ក្រសួងមហាផ្ទៃ អនុញ្ញាតិឲសហជីពហែក្បួន

លោក ស ខេងរដ្ឋ​មន្រ្តី​ក្រសួង​មហា​ផ្ទៃ​បាន​ចារ​នៅ​លើ​លិខិត​មួយ បញ្ជូនត្រឡប់​​មក​កាន់​សាលា​ក្រុង​ភ្នំពេញ កាល​ពីម្សិល​មិញ ដើម្បី​ចាត់​វិធាន​ការ​បើក​ផ្លូវតាម​សំណើ​របស់​ក្រុម​សហជីពនោះ​គឺ​ការ ជួប​ជុំគ្នា​នៅ​លើ​ទីលាន​ប្រជាធិបតេយ្យ និងដង្ហែក្បួន​ដែលមាន​អ្នក​ចូល​រួម​ប្រមាណ១ម៉ឺន​នាក់​​។

លោក កែប ជុតិមា បាន​បញ្ជាក់​បន្ថែម នៅ​លើ​លិខិត​នោះ​ថា “ ជម្រាប​ទៅ​កាន់​ប្រធាន​បណ្តា​​​សហភាព សហព័ន្ធ និង សហជីពកម្មករ ទាំងអស់​ថា ការ​ប្រារព្ធ​ទិវាពលកម្មអន្តរជាតិ ខួប​លើក​ទី ១២៧ នៅ​ថ្ងៃ​ទី ១ ឧសភា ឆ្នាំ២០១៣ គឺ​សហ​ជីព​កម្មករ អាច​ធ្វើ​ការ​ជួបជុំ នៅ​ទី​លានប្រ​ជាធិបតេយ្យ រួ​ច​​ដង្ហែក្បួន​តាម​ផ្លូវ​លេខ ១០៨ ធ្វើ​ដំណើរ​ត្រង់​បត់​ស្តាំ តាម​តីរវិថី​ព្រះស៊ីសុវត្ថិ ឆ្ពោះ​ទៅ​វិមាន​រដ្ឋសភា ដោយ ឆ្លង​កាត់​រង្វង់​មូល សម្តេច ព្រះសង្ឃរាជ ជួន ណាត ប្រគល់ ញត្តិ រួចរំសាយ ” ។

ក្នុង​ចំណោម​ចំណុច​ទាំង៩ មាន​ក្នុង​ញ្ញាតិ ដែល​គេ​នឹង​បញ្ជូន​ទៅ​កាន់​រដ្ឋសភា​និង​រដ្ឋាភិបាល​នា​ថ្ងែ ពុធ​ស្អែក​នេះ ពិសេស​គឺ​ការ​ទាមទារ ឲ្យ​មាន​ការ​តម្លើង​ប្រាក់​ខែ កម្មករ ក្នុង​កម្រិត អប្បរមា ១៥០ដុល្លារ និង មន្រ្តី​រាជការ ១លានរៀល ៕