បែកធ្លាយពត៌មាន លោក ប្រាក់ សាំ មេបញ្ជាការវរៈ នគរបាល៨០៧ ទៅបំផ្លាញ សម្ភារៈ សមត្ថកិច្ចថៃ ក្រោយ ទាហានថៃ ឃ

លោក ប្រាក់ សាំ មេបញ្ជាការ វរះនគរបាល ការពារព្រំដែន គោក៨០៧ ប្រចាំស្រុកថ្មពួក ខេត្តបន្ទាយមានជ័យ បានទៅបំផ្លាញ សម្ភារះសមត្ថកិច្ចថៃ ក្រោយទាហានថៃ ឃាត់រថយន្តរបស់ប្រពន្ធពេលចូលដឹកហ្គាស់​ ខាងទឹកដីថៃ ក្នុងស្រុកគោកធ្យូង ខេត្តស្រះកែវ ទល់មុខច្រកតំបន់បឹងត្រកួន ស្រុកថ្មពួក កាលពីវេលាម៉ោង២០និង៣០នាទីថ្ងៃទី២២ ខែមិថុនា ឆ្នាំ២០១៤នេះ។

ប្រភពពត៌មានពី កន្លែងកើតហេតុបាន្យដឹងថា មុនដំបូង ប្រពន្ធលោក ប្រាក់ សាំ មេបញ្ជាការវរះនគរបាលព្រំដែនគោកលេខ៨០៧ បានបើរថយន្តចូលទៅក្នុងដីថៃ គោលបំណងទៅដឹកហ្គាស់ យកមកលក់នៅ ទឹកដីកម្ពុជា ពេលទៅដល់ចំនុចកុងត្រូលបារ៉ាស់ តម្រួតអន្តោប្រវេសន៍ និងទាហានថៃ ត្រូវបានសមត្ថកិច្ចនៅទីនោះហាមឃាត់ និងមិនអនុញ្ញាតិឲ្យរថយន្ត ពលរដ្ឋខ្មែរទាំងអស់ ចូលទៅដឹកហ្គាស់ទេ ព្រោះបទ បញ្ជាថ្នាក់លើ ហាមឃាត់មួយរយះ ភ្លាមនោះត្រូវបាន ប្រពន្ធលោក ប្រាក់ សាម ប្រតិកម្មខឹងសម្បាយ៉ាងខ្លាំង រួចបានទូរសព្ទ័ហៅប្តី(លោក ប្រាក់ សាំ) ទៅជួយអន្តរាគមន៍។

ប្រភពដដែលបានបន្តថា មួយសន្ទុះក្រោយមកគេបានឃើញ លោក ប្រាក់ សាំ ទៅដល់ មិនបានសួររកខុសត្រូវទេ បែបជាមនុស្ស អាងអំណាច ប្រើឥរយាបថ កោងកាច រួចក៏បានប៉ះសម្តីគ្នា មួយប្រាវជាមួយ សមត្ថកិច្ចខាងថៃ ភ្លាមនោះលោក ប្រាក់ សាំ បានយកត្រា និងសម្ភារះ របស់កន្លែងធ្វើការរបស់ថៃ បោកកម្ទេច និងបំផ្លាញ់របស់គេ ធ្វើឲ្យផ្អើលដល់ឯង និងស្ថាប័នផ្សេងៗ ចុះទៅមើល  ហើយខាងមន្ត្រីនៃ ការិយាល័យទំនាក់ទំនងព្រំដែន កម្ពុជា ថៃ ក៏បានទៅជួយអន្តរាគមន៍ ផងដែរ។

ជុំវិញករណីនេះ អ្នក​យក​ព័ត៌មាន​យើង​ ពុំអាចសុំការបំភ្លឺពីលោក ប្រាក់ សាំ បាននៅឡើយទេ ព្រោះពុំមានលេខ​ទូរស័ព្ទសំរាប់​ទំនាក់ទំនង៕