ព័ត៌មានក្ដៅ

    ដំណើរកម្សាន្តលើកដំបូងដែលយូរជាងគេបំផុត

    ដោយៈ រ៉េត ខេត្តសៀមរាប ថ្ងៃទី 24 ខែ 02 ឆ្នាំ 2020 វេលាម៉ោង 10:09 នាទី ចំនួនអានៈ 978

    ខេត្តសៀមរាប៖ ខ្ញុំបាទ ផ្លុងរ៉េត ចាងហ្វាងកាសែត កម្ពុជាសុវណ្ណភូមិ និង ជាអ្នក​រត់​តាក់​ស៊ី​ ដឹក​ភ្ញៀវ​ទេស​ចរណ៍​បរទេស សូមចែករំលែកបទ​ពិសោធន៍ ដល់លោក​តាលោកយាយ ពុកម៉ែ​ បងប្អូន និង មិត្ត​ភក្តិ​ទាំង​អស់​ ក្នុង​ការ​ធ្វើ​ដំណើរកម្សាន្ត​របស់​ខ្ញុំផ្ទាល់​​ដែលមាន​រយៈពេល​១៥ថ្ងៃ​ ហើយ​នេះ​ជា​ដំណើរ​កម្សាន្ត​លើក​ដំបូង​​ដែល​មាន​រយៈ​ពេល​យូរ​ជាង​គេ​បំផុត​​បើប្រៀបធៀប​ទៅនឹង​ដំណើរ​កម្សាន្តមុនៗ។

              .ថ្ងៃទី០៦ ខែគុម្ភៈ ឆ្នាំ២០២០ ម៉ោង៧​និង​៤៥នាទីព្រឹក ខ្ញុំបានចេញដំណើរ​ពី​ក្រុង​សៀម​រាប​ ខេត្ត​សៀម​រាប​ ឆ្ពោះទៅខេត្តស្ទឹងត្រែង ដោយ​ឆ្លងកាត់​ខេត្តព្រះវិហ៊ារ ដល់នៅម៉ោង​៣​រសៀល ដែល​មាន​ចម្ងាយ​ផ្លូវ​​ ៣០៨ គីឡូម៉ែត្រ។ ខ្ញុំបានស្នាក់នៅក្រុង​ស្ទឹង​ត្រែង​១យប់ នៅ​ផ្ទះ​ម្តាយ​ក្មេក​​បុគ្គលិករបស់ខ្ញុំ ដោយមានការ​ទទួល​រាក់​ទាក់​យ៉ាង​កក់ក្តៅ ជា​មួយ​​អាហារពេលល្ងាច និង​ ពិសារស្រាពាងរបស់​បងប្អូនជនជាតិយ៉ាង​ឈ្ងុយ​ឆ្ងាញ់​​ជា​​លើក​ដំបូង​ក្នុង​​ជីវិតរបស់​ខ្ញុំ។ ដោយសារតែពេលវេលាខ្លីពេកនៅខេត្ត​ស្ទឹងត្រែងនេះ ខ្ញុំ​បាន​ទស្សនា​តែ​ រមនីយដ្ឋាន កោះខ្សាច់ និង ប្រាសាទព្រះគោផុសតែប៉ុណ្ណោះ ដូច្នេះ ខ្ញុំពុំ​អាច​វាយ​តម្លៃ​ទៅ​លើ​ខេត្ត​មួយ​នេះ​ថា​ ល្អឬមិន​ល្អ​នោះទេ ព្រោះ​ខ្ញុំពុំបានដើរកម្សាន្តគ្រប់ទីកន្លែងឡើយ។

              .ថ្ងៃទី០៧​ ខែគុម្ភៈ ឆ្នាំ២០២០ ម៉ោង១១ព្រឹក ខ្ញុំបានចេញដំណើរពីក្រុងស្ទឹង​ត្រែង ឆ្ពោះ​ទៅ ​​ក្រុង​បាន​លុង ​ខេត្តរតនគីរី ដែលមាន​ចម្ងាយផ្លូវ ១៤០ គីឡូម៉ែត្រ។ ខ្ញុំបានស្នាក់នៅ២យប់​ក្នុង​សណ្ឋា​គារ ចេងឡុង បឹងកន្សែងហើយបាន​ទស្សនារមនីដ្ឋានមួយចំនួនដូចជា៖
              -ល្ងាចថ្ងៃទី០៧ ខ្ញុំបានទស្សនារមនីយដ្ឋាន បឹងយក្សឡោម និងមើល​ទេសភាពក្នុង​ក្រុង។
              -ថ្ងៃទី០៨ ទស្សនារមនីយដ្ឋាន ទឹកជ្រោះ៧ជាន់ ទឹកជ្រោះកាទៀង &ទឹកជ្រោះកាចាញ។
              * ខេត្តរតនគីរី ផ្លូវ​ថ្នលល្អ ក្នុងក្រុងសួនច្បារសាធារណៈល្អ រមនីយដ្ឋានស្អាត សេវា​កម្ម​ផ្ទះ​សំ​ណាក់​សណ្ឋាគារល្អហើយ​ធូថ្លៃ ម្ហូប​អាហារ​តម្លៃសមរម្យ ពិសេស គុយទាវទូក នៅតាម​ដងផ្លូវ ដែល​បង​ប្អូន​ខ្មែរ​អ៊ី​ស្លាម​លក់ ឆ្ងាញ់ ហើយមានអនាម័យល្អ កន្លែងអង្គុយហូប​មានទេសភាពស្អាត​ ខ្យល់បរិសុទ្ធ។

              .ថ្ងៃទី០៩​ ខែគុម្ភៈ ឆ្នាំ២០២០ ម៉ោង១១ព្រឹក ខ្ញុំបានចេញដំណើរពី​ខេត្តរតនគីរី ឆ្ពោះទៅ​កាន់ ​ក្រុង​សែនមនោរម្យ ខេត្ត​មណ្ឌលគីរី ដែលមានចម្ងាយ​ផ្លូវ ១៨០ គីឡូម៉ែត្រ ដល់នៅ​ម៉ោង​២រសៀល ស្នាក់ នៅ សណ្ឋាគារពេជ្រទេវីរយៈ២យប់។
              -​ល្ងាចថ្ងៃទី០៩ខ្ញុំបាន​ទស្សនា​រមនីយដ្ឋានសិប្បនិមិត្មឈ្មោះភ្នំសាងស្នេហ៍។
              -ថ្ងៃទី១០ ខ្ញុំបានទស្សនារមនីយដ្ឋាន ភ្នំដោះក្រមុំ ទឹកជ្រោះសែនមនោរម្យ ឬ ទឹក​ជ្រោះតំណាក់​
              ស្តេច ទឹកជ្រោះប៊ូស្រា មើលដំណាំដាំដុះមួយចំនួន និង មើលក្រុងសែនមនោរម្យ​នាពេលរាត្រីកាល។
              * ខេត្តមណ្ឌលគីរី ផ្លូវល្អ សួនសាធារណៈរាងអន់បន្តិច រមនីយដ្ឋានល្អតែខ្វះ​អនាម័យ ខ្វះការ​អភិវឌ្ឍន៍ ដំណាំដាំដុះល្អ ផ្ទះសំណាក់សណ្ឋាគារល្អ តម្លៃសមរម្យ តែ​ពិបាក​រក​​កន្លែង​ហូប​ចុក​បន្តិច អាហារតម្លៃមធ្យម មុខ​ហូបគួរសាកសួរពីតម្លៃសិន ព្រោះភាគច្រើ បញ្ជីមុខម្ហូប​មិន​ដាក់​តម្លៃ។

              .ថ្ងៃទី១១​ ខែគុម្ភៈ ឆ្នាំ២០២០ ម៉ោង១០ព្រឹក ខ្ញុំចេញដំណើរពីក្រុងសែនមនោរម្យ ខេត្ត​មណ្ឌលគីរី ឆ្ពោះទៅ ក្រុង​ក្រចេះ ខេត្តក្រចេះ ដែលមានចម្ងាយ​ផ្លូវ ២០៥ គឺឡូម៉ែត្រ ដល់​នៅ​ម៉ោង៣​រសៀល ស្នាក់​នៅ​សណ្ឋា​គារហេងហេង២ក្បែរមាត់​ទន្លេ៣យប់។
              -ថ្ងៃទី១២ខ្ញុំបានទស្សនារមនីយដ្ឋានកាំពីនិងអន្លង់ផ្សោតកាំពី។
              -ថ្ងៃទី១៣រស្សនារមនីយដ្ឋានកោះទ្រង់។
              * ខេត្តក្រចេះ ផ្លូវល្អ សួនច្បារសាធារណៈមិនស្អាត រមនីយដ្ឋាន​ស្អាត​មានអនាម័យ ជា​ពិសេស​​ រមនីយ​ដ្ឋាន កាំពី លោកអ្នក​មិន​គួររំលងទេ ផ្ទះសំ​ណាក់​សណ្ឋាគារដែលល្អ​មាន​តម្លៃ​រាង​ខ្ពស់​បន្តិច កន្លែង​ហូប​ចុក​​មាន​តិច មានថ្លៃមានថោក កន្លែង​មួយចំនួនតូចកាប់ឆៅ បញ្ជីមុខម្ហូប​ភាគច្រើនគ្មានតម្លៃដូចខេត្ត​មណ្ឌល​គីរីដែរ។

              .ថ្ងៃទី១៤​ ខែគុម្ភៈ ឆ្នាំ២០២០ ម៉ោង១០ព្រឹក ខ្ញុំ​បាន​ចេញដំណើរពីក្រុងក្រចេះ ខេត្តក្រចេះ ឆ្ពោះ​ទៅ​កាន់ ក្រុង​​កំពង់ចាម ខេត្តកំពង់ចាម ដល់នៅម៉ោង​២រសៀល ស្នាក់នៅសណ្ឋាគារ មនោរម្យ២វីអាភី។
              -ល្ងាចថ្ងៃទី១៤ខ្ញុំបាន​ទស្សនារមនីដ្ឋានកោះប៉ែន។
              -ថ្ងៃទី១៥ ខ្ញុំបាន​ទស្សនារមនីដ្ឋាន ភ្នំស្រី ភ្នំប្រុស ប្រាសាទនគរបាយជ័យ និង​ សួនផ្កាឈូក​រ័ត្ន។
              * ខេត្តកំពង់ចាម ល្អដាច់គេ ផ្លូវ​ល្អ សួនច្បារសាធារណៈស្អាតធំទូលាយ រមនីដ្ឋាន​ល្អ​មាន​អនាម័យ ផ្ទះ​សំណាក់​សណ្ឋាគារច្រើនរាប់មិនអស់​ ហើយធូថ្លៃ ម្ហូប​អាហារ មានគ្រប់​ទិសទី តម្លៃ​ធូថ្លៃ​ ពេល​ល្ងាច និង ពេល​រាត្រី មាន​មនុស្សកុះករអង្គុយទទួលទានអាហារពេលល្ងាចតាម​មាត់​ទន្លេ​ ក្បែរស្ពានគីសូណា អា​កាស​ធាតុ​ល្អ ខ្យល់បក់ល្ហើយហើយ​​គ្មានមូស បញ្ជី​មុខ​ម្ហូប​មាន​ដាក់​តម្លៃ​ត្រឹមត្រូវ​។

              .ថ្ងៃទី១៦ ខែគុម្ភៈ ឆ្នាំ២០២០ ម៉ោង៨ព្រឹក ខ្ញុំបាន​​ចេញដំណើរពីក្រុងកំពង់ចាម ខេត្ត​កំពង់​ចាម​ ឆ្ពោះ​ទៅ​​ក្រុងកែប ខេត្តកែប ដោយឆ្លងកាត់ ខេត្តកំបង់ស្ពឺ ខេត្តកណ្តាល ខេត្តតាកែវ និង​ ខេត្តកំពត ដល់ក្រុង​កែប​នៅ​ម៉ោង២និង៣០នាទីរសៀល ដែលមានចម្ងាយផ្លូវ ២៧៥ គីឡូម៉ែត្រ។ ខ្ញុំបាន​​ត្រឡប់មក​ស្នាក់នៅក្នុង​សណ្ឋា​គារ ជ័យមានភាព រយៈ​ពេល៤យប់ ក្នុង​ខេត្តកំពតវិញ។

              * ខេត្តកែប និង ខេត្តកំពត ផ្លូវ​ធំទូលាយល្អណាស់ សួនច្បារសាធារណៈស្អាត រមនីយ​ដ្ឋាន​ស្អាតៗ​ជា​ច្រើន​កន្លែង ផ្ទះសំណាក់ សណ្ឋាគាររាងថ្លៃ​បន្តិច ម្ហូបអាហារ មាន​ថ្លៃ​មាន​ថោក​ គ្រឿង​សមុទ្រ​​អាច​​ទិញ​ពីផ្សារ​យក​​ទៅ​ចំអិន​ខ្លួន​ឯង​បាន ជាពិសេស​តាម​ដង​ផ្លូវ​គ្មាន​ប៉ូលីស​ពួន​ស្ទាក់​ចាំផាកពិន័យដូច​ខេត្ត​ផ្សេងៗ​ទេ។​    - ល្ងាចថ្ងៃទី១៦ ខ្ញុំបានជិះកាណូតដ៏ធំជាមួយ​ភ្ញៀវ​ជាតិ-អន្តរជាតិ ទៅមើលសត្វអំពិលអំ​ពែក​​នៅ​តាម​
              ដៃទ្លេមេគង្គ។
              - ថ្ងៃទី១៧ ខ្ញុំបានទៅទស្សនា រមនីយដ្ឋាន ឧទ្យាជាតិព្រះមុនីវ័ង្ស ”បូកគោ“ ដែល​មាន​កន្លែង​កម្សាន្ត​ជា​
              ច្រើន​ដូចជា៖
                       + រូបតំណាងលោកយាយ ម៉ៅ នៅផ្លូវ​ឡើង​ភ្នំបូកគោ
                       + វិមានអ្នកតាភ្នំ
                       + ប្រាសាទប្រោសសត្វ បូកគោ ឬ អ្នកខ្លះហៅថា ប្រាសាទសួគ៌ា
                       + វត្តសំពៅប្រាំ
                       + ទឹកធ្លាក់ពពកវិល និង
                       + សារមន្ទីរកំពត
              - ថ្ងៃទី១៨ ខ្ញុំបានទស្សនា៖
                       + ស្រែអំបិល ក្នុងខេត្តកំពត
                       + ភ្នំកាលរមាស ឬ ភ្នំតាអោន ក្នុងខេត្តកំពត
                       + ភ្នំឈ្ងោគ ឬ អ្នកខ្លះហៅថា ភ្នំក្ងោក ក្នុងខេត្តកំពត
                       + បឹងប្រទាក់ក្រឡា ក្នុងខេត្តកំពត
                       + រមនីយដ្ឋាន កសិ-ទេសចរណ៍ ក្នុងខេត្តកំពត
                       + ផ្សារក្តាម (ក្រុងកែប)
                       + ឆ្នេរកែប (Kep Beach)
              - ថ្ងៃទី១៩ ខ្ញុំបានទស្សនា រមនីយដ្ឋាន ជាច្រើនក្នុងខេត្តកំបតដូចជា៖
                       + ទឹកឈូ
                       + ទឹកធ្លាក់ថ្មតាដា
                       + ដូងទេ
                       + ឆ្នេរឋានសួគ៌
                       + ឧទ្យានដងព្រែក
                       + ផ្សារសាមគ្គីទីរួមខេត្តកំពត និង
                       + មើលថ្ងៃលិចនៅសួនច្បារជាប់មាត់ទន្លេក្រុងកំពត

              .ថ្ងៃទី២០ ខែគុម្ភៈ ឆ្នាំ២០២០ ម៉ោង៧ និង​ ៣០នាទីព្រឹក ខ្ញុំបានចេញដំណើរពីក្រុង​កំពត ខេត្តកំពត ឆ្ពោះទៅកាន់ ក្រុងកែប ខេត្តកែប ដើម្បីទទួលភ្ញៀវទេសចរណ៍ជនជាតិបារាំង២នាក់ មក​ខេត្តសៀមរាបវិញ។ ចេញដំណើរពីក្រុងកែប ក្បែរផ្សារក្តាម នៅម៉ោង៨ព្រឹក​ ឆ្ពោះមក​ខេត្ត​សៀម​រាប ដល់នៅម៉ោង៤រសៀល ដោយឆ្លងកាត់​ខេត្តជាច្រើនដូចជា ខេត្តកំពត ខេត្តតាកែវ ខេត្តកណ្តាល ខេត្តកំពង់ស្ពឺ ខេត្តកំពង់ចាម ខេត្តកំពង់ធំ ដែលមានចម្ងាយផ្លូវ ៤៧០ គីឡូម៉ែត្រ។

    ចម្ងាយ​ផ្លូវពីខេត្តមួយទៅខេត្តមួយទៀត ដោយគិតពីក្នុងក្រុង

    - សៀមរាប-ខេត្តស្ទឹងត្រែង            ចម្ងាយ ៣០៨ គីឡូម៉ែត្រ
    - ខេត្តស្ទឹងត្រែង-ខេត្តរតនគីរី          ចម្ងាយ ១៤០ គីឡូម៉ែត្រ
    - ខេត្តរតនគីរី-ខេត្តមណ្ឌលគីរី         ចម្ងាយ ១៨០ គីឡូម៉ែត្រ
    - ខេត្តមណ្ឌគីរី-ខេត្តក្រចេះ             ចម្ងាយ ២០៥ គីឡូម៉ែត្រ
    - ខេត្តក្រចេះ-កំពង់ចាម                 ចម្ងាយ ១៤០ គីឡូម៉ែត្រ
    - ខេត្តកំពង់ចាម-ខេត្តកំពត            ចម្ងាយ ២៥៦ គីឡូម៉ែត្រ
    - ខេត្តកំពង់ចាម-ខេត្តកែប             ចម្ងាយ ២៧៥ គីឡូម៉ែត្រ
    - ខេត្តកែប-ខេត្តសៀមរាប             ចម្ងាយ ៤៧០ គីឡូម៉ែត្រ

              សរុបសេចក្តីមក ដំណើរកម្សាន្តរយៈពេល​១៥ថ្ងៃខាងលើនេះ ជាបទពិសោធន៍របស់​ខ្ញុំ សម្រាប់​ដំណើរ​​កម្សាន្តលើកក្រោយៗទៀត។ ថ្វីត្បិត​តែខ្ញុំចំណាច​ថវការលើស​ខ្ទង់​កំណត់​បន្តិច​​តែ មាន​ភាព​សប្យាយ​រីក​រាយ ស្គាល់ពីប្រពៃណីរប្បធម៌នៅខេត្តផ្សេងៗ ស្គាល់​ពីរបៀបរបប​ អត្ត​ចរិត​របស់​​ពលរដ្ឋខេត្តផ្សេងៗ ស្គាល់​​ផ្លូវ​សម្រាប់​​បើកបរថ្ងៃក្រោយ ដឹង​ពីតម្លៃ ម្ហូបអាហារ តម្លៃ​ផ្ទះសំ​ណាក់​-​សណ្ឋាគារ បាន​ឃើញ​ និង បាន​ផ្តិត​យក​រូប​ភាពដ៏ស្រស់ត្រកាល ចែកជូន​មនុស្សនៅលើ​ពិភព​លោកបាន​ឃើញ តាម​រយៈបណ្តាញ​សង្គម​ហ្វេស​​ប៊ុគ ហើយក៏ធ្វើ​អោយ​ដក់ជាប់ក្នុង​​ក្រអៅបេះ​ដូង នូវ​អ្វីៗដែល​ខ្ញុំ​បាន​ជួប​បាន​ឃើញ​ផ្ទាល់​ភ្នែកផងដែរ។ លោក​អ្នក​ដែលមិន​ធ្លាប់​ធ្វើ​ដំណើរ​កម្សាន្ត​ទៅ​ខេត្ត​មួយចំនួន​ខាងលើ​នេះ អាចសាកសួរ​ព័ត៌​មាន​ខ្លះៗ​ពី​ខ្ញុំ​បាទ​បាន​ នូវ​អ្វី​ដែល​ខ្ញុំ​បានដឹង បានឃើញ តាម​រយៈលេខទូរស័ព្ទ ០១២ ៧០ ៣៩ ១៤ ឬ ០៩៧ ៩៣ ៣០ ៣០០ និង ហ្វេសប៊ុគឈ្មោះ Ret Phlong (https://www.facebook.com/?ref=tn_tnmn)។

              ជាចុងក្រោយ​ខ្ញុំ​សូម​ថ្លែងអំណរគុណយ៉ាង​ជ្រាវ​ជ្រៅចំពោះការតាមដានអាន​ ពីដំណើរ​កម្សាន្ត​របស់ខ្ញុំ​ខាងលើនេះ ហើយក៏សូមបួងសួងដល់វត្ថុ​ស័កសិទ្ធដែលលោក​មានរិទ្ធិ​មានបារមី មេត្តា​ជួយ​បី​បាច់​ថែ​រក្សា​មនុស្ស​ល្អៗ​លើពិភពលោកនេះ ព្រមទាំងខ្ញុំផងដែរ អោយ​មាន​សុខ​ភាព​ល្អ​ រកទទួលទានមានបាន ឈ្នះអស់​មាសត្រូវ​ទាំង​ឡាយ តរៀងទៅអើយ៕ ដោយ៖ ផ្លុង រ៉េត

    សូមអរព្រះគុណ និង អរគុណ!

    Sponsored by: www.siemreaptaxi.com

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    លោក​ហ៊ុន​ សែន​ មាន​ប្រសាសន៍ថា កម្ពុជា​នឹង​មាន​ផ្សារ​ទំនើប​ដ៏​ធំ​មួយ វិនិយោគ​ដោយ​ជប៉ុន   អាន881ដង តើអៀរគឹមស្រេង ជានរណា?   អាន1142ដង មនុស្សបន្តស្លាប់រហូតដល់៩នាក់ហើយក្នុងហេតុការណ៍ភ្លើងឆេះផ្សារាត្រី    អាន1817ដង ស្នងការ​រងខេត្ត​កំពង់ចាម​បុក​​ក្មេង​ប្រុស​ម្នាក់​ស្លាប់ រួច​បើក​រថយន្ត​ចេញ​​ទៅធ្វើ​ម?...    អាន991ដង តុលាការ​ខេត្ត​​កោះកុង​ដាក់​គុក​ឃាតក​បាញ់​សម្លាប់​លោក ឈុត វុទ្ធី ៦​ខែ   អាន762ដង ឃាត់ខ្លួនជនសង្ស័យដ៏សកម្ម ចំនួន០២នាក់ បានជាបន្តបន្ទាប់ ជាប់ពាក់ព័ន្ធនឹងករណី អំពើលួចមានស?...    អាន475ដង រាស្ត្ររងគ្រោះថា៖ លោក ស៊ុំ ម៉ាប់ កំពុងតាំងខ្លួនជា ដាប ឈួន ទី២ រំលោភយកដីប្រជាពលរដ្ឋ មិនគោរ?...    អាន1414ដង លោក​ស ខេង ព្រមាន​មន្ដ្រី​ថ្នាក់​ក្ថ្រោម​មិន​ឲ្យ​ជម្រិ​តលុយ​ពលរដ្ឋ​   អាន959ដង អ្នកកាសែតរងគ្រោះដែលជនដៃដល់មួយក្រុមប៉ុនប៉ងវៃសម្លាប់មិនទាន់ទទួលបានយុត្តិធម៌ទេ   អាន858ដង គណបក្សសង្គ្រោះជាតិប្រកាសធ្វើមហាបាតុកម្មទួទាំងប្រទេស   អាន805ដង
    ព័ត៌មានផ្សេងៗទៀត
    ខួបកំណើតសម្តេចហ៊ុនសែន
    ផ្សាយពាណិជ្ជកម្ម

     លិខិតមិត្តអ្នកអាន
    បរិយាយថ្ងៃនេះ៖ អ្នកស្នេហាជាតិមាតុភូមិ មិនប្រកាន់និន្នាការនយោបាយនោះទេប្រ​ទេស​ជាតិជា​ច្រើន​នៅ​លើ​ពិភពលោក​យើង​នេះ គឺរមែង​តែង​តែមាន​មេដឹក​នាំ​ និង​ប្រ​ជានុរាស្រ្តតិច​ ឬច្រើន​អាស្រ័យទៅ​លើ​ប្រ​ទេសនោះ​តូច​ឬធំ​តែប៉ុណ្ណោះ ប្រ​ទេស​ខ្លះ​គ្មានស្តេច​ តែមាន​ប្រ​ធានាធិបតី ឯប្រទេសខ្ល...Read more
    លោក នាយករដ្ឋមន្ត្រី ហ៊ុនសែន ប្រកាសដកការលក់សំបុត្រអង្គរពីក្រុមហ៊ុនលោក សុខគង់ មកជាសម្បត្តិរដ្ឋវិញយោងតាមប្រ​ភព​ព័ត៌មាន​ពី​ក្រុង​ភ្នំពេញ​នៅ​ព្រឹក​ថ្ងៃទី០៦ ខែវិច្ឆកា ឆ្នាំ២០១៥​នេះ ​បាន​អោយ​ដឹងថា លោកនាយក​រដ្ឋ​មន្ត្រី​ ហ៊ុនសែន បាន​ប្រកាសក្នុង​អង្គប្រ​ជុំប្រចាំ​សបា្ដហ៍​របស់​ខ្លួន​នៅ​ទីស្ដីការគណ​រដ...Read more
    កីឡាករកីឡាការីនី ជាតិអន្តរជាតិ១៨រូបមកពី៩ប្រទេសនិងធ្វើការប្រកួតនៅយប់ថ្ងៃទី១២នេះកីឡាករ​-​កីឡាការិនី​ជាតិ និង​អន្តរជាតិ​ចំនួន​១៨​រូប មកពី​៩​ប្រទេស ដែល​ត្រូវ​ចូលរួម​ប្រកួត​ក្នុង​ព្រឹត្តិការណ៍​ប្រដាល់​ក្នុង​ទ្រង់​ទ្រាយ​ជា​លក្ខណៈ​អន្តរជាតិ One FC: Rise of the Kingdom បាន​ថ្លឹង​ទម្ងន់...Read more
    ល្បែងកន្ទុយលេខនៅក្នុងផ្សាកំពង់ស្ពឺមានមន្រ្តីខិលខូចជាសមត្ថកិច្ចកាងពីក្រោយមេឆ្នោតឬហៅថាជាមេកន្ទុយលេខដែលកំពង់ប្រព្រឹត្តយ៉ាងសកម្មនិងដុះស្លែរក្នុងផ្សាកំពង់ស្ពឺក្បែរភ្នែកលោកប៉ូលីស៏និងប៉េអឹម ថែមទាំងក្បែរសាលា ខេត្តកំពង់ស្ពឺផងនោះ ពេល​នេះ​មេឆ្នោត​ទាំង​នេះនៅ​តែ​បន្ត​កត់​និងប្រមូលលុយព...Read more
    ខ្សឹបដាក់ពាង៖ ពាក្យថា កេងចំណេញនយោបាយ និង ជនអគតិ កំពុងតែពេញនិយមសំរាប់អ្នកគាំទ្របក្សកាន់អំណាចអ្នក​នយោ​បាយ​នៅ​កម្ពុជា​ត្រូវ​បាន​គេ​មើល​ឃើញ​ថា ធ្វើ​នយោបាយ​ដើម្បី​តែ​អំ​ណាច​ផ្ទាល់​ខ្លួន អំ​ណាច​ប្រ​មូល​ផ្តុំ​ បក្ខ​ពួក​និយម ទាំង​គណបក្ស​កាន់​អំ​ណាច​ និង​គណបក្ស​ប្រ​ឆាំង​គេ​ច​មិន​ផុត​ពី​ការ​តែង​តាំង​...Read more
    លោក សខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានសម្រេចផ្ទេរតំណែង និងបង្កើតគណៈកម្មការស្រាវជ្រាវស៊ើបអង្កេតករណីបណ្ដឹងនានាពាក់ព័ន្ធជាមួយលោក ផែងវណ្ណៈយោង​តាម​ប្រភព​ព័ត៌មាន​ពី​បណ្តាញ​សង្គម (Facebook) ​ដែល​អាច​ជឿង​ទុកចិត្ត​នៅ​ព្រឹក​ថ្ងៃទី២១ ខែតុលា ឆ្នាំ២០១៥នេះ​បាន​អោយ​ដឹងថា លោក សខេង ​ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងម​ហាផ្ទៃ​​បាន​សម្រេច​​​ប...Read more
    វីឌីអូ ឆុតឆាក ប្រយុទ្ធក៏សាហាវ របស់យុវជនឈាមរាវ ក្នុងកម្មវិធីរាំលេងក្នុងអារាមក្រុមយុវជនប្រមាណ ៤០នាក់បានវាយតប់គ្នាយ៉ាងសាហាវ ពេញទីអារាមក្រោយពេលប៉ះទង្គិចគ្នាក្នុងកម្មវីធីរាំលេង។ នេះជាទង្វើរមួយដែលបានបង្ហាញអោយឃើញថា យុវជនខ្មែរមួយចំនួន ស្ថិតក្នុងការអប់រំទាប និងយកអរិយធម៌មិនល្អពីបរទេសម...Read more
    លោក ឡាយ ម៉ារីវ៉ូ បានកំពុងដើរតាមគន្លងអគ្គនាយកចាស់លោក​អគ្គនាយកដ្ឋាន​ទូរគមនាគមន៍​កម្ពុជា មិនទាន់​បាន​ធ្វើ​កំណែទម្រង់​ឱ្យបាន​ស៊ីជម្រៅ​ទៅតាម​ទិសដៅ របស់​រាជរដ្ឋាភិបាល​អាណត្តិ​ទី ៥ នៅឡើយ ។ ការគ្រប់គ្រង​នឹង​ដឹកនាំ​របស់​អគ្គនាយក​បច្ចុប្បន្ន​កំពុង​បង្កើត បក្...Read more
    ប្រជាពលរដ្ឋរាប់ម៉ឺននាក់នៅទីលានប្រជាធិបតេយ្យនៅម៉ោង៧:១៥នាទីព្រឹកនេះយោងតាម​បណ្តាញ​សង្គម​ Facebook បាន​អោយ​ដឹង​ថា ប្រជា​ពលរដ្ឋ​រាប់ម៉ឺននាក់ប្រ​មូល​ផ្តុំ​ជួប​ជុំ​គ្នា​នៅ​ទី​លាន​ប្រ​ជា​ធិប​តេយ្យនៅ​ម៉ោង​៧:១៥នាទីព្រឹកនេះ ក្នុង​ការ​ធ្វើ​មហា​បាតុ​កម្ម​អហឹង្សា។ ...Read more
    ហាង​កាហ្វេ​ណូ​គារ​វៀតណាម​បី​កន្លែង​នៅ​ក្រុង​សៀមរាប រង​ការ​ចោទ​ថា បិទ​សិទ្ធិ​សេរីភាព​កម្មករ​ខ្មែរ និង  ​ជួញដូរ​ផ្លូវភេទហាង​កាហ្វេ​ណូ​គារ​របស់​វៀតណាម​បី​កន្លែង ស្ថិត​នៅ​ក្នុង​ក្រុង​សៀមរាប រង​ការ​ចោទ​ថា គៀបសង្កត់​ទៅ​លើ​កម្មករ​ស្រី​ខ្មែរ​ដែល​បំរើ​ក្នុង​របស់​ខ្លួន និង​គំរាម​សម្លាប់ បើសិន​ពួក​គេ​ទៅ​ធ្វើការ​កន្លែង​ផ្សេង ព្រ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      1នាក់
    ម្សិលមិញ    4549នាក់
    សប្ដាហ៍នេះ    25286នាក់
    ខែនេះ    104721នាក់
    ឆ្នាំនេះ   900108នាក់
    សរុប   39193786នាក់
    ថ្ងៃទី 18 ខែ 04 ឆ្នាំ 2021 ម៉ោង 00:12