គៀត សុវណ្ណាឡាង ​ល្បីស្នេហ៍កូនអ្នកធំក្នុងស្រុក​​​​

ស្របពេលជាមួយគ្នានឹងកេរ្តិ៍ឈ្មោះ កំពុងតែបោះជំហានល្បីទៅមុខជាបណ្តើរៗ តាមរយៈនៃបទចម្រៀង នៅក្នុងផលិតកម្ម​ភ្លេង​រីខ​ត​ ​កញ្ញា គៀត សុវណ្ណា​ឡាង ថ្មីៗនេះ​​ មាន​ប្រ​ភព​មួ​យ ដែលជិតដិតបានបង្ហើបព័ត៌មានថា តារាចម្រៀងស្រី រូបនេះ កំពុងតែ​មានភាពស្និទ្ធ​ស្នា​ល​ប្លែក ជាមួយនឹងបុរសម្នាក់ ដែលគេដឹងថា ជាកូនថៅកែធំមានទ្រព្យស្តុក ក្នុងស្រុកម្នាក់។

អាចចាត់ទុកថា នេះជាដំណឹងថ្មីមួយទៀត សម្រាប់តារាចម្រៀងជើងថ្មី គៀត សុវណ្ណាឡាង ខណៈដែលកន្លងមកបុប្ផា​ក្រពុំ​មួយនេះ ពុំដែលលេចឮព័ត៌មានស្នេហា ជាមួយអ្នកណាម្នាក់ឡើយ។ ដោយឡែកមានតែបែកធ្លាយព័ត៌មានថា នាងត្រូវបាន​ក្រុមម៉ែយ៉ែម​ បានរំខានទាក់ទងឲ្យនាងទៅញ៉ាំបាយ ជាមួយអ្នកនេះជាមួយអ្នកនោះ មិនដែល​ដាច់ ធ្វើឲ្យនាងធុញថប់​ត្រូវប្ដូរ​លេខទូរស័ព្ទ ជាបន្ត​បន្ទាប់។

​តាមប្រភពព័ត៌មានមួយ នៅក្បែរ កញ្ញា គៀត សុវណ្ណា​ឡាង បាន​កត់សម្គាល់ឃើញថា មួយរយៈ​នេះ គៀត សុវណ្ណាឡាង បែរជាទៅមានភាពស្និទ្ធស្នាលប្លែក ជាមួយ​នឹងបុរសម្នាក់ ដែលមានវ័យស្របាលគ្នានឹងនាង ហើយភាព​ស្និទ្ធ​ស្នាល​ រវាងអ្នក​ទាំង​ពីរ អាច​មានទំនាក់ទំនងស្នេហា ជាមួយគ្នា​។

ប្រភពខាងលើបាននិយាយទៀតថា​ ​ភាពស្និទ្ធ​ស្នា​ល​ ​រវាង គៀត សុវណ្ណ​ឡាង និងបុរសវ័យ​ក្មេ​ង​​​ម្នាក់​​នោះ មើលទៅ​ទើបនឹង​បាន ចាប់ផ្តើមឡើង ក្នុងពេលថ្មីៗនេះទេ។ ម្យ៉ាងទៀតបើគេ​សង្កេ​ត​មើល​ លើទំនាក់ទំនងរបស់អ្នកទាំង ​កំពុងស្ថិតក្នុងដំណាក់​កាល នៃ​ស្វែ​ង​​យល់​ចិត្តគ្នា ។ ​

ជារឿយៗគេឧស្សាហ៍ឃើញអ្នកទាំងពីរ​ដើរទៅ​ណាមកណាជាមួយ​គ្នា ហាក់​ដូច​ជា​កំពុងតែ​ផ្តល់ឱកាស និងពេលវេលា សម្រាប់ឲ្យស្វែងយល់លើចិត្ត និងអត្តច​រិកពីគ្នាទៅ​វិញ​ទៅ​មក​ទៀត​ផង​។ ជុំវិញនឹងព័ត៌មានលេចឮនេះ អ្នកព័ត៌មាន​បានព្យាយាមទាក់ទង ដើម្បីសុំការបំ​ភ្លឺឲ្យ​បានច្បាស់ពីកញ្ញា គៀត សុវណ្ណាឡាង ​ប៉ុន្តែមិនទាន់អាច​ទាក់ទងបានទេ ព្រោះលេខទូរស័ព្ទ ដែលនាងធ្លាប់ប្រើត្រូវបានបិទ៕