លោក ទា-គឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប ផឹកស៊ីស្រវឹងធ្លាក់ភ្នែក បើករថយន្ត រេពេញផ្លូវដូចពស់វែកវង្វេងព្រៃ ជ្រុលទៅបុកស្រ្តីម្នាក់បណ្តាលឱ្យរងរបួសជាទម្ងន់ រួចបើកឡានទាំងបែកកង់រតគេច(ស្មានថាជនរងគ្រោះស្លាប់) រហូតដល់ស្តុបកោះកេរ្តិ៍ ទៅមុខលែងរួច ទើបប៉ូលីសព័ទ្ធចាប់បាន ធ្វើឲ្យមានការភ្ញាក់ផ្អើលដល់ប្រជាពលរដ្ឋដែល កំពុងធ្វើដំណើរតាមដងផ្លូវស្មានថា ប៉ូលីសដេញចាប់ចោរប្លន់។
រឿងរាវដ៏កម្រហើយសែនរន្ធត់នេះបានកើតឡើងកាលពីវេលា ម៉ោង ៣និង៤០នាទី ថ្ងៃទី២៣ ខែមីនា ឆ្នាំ ២០១៤ ស្ថិតនៅចំនុចភ្លើងស្តុបខាងលិចស្តាតចាស់ឈៀងខាងជើងសារមន្ទីរជាតិអង្គរ ស្ថិតនៅក្នុង ភូមិ ស្វាយដង្គំ សង្កាត់ ស្វាយដង្គំ ក្រុងសៀមរាប។
បើយោងតាមប្រភពពីកន្លែងកើតហេតុបានឲ្យដឹងថា មុនដំបូងពួកគេឃើញរថយន្តម៉ាកឡង់រ៉ូវែ (RANGE ROVER) ពណ៌ខ្មៅ ពាក់ស្លាកលេខ ភ្នំពេញ 2Y-1112 បើកបរក្នុងល្បឿនលឿនដូចឡានប្រណាំងរេពេញផ្លូវពីលិចមកកើត ហើយរេចង្កូតទៅបុក ជាមួយម៉ូតូមួយគ្រឿងម៉ាកវ៉េវ ពណ៌ក្រហមលាយខ្មៅ ពាក់ស្លាកលេខ បន្ទាយមានជ័យ 1A-0883 ធ្វើដំណើរពីកើត មកលិចបញ្ច្រាសទិសដៅគ្នា បណ្តាលឱ្យស្រ្តីម្នាក់រងរបួសជាទម្ងន់សន្លប់ស្តូកស្តឹង ហើយបានបងប្អូនបញ្ជូនយក ទៅគ្លីនិកឯកជនដើម្បីជួយសង្គ្រោះ បន្ទាន់។
ប្រភពដដែលបានបន្តថា ស្រ្តីរងគ្រោះដែលត្រូវរថយន្តមេព្រៃបុកអោយរបួសធ្ងន់សន្លប់បាត់ស្មារតីនោះមានឈ្មោះ ហៃ-ហន អាយុ២៤ឆ្នាំ រស់នៅភូមិគោកស្នួល ឃុំពួក ស្រុកពួក ខេត្តសៀមរាប ជាបុគ្គលិកសណ្ឋាគារមួយកន្លែងនៅក្នុងក្រុងសៀមរាប។
មន្ត្រីរដ្ឋបាលព្រៃឈើមួយរូបសុំមិនបញ្ចេញឈ្មោះ លូចប្រាប់អ្នកកាសែតថា លោក ទា-គឹមសុទ្ធ តែងតែមានកម្មវិធីស្ទើររាល់ថ្ងៃ គ្មានថ្ងៃទំនេរម្តងណាឡើយ។ ដោយសារតែចំណូលលុយច្រើនពីបទល្មើសផ្សេងៗក្នុងខេត្ត ពិសេសមានមិត្តភ័គ្រច្រើនសុទ្ធតែជាប្រធានក្រុមហ៊ុនដឹកឈើខុសច្បាប់មានដូចជា ក្រុមហ៊ុនសុខសំណាង ក្រុមហ៊ុនសំរោងរ័បប័រ និងក្រុមហ៊ុនក្រញូង បេង ធ្នង់ គគី សុក្រំ ឈើលេខ២ជាដើម ច្រើនណាស់រាប់មិនអស់ទេ……។ល។
លោកមន្ត្រីរដ្ឋបាលព្រៃឈើដដែលខាងលើបានបន្តថា ដូច្នេះហើយបានជាមេមានកម្មវិធីផឹកស៊ីមិនចេះចប់ ហើយសូម្បីតែមានរឿងប៉ុណ្នឹងហើយនូវតែលោកនាយខ័ណ្ឌ មិនខ្លាច ព្រោះគាត់មានមន្ត្រីប៉េអឹមមួយចំនួនចាំជួយគាត់ ហើយខ្លាំងជាងនេះទៅទៀតលោក ទា-គឹមសុទ្ធ បានបញ្ចូនបេសកជនពិសេសរបស់លោកឈ្មោះ ម៉ែន-វុធី្ធ ហៅ ធីឡយ ដែលជាជំនួយការផ្ទាល់របស់លោក ទា-គឹមសុទ្ធ និងជាអ្នកប្រមូលលុយសេដ្ឋកិច្ចពីបទល្មើសព្រៃឈើកំបាំងមុខនានាក្នុងខេត្តសៀមរាប និងជាអ្នកដោះស្រាយកម្មវិធីគ្រោះថ្នាក់ចរាចរណ៍ទៀតផង។ ហើយលោក ម៉ែន-វុធ្ធី ហៅ ធីឡយ ក៏ធ្លាប់បាន គំរាមប្តឹងអ្នកកាសែតជាច្រើនដង ច្រើននាក់រួចមកហើយ។ បើអ្នកកាសែត ណាហ៊ានចុះរឿងអាស្រូវគេរពីគាត់ និងមេរបស់គាត់ គឺគាត់នឹងគំរាមប្តឹងភ្លាម។
បើតាមសម្តីលោក វិរៈសេនីយ៍ត្រី ឡែម សុវណ្ណ នាយរងការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្ត បានប្រាប់ថា ពាក់ព័ន្ធ និងគ្រោះថ្នាក់ចរាចរណ៍ខាងលើនេះ មន្ត្រីរបស់លោកបាន យករថយន្តអ្នកបង្ករហេតុ និងម៉ូតូជនរងគ្រោះមករក្សានៅគោលដៅស្ពានថ្មរួចហើយដើម្បីដោះស្រាយទៅតាមផ្លូវច្បាប់។
សូមបញ្ជាក់ថា ហេតុការណ៍គ្រោះថ្នាក់ចរាចរណ៍ខាងលើនេះមានការភ្ញាក់ផ្អើលពេញក្រុមសៀមរាប បណ្តាលអោយពលរដ្ឋរងចាំមើលថាតើច្បាប់ចាត់ការយ៉ាងណាទៅលើអ្នកមានលុយមានអំណាចដូចជាលោក ទា-គឹមសុទ្ធនាយខណ្ឌរដ្ឋបាលព្រៃឈើខាងលើនេះ។
អ្នកយកព័ត៌មានយើងពុំអាចសុំការបំភ្លឺពីលោក ទា-គឹមសុទ្ធបានទេនៅរសៀលថ្ងៃទី២៤នេះ ព្រោះទូរស័ព្ទមិនចូល៕
.jpg)
.jpg)
.jpg)
.png)
.jpg)
.jpg)
លោក ឡុងស៊ីថា ព្រះរាជអាជ្ញារងខេត្តព្រះវិហារ ត្រូវបានគេសង្កេតឃើញថា ធ្វើការដោយគ្មានភាពទទួលខុសត្រូវបាយបិណ្ឌជាបាយបាទដូចក្មេងបៀបដៃ អនុវត្តន៍ការងារក្នុងតុលាការឆ្លើយដាក់គ្នាទៅវិញទៅមក ម...Read more
លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាកម្លាំងក្នុងការិយាល័យរបស់លោកដោយមានការសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ អំពិល ក្រុងសៀមរាប...Read more
អាជ្ញាធរក្រុង ហែរហមអមដោយសមត្ថកិច្ចចំរុះ និងដឹកនាំដោយលោក សោម សម្បត្តិ អភិបាលរងក្រុងទទួលបន្ទុកផ្នែកសណ្តាប់ធ្នាប់ និងចូលរួមដោយកញ្ញា ទីវ គឹមកល្យាណ ព្រះរាជអាជ្ញារងសាលាដំបូងខេត្ត...Read more
សូមសម្តេចតេជោហ៊ុនសែននាយករដ្ឋមន្រ្តីជាទីគោរពដ៏ខ្ពង់ខ្ពស់! មេត្តាផ្ដល់យុត្តិធម៌អំពីការដកតួនាទីនិងតវ៉ាលុបឈ្មោះពីមន្ត្រីរាជការរបស់ក្រសួងសង្គមកិច្ច
...Read more
បែកធ្លាយរឿងអាស្រូវស្អុយបញ្ច្រាស់ខ្សល់មួយ ពីមន្ត្រីសាលាខេត្តថា អង្គភាពប្រឆាំងអំពើពុករលួយដែលមានលោក ឱម យិនទៀង ជាប្រធាន បានចេញលិខិតព្រមានប្រធានសាខាពន្ធដារនៅខេត្តបន្ទាយមានជ័យជាលើកទី២ ឲ្យបញ្ឈប់កា...Read more
ប្រធានមន្ទីរទេសចរណ៍ខេត្តបន្ទាយមានជ័យ លោក ជុង ឡឹម បានរងការអាមាសយ៉ាងខ្លាំង ក្នុង កិច្ចប្រជុំមួយ ត្រូវបានលោក គោស៊ុំ សារឿត អភិបាលខេត្តព្រមានពីរឿងអសកម្មមួយចំនួននៅក្នុងមន្ទីរ ក្រៅពីនេះក...Read more
តាំងពីយម់ថ្ងៃ១៧ឈានចូលទី១៨ ខែវិច្ឆការ ឆ្នាំ២០១៤ ដែលអគ្គីភ័យបានឆាបឆេះក្លឹបកម្សាន្ត ហ៊ីបហប់ រហូតមកដល់ព្រឹកថ្ងៃទី១៩នេះ ក្រុមប្រជាពលរដ្ឋនៅខេត្តសៀមរាប នៅតែមានការមន្ទិលសង្ស័យថា ម...Read more
មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
កីឡាករ-កីឡាការិនីជាតិ និងអន្តរជាតិចំនួន១៨រូប មកពី៩ប្រទេស ដែលត្រូវចូលរួមប្រកួតក្នុងព្រឹត្តិការណ៍ប្រដាល់ក្នុងទ្រង់ទ្រាយជាលក្ខណៈអន្តរជាតិ One FC: Rise of the Kingdom បានថ្លឹងទម្ងន់...Read more
នៅល្ងាចម៉ោង៦:២៦នាទីថ្ងៃទី១១ខែមេសាឆ្នាំ២០១៦ នេះលោកឈាងវុនបានខលទូរស័ព្ទមកលោក ផ្លុងរ៉េត ចាងហ្វាងសារព័រមានកម្ពុជាសុវណ្ណភូមិសុំអោយបកស្រាយរឿងជីវប្រវត្តិសង្ខេបដែលចោទថា លោកជាចោរលួចឡាន ដែលលោកបានសរសេរបកស្រាយនៅលើ...Read more
| ថ្ងៃនេះ | 1113 | នាក់ |
| ម្សិលមិញ | 25188 | នាក់ |
| សប្ដាហ៍នេះ | 70704 | នាក់ |
| ខែនេះ | 177782 | នាក់ |
| ឆ្នាំនេះ | 2635685 | នាក់ |
| សរុប | 51995611 | នាក់ |
| ថ្ងៃទី 19 ខែ 05 ឆ្នាំ 2024 ម៉ោង 06:56 |
Copyright © 2024 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net