បេក្ខនារីថៃធ្វើអោយភ្ញាក់ផ្អើលអ្នកទេសចរតាមឆ្នេរភូកេត

បេ​ក្ខ​នារី​ដែល​ចូលរួម​ការប្រឡង​បវរកញ្ញា​ថៃ​ចំនួន​២០​នាក់​បាន​ធ្វើដំណើរ​ឃោសនា​នៅ​កោះ​ភូ​កេត​និង​បាន​បង្ក​ការភ្ញាក់​ផ្អើល​ក្នុង​ចំណោម​អ្នកទេសចរ​នៅ​ពេល​ពួក​ស្រី​ស្អាតៗ​ទាំងនេះ​ឈរ​ថតរូប​បញ្ចេញរាង​ក្នុង​សម្លៀកបំពាក់​ងូតទឹក​នៅ​មុខ​សណ្ឋាគារ​មួយ​។​

បន្ទាប់ពី​បាន​ទៅ​ដល់​កោះ​កម្សាន្ត​នេះ​កាលពី​ថ្ងៃ​១២​មីនា ពួកគេ​បាន​ទៅ​ទស្សនា​សាលាក្រុង​ភូ​កេត វត្ត​ចា​ឡុង វិហារ​ប្រា ថង សាលា​​រៀន​និង​កន្លែង​ចិញ្ចឹម​ក្មេង​មួយកន្លែង​។​

​ក្រុម​នេះ​បាន​ចាកចេញ​ពី​ភូ​កេត​នៅ​ថ្ងៃ​១៦​មីនា ហើយ​នឹង​ធ្វើដំណើរ​ទៅ​មី​យ៉ាន់​ម៉ា​នៅ​ថ្ងៃ​២៥​មីនា​ដើម្បី​ឃោសនា​វប្បធម៌​ថៃ​ដោយ​​ត្រូវ​ចូលរួម​ការបង្ហាញ​ម៉ូត​មួយ​។​
​ពួកគេ​នឹង​វិល​មក​ក្រុង​បាងកក​វិញ​ដើម្បី​ចូលរួម​ការប្រឡង​"​បវរកញ្ញា​ពិភពលោក​ថៃ​"​ផ្តាច់​ព្រាត់​នៅ​ថ្ងៃ​០៤​មេសា​៕