លោកជំទាវ លី អ៊ំអេង អំពាវនាវសូមអោយសម្តេច ហ៊ុនសែន ជួយអន្តរាគមន៍ រឿងអាជ្ញាធរអប្សរា​ធ្វើទុកបុកម្នេញគាត់ខ្លាំងណាស់ពេក

លោកជំទាវ លី អ៊ំអេង បានធ្វើសន្និសិតកាសែត នៅព្រឹកថ្ងៃទី០៧ ខែវិច្ឆកា ឆ្នាំ២០១៧ ស្ថិតនៅក្នុងភូមិចុង​កៅស៊ូ សង្កាត់ស្លក្រាម ក្រុងសៀមរាប (ខាង​ត្បូង​ថ្នល់នៃ​ផ្លូវ៦០ម៉ែត្រ ខាង​លិច​សាលា​ខេត្តសៀមរាប​ថ្មីប្រ​ហែល​២០០​ម៉ែត្រ) សុំអំពាវនាយអោយសម្តេច ហ៊ុន សែន ជួយអន្តរាគមន៍ រឿងអាជ្ញាធរអប្សរាធ្វើទុក្ខបុកម្នេញគាត់ខ្លាំពេក ដោយយកបង្គោលក្រាក់មកបោះបិទផ្លូវចូលដីរបស់គាត់ដែលកំពុងចាក់ដីសំរាប់ធ្វើផ្សារាត្រី ដោយយកលេសថា មិនអោយដឹកដីចាក់ ព្រោះខ្លាចខូចផ្លូវរបស់រដ្ឋ បើទោះជាលោកជំទាវ លី អ៊ំអេង មានប្លង់រឹង មានឯកសារជាច្រើន ហើយមានចំណាររាប់មិនអស់ពីក្រសួង និង​ពីសាលាខេត្តសៀមរាប ​អនុញ្ញាតិអោយដឹកដីចាក់ដើម្បីធ្វើផ្សារ ទៅតាមប្លង់និងគំរោងស្របច្បាប់ក៏ដោយ ក៏ក្រុមអាជ្ញាធរអប្សរា ហាក់អត់ខ្វល់ខ្វាយអ្វីទាំងអស់ គឺប្រើតែអំណាចរបស់ខ្លួន ហើយពោលពាក្យដដែលៗថា ច្បាប់របស់អាជ្ញាធរអប្សរាៗៗៗៗៗៗៗៗ។

ពលរដ្ឋនៅខេត្តសៀមរាប ហាក់មានការ​ឈឺចាប់ខ្លាំងណាស់ជាមួយអាជ្ញាធរអប្សរា ដែលតែងតែរារាំងឃាំងដំណើរក្នុងការសាងសង រស់នៅ និង​បញ្ហាប្រឈមជាច្រើនករណីទៀត ដែលជាទង្វើគ្មានមនោសញ្ចេតនា ដែល​ជាហេតុធ្វើអោយសំលេងឆ្នោតរបស់ គណបក្សប្រជាជនកម្ពុជា ដាំក្បាលចុះលឿងជាងគ្រាប់បរិមាណូរបស់អាមេរីកកាំងទៅទៀត។ សូមចុចមើលវីដេអូខាង​ក្រោមនេះ ដើម្បីស្តាប់ប្រសាសន៍របស់លោក ជំទាវ លី អ៊ំអេង ដែល​រៀបរាប់ និង​ធ្វើការបង្ហាញឯកសារជាច្រើន ដែលច្បាប់បានកំណត់ តែខាងអាជ្ញាធរអប្សរាមិន​អនុវត្តតាម៕ ដោយ ផ្លុងរ៉េត