យក​មក​ចុះ​ផ្សាយ​នោះ​មិន​មែន​ជារថ​យន្ត​​របស់​លោក​ឧកញ្ញាទេ ជា​រថ​យន្ត​ដែល​មេព្រៃ​គេ​ចាប់​តាំង​ពី​ឆ្នាំ​២០១៤​មក​ម្លេះ។​ ហើយ​លោក​ឧកញ្ញា​សុំ​អោយ​កម្ពុជា​សុវណ្ណភូមិ​ សាក​សួរ​ទៅ​អ្នក​យក​ព័ត៌មាន​របស់​ខ្លួន​ថា រថយន្ត​បង្កុង​នោះ​ជារបស់​ក្រុម​ហ៊ុន​សំ​អឿ​ន​សុវណ្ណ​មែន​ ឬមិន​មែន?

    នៅ​ព្រឹក​ថ្ងៃទី២៨​នេះ​អ្នក​យក​ព័ត៌​អោយ​កម្ពុជា​សុវណ្ណភូមិ​ និង​អ្នក​យក​ព័ត៌មាន​ជា​ច្រើន​នាក់​ទៀត​បាន​អះ​អាង​ប្រាប់​កម្ពុជា​សុវណ្ណភូមិ​ថា ក្រុម​ហ៊ុន​សំ​អឿន​សុវណ្ណ​ ក្រោម​ការ​ឧបត្ថម​របស់​លោក​ឧកញ្ញា ឌីឌុក ពិត​ជាមាន​រថ​យន្ត​បង្កុង​ដឹក​ឈើ​ដូច​រូប​ដែល​បាន​ចុះ​ផ្សាយ​ពិតប្រាដក​​មែន។ មិន​តែ​ប៉ុណ្ណោះ​ពួក​គេ​បាន​ផ្តល់​រូប​ភាព​សន្លឹក និង​រូប​ភាព​ជា​វីដេអូ ដែល​មាន​​ឈើ​ហ៊ុប​ធំៗកំពុង​ត្រូវ​បាន​អារជ្រៀក​នៅ​ក្នុង​ក្រុម​ហ៊ុន​សំ​អឿន​សុវណ្ណ​ថែម​ទៀត​ផង​។

    ថ្មី​ៗនេះ​លោកឧកញ្ញា ឌីឌុក បាន​ប្រាប់​អ្នក​កាសែត​មួយ​ចំ​នួន​ថា លោក​បាន​ដក​ម៉ាស៊ី​រៃអាឈើ​ចេញ​ពី​ក្រុម​ហ៊ុន​របស់​ខ្លួន មិន​បាន​បន្ត​ទៀត​ទេ តែ​យោង​តាម​ប្រ​ភព​ព័ត៌មាន​ពី​ស្រុក​ជ័យ​សែន ​និង​ស្រុកឆែប ខេត្ត​ព្រះ​វិហារ​ឯណោះ​​វិញ​ បាន​រាយ​ការ​ណ៍មក​ថា ក្រុម​ហ៊ុន​សំ​អឿន​សុវណ្ណ​មិន​បាន​បញ្ឈប់​សកម្ម​ភាព​អារ​ឈើ​របស់​ខ្លួន​ឡើយ​។​

    អ្នក​តាម​ដាន​ការ​កាប់​បំ​ផ្លាញ​ព្រៃឈើ កំពុង​រង​ចាំមើល​ចំណាត់​ការ​ពី​ឯកឧត្តម​ អ៊ុក​រ៉ាប៊ុន រដ្ឋ​មន្ត្រី​ក្រសួង​កសិកម្ម​ រុក្ខាប្រមាញ់​ និង​នេសាទ ជាពិ​សេស​សម្តេច​នាយក​រដ្ឋ​មន្ត្រី​ ហ៊ុន សែន តែម្តង តើ​មាន​វិធាន​ការ​បែបណា​ដែរ ចំពោះ​ក្រុម​ហ៊ុន​សំ​អឿន​សុវណ្ណ ក្រោម​ការ​ឧបត្ថម​ពី​ក្រោយ​ខ្នង​ដោយ​លោកឧកញ្ញា ឌីឌុក ដែល​ជា​អ្នក​ចូល​រួម​បំផ្លាញ​ឈើ​ហ៊ុប​ធំៗនៅ​ស្រុក​ជ័យ​សែន និង​ស្រុក​ឆែប​ ស្ថិត​ក្នុង​ខេត្តព្រះវិហារនេះ៕ ដោយ៖ ផ្លុង រ៉េត

     


    (បើលោកអ្នក​ចង់​អាន​សាច់​រឿង​លំអិត សូម​អាន​អត្តបទចាស់​ខាងក្រោម ដែល​បាន​ចុះ​ផ្សាយ​កាល​ពី​ថ្ងៃ​ទី២៤ថ្មីៗនេះ)

    ឧកញ៉ា ឌីឌុក និងក្រុម​ហ៊ុន សំអឿន​សុវណ្ណ កំពុង​​សហការ​គ្នា​ដំ​ឡើង​ម៉ា​ស៊ីន​អារ​ឈើ​ខ្នាត​យក្ស​ ហើយ​ប្រកាស​ទិញ​ឈើ​ខុស​ច្បាប់​ពី​ពល​រដ្ឋ​ដោយ​ចំហរ​ជាសាធារណៈ

    ខេត្តព្រះវិហ៊ារ៖ ឧកញ្ញា ឌីឌុក និង​ក្រុម​ហ៊ុន​សំ​អឿន​សុ​វណ្ណ កំពុង​តែ​ចាប់​ដៃ​គ្នាដំឡើង​រោង​ចក្រ​អារ​ឈើ​ខ្នាត​យក្ស​មួយ​ដែល​មាន​ទីតាំង​ស្ថិត​នៅ ចំណុច​អូរ​ស្នៀត ស្ថិត​ក្នុង​ភូមិ​អូរស្នៀត ឃុំ​ត​ស៊ូ​ ស្រុក​ជ័យសែន ខេត្តព្រះវិហារ ស្ទើរ​តែ​វិនាស​អស់​ទៅ​ហើយ​ តែនៅ​​មិនទាន់​​មាន​ថ្នាក់​ដឹក​នាំ​ណា​ម្នាក់​ដឹង​លឺនៅ​ឡើង​នោះទេ។

    ប្រភព​ពី​​ប្រ​ជាពល​រដ្ឋនៅ​ស្រុក​ជ័យសែន និង​ស្រុក​ឆែប បាន​​រាយ​ការណ៍​​មក​ថា លោកឧកញ្ញា ឌីឌុក និង​ក្រុម​ហ៊ុន​ សំ​អឿន​សុវណ្ណ កំពុង​តែ​​ប្រមូល​ទិញ​ឈើពី​ខាង​ក្រៅ​ ​ដឹក​ចូល​យក​ទៅអារ​ច្រៀក យ៉ាង​ទ្រ​ហឹង​អឹង​កង​ពេញ​ម៉ា​ស្រុក​ឆែប​ រូច​ដាក់​គរ​គំនរ​ដូច​ភ្នំ សម្រាប់​ដឹក​ចេញបន្ត​ យក​ទៅ​លក់​នៅ​តាម​ដេ​ប៉ូ​ឈើ​នា​នា​ជា​ច្រើន​កន្លែង និង​មួយ​ចំ​នួន​ទៀត​ដឹក​យក​ទៅ​ក្រៅ​ប្រ​ទេស​ស្ទើរ​ជា​រៀង​រាល់​ថ្ងៃ ​ហើយ​​ទទួល​បាន​លុយ​ទាំង​ដុំៗ ជ្រក​ក្រោម​រូប​ភាព ក្រុម​ហ៊ុនស្របច្បាប់។

    ប្រ​ភព​បាន​បន្តថា ក្រុមហ៊ុនមួយនេះ​ថែមទាំងហ៊ានប្រកាស​ជាសាធារណៈ ឲ្យ​ប្រ​ជា​ពល​រដ្ឋ រស់​នៅ​ក្នុង​តំ​បន់​ក្បែរ​នោះ​នាំ​គ្នាចូល​ទៅ​កាប់​ឈើ​យក​ទៅ​លក់​នៅក្នុង​រោង​ចក្រ​អារ​ឈើ​ពួក​គេ​ ដោយ​បើក​ចំហរ​​ទាំង​យប់​ទាំង​ថ្ងៃ​ដែល​មាន​សមត្ថ​កិច្ច​ជំនាញ​រដ្ឋ​បាល​ព្រៃ​ឈើ ប៉ូលិស ប៉េ​អិម ដាក់​ពង្រាយ​នៅ​តាម តូប​ក្រោម​ដើម​ឈើ រង់​ចាំរាប់​ចំនួន គោ​យន្ត​ដឹក​ឈើ និង​ឡាន​យី​ឌុប នៅ​ជួយ​​ចាំ​កា​រពារ សុ​វត្ថិ​ភាព​អ្នក​ដឹក​ឈើ ព្រម​ទាំង​ពួក​គេ​កត់​ត្រា លេខ​ឡាន​ណា​ចម្លែក រាយ​ការណ៍​តាម​ទូរស័ព្ទ ទៅ​គ្នី​គ្នា​ពួក​គេ​ដើម្បីឲ្យ​តាម​ឃ្លាំ​មើល​អ្នក​ចម្លែក​ដែល​ចូល​ទៅ​ទឹក​ដី រោង​ចក្រ​អារ​ឈើរបស់​ពួកគេ។

    រាជរដ្ឋាភិបាលកម្ពុជា ដឹកនាំដោយសម្ដេចតេជោ​នាយករដ្ឋមន្ត្រី ហ៊ុន សែន  បាន​ដាក់​បញ្ជា និង​អោយ​បង្កើត​ឲ្យមាន​គណៈកម្ម​ការ​ទប់​ស្កាត់​បង្ក្រា​បបទ​ល្មើស​ព្រៃ​ឈើ ដោយ​អនុញ្ញាត ឲ្យ​ប្រើ​ឧទ្ធម្ភា​គ​ចក្រ យោ​ធា​២គ្រឿង សម្រាប់​ប្រតិ​បត្តិ​ការ​ តែ​បែរ​​ជា​លោក​ឧកញ៉ា ឌី ឌុក នៅ​តែ​ហ៊ាន​ ធ្វើ​សកម្មភាព​ប្រព្រិត្ត​បទ​ល្មើស​ព្រៃ​ឈើ​ដោយ​បាន​ដំ​ឡើង​ម៉ាស៊ីន​អារ​ឈើខ្នាត​យក្ស អារ​ច្រៀក​ឈើ​ធំៗ​កង​រំ​ពង​ពេញ​ព្រៃ និងដឹក​ជញ្ជូន​ឈើ​ប្រ​ណិត​ ឈើ​លេខ​២ស្ទើរ​ខ្ទេច​ផ្លូវ នៅ​ក្នុង​ស្រុក​ឆែប​ជាប់​ព្រំ​ប្រ​ទល់ ​ស្រុក​ជ័យ​សែន ខេត្តព្រះ​វិហារ​ធ្វើឲ្យ​ប្រ​ជា​ពល​រដ្ឋ​នៅតែ​មើល​ឃើញ រូប​ភាព​​ដដែល​ៗថា បទ​បញ្ជា​លោក​នាយក​រដ្ឋ​មន្ត្រី​ហាក់​ដូចជាមិន​មាន​ប្រ​សិទ្ធ​ភាព​ល្អ​ចំ​ពោះ ឧក​ញ៉ា​គ្រាក់ៗ​ដែល​ចូល​ចិត្ត​រក​ស៊ី កាប់​​បំផ្លាញ​ព្រៃឈើ ​ប្រព្រិត្តបទ​ល្មើស ព្រៃ​ឈើ​នៅ​ស្រុក​ខ្មែរ។​

    អ្នក​យក​ព័ត៌មាន​យើង​បាន​អោយ​ដឹងថា ជារៀង​រាល់​យប់​ថ្ងៃ គេតែង​ឃើញ​មាន ឡាន​យី​ឌុប​ធំៗ​ រាប់​សិប​គ្រឿង ត្រូវ​បាន​គេ​បញ្ឈរ​ត្រៀប​ត្រា​នៅ​តាម​ផ្លូវ​ក្បែរ​រោង​ចក្រ និង​នៅ​ខាង​ក្នុង រោង​ចក្រ​អារ​ឈើ រង់​ចាំ​ដឹក​ឈើ​ចេញពី​រោង​ចក្រ​ដើម្បី​ទៅ​ផ្គត់​ផ្គង់​តាម​ដេប៉ូ​ដោយ​មាន​មន្ត្រី​ជំនាញ  និង​កង​កម្លាំង​ជួយ​ការពារ​សម្រួល​មធ្យោ​បាយ​យ៉ាង​រលូន​មិន​មាន​ការ​រំ​ខាន ពី​សមត្ថ​កិច្ច​ណា​ឡើយ​​។ អ្នក​យក​ព័ត៌មាន​យើង​បាន​បន្តថា រោងចក្រអារឈើនេះ​គេយកលោក សំអឿន សុវណ្ណ​ ធ្វើ​ជានាយក​ក្រុម​ហ៊ុន។

    ហើយ​​បើ​យោង​តាម​ប្រភពពី​ម​​ន្ត្រី​ជំ​នាញក៏​បាន​បង្ហើប​ប្រាប់​ថា រោង​ចក្រ​អារ​ឈើ​ខាង​លើ​នេះ​ជា​​របស់​​លោក​ឧកញ៉ា​ម្នាក់​ដែល​មាន​អំណាច និង​មាន​ទំនាក់​ទំ​នង​ជិត​ស្និទ្ធិ ជា​មួយ​ថ្នាក់​ដឹក​នាំ​ទៀត​ផង ដូច្នេះ​ហើយ​បាន​ជា​គ្មាន​មន្ត្រី​ណា​មួយ​ហ៊ាន​ធ្វើអ្វីនោះទេ ព្រោះ​ខ្លាចបាត់តំណែង។

    ជាក់​ស្តែង​និង​ភ្នែក​ក្រុមហ៊ុននេះសព្វថ្ងៃពួកគេព័ទ្ធរបងបាំងជិត មិន​ឲ្យគេមើល​ឃើញ អំ​ពី​ស​កម្ម​ភាព​ កែ​ច្នៃ​ឈើ​របស់​ពួក​គេនោះ​ទេ ចំ​ណែក​នៅតាមព្រៃរបោះ​ជុំវិញ​បរិវេណ​រោង​ចក្រ​អារ​ឈើ មាន​កម្លាំង​សន្តិ​សុខ​ប្រ​ដាប់​ដោយ​អាវុធ និង​វិទ្យុទា​ក់ទង​ដេក​ក្នុង​អង្រឹង​យាម​ប្រចាំ​ការ មិន​ឲ្យ​នរ​ណា​ចេញ​ចូល​ក្រៅ​​ពី​អ្នក​លក់​ឈើនោះទេ។

    លោក ជុំ​ពុយ អភិបាល​ស្រុកជ័យ​សែន បានអះអាងថា ក្រុមហ៊ុនកំពុង​ប្រមូលទិញឈើនេះ ឈ្មោះ ក្រុមហ៊ុន​សំអឿន​សុវណ្ណ ជាក្រុមហ៊ុនស្របច្បាប់ ព្រោះគេមានច្បាប់ អនុញ្ញាត​ត្រឹម​ត្រូវ​ពី​ថ្នាក់​លើ «ក្រុមហ៊ុនគេស្របច្បាប់ យើងមិនអាចធ្វើអ្វីកើតទេក្រុមហ៊ុននេះ បានសាងសង់ រោងចក្រអារឈើ និងប្រមូលទិញឈើ ទើបតែក្នុងរយៈពេល ប្រមាណជាពីរ ឬបីខែប៉ុណ្ណោះ ដោយប្រកាសឲ្យអ្នកភូមិ ស្ម័គ្រចិត្តលក់ឈើ ឲ្យក្រុមហ៊ុន»។

    យោងតាមឯកសារ ដែលត្រូវបានផ្សាយដោយ ប្រព័ន្ធផ្សព្វផ្សាយមួយចំនួន​ថ្មីៗនេះ បាន​ឲ្យ​ដឹង​ថា  ក្រ​សួង​ក​សិកម្ម រុក្ខាប្រមាញ់ និងនេសាទ បាន​ចេញលិខិត អនុញ្ញាតលេខ ២៤៣៨ ក.ស.ក ចុះ​ថ្ងៃទី០១ ខែមេសា ឆ្នាំ២០១៦ ដែលចុះហត្ថលេខា ដោយលោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អនុញ្ញាតឲ្យក្រុមហ៊ុន សំអឿន សុវណ្ណ  ចុះ​កាត់​ប្រ​មូល​ផល អនុផល​ព្រៃឈើ ដើម្បី​បង់ពន្ធ​ជូនរដ្ឋ លើ​ផ្ទៃដីសម្បទាន សង្គមកិច្ចទំហំ ៤៣៣៤,៦១ហិកតារ ស្ថិតនៅស្រុកឆែប និងស្រុកជ័យសែន ខេត្តព្រះវិហារ ដោយយោងលើ លិខិតលេខ ២២១ លល/គអ/ទរ ចុះថ្ងៃទី២២ ខែតុលា ឆ្នាំ២០១៥ របស់សាលាខេត្តព្រះវិហារ និងមតិរបស់​រដ្ឋបាលព្រៃឈើ អនុញ្ញាតឲ្យក្រុមហ៊ុន សំអឿន សុវណ្ណ ចុះប្រមូលផល អនុ​ផល​ព្រៃ​ឈើ ក្នុងដីបម្រុងទុក សម្រាប់កំណើន ប្រជាពលរដ្ឋ។

    យោងទៅតាម សៀវភៅរាជកិច្ច ដែលបានចេញផ្សាយ នៅថ្ងៃទី៤ ខែមករា ឆ្នាំ២០១៣ ដែល​ចុះ​ហត្ថ​លេខាដោយ លោ​នាយករដ្ឋមន្ត្រី ហ៊ុន សែន នៅថ្ងៃទី១៧ ខែធ្នូ ឆ្នាំ២០១២ បាន​សម្រេច​កាត់ដីទំហំ ៤៣៣៤,៦១ហិកតារ នៅស្រុកជ័យសែន និងស្រុកឆែប ខេត្តព្រះវិហារ ពីគម្របព្រៃឈើ និងពីដីសម្បទានសេដ្ឋកិច្ច ដើម្បីធ្វើអនុប្រយោគ ជាដីឯកជនរបស់រដ្ឋ សម្រាប់ធ្វើប្រទានកម្ម ជាកម្មសិទ្ធិជូន ប្រជាពលរដ្ឋចំនួន ៧៥៨គ្រួសារ។

    ប្រព័ន្ធផ្សព្វផ្សាយដដែល​បានសរសេរថា ទោះយ៉ាងណាលោក សំអឿន សុវណ្ណ ជា​នា​យក​ក្រុម​ហ៊ុន បាន​រា​រាំង​អ្នក​សារព័ត៌មាន ពុំអនុញ្ញាតឲ្យចូល ទៅខាងក្នុងបរិវេណ រោង​ចក្រ​អារ​ឈើ​ ដោយ​លោក​អះអាង​ថា ក្រុមហ៊ុនរបស់លោក បានទទួលសិទ្ធិ ប្រមូលផល អនុ​ផល​ព្រៃ​ឈើ​ ពី​រាជ​រដ្ឋា​ភិបាល ដោយមាន​ចំណារយល់ព្រម ពីនាយករដ្ឋមន្ត្រី និងអាជ្ញាប័ណ្ណ ពីក្រសួងគ្រប់គ្រាន់។ លោកបានថ្លែងថា៖ «ខ្ញុំបានប្រកាស ក្នុងអង្គប្រជុំថ្នាក់ខេត្ត ថ្នាក់ស្រុក ជាមួយអាជ្ញាធរ ពាក់ព័ន្ធទាំងអស់ថា  ក្រុមហ៊ុនប្រកាសទិញឈើ ពីប្រជាពលរដ្ឋ ដែល​សុខ​ចិត្ត​លក់​ ដោយស្ម័គ្រចិត្ត មិនមានការបង្ខំអ្វីឡើយ (មានន័យថា ក្រុមហ៊ុនជាអ្នកប្រកាស ឲ្យ​ប្រ​ជា​ពល​រដ្ឋ​កាប់ឈើ លក់ឲ្យក្រុមហ៊ុន ជាផ្លូវការជាចំហ) ហើយមិនមាននរណា ចាប់ចងអ្វីទេ ប្រ​សិន​បើ​ដឹកឈើ លក់ឲ្យក្រុមហ៊ុន»។

    ក្រុមហ៊ុនរបស់ឧកញ៉ារូបនេះ បានរកស៊ីប្រមូលឈើ ជាច្រើនឆ្នាំណាស់មកហើយ ក៏​ដូច​ជា​ឧក​ញ៉ា​ឈើ​ដុះ​ស្លែ ដទៃៗ​ទៀត​នៅកម្ពុជា នៅក្នុងតំបន់ការពារជាច្រើន ដូចជានៅតំបន់ ដែន​ជម្រក​សត្វ​ព្រៃស្នួល ខេត្តក្រចេះ នៅមណ្ឌលគិរី នៅស្ទឹងត្រែង នៅរតនគិរី ជាដើម និង​នៅ​តំ​បន់​ផ្សេងៗទៀត ដោយមិនញញើត»។

    បើតាមព័ត៌មានពីអ្នកកាសែត នៅខេត្តព្រះវិហារ បានប្រាប់មកថា ការពិតក្រុមហ៊ុន សំអឿន សុវណ្ណ ដែលមានឈ្មោះ អឿន ជាមេការធំនោះ គឺមានឧកញ៉ាម្នាក់ឈ្មោះ ឌី ឌុក ជា​អ្នក​នៅ​ពី​ក្រោយ​ខ្នង និង​ជា​ម្ចាស់​ក្រុម​ហ៊ុនផ្ទាល់ ដែល​ឧក​ញ៉ានោះ ល្បីឈ្មោះ​ជា​យូរមក​ហើយ ក្នុង​ការ​រក​ស៊ី​ឈើ​នៅ​ស្រុក​ខ្មែរ ស្ទើរតែរលាយហិនហោច ខ្លោចផ្សារនេះ។

    គួរបញ្ជាក់ដែរថា តំបន់ព្រៃព្រះរកា មានផ្ទៃដីទំហំប្រមាណ ៩ម៉ឺន ៨ពាន់ហិកតារ (ជិត ១០​ម៉ឺន​ហិក​តារ) នៅក្នុងភូមិសាស្ត្រ ប្រជុំស្រុកចំនួន៣ មានស្រុកឆែប ស្រុកជាំក្សាន្ត និង​ស្រុក​ត្បែង​មាន​ជ័យ នៃខេត្តព្រះវិហារ គឺជាតំបន់ព្រៃស្រោង និងជាដែនជម្រកសត្វព្រៃ ដែល​នៅ​សេស​សល់​ ចុង​ក្រោយ​បង្អស់ បន្ទាប់ពីតំបន់ ព្រៃឡង់ដ៏ធំ ជាប់ភូមិសាស្ត្រ ខេត្តកំពង់ធំ ខេត្តព្រះវិហារ និងខេត្តស្ទឹងត្រែង ដែលត្រូវរងការវិនាស ដោយសារតែ រាជរដ្ឋាភិបាលកម្ពុជា បាន​ផ្ដល់​ដី​សម្ប​ទាន​សេដ្ឋកិច្ច ជាច្រើនម៉ឺនហិកតា ទៅឱ្យក្រុមហ៊ុនឯកជន វិនិយោគដំណាំ កសិ​ឧស្សា​ហកម្ម  ក្នុង​ប្រទេសកម្ពុជា​រួចមកនោះ ។

    ប៉ុន្តៃបច្ចុប្បន្ន តំបន់ព្រៃព្រះរកា ក៏កំពុងទទួលរង ការកាប់បំផ្លាញព្រៃឈើ យ៉ាងអនាធិបតេយ្យ ស្ទើររលាយហិនហោចដែរ ដែលក្នុងមួយថ្ងៃៗ គេឃើញមានម៉ាស៊ីនរ៉ៃ សឹងតែរាប់រយគ្រឿង ត្រូវគេអនុញ្ញាត ឲ្យអារឈើតាប់ ឬឈើដុំ យកទៅលក់នៅតាម សិប្បកម្មឯណេះបន្តិច ឯណោះបន្តិច… តួយ៉ាងដូចជា ម្ចាស់ក្រុមហ៊ុន សំអឿន សុវណ្ណ  បានប្រកាសយ៉ាងសង្ហា ជាសាធារណៈ ឲ្យប្រជាពលរដ្ឋ កាប់ឈើយកទៅលក់ ឲ្យរោងចក្រអារឈើ របស់ពួកគាត់ សព្វ​ថ្ងៃនេះជាដើម។

    កាលពីថ្ងៃទី២៥ ខែមេសា ឆ្នាំ២០១៦ ក្រសួងបរិស្ថាន ក៍បានសហការជាមួយ ក្រសួងកសិកម្ម រុក្ខាប្រមាញ់ និងនេសាទ រៀបចំសិក្ខាសាលា  ពិគ្រោះយោបល់ ដើម្បីដាក់បញ្ចូល ព្រៃឡង់, ក្រវ៉ាញខាងត្បូង, ព្រះរកា, សៀមប៉ាងខាងលិច និងវ៉ឺនសៃ ជាតំបន់ការពារធម្មជាតិ រួច​អស់​ហើយ​ទៀត​ផង ។

    បងប្អូនប្រជាពលរដ្ឋ បាននិយាយថា បើរាជរដ្ឋាភិបាល ក៍ដូចជាគណបក្ស កាន់​អំ​ណាច​ពេល​នេះ មិន​អាចការ​ពារ តំបន់ព្រៃព្រះរកា ឲ្យបានគង់វង្សទៀតនោះ វានឹងធ្វើឲ្យប៉ះពាល់ដល់ សន្លឹក​ឆ្នោត​រាប់​សែន​លាន សម្រាប់ការបោះឆ្នោត ជ្រើសរើសឃុំ សង្កាត់ឆ្នាំ២០១៧ និង​ការ​បោះ​ឆ្នោត ជ្រើសតាំងតំណាងរាស្ត្រ ឆ្នាំ២០១៨ ខាងមុខនេះ។

    កម្ពុជាសុវណ្ណភូមិ​មិន​អាច​សុំ​ការ​បក​ស្រាយ​ពី​លោកឧកញ្ញា ឌីឌុក បាន​ទេព្រោះ​មិន​មាន​លេខ​ទូរស័ព្ទសំរាប់​ធ្វើ​ការ​ទំ​នាក់​ទំនង៕ ដោយ​៖ ផ្លុងរ៉េត

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    សហព័ន្ធសហជីបទៅសាលា​ក្រុង​ទាមទារឲ្យសកម្មជនសហជីបចូលធ្វើការវិញ    អាន762ដង ​ពោត​អាចជួយ​គ្រប់គ្រង​ជំងឺ​ទឹកនោមផ្អែម និង​លើស​សម្ពាធ​ឈាម​   អាន953ដង សាកលវិទ្យាល័យមួយក្នុងខេត្តសៀមរាបកំពុងទទួលការរិះគន់ពី សិស្ស និស្សិត និងមហាជន   អាន17771ដង បទល្មើសប្រេងគេចពន្ធចរាចណ៍ឡើងគំហុកតែសមត្ថកិច្ចធ្វើមិនដឹង   អាន662ដង លោក ឡុង​​ស្រេ​ង ​ល្បី​ឈ្មោះ​ក្លា​យ​ជាឧ​ត្តម​សេ​នី​យ​ត្រី ​អនុ​ប្រ​ធាន​នា​យ​ដ្ឋាន ​ន​គរ?...    អាន602ដង ដំណឹងផ្លាស់ប្តូរតំណែងលោក​ទូច​ណា​រ៉ុថស្នងការរាជធានីភ្នំពេញ   អាន863ដង គណៈប្រតិភូបញ្ជាការដ្ឋានអង្គរក្ស អញ្ជើញគោរពវិញ្ញាណក្ខ័ន្ត លោក ប៊ួយ គឹមលៀង   អាន2737ដង កម្មករ​វីង​ស្តា​ផ្ទុះ​កូដ​កម្ម​ជាង​១០០០​នាក់​ទាមទា​លក្ខ័ណ​ការ​ងារ   អាន1352ដង ប៉េអឹមខេត្តបញ្ជូនខ្លួនជនដៃដល់៧នាក់ជាកម្មកររោងម៉ាស៊ីនទឹកកកឈូករដ្ឋ ពីបទហឹង្សាដោយចេតនាទ?...    អាន1329ដង កុមារជាង ១៣០០០ នាក់ កើតមានជំងឺ​ទឹកនោមផ្អែមនៅអាមេរីក   អាន1658ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    បទល្មើសអួននេសាទខុសច្បាប់ កើតមានគគ្រឹកគគ្រេងក្នុងស្រុកបរិបូរណ៍ មន្ត្រីជលផលគ្មានការបង្ក្រាបមានតែអ្នកដាក់ខែនៅឃុំ​ឆ្នុកទ្រូ ស្រុក​បរិបូរណ៍ ខេត្តកំពង់ឆ្នាំង បទល្មើស​នេសាទ​ខុសច្បាប់អូសអួន​ទ្រង់ទ្រាយ​ធំ​ បាន​​ធ្វើ​សកម្មភាព​​យ៉ាង​គគ្រឹក​គ​គ្រេង​នៅ​ដែន​​នេសាទ ជា​រៀងរាល់​ថ្ងៃបាន ម៉ាសេរី ហើយ​បទ​ល្មើស​ទាំង​នេះមាន​ភ...Read more
    ពុកខ្ញុំជាប៉ូលីសចរាចរណ៍ការងារជាប៉ូលីសចរាចរណ៍ ឈរហាលក្តីហាលភ្លៀង ហាលខ្យល់ ដើម្បីការពារសន្តិសុខជូនប្រជារាស្ត្រ វាជាទង្វើ​មួយដ៏ល្អដែល​មិន​អាច​កាត់​ថ្លៃបាន។ ប៉ុន្តែក្នុងនោះ​ក៏មាន​ប៉ូលីស​ចរាចរណ៍មួយចំនួនតូចមិន​គោរព​ក្រម​សីលធម៌របស់...Read more
    លោក ចេង ដារ៉ាវុធ ផ្ញើលិខិត​អយុត្តិធម៌ជូន​ចម្តេច ហ៊ុន សែន នាយករដ្ឋ​មន្ត្រី​នៃ​ព្រះរាជាណាចក្រកម្ពុជាលោក ចេង ដារ៉ាវុធ អតីតប្រ​ធាន​ស្តីទី នាយកដ្ឋាន​សុខមាលភាពមនុស្ស​ចាស់​នៃ​ក្រ​សួង​សង្គម​កិច្ច បាន​ប្រាប់​កម្ពុជា​សុវណ្ណ​ភូមិ​ថា លោក​មាន​រឿង​អយុត្តិធម៌ ដែល​ធ្វើ​អោយ​លោក​មាន​ការ​ឈឺ​ចុច​ចាប់​ខ្លោច​ផ្សាជា​ទី​...Read more
    ប្រជាពលរដ្ឋរាប់ម៉ឺននាក់នៅទីលានប្រជាធិបតេយ្យនៅម៉ោង៧:១៥នាទីព្រឹកនេះយោងតាម​បណ្តាញ​សង្គម​ Facebook បាន​អោយ​ដឹង​ថា ប្រជា​ពលរដ្ឋ​រាប់ម៉ឺននាក់ប្រ​មូល​ផ្តុំ​ជួប​ជុំ​គ្នា​នៅ​ទី​លាន​ប្រ​ជា​ធិប​តេយ្យនៅ​ម៉ោង​៧:១៥នាទីព្រឹកនេះ ក្នុង​ការ​ធ្វើ​មហា​បាតុ​កម្ម​អហឹង្សា។ ...Read more
    ឧកញ៉ា អ៊ូ ឆាយ ជាមេកន្ទុយលេខដ៏ធំជាងគេក្នុងរាជធានីភ្នំពេញគ្មានសមត្ថកិច្ចណាហ៊ានចេញមុខបង្ក្រាបទល់តែសោះបន​ល្បែងស៊ីសង​បាន​ក្លាយ​ជា​សត្រូវ​របស់​ប្រជាពលរដ្ឋ​និង​បំពាន​ទៅ​នឹង​គោលនយោបាយ​ភូមិ​-​សង្កាត់ មាន​សុវត្ថិភាព​ហើយ​ក៏​ត្រូវមាន​វិធាន​ករ​លុបបំបាត់​ជា​បន្ទាន់​ផង​ដែរ​ប្រយោជន៍ ​ដើម្បី​ការពារ​សន្ដិសុខ សណ្ដាប...Read more
    របាយការណ៍សមត្ថកិច្ច៖ មនុស្ស​១០៣នាក់ស្លាប់ និង៤៥៦នាក់រងរបួស ដោយ​គ្រោះថ្នាក់ចរាចរណ៍រយៈពេល១ឆ្នាំយោង​តាម​របាយការណ៍​​​នៃស្នងការដ្ឋាននគរបាលខេត្តបាត់ដំ​បហ​បាន​អោយ​ដឹង​ថា យ៉ាង​ហោច​ណាស់​មាន​មនុស្ស​ប្រុស​ស្រី​ចំ​នួន​១០៣​នាក់ បាន​ស្លាប់ និង​៤៥៦នាក់​ផ្សេង​​ទៀត​បាន​​រង​របួស​ធ្ងន់​ស្រាល​ក្នុង​ករ​ណី​គ្រោះថ្...Read more
    ចម្រៀងបទ នាវាខ្មែរ​កម្ពុជាក្រោមPost by សារព័ត៌មាន កម្ពុជាសុវណ្ណភូមិ | Kampuchea Sovanphum News....Read more
    លោក នាយករដ្ឋមន្ត្រី ហ៊ុនសែន ប្រកាសដកការលក់សំបុត្រអង្គរពីក្រុមហ៊ុនលោក សុខគង់ មកជាសម្បត្តិរដ្ឋវិញយោងតាមប្រ​ភព​ព័ត៌មាន​ពី​ក្រុង​ភ្នំពេញ​នៅ​ព្រឹក​ថ្ងៃទី០៦ ខែវិច្ឆកា ឆ្នាំ២០១៥​នេះ ​បាន​អោយ​ដឹងថា លោកនាយក​រដ្ឋ​មន្ត្រី​ ហ៊ុនសែន បាន​ប្រកាសក្នុង​អង្គប្រ​ជុំប្រចាំ​សបា្ដហ៍​របស់​ខ្លួន​នៅ​ទីស្ដីការគណ​រដ...Read more
    មេប៉ុស្តិ៍ច្រកទ្វារអន្តរជាតិកោះរកា ល្បីថារាប់ក្បាលជនជាតិយួនឆ្លងដែនយកលុយដាក់ហោប៉ៅផ្ទាល់ខ្លួនថ្មីៗ​នេះ​មេ​ប៉ុស្តិ៍​លោក ពេ​ជ មុនី​រតន៍ នាយ​ប៉ុស្តិ៍​ច្រក​ទ្វារ​ព្រំដែន​កោះ​រកា ដែល​ស្ថិត​នៅក្នុង​ឃុំ​កោះ​រកា ស្រុក​ពាម​ជរ ខេត្ត​ព្រៃវែង កំពុង​រង​នូវ​ការរិះគន់​យ៉ាង​ខ្លាំង​ពី​ប្រជាពលរដ្ឋ​ថា កំពុង​បាន...Read more
    ប៉ាន់មរកត និង ភួងស្រៀវ កំពុងសំងំប្រមូលលុយពីឈ្មួញឈើប្រណិតក្នុងដែនជម្រកសត្វព្រៃភ្នំឱរ៉ាល់?មេ​បរិស្ថាន​ឧទ្យាន​ជាតិ​កំពង់ឆ្នាំង និង​ពោធិ៍សាត់ ប៉ាន់ មរកត ត្រូវ​គេ​សង្ស័យថា ជា​អ្នកបញ្ជា​ឱ្យ​កូនចៅ​ឈ្មោះ ភួង ស្រៀវ អង្គុយ​ប្រមូល​លុយ​ពី ឈ្មួញ​រកស៊ី​ឈើ​ប្រណីត​ក្នុង​ដែន​ចម្រក​សត្វ​ព្រៃភ្នំ ឱ​រាល់​ខេ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      336នាក់
    ម្សិលមិញ    13460នាក់
    សប្ដាហ៍នេះ    336នាក់
    ខែនេះ    294478នាក់
    ឆ្នាំនេះ   2945922នាក់
    សរុប   33612168នាក់
    ថ្ងៃទី 22 ខែ 07 ឆ្នាំ 2019 ម៉ោង 01:12