ករណីវាយទូរ ATMនៅក្នុង ផ្សារទំនើបឡាក់គីម៉ល យកលុយរាប់ម៉ឺនដុល្លាប៉ូលិសឃាត់ខ្លួនសន្តិសុខ២នាក់ សួរនាំ

ខេត្តសៀមរាប៖ ទូរដកលុយរបស់ធនាគារចំនួន២របស់ធនាគារកាណាឌីយ៉ានិងធនាគារANZ Royal ដែលដាក់នៅក្នុងផ្សារទំនើបឡាក់គីម៉លត្រូវបានគេវាយកំទេចយកលុយអស់រាប់ម៉ឺនដុល្លា បច្ចុប្បន្នសមត្ថកិច្ចធ្វើការឃាត់ខ្លួនសន្តិសុខចំនួន២នាក់យកទៅសួរនាំ។

      ហេតុការវាយទូរ ដកលុយរបស់ធនាគារATMចំនួន២កាលពីយប់រំលងអធ្រាតឈានចូលថ្ងៃទី២២ខែមិថុនាឆ្នាំ២០១៥ស្ថិតនៅចំនុចក្នុងផ្សារទំនើប​ឡាក់គីម៉ល ក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។

        ប្រភពពីកន្លែងកើតហេតុបានឲ្យដឹងថា នៅវេលាម៉ោងប្រមាណជា១យប់ឈានចូលថ្ងៃទី២២ខែមិថុនា មានករណីផ្អើលឆោឡោថា ការវាយបំបែកទូរATMនៅក្នុងផ្សារឡាក់គីម៉ល​យកលុយអស់ជាច្រើន ហើយបន្ទាប់មកក៏ឃើញមានកម្លាំងសមត្ថកិច្ចចំរុះចុះមកត្រួតពិនិត្យនៅកន្លែងកើតហេតុនិងឃាត់ខ្លួនអ្នកយាមនៅផ្សារនោះចំនួន២នាក់ជាសន្តិសុខរបស់ផ្សារឡាក់គីនេះដើម្បីយកទៅសួរនាំនៅស្នងការដ្ឋាននគរបាលខេត្តតែម្តង។ បច្ចុប្បន្នកម្លាំងការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តសៀមរាបកពុងតែចំណាត់តាមនីតិវិធីដោយមិនទាន់ដឹងពីចំនួនលុយដែលបានបាត់និងកពុងតែវែកមុខរកជនដៃដល់មកដាក់ទោសទៅតាមផ្លូវច្បាប់ ៕

លោក ព្រិន្ទបាលទោ ខេង ខេមរា