មន្ត្រីតុលាការ ថ្លែងថា លោក សៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ កាលពីពេលថ្មីៗនេះ បានចេញដីកាកោះហៅលោក នី ចរិយា ប្រធានផ្នែកស៊ើបអង្កេត នៃសមាគមសិទ្ធិមនុស្សអាដហុក ឲ្យចូលបំភ្លឺ នៅថ្ងៃទី១៣ ខែកក្កដាខាងមុខនេះ តាមបណ្តឹងរបស់លោកមេធាវី ច័ន្ទ វិចិត្រ តំណាងឲ្យព្រះរាជអាជ្ញារងមួយរូប និងចៅក្រមស៊ើបសួរសាលាដំបូងខេត្តសៀមរាបមួយរូប ប្តឹងចោទចំនួន៣បទល្មើស ដោយភ្ជាប់យកករណីធ្វើសន្និសីទកាសែត និងដាក់ពាក្យបណ្តឹងទៅ៤ស្ថាប័ន ពាក់ព័ន្ធការចាប់ឃុំខ្លួនពលរដ្ឋពីរនាក់ នៅស្រុកស្វាយលើ ខេត្តសៀមរាប។ តាមប្រភពព័ត៌មានច្បាស់ការណ៍ពីមន្ត្រីសាលាដំបូងរាជធានីភ្នំពេញ បានឲ្យដឹងថា ពាក្យបណ្តឹងនេះ ចុះថ្ងៃទី២៧ ខែឧសភា និងបានដាក់ដល់អយ្យការ អមសាលាដំបូងរាជធានីភ្នំពេញ នៅថ្ងៃទី២៩ ខែឧសភា ឆ្នាំ២០១៥។
ប្រភពដដែល បានអះអាងថា ពាក្យបណ្តឹងនេះ បានចោទប្រកាន់លោក នី ចរិយា ចំនួន៣បទល្មើស គឺបទបរិហារកេរ្តិ៍ជាសាធារណៈ បទប្តឹងបរិហារបង្កាច់កេរ្តិ៍ និងបទផ្សព្វផ្សាយនូវការអត្ថាធិប្បាយ ដើម្បីធ្វើសម្ពាធលើយុត្តាធិការ(តុលាការ) តាមមាត្រា៣០៥ មាត្រា៣១១ និងមាត្រា៥២២ នៃក្រមព្រហ្មទណ្ឌ។
ដើមចមដែលនាំឲ្យមានការដាក់ពាក្យបណ្តឹងនេះ គឺកើតឡើងដោយសារលោក នី ចរិយា បានធ្វើសន្និសីទសារព័ត៌មានមួយនៅទីស្នាក់ការសមាគមនៅខេត្តសៀមរាប កាលពីថ្ងៃទី១២ ខែឧសភា ឆ្នាំ២០១៥ ដោយចោទមន្ត្រីតុលាការខេត្តសៀមរាបថា ចាប់ពលរដ្ឋដាក់ពន្ធនាគារខុសនីតិវិធីច្បាប់។
លោក នី ចរិយា បានលើកឡើងនៅក្នុងសន្និសីទសារព័ត៌មានថា ព្រះរាជអាជ្ញារង លោក សុក កែវបណ្ឌិត និងចៅក្រមស៊ើបសួរ លោក គី ឬទ្ធី បានឃុបឃិតគ្នាប្រព្រឹត្ដអំពើពុករលួយ យកដីពលរដ្ឋខ្មែរប្រគល់ឲ្យសហគមន៍ជនជាតិវៀតណាម និងបានចាប់ខ្លួនពលរដ្ឋពីរនាក់ នៅភូមិរំដេង ស្រុកស្វាយលើ ដាក់ពន្ធនាគារ ធ្វើឡើងខុសនីតិវិធីច្បាប់។
បន្ទាប់មក អយ្យការអមសាលាដំបូងខេត្តសៀមរាប បានចេញសេចក្តីប្រកាសព័ត៌មាន កម្រាស់៥ទំព័រ ចុះថ្ងៃទី១៥ ខែឧសភា ឆ្នាំ២០១៥ ដោយច្រានចោលការចោទប្រកាន់នេះថា ការចាប់ខ្លួនពលរដ្ឋស្រុកស្វាយលើពីរនាក់ ដាក់ពន្ធនាគារ កាលពីខែមករា ឆ្នាំ២០១៥កន្លងមកនោះ ធ្វើឡើងទៅតាមនីតិវិធីច្បាប់ ដោយមិនមានការប្រព្រឹត្តអំពើពុករលួយ ឃុបឃិតគ្នាយកដីពលរដ្ឋខ្មែរ ប្រគល់ឲ្យជនជាតិវៀតណាមនោះឡើយ។
លិខិតបានចាត់ទុកថា ការលើកឡើងរបស់សមាគមការពារសិទ្ធិមនុស្សអាដហុក ក្នុងសន្និសីទសារព័ត៌មាន កាលពីថ្ងៃទី១២ ខែឧសភា ឆ្នាំ២០១៥ របស់លោក នី ចរិយា ប្រធានផ្នែកសិទ្ធិមនុស្ស ជារូបភាពមួយលាបពណ៌គ្នា និងមានចរិតញុះញង់ឲ្យមានការរើសអើសពូជសាសន៍ ដែលធ្វើឲ្យការផ្សព្វផ្សាយព័ត៌មាន មានការយល់ច្រឡំធ្ងន់ធ្ងរទៅលើស្ថាប័នអនុវត្ដច្បាប់។ អយ្យការអម សាលាដំបូងខេត្តសៀមរាប ស្នើយ៉ាងទទូចឲ្យសមាគមន៍អាដហុក ជាពិសេសលោក នី ចរិយា ងាកមកចូលក្នុងគន្លងនៃការអនុវត្ដផ្លូវច្បាប់ ដើម្បីធានាបាននូវការគោរពសិទ្ធិបុគ្គល និងស្នើឲ្យសារព័ត៌មានផ្សេងៗឈប់ចុះផ្សាយតាមការលើកឡើងរបស់សមាគមអាដហុក។
ទោះជាយ៉ាងនេះក្តី នៅថ្ងៃទី២០ ខែឧសភា ឆ្នាំ២០១៥ លោក នី ចរិយា បានដាក់ពាក្យបណ្តឹងប្តឹងលោក សុក កែវបណ្ឌិត លោក គី ឬទ្ធី ទៅកាន់ស្ថាប័នចំនួន៤ គឺឧត្តមប្រឹក្សានៃអង្គចៅក្រម អគ្គព្រះរាជអាជ្ញាអមមហាអយ្យការសាលាឧទ្ធរណ៍ ប្រធានតុលាការកំពូល និងរដ្ឋមន្ត្រីក្រសួងយុត្តិធម៌ ដោយយកករណីដែលលាតត្រដាងក្នុងសន្និសីទកាសែតនាពេលកន្លងមក ជាដើមចមដាក់បន្ទុកដដែល៕
.jpg)
.jpg)
.jpg)
.png)
.jpg)
.jpg)
សម្តេច ជា ស៊ីម បានទទួលមរណៈភាព នៅម៉ោង៣និង៤៥នាទី ថ្ងៃទី៨ ខែឧសភា ឆ្នាំ២០១៥នេះ ក្នុងជន្មាយុ ៨៣ ឆ្នាំ ដោយរោគាពាធនៅគេហដ្ឋាន ឯរាជធានីភ្នំពេញ។...Read more
លោក ឧញ្ញា អ៊ឹង-ម៉េងជឺ ជាថៅកែស៊ីម៉ង់ពេជ្រ ត្រូវបានខ្មាន់កាំភ្លើងបាញ់សម្លាប់នៅមុខហាង ឡោតិចសេងភិភពផ្លែឈើនៅម៉ោងជាង៧យប់ នៅចំណុចបណ្តោយផ្លូវព្រះសីហនុ កែងផ្លូវ២៥០ សង្កាត់ទូលស្វាយព្រៃ២ ខណ...Read more
គេសង្កេតឃើញថា មានបុគ្គលមួយចំនួននៅបំរើការក្នុងក្រសួងសង្គមកិច្ចមានបក្ខពួកនិយម បណ្តាលអោយមានភាពអយុត្តិធម៌លើមន្ត្រីរាជការ ដូច្នេះលោក ចេង ដារ៉ាវុធ (អតីត) ប្រធានស្តីទីនាយកដ...Read more
អ្នកគ្រូបង្រៀនវិទ្យាល័យអាយុ២៤ឆ្នាំម្នាក់ដែលត្រៀមចូលរោងការបានស្លាប់ដោយសាររថយន្តមួយគ្រឿងបានបុកពីក្រោយពេលអ្នកគ្រូកំពុងជិះម៉ូតូតែម្នាក់ឯងនៅលើផ្លូវមួយក្នុងស្រុកបវេលខេត្តបាត់...Read more
ប្រជាជនខ្មែរមួយចំនួនតែងមានជំនឿថា បើថ្ងៃខែឆ្នាំណាគេរកស៊ីមានបានទ្រព្យធនហូរចូល ឡើងបុណ្យឡើងសក្តិ ឡើងប្រាក់ខែ នោះគេតែងនិយាយថា ថ្ងៃខែឆ្នាំនេះរាសីឡើងខ្ពស់ ឬយីអ៊ុនឡើង តែបើគេរកស៊ីខាតបង...Read more
ស្រ្តីម្នាក់ បានមកយំស្រែកប្តឹងភ្នាក់ងារសារព័ត៌មានអគ្គស្នងការនគរបាលជាតិ ប្រចាំខេត្តកំពង់ឆ្នាំង ឲ្យជួយផ្សាយព័ត៌មានរកកូនស្រី ដែលបានបាត់អស់រយៈពេល២០ថ្ងៃហើយ បន្ទាប់ពីយុវជនម្នាក់ នៅក្នុងភូមិជាមួយគ្...Read more
.png)
ហាងកាហ្វេណូគាររបស់វៀតណាមបីកន្លែង ស្ថិតនៅក្នុងក្រុងសៀមរាប រងការចោទថា គៀបសង្កត់ទៅលើកម្មករស្រីខ្មែរដែលបំរើក្នុងរបស់ខ្លួន និងគំរាមសម្លាប់ បើសិនពួកគេទៅធ្វើការកន្លែងផ្សេង ព្រ...Read more
នគរបាល ប្រឆាំងបទល្មើស សេដ្ឋកិច្ច នៃស្នងការនគរបាល ខេត្តសៀមរាប នៅព្រឹកថ្ងៃអាទិត្យនេះ ទី២៩មីនានេះ បានចុះត្រួតពិនិត្យ នូវទីតាំង អាជីវកម្ម ឡនំបុ័ង ១កន្លែង ក្រោយពីរមាន ប្រជាពលរដ្ឋ ជាង៥០០នាក់ បានពុលនោះ។
...Read more
-ចរិតប្ញកពារដូចប្រុស
-ចាត់ចែងក្នុងគ្រប់រឿង
-ប្រកែកយកឈ្នះគ្មានហេតុផល
-ចូលចិត្តប្រើហិង្សា
-ចូលចិត្តយកឈ្នះដោយគ្មានហេតុ
-អួតអាងក្រអឺក ក្រទម
-ចំណាយពេលវេលាឥតមានប្រយោជន៍
-គ្មានការងារធ្វើច្បាស់លាស់
-ម...Read more
គ្រួសារអ្នកលក់ភេជ្ជៈត្រូវជនមិនស្គាល់មុខម្នាក់ជិះម៉ូតូ មកគប់គ្រាប់បែកចូលដល់ក្នុងផ្ទះ ស្ថិតនៅក្នុងភូមិសែនសុខ២ សង្កាត់ឃ្មួញ ខណ្ឌសែនសុខ រាជធានីភ្នំពេញ បានបណ្តាលឲ្យក្មេងម្នាក់ស្...Read more
| ថ្ងៃនេះ | 1305 | នាក់ |
| ម្សិលមិញ | 14000 | នាក់ |
| សប្ដាហ៍នេះ | 33093 | នាក់ |
| ខែនេះ | 39190 | នាក់ |
| ឆ្នាំនេះ | 3109760 | នាក់ |
| សរុប | 52469686 | នាក់ |
| ថ្ងៃទី 08 ខែ 09 ឆ្នាំ 2024 ម៉ោង 10:40 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net