លោក ម៉ៅសារ៉េត ប្រើរថយន្តទាហ៊ានដឹកឈើអត់ច្បាប់ឆ្លងខេត្តគ្មានខ្លាចអ្វីទាំងអស់

កាលពីយប់ថ្ងៃទី ០៤ ខែឧសភា ឆ្នាំ២០១៨ វេលាម៉ោង ០២និង១០នាទី មានរថយន្ដដឹកឈើអត់​ច្បាប់​​ចំនួន ០២គ្រឿង៖ ទី០១-ម៉ាក វីហ្គោ ពណ៌ត្រេអ៊ី ពាក់ស្លាកលេខ (ខេមរភូមិន្ទ 5429) និង​ទី០២-ម៉ាក តាកូម៉ា ពណ៌ស ដែលត្រូវ​បាន​គឹ​ស្គាល់ថៅកែ​ឈ្មោះ ម៉ៅ សារ៉េត នៅ​ស្រុក​ត្រ​ពាំង​ប្រា​សាទ​ ខេត្តឧត្ដរមានជ័យ។

សកម្មភាពដឹកជញ្ជូនផលអនុផលព្រៃឈើអត់ច្បាប់​ខាងលើ​នេះ ចេញពីស្រុកត្រពាំងប្រាសាទ ឆ្លងកាត់ស្រុកអន្លង់វែង ខេត្តឧត្ដរមានជ័យ ឆ្ពោះទៅខេត្តបន្ទាយមានជ័យ និងខេត្តនានា។

សូមបញ្ជាក់ផងដែរថា កន្លងមកមេឈ្មួញដុះស្លែឈ្មោះ ម៉ៅ សារ៉េត និង​ភរិយា គឺ​តែង​តែ​ធ្វើ​សកម្ម​ភាព​រកស៊ី​ដឹកជញ្ជូនឈើ​តាម​រថយន្ដសាំងយ៉ុងជាច្រើន​គ្រឿង​ស្ទើរជារៀងរាល់ថ្ងៃ រាប់​ឆ្នាំ​មក​ហើយ​រហូតមកដល់ក្នុងពេលបច្ចុប្បន្ននេះ តែមិនដែលឃើញមានសមត្ថកិច្ច និង​មន្ត្រី​ជំ​នាញ​ណា​ធ្វើ​ការចុះ​បង្ក្រាបឡើយ បណ្ដោយអោយមេឈ្មួញពីរនាក់ប្ដីប្រពន្ធនេះនៅតែបន្ត ធ្វើ​ការ​រក​ស៊ី​ដឹក​ជញ្ជូន​ទៅបានយ៉ាងរលូន។

ក្នុង​នាម​យើង​ជាពលរដ្ឋខ្មែរ សូមអំពាវនាវដល់ លោកអភិបាលខេត្តឧត្ដរមានជ័យ ឯកឧត្ដម ស ថាវី ព្រមទាំងសមត្ថកិច្ច និងមន្ត្រីជំនាញដែលពាក់ព័ន្ធទាំងអស់ សូម​មេត្តា​ជួយ​បង្ក្រាប​និង​ទប់​ស្កាត់​ផងទាន បើនៅតែបណ្ដោយយ៉ាងនេះតទៅទៀត ព្រៃឈើច្បាស់ជារងនូវការកាប់​បំផ្លាញ ដឹក​ជញ្ជូន​អាណាធិបតេយ្យ​គ្មាន​ច្បាប់​ទំលាប់ រលាយហិនហោចខ្ទេចខ្ទីជាមិនខានឡើយ៕ សហការី