ក្រោយពីមានការរិះគន់ខ្លាំងៗ ពីសំណាក់មហាជន និងអ្នកប្រើប្រាស់បណ្ដាញសង្គម Facebook ពីការរចនាក្លោងទ្វារអង្គរសង្គ្រានដែលត្រូវបានគេចោទថាមិនមែនជារចនាបទរបស់ខ្មែរ ហើយជារចនាបទរបស់យួន និងចិននោះនាថ្ងៃទី ០៦ ខែមេសា ឆ្នាំ២០១៥ វេលាម៉ោងប្រមាណ ០៦ៈ១៥ ល្ងាចខ្យល់បានបោកបក់មួយប្រាវធំធ្វើអោយបាក់ជើងរូបចំលាក់ពពែកមួយក្បាល ដែលដាក់តាំងនៅលើក្លោងទ្វារអង្គរសង្គ្រាន ផ្នែកខាងលិចនៃប្រាសាទអង្គរវត្តជាផ្លូវចេញទៅអាកាសយាន្ដដ្ឋានអន្ដរជាតិសៀមរាប។
ក្រោយពីមានការខូចខាត ស្របពេលដែលកំពុងតែមានការរិះគន់ផងនោះ គណកម្មការរៀបចំអង្គរសង្គ្រានសម្រេចចិត្តធ្វើការកែរប្រែការរចនាក្លោងទ្វារទាំងពីរនេះតែម្ដង។ ការរចនាថ្មីនេះត្រូវបានដាក់បង្ហាញជាបឋម នៅលើទំព័របណ្ដាញសង្គម Facebook (ព្រឹត្តិការណ៍អង្គរសង្ក្រាន្ត - Angkor Sankranta) ដើម្បីទទួលការរិះគន់ក្នុងន័យស្ថាបនា ក្នុងនាមជាកូនខ្មែរទាំងអស់គ្នា។
មានមតិមួយចំនួនបាននិយាយថា បើមិនខួចក៏មិនកែរដែរ។
សូមជួយផ្ដល់មតិផ្សេងៗ តាមការយល់ឃើញរបស់អ្នក៖
