លោក ធឹម ធឿន មេប៉ុស្តិ៍ ឃុំ២ធ្នូជាអ្នកឃុបឃិតឲ្យឈ្មួញដឹកឈើខុសច្បាប់ទាំងថ្ងៃទាំងយប់ទៅលក់ស្រុកយួនដោយសេរី

ប្រភពព័ត៌មាន​​បានអោយដឹងថា មន្ត្រី​ពាក់​ព័ន្ធ​មួយ​ចំ​នួន​កំពុងតែ​ធ្វើ​ព្យុះភ្លៀង នៅ​ម្ដុំ​ផ្សារ ការ​បី  ដែលមាន​ទីតាំង ស្ថិតក្នុង​ឃុំ​ធ្នូ ស្រុក​ស្នួល ខេត្តក្រចេះ ដែល​សកម្មភាព​ទាំងនេះ បានធ្វើឱ្យ​ប្រជាពលរដ្ឋ រស់នៅ​ផ្សារ ការ​បី នាំគ្នា​និយាយ​តៗ​គ្នា និង​រិះគន់​ចំៗ​ថា ពួក​សមត្ថកិច្ច និង​មន្ត្រី​ជំនាញ​នៅទីនេះ បង្ក្រាប​បានតែ បទល្មើស​តូចតាច​ទេ  បើ​បទល្មើស​ធំៗ ដឹក​រាល់​តែ​យប់ មិនដែល​ឃើញ​បង្ក្រាប​សោះ នេះហើយ​បាន​ប្រជាពលរដ្ឋ អស់ជំនឿ​ទៅលើ សមត្ថកិច្ច​ជំនាញ និង​អាជ្ញាធរ​មូលដ្ឋាន​។​

ប្រ​​ជា​​ពល​​រដ្ឋ​​​ បានរាយ​ការណ៍​​ឱ្យ​ដឹង​ថា មាន​​ស​មត្ថ​កិច្ច និង​​ម​ន្ត្រី​​ជំ​នាញ​​មួយ​ក្រុម បាន​នាំ​គ្នា​​ទៅ​​អង្គុយ​​សំ​កុក ចាំ​​យក​លុយ ពី​បទ​​ល្មើស​​ព្រៃ​ឈើ នៅ​ត្រង់​ចំ​ណុច ផ្សារ​​ការ​​បី ស្រុក​​ស្នួល ខេត្ត​ក្រ​ចេះ ដែល​​ក្នុង​នោះ រួម​មាន​​មេ​ព្រៃទាហាន មន្ត្រី​អាវុធហត្ថ​ស្រុក ស្នាក់ការ​៧០៩ អាវុធហត្ថ​ផ្ទៃ​ប្រទេស ប៉ូលិស បរិស្ថាន និង​អង្គការ​ទៀតផង ដែល​ទីតាំង​នេះ មាន​ត្រាក់ទ័រ​យួន ចូល​ដឹកអុស នឹង​ឈើ​គ្រប់​ប្រភេទ រាប់សិប​គ្រឿងក្នុង​មួយ​យប់ៗ ចូលទៅ​ច្រករបៀង D16 ។

​​ប្រជាពលរដ្ឋ បាន​រាយការណ៍​ទៀតថា រាល់​យប់​ត្រាក់ទ័រ​វៀតណាម ចូល​ដឹកអុស ដឹកឈើ​គ្រប់​ប្រភេទ ហួស​ផ្សារ ការ​បី ទៅទៀត ដែលមាន​ចម្ងាយ​ជាង ២០​គីឡូម៉ែត្រ ពី​ព្រំដែន​ខ្មែរ យួនដោយ​អាជ្ញាធរ​មូលដ្ឋាន មិនដែល​ខ្វល់ នឹង​ចាប់​បង្ក្រាប​ឡើយ ដោយមាន​គេ​រត់ការ អោយចូល​ដឹកជញ្ជូន អស់ហើយ ។​

​ចំពោះ​ត្រាក់ទ័រ រថយន្ត ម៉ូតូ​កែច្នៃ កំពុង​សំរុក​ដឹកជញ្ជូន​ឈើ គ្រប់​ប្រភេទ​ចូលទៅ ប្រទេស​វៀតណាម តាម​ច្រករបៀង​មួយចំនួន ក្នុងស្រុក​ស្នួល មានដូចជា ច្រករបៀង D16 / D10 / ប៊ិន​ឌាំ​ង / 06 /07/ ដែលមាន​ប្រធាន​ប៉ុ​ស្គិ៍​គ្រប់ គ្រង ច្រករបៀង​ខាងលើ ឈ្មោះ ធឹ​ម ធឿន ដែល​ទើប​មកកាន់​តំណែង​ថ្មី ប្រហែលជា​រត់ការ មកកាន់​ប៉ុ​ស្គិ៍​អស់​ច្រើន​សម្បើម​ហើយ ទើប​បើកភ្លើង​ខៀវ អោយ​គ្រឿងចក្រ​បរទេស ចូល​ក្រែង​ឆាប់​រួចខ្លួន ។​

​ជុំវិញ​បញ្ហាខាងលើ លោក ធឹ​ម ធឿន  ប្រធាន​ប៉ុ​ស្គិ៍​ការពារ​ព្រំដែន ដែល​គ្រប់គ្រង ច្រករបៀង​ទាំង​៥ ក្នុង ឃុំ​២​ធ្នូ មិនអាច​ទំនាក់ទំនងសុំការ​បកស្រាយ​​បានទេ​៕