លោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរីប្រែក្លាយជញ្ជីងថ្លឹងរថយន្តទៅជាជញ្ជីងថ្លឹងលុយតាមរបៀបពុករលួយ

13/06/2021

ប្រភពពីក្រុមឈ្មួញនិងអាជីវករដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្តកូនដំរី ផ្លូវជាតិលេខ៥ ភូមិកូនដំរី សង្កាត់និមិត្ត បានឲ្យដឹងថាទោះបីពួកគេផ្ទុកមិនលើសទម្ងន់ក៏ត្រូវបង់លុយតាមការកំណត់របស់លោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរី ដែរ។ ចំណែកម្ចាស់រថយន្តធំៗដឹកថ្មដឹកខ្សាច់ដឹកក្រួស ផ្ទុកលើសទម្ងន់ពីខេត្តពោធិ៍សាត់ អាចបើកបរកាត់មុខស្ថានីយ៍ជញ្ជីងថ្លឹងរថយន្តកូនដំរីទៅដល់ក្រុងប៉ោយប៉ែត យ៉ាងរលូនដោយមិនចាំបាច់ចូលថ្លឹងឡើយ ឲ្យតែម្ចាស់រថយន្តបង់លុយតាមការកំណត់។ ហេតុនេះលោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនព្រមទាំងលោក សេង ឈួន មេជញ្ជីងថ្លឹងរថយន្តទូទាំងប្រទេស មិនគួរបណ្តែតបណ្តោយតទៅទៀតទេព្រោះលោក សុក ចាន់ថា ប្រធានមន្ទីរសាធារណការខេត្តបន្ទាយមានជ័យ កំពុងបើកដៃឲ្យលោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរី ធ្វើអ្វីៗតាមអំពើចិត្ត។

ប្រភពពីក្រុមឈ្មួញនិងអាជីវករដឹកជញ្ជូនទំនិញឆ្លងកាត់ស្ថានីយ៍ជញ្ជីងថ្លឹងរថយន្តកូនដំរី ផ្លូវជាតិលេខ៥ ភូមិកូនដំរី សង្កាត់និមិត្ត ក្រុងប៉ោយប៉ែត បានឲ្យដឹងថា បច្ចុប្បន្នលោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរី នៅតែប្រែក្លាយជញ្ជីងថ្លឹងរថយន្តទៅជាជញ្ជីងថ្លឹងលុយយ៉ាងរលូនដដែល។ ប្រភពពីមន្រ្តីរាជការនៅក្នុងមន្ទីរសាធារណការនិងដឹកជញ្ជូនខេត្តបន្ទាយមានជ័យ បានបង្ហើបឲ្យដឹងថាបើគ្មានការបើកដៃពីសំណាក់លោក សុក ចាន់ថា ប្រធានមន្ទីរសាធារណការខេត្តបន្ទាយមានជ័យ ទេនោះគឺលោក គង់ ប៊ុនលឿត មិនហ៊ានធ្វើអ្វីៗតាមអំពើចិត្តរបស់ខ្លួននោះទេ។ ដូច្នេះលោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូន ក៏ដូចជាលោក សេង ឈួន មេជញ្ជីងថ្លឹងរថយន្តទូទាំងប្រទេសគួរពិនិត្យឡើងវិញខ្លះផង។

ថ្មីៗនេះទង្វើមិនប្រក្រតីនិងអំពើពុករលួយរបស់លោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរី ត្រូវបានលាតត្រដាងជាសាធារណៈក្រោយពេលម្ចាស់រថយន្តដឹកទំនិញបិទផ្លូវជាតិលេខ៥ តវ៉ារឿងជញ្ជីងថ្លឹងរថយន្តមានភាពមិនប្រក្រតី។ ហេតុនេះអំពើពុករលួយរបស់លោក គង់ ប៊ុនលឿត ប្រធានស្ថានីយ៍ជញ្ជីងថ្លឹងរថយន្តកូនដំរី ផ្លូវជាតិលេខ៥ មិនអាចបិទបាំងបានឡើយ ព្រោះក្រុមអាជីវករម្ចាស់រថយន្តដឹកទំនិញបានលាតត្រដាងរួចទៅហើយ។ ទន្ទឹមនឹងនេះមានការរិះគន់ចំៗថា ក្រោយពេលលោក សុក ចាន់ថា ទទួលបានតំណែងជាប្រធានមន្ទីរសាធារណការខេត្តបន្ទាយមានជ័យ ជំនួសលោក គឹម សុវណ្ណ រួចមកគឺលោក សុក ចាន់ថា ប្រើតំណែងនិងតួនាទីដើម្បីប្រមូលលុយមិនចាញ់លោក គឹម សុវណ្ណ នោះទេ។មានត

ប្រភព៖ ខ្មែរ អនឡាញ