ក្រុមប្រឹក្សាសារព័ត៌មានកម្ពុជាដឹកនាំអ្នកកាសែត១រយ​នាក់ ​ទៅ​បង្ហាញ​បទ​ពិសោធ​នៅ​ប្រទេស​ថៃ

ក្រុមប្រឹក្សាសារព័ត៌មានកម្ពុជា ដែលមានសមាគមជាច្រើនបានចូលរួមនោះ នឹងត្រូវ ដឹកនាំអ្នកកាសែតចំនួន ១០០ នាក់ ទៅចូលរួមក្នុងកិច្ចប្រជុំ  មួយនៅប្រទេសថៃនាថ្ងៃទី២០ ខែកក្កដា ឆ្នាំ២០១២ ខាងមុខ នេះ ។

ទាក់ទងទៅនឹងកិច្ចប្រជុំនៅប្រទេសថៃ ដែលរៀបចំឡើង  ដោយសហព័ន្ធបណ្តាញផ្សព្វផ្សាយសាអ៊ាន ត្រូវបានលោក  សុខ សុវណ្ណ ប្រធានក្រុមប្រឹក្សា  សារព័ត៌មានកម្ពុជា បានមាន ប្រសាសន៍កាលពីព្រឹកថ្ងៃទី១៦  ខែកក្កដាថា កិច្ចប្រជុំនេះមាន  សារសំខាន់ណាស់បន្ទាប់ពីយើងបានបង្កើតសហព័ន្ធ បណ្តាញផ្សព្វផ្សាយអាស៊ានអស់រយៈពេលជាងពីរឆ្នាំកន្លងមកនេះ។

លោក សុខ សុវណ្ណ បានមាន ប្រសាសន៍បន្តទៀតថាការប្រជុំ នៅលើកនេះ នឹងមានការចូលរួមពីសមាគមវិទ្យុនៅប្រទេសថៃ ដែលពួកគេនឹងធ្វើការផ្សាយបន្តផ្ទាល់ពីក្នុងកិច្ចប្រជុំនេះនៅទូទាំងប្រទេសថៃផងដែរ ។

លោក សុខ សុវណ្ណ ប្រធាន ក្រុមប្រឹក្សាសារព័ត៌មានកម្ពុជាបានរំលឹកឱ្យដឹងថា ការបង្កើតសហព័ន្ធបណ្តាញផ្សព្វផ្សាយអាស៊ាននេះកាលពីដំបូងគឺផ្តើម ចេញពីអ្នកកាសែតកម្ពុជា និង ថៃប៉ុណ្ណោះ ។

លោកបន្តថានៅពេលនោះទៀតសោត ប្រទេសកម្ពុជានិងប្រទេសថៃកំពុងមានជម្លោះក្តៅលើបញ្ហាព្រំដែន ដែលធ្វើឱ្យការបង្កើត សហព័ន្ធបណ្តាញផ្សព្វផ្សាយអាស៊ាន បានផ្តោត យ៉ាងសំខាន់ទៅលើការកសាងសន្តិភាពរវាងប្រទេសទាំងពីរផងដែរ ។

លោក សុខ សុវណ្ណ បានបញ្ជាក់ថាសហព័ន្ធបណ្តាញផ្សព្វផ្សាយអាស៊ានមកដល់ពេលនេះ មានប្រទេសមីយ៉ាន់ម៉ា(ភូមា) ចូលរួម មួយទៀត ។ ចំណែកប្រទេសឡាវក៏មានការចូលរួមដែរតែគ្រាន់ជាតំណាងធម្មតាប៉ុណ្ណោះ ។

សម្រាប់ប្រទេសវៀតណាមវិញ ត្រូវបានលោក សុខ សុវណ្ណ ប្រាប់ឱ្យដឹងថាសហព័ន្ធបណ្តាញផ្សព្វផ្សាយអាស៊ានបានធ្វើលិខិតមួយ ច្បាប់ ដើម្បីឱ្យមានការចូលរួមហើយ តែមិនទាន់មានការឆ្លើយតបនៅឡើយទេ ។

លោកបានបញ្ជាក់ថា អ្នកកាសែតខ្មែរនឹងបង្ហាញបទពិសោធវិជ្ជាជីវៈរបស់ខ្លួន ក្នុងកិច្ចប្រជុំរយៈពេល២ថ្ងៃនោះ គឺ នៅថ្ងៃទី ២១ និង២២ កក្កដា ឆ្នាំ២០១២ ។

ក្នុងនោះលោក សុខ សុវណ្ណ  បានឱ្យដឹងថាយើងបានអញ្ជើញ លោករដ្ឋមន្ត្រីក្រសួងព័ត៌មាន ដើម្បីចូលរួមក្នុងកិច្ចប្រជុំនេះដែរ ។ ហើយ ប្រសិនបើលោករដ្ឋមន្ត្រីមិនបានអញ្ជើញទៅវិញ  ក៏ត្រូវតែមានមន្ត្រីតំណាងក្រសួងព័ត៌មានអញ្ជើញទៅចូលរួមដែរ ។

លោក កង ចាន់ចំរ៉ុង ប្រធានរដ្ឋបាលសហព័ន្ធបណ្តាញផ្សព្វផ្សាយអាស៊ានប្រចាំប្រទេសកម្ពុជាបានមានប្រសាសន៍ថា  អ្នកដែលត្រូវ ចូលរួមក្នុងកិច្ចប្រជុំនោះរួមមានគ្រប់សមាគម អ្នកសារព័ត៌មាន ដែលស្ថិតក្នុងជួរគណៈកម្មការ UMA និងមាន វិទ្យុអាស៊ីអាគ្នេយ៍ វិទ្យុបាយ័ន  វិទ្យុមណ្ឌលព័ត៌មានស្ត្រីកម្ពុជា  កាសែតកោះសន្តិភាព កាសែត កម្ពុជាថ្មី កាសែតរស្មីកម្ពុជា  កាសែតនគរវត្ត អប្សរាណេត  ប៉ុស្តិ៍លេខ ១១ ទូរទស្សន៍ប៉ុស្តិ៍ លេខ ៩  កម្មវិធីបច្ចុប្បន្នភាព  ទូរទស្សន៍ហង្សមាស និងអ្នកសារព័ត៌មានមួយចំនួន រួមទាំងទីប្រឹក្សាជំនួយការ UMA សរុប ចំនួន ១០០នាក់ ។

លោក សុខ សុវណ្ណ ប្រធាន ក្រុមប្រឹក្សាសារព័ត៌មានបានអះ អាងថា ការប្រជុំលើកនេះពិត  ជាទទួលបាននូវលទ្ធផលល្អប្រ- សើរសម្រាប់អ្នកកាសែតដែល ស្ថិតនៅក្នុងសហព័ន្ធបណ្តាញ ផ្សព្វផ្សាយអាស៊ាន ៕