ព័ត៌មានក្ដៅ

    ខ្សឹបដាក់មេក្រូ៖ ក្រុមហ៊ុន ធីកាលឡឺរី និងសារមន្ទីរជាតិអង្គរ ចាត់ទុកអ្នករត់តាក់ស៊ី និងរឺម៉កកង់បី ជាឆ្កែ

    ដោយៈ រ៉េត ខេត្តសៀមរាប ថ្ងៃទី 29 ខែ 09 ឆ្នាំ 2017 វេលាម៉ោង 02:44 នាទី ចំនួនអានៈ 65212

    អ្នករត់តាក់ស៊ី​ និង​រត់រឺម៉កកង់បី ដឹក​ភ្ញៀវទេសចរណ៍ នៅក្នុង​ខេត្តសៀមរាប ​រាប់​រយ​នាក់​បាន​រិះគន់តៗគ្នា​ថា សារមន្ទីរជាតិអង្គរ (Angkor National Museum) និងក្រុម​ហ៊ុន​ផ្សារ​មួយ​ដែល​មានឈ្មោះ​ថា ធីកាលឡឺរី (T-Galleria) ស្ថិត​ក្នុង​ភូមិ​សាលាកន្សែង សង្កាតស្វាយដង្គំ ក្រុងសៀមរាប ដែល​មាន​ទី​តាំង​ជាប់​គ្នា​ម្ខាង​​ម្នាក់ កំពុងតែ​រើស​អើង​ ប្រកាន់​វណ្ណះឋានះ ដោយ​ហាក់​មាន​ចេតនា​ចាត់​ទុកពួកអ្នករត់​តាក់ស៊ី ​ជា​សត្វ​ឆ្កែ មិន​មែន​ជាមនុស្ស​ដូច​អ្នក​ដ៏ទៃនោះទេ។

    ក្រុម​អ្នក​រត់​តាក់​ស៊ី​បាន​អោយ​ដឹង​ថា នៅ​ពេលដែលខាង​ក្រុម​ហ៊ុន​ទេសចរណ៍ ឬមគ្គុទេសទេសចរណ៍​ នាំភ្ញៀវ​ទៅ​ទស្សនា​ផ្សារ ធីកាលឡឺរី និង​សារ​មន្ទីរ​ជាតិអង្គរ ខាងលើនេះ ខាង​បុគ្គលិក​ដែល​ឈរ​ចាំទទួលភ្ញៀវ​នៅ​ជួរមុខ គេ​បាន​អោយ​លុយ​ថ្លៃក្បាលឡានតូច១០ដុល្លារ (នៅធីកាលឡឺរី) ហើយ​​យក​លិខិត​ឆ្លង​ដែន​របស់​ភ្ញៀវ​ទៅ​ថត​ចំលង សំរាប់​នៅ​ពេល​ភ្ញៀវ​ទិញ​ឥវ៉ាន់​នៅ​ក្នុង​ផ្សារ​ខាងលើ​នេះ គេ​និង​ទុក​ទឹកតែអោយ (Commission) ចំណែកនៅសារមន្ទីរវិញ មគ្គុទេសនាំភ្ញៀវទៅទស្សនានៅទីនោះ ភ្ញៀវ​ម្នាក់គេទុកលុយទឹកតែអោយដុល្លារ ឯក្រុមហ៊ុនទេសចរណ៍មានតំលៃកុងត្រា​ផ្សេងផងដែរ។

    ផ្ទុយទៅ​វិញ​ទាំង​សារមន្ទីរ​ជាតិអង្គរ និង​ ផ្សារធីកាលឡឺរីនេះ គេ​មិន​អោយថ្លៃក្បាលឡាន និង​​ទឹកតែ(Commission) ទៅ​អ្នក​រត់​​តាក់​ស៊ី​ ឬអ្នក​រត់​រឺម៉ក​កង់​បី​នោះទេ ដោយ​ក្រុម​បុគ្គលិក​ទាំង​នោះ​មិន​បាន​បញ្ជាក់​ពី​មូល​ហេតុ​ច្បាស់លាស់ គ្រាន់​តែ​និយាយថា ជាគោលការណ៍របស់​ក្រុម​ហ៊ុនគេ ឬ​និ​យាយ​បង្វែ​ទិស​ដៅ​ទៅ​លិច​ទៅ​កើតតែប៉ុណ្ណោះ។

    ក្រុម​អ្នក​រត់​តាក់ស៊ីបានបញ្ចេញមតិថា វាមិន​មែនជារឿង​ចម្លែក​នោះទេ ព្រោះ​វាជាសិទ្ធិសេរីភាពរបស់ក្រុម​ហ៊ុនគេ គេ​ចង់​អោយលុយ​​អ្នក​ណា ឬមិន​អោយ​អ្នក​ណានោះ វាជា​ច្បាប់ក្រុម​ហ៊ុនរបស់​គេ តែពួកអ្នក​រត់​តាក់ស៊ី​គ្រាន់តែឆ្ងល់ និងមាន​ការ​ប្រៀប​ធៀបថា ចុះហេតុអីបានជាមគ្គុទេស ឬក្រុម​ហ៊ុនទេសចនរណ៍ ​គេ​យក​ភ្ញៀវ​ទៅ ទស្សនាសារមន្ទីរ ឬផ្សារកាលឡឺរី ចំនួន៤នាក់ ខាង​សារមន្ទីរ និង​ក្រុម​ហ៊ុនផ្សារកាលឡឺរី ​គេ​​​អោយ​លុយ​ថ្លៃក្បាលឡាន​សំរាប់ជាការលើក​ទឹកចិត្ត និង​លុយទឹកតែបើភ្ញៀវទិញឥវ៉ាន់? ចុះហេតុអ្វីបានជា​​អ្នក​រត់​តាក់​ស៊ី ឬរត់រឺម៉កកង់បី យកភ្ញៀវ​ទៅ៤នាក់ដូចគ្នាដែរ តែគេ​មិន​អោយ​លុយក្បាលឡាន និង​លុយទឹកតែទៅវិញ? តើវាបណ្តាលមកពីមូលហេតុអ្វី? ​ព្រោះយកភ្ញៀវទៅចំនួន៤នាក់ដូចគ្នា?

    ក្រុមអ្នករត់តាក់ស៊ីបាន​គិត​ថា ប្រហែលជាអ្នកខាងទីផ្សារនៅ​សារមន្ទីរជាតិអង្គរ និង​អ្នក​ទីផ្សារនៅ ផ្សាកាលឡឺរី គេ​គិត​ថា ក្រុម​អ្នក​រត់តាក់ស៊ី និងអ្នក​រត់រឺម៉កកង់បី ជាសត្វ​ឆ្កែដែលគេស្អប់ខ្ពើម ជាមនុស្ស​អវិជ្ជា មិន​ចេះចាយលុយ ជាមនុស្សដែល​ពួកគេ​មិន​ទុក​នៅក្នុងចិត្ត​សំរាប់អាជីវកម្មរបស់ពួកគេនោះទេ ហើយប្រហែល​ក្រុម​ហ៊ុន​ទាំង​ពីរខាលលើនេះ គេ​គិត​ទៀតថា អ្នករត់តាក់ស៊ី មិន​អាច​នាំភ្ញៀវ​ទៅ​កន្លែងគេ​បានទេ ទើបបាន​ជាពួកគេ​ធ្វើ​ទីផ្សារ​បែករើស​អើង​យ៉ាង​ដូច្នេះ?

    នៅ​ក្នុង​ខេត្តសៀមរាប​មានផ្សារទំនើបជាច្រើន មានហាងលក់របស់​ល្អៗជាច្រើន មានហាងលក់​វត្ថុអនុស្សាវរី​យ៍ជាច្រើន និង​មានកន្លែងកម្សាន្តដ៏ច្រើនសន្ធឹកសន្ធាប់ទៀតផង ដូច្នេះក្រុម​អ្នក​រត់​រឺម៉កកង់បី និងក្រុមអ្នករត់តាក់ស៊ី បាននិយាយថា ពួកយើង​ដូចជាមិន​មានការចាំបាច់អីដែលត្រូវ​នាំភ្ញៀវអោយទៅទស្សនា ឬ​ទៅ​ទិញ​ឥ​វ៉ាន់​​នៅ​កន្លែង​ទាំងពីរខាង​លើ​នេះទេ ព្រោះពួកគេ​រក​ស៊ីរើសអើងប្រកាន់វណ្ណះឋានះ បើទោះជាយើង​យកលុយទៅ​អោយ​ពួ​កគេ​ដូចអ្នកដ៏ទៃក៏ដោយ។ ពួកគាត់​បន្តថា នៅ​ខេត្តសៀមរាបនេះ មិន​មែន​មាន​សារ​មន្ទីរ​ជាតិ​អង្គរ និង​ផ្សារកាលឡឺរី ទើប​មាន​បាយ​ហូប​នោះទេ មានកន្លែងផ្សេង​ច្រើនណាស់ ដែលគេរងចាំស្វាគមន៍ពួកយើងជាអ្នករត់រឺម៉ក រត់តាក់ស៊ីក្នុងការ​នាំភ្ញៀវ​ទៅ​កន្លែងពួកគេ ព្រោះ​យើង​មិន​ត្រូវការ​ អ្នក​រក​ស៊ី​ណា​ដែល​ធ្វើ​​ទី​ផ្សារ​បែប​​រើសអើងដូចក្រុមហ៊ុនទាំងពីរខាងលើ​នេះទេ។

    ក្រុម​អ្នករត់តាក់ស៊ី និង​រឺម៉កកង់បី សូមផ្តាំទៅសារមន្ទីរជាតិអង្ករ (Angkor National Museum) និង​ ផ្សារ​ធី​កាល​ឡឺរី​ (T-Galleria) ថា ការលើក​ឡើង​ខាងលើ​នេះមិន​មែន​ជាការច្រណែន យំទធាក់ជើងននៀលដី ព្រោះតែ មិន​​បាន​ទទូលលុយក្បាលឡាន១០ដុល្លារ ឬលុយទឹកតែ បន្តិចបន្ទួចរបស់អ្នកនោះទេ វាគ្រាន់តែចង់​ប្រាប់ទៅខាង​ក្រុម​ហ៊ុនអ្នក​ និង​បុគ្គលិកអ្នក​ថា ពួកយើង​មានបេះដូង មានខួរក្បាល មានសិទ្ធសេរីភាព ហើយពួកយើងខ្លះក៏បានរៀនចប់បរិញ្ញាប័ត្ររង បរិញ្ញាប័ត្រ អនុបណ្ឌិត ឬអាចមានអ្នកខ្លះរៀនដល់បណ្ឌិតផងដែរ តែពួកយើង​សម្រេចចិត្ត​រត់តាក់ស៊ី ដោយ​សារក្រុម​ហ៊ុននៅ​ស្រុកខ្មែរអោយប្រាក់ខែពួកយើង​តិចពេក ម្យ៉ាង​ទៀត​​ពួកយើងគឺជាមនុស្ស មិន​មែនសត្វ​ឆ្កែដូចការគិតក្នុងចិត្តរបស់អស់លោកអ្នកនោះទេ ហើយ​អ្នក​និងបាត់​បង់​ពួកយើង បាត់​បង់​ភ្ញៀវ​ដែលត្រូវ​ទៅ​កម្សាន្តនៅ​កន្លែងអ្នក សូម​អ្នក​កុំ​អាងថា អ្នក​មានលុយច្រើនមហា​សាល​​សំរាប់​ខាតបង់​ ឬអ្នកកំពុងតែចំណេញ​កប់ក្តោង​ហើយនាពេលបច្ចុប្បន្ន មិន​ខ្វល់​ពីអ្នកដ៏ទៃ តែ​អ្នក​កុំ​ភ្លេច​ថា អ្វីដែល​អ្នក​បាត់​បង់ម្តងបន្តិចៗ​នាពេលនេះ គឺការគាំទ្រពីអ្នកដ៏ទៃ និងបាត់បង់ការ​គាំទ្រពីពួកយើង ដែលធ្វើ​អោយ​យើង​ជឿជាក់ថា​ថ្ងៃអនាគត់ អ្នកនិងបាត់បង់ដៃគូររបស់អ្នកអស់ជាក់ជាមិនខាន។

    ពួកយើងទទួលស្គាល់ថា ផ្សាររបស់អ្នកស្អាត ឯសារមន្ទីរក៏ស្អាត ពោពេញទៅដោយវត្ថុបុរាណរបស់ដូន​តាខ្មែរ​ តែក្រុម​អ្នកធ្វើ​ទីផ្សា​រនៅ​ក្រុម​ហ៊ុនអ្នក​មិន​មានចិត្តស្អាត់ដូចកន្លែងរបស់អ្នកទេ ហើយ​ពួក​យើង​សង្ឃឹម​ថា ថៅកែ និងអ្នកគ្រប់គ្រងក្រុមហ៊ុន​ទាំងខាងលើនេះ គួរតែបញ្ជូន​បុគ្គលិករបស់ខ្លួន​អោយទៅរៀនបន្ថែម ក្នុង​ការ​ធ្វើ​ទីផ្សារ នៅទឹកដីខេត្តសៀមរាប​អង្គរនេះ។

    ជាចុងក្រោយ​ក្នុង​នាមយើង​ជាអ្នករត់តាក់ស៊ី និង​រត់រឺម៉កកង់បី សូមអភ័យទោស​ចំពោះ​មគ្គុទេសទេសចរណ៍ និង​ក្រុមហ៊ុនទេសចរណ៍ផងថា ការលើក​ឡើង​ខាងលើ​នេះ​មិនមែន​សំដៅទៅ​លើ​អ្នក ឬច្រណែនជាមួយអ្នកនោះ​ទេ តែ​ពួកយើង​ចង់​សំដៅ​ទៅ​លើ​ ​សារមន្ទីរជាតិអង្គរ និង​ ធីកាលឡឺរី តែប៉ុណ្ណោះ ព្រោះ​ក្រុម​ហ៊ុន​ទាំង​ពីរនេះ ធ្វើ​ទីផ្សារ​បែប​រើស​អើង​។

    (នេះគ្រាន់តែជាការបកស្រាយសង្ខេបខ្លះៗតែប៉ុណ្ណោះ យើងនិងឡាយ (Live) នៅលើហ្វេសប៊ុកបញ្ជាក់ពីចំណុចលំអិតបន្ថែមទៅលើសាច់រឿងខាងលើនេះ)៕ ដោយ៖ ផ្លុងរ៉េត

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    លោកម៉ៅ​ពៅ ដកតំណែងពីស្នងការខេត្តព្រះវិហារជាផ្លូវការ   អាន943ដង គណបក្សនយោបានធំៗ២បានបញ្ចប់ការជួបចរចានៅព្រឹកថ្ងៃទី១៨នេះ   អាន494ដង ស្មៀនសង្កាត់ម្នាក់តែងតែជំរិតទាលុយពីរាស្រ្តក្រីក្រ    អាន654ដង សារព័ត៌មាន ដែលឯករាជ្យ និងប្រកប ដោយវិជ្ជាជីវៈមានតួនាទី យ៉ាងសំខាន់ ក្នុងការជួយ សង្គមជាតិ   អាន575ដង អ្នកនិពន្ធរឿងជញ្ជីងគ្មានស្រមោលចាប់ដៃគ្នាចូលភ្ជាប់ពាក្យ   អាន651ដង ជនសង្ស័យ៤នាក់ត្រូវបានដោះលែងឲ្យនៅក្រៅឃុំបណ្តោះអាសន្ន   អាន627ដង ផ្សាដើមក្រឡាញ់ត្រូវអគ្គិភ័យឆេះជិតអស់   អាន765ដង លោក ឡុង-គឺសឹង អភិបាលស្រុកសណ្តាន់បានផ្តល់បទសម្ភាសន៍ដល់កម្ពុជាសុវណ្ណភូមិ ពាក់ព័ន្ធការចោទ?...    អាន741ដង មេព្រៃស្រុកត្រពាំងប្រាសាទ បើកភ្លើងខៀវឱ្យមេឈ្មួញឈើឈ្មោះ ឆាយ ដឹកឈើដោយរលូន   អាន206ដង សារហាវព្រៃផ្សៃណាស់៖ មេឈ្មួញរកស៊ីឈើគ្រញួងឈ្មោះ ខ្វៀង ធីម៉ៃ បញ្ជាអោយបក្ខពួកដេញវាយ ដេញកាប់...    អាន1064ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    ពុកខ្ញុំជាប៉ូលីសចរាចរណ៍ការងារជាប៉ូលីសចរាចរណ៍ ឈរហាលក្តីហាលភ្លៀង ហាលខ្យល់ ដើម្បីការពារសន្តិសុខជូនប្រជារាស្ត្រ វាជាទង្វើ​មួយដ៏ល្អដែល​មិន​អាច​កាត់​ថ្លៃបាន។ ប៉ុន្តែក្នុងនោះ​ក៏មាន​ប៉ូលីស​ចរាចរណ៍មួយចំនួនតូចមិន​គោរព​ក្រម​សីលធម៌របស់...Read more
    លោកតឿ មន្ត្រីយោធាកងពលធំអន្តរាគមន៍លេខ២ ដឹកឈើក្រញូងយ៉ាងសកម្មជាប់អន្ទាក់សមត្ថកិច្ចជាយូរ​ណាស់​មកហើយ​ដែល​ឈ្មួញឈើ​ក្រញូងដ៏ល្បី​​ល្បាញ​​ម្នាក់​ឈ្មោះ តឿ បានធ្វើ​​សកម្ម​ភាព​​ដឹក​ជញ្ជូន​ឈើ​ក្រញូង​ចេញពី​ស្រុក​អន្លង់​វែង ឆ្លងកាត់​ខេត្តសៀមរាបយក​ទៅលក់​នៅ​ព្រំ​ដែន​ប្រទេស​វៀត​ណាម​យ៉ាង​សកម្ម​បំផ...Read more
    សមត្ថកិច្ចចំរុះចុះបង្ក្រាបសិប្បកម្មកែឆ្នៃបង្កប់ឈើក្រញូងបីកន្លែងទល់មុខគ្នាដូចមុំចង្ក្រានក្នុងពេលតែមួយនៅ​ព្រឹក​ថ្ងៃ​ទី១៨ ខែកញ្ញា ឆ្នាំ២០១៥នេះស្ថិត​នៅ​ក្នុង​ភូមិ​តាវៀន សង្កាត់​សាលាកំ​រើក ក្រុង​+ខេត្តសៀមរាប​ កម្លាំង​សមត្ថ​កិច្ច​ចំរុះ​ចុះ​បង្ក្រាប​សិប្ប​កម្ម​កែ​ឆ្នៃ​​២​កន្លែង ​និង​ផ្ទះ​ពល​រដ្ឋ​មួយ​កន្លែង...Read more
    ឆេះក្លឹបកម្សាន្តហីបហបស្លាប់មនុ្ស៥នាក់គ្រាន់ជាព័ត៌មានបឋមអគ្គីភ័យមួយបានលេប​ត្រ​បាក់​ក្លឹប​កម្សាន្ត​ហីបហប​នៅ​រំលង​អាធ្រាត្រ​ថ្ងៃទី១៧​ឈានចូល​ថ្ងៃទី១៨​ខែ​វិច្ឆកា​ឆ្នាំ២០១៤ ​​ស្ថិត​ក្នុង​ភូមិ​វត្ត​ដំណាក់ សង្កាត់​សាលាកំរើក ​ក្រុង​សៀម​រាប​ ដែល​បណ្តាល​អោយ​មនុស្ស​ប...Read more
    ឧកញ៉ា អ៊ូ ឆាយ ជាមេកន្ទុយលេខដ៏ធំជាងគេក្នុងរាជធានីភ្នំពេញគ្មានសមត្ថកិច្ចណាហ៊ានចេញមុខបង្ក្រាបទល់តែសោះបន​ល្បែងស៊ីសង​បាន​ក្លាយ​ជា​សត្រូវ​របស់​ប្រជាពលរដ្ឋ​និង​បំពាន​ទៅ​នឹង​គោលនយោបាយ​ភូមិ​-​សង្កាត់ មាន​សុវត្ថិភាព​ហើយ​ក៏​ត្រូវមាន​វិធាន​ករ​លុបបំបាត់​ជា​បន្ទាន់​ផង​ដែរ​ប្រយោជន៍ ​ដើម្បី​ការពារ​សន្ដិសុខ សណ្ដាប...Read more
    មន្ទិលរបស់មនុស្សប្រុសស្រី ៩យ៉ាងមន្ទិលរបស់មនុស្សប្រុសស្រី ៩យ៉ាងគឺ៖ ១- ក្រេវក្រោធ ២- រមិលគុណ ៣- ឬស្យា ៤- កំណាញ់ ៥-​ មាយា ៦- អួតក្អេងក្អាង ៧- ពោលកុហក ៨- ប្រាថ្នាអាក្រក់ ៩- យល់ឃើញខុស...Read more
    លោក លឹមប៊ុនណ្ណា ត្រូវបានពលរដ្ឋចោទថា បានកាប់បំផ្លាញព្រៃឈើក្រៅផ្ទៃអាងវារីអគ្គិសនីសេសាន២យូឆ្នាំហើយ តែគ្មានអ្នកបង្ក្រាបក្រុម​ប្រ​ជា​ពលរដ្ឋ​រស់នៅ ​ឃុំ​ស្រែគរ ស្រុក​សេសា​ន ខេត្តស្ទឹងត្រែង បាន​សម្ដែង​នូវ​ការ​ហួស​ចិត្ត ស្រប​ពេលដែល​សកម្មភាព​ដឹកជញ្ជូន​ឈើ​មក​ស្តុក​ក្នុង​ផ្ទៃ​អាង​កើតមានឡើង​ជាច្រើន​ឆ្នាំកន្លងមក​រហូតដល់​ពេលបច្ច...Read more
    ប៉ូលិសស័ក្ក២ សឹនសៅ ត្រូវបានពលរដ្ឋចោទថា ឆបោកលុយ ១៧០០ដុល្លា រួចរតគេចខ្លួនបាត់ស្រម៉ោលប្រភពព័ត៌មានពីប្រជាពលរដ្ឋដែលជាជនរងគ្រោះ​ម្នាក់ក្នុងចំណោមប្រជាពលរដ្ឋ​ដែលជាជនរងគ្រោះជាច្រើននាក់ទៀតរស់នៅក្នុងភូមិថ្នល់បែកកើត ឃុំស្វាយទៀប ស្រុកចំការលើ ខេត្តកំពង់ចាម បាននិយាយរៀបរាប់ទាំងមិនអស់ចិត្តថា​អស់រយៈ...Read more
    ប្រជាពលរដ្ឋបានរិះគន់គ្រូពេទ្យនៅមន្ទីរពេទ្យបង្អែកខេត្តថា ប្រព្រឹត្តិអំពើពុករលួយបើ​ទោះ​ជា​រដ្ឋា​ភិបាល​កម្ពុជា និង​ក្រសួងសុខា​ភិបាល​បាន​ប្រ​កាស​​​អោយ​ក្រុម​គ្រូពេទ្យ​នៅ​តាម​មន្ទីរ​ពេទ្យ​នានា​មិន​អោយ​ប្រ​ព្រឹត្តិ​អំ​ពើ​ពុក​រលួយ​ក្តែងៗ​យ៉ា​ង​ណា​ក៏ដោយ ក៏​ទង្វើ​របស់​ក្រុម​​គ្រូ​ពេទ្យ​...Read more
    ប៉ូលីសសេដ្ឋកិច្ចខេត្តចុះបង្ក្រាបរថយន្តដឹកឈើប្រណិតខុសច្បាប់ជំនួសមន្រ្តីជំនាញនៅក្នុងតំបន់បទល្មើសក្រុម​ឈ្មួញ​កំ​ពុង​ធ្វើ​សកម្ម​ភាព​សម្រុក​ដឹក​ជញ្ជូន​ឈើ​យ៉ាង​អា​ណា​ធិប​តេយ្យ​ទៅ​លក់​នៅ​ប្រ​ទេស​វៀណាម​ តាម​ច្រក​របៀង​ព្រំ​ដែន​ស្រុក​អណ្តូង​មាស​ ហើយ​ការ​ធ្វើអា​ជីវកម្ម​ដោយ​ពុំ​ស្រប​ច្បាប់​នោះ​ម...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      331នាក់
    ម្សិលមិញ    10003នាក់
    សប្ដាហ៍នេះ    35857នាក់
    ខែនេះ    384477នាក់
    ឆ្នាំនេះ   2609893នាក់
    សរុប   33276139នាក់
    ថ្ងៃទី 27 ខែ 06 ឆ្នាំ 2019 ម៉ោង 04:50