សូមរាយការណ៍ជូនថ្នាក់ដឹកនាំក្នុងខេត្តសៀមរាប (វគ្គទី២)

សូមរាយការណ៍ជូនថ្នាក់ដឹកនាំក្នុងខេត្តសៀមរាប (វគ្គទី២)៖ ត្រពាំងហែរផ្កាស្ថិតក្នុង ភូមិបុស្ស​ក្រឡាញ់ សង្កាត់ជ្រាវ ក្រុងសៀមរាប ស្ថិតនៅ​ចំណុចខាងកើតមាត់ត្រពាំង មានគេធ្វើរបង ដាក់លូ ចាក់ដីហុំព័ទ្ធយកមាត់ត្រពាំងធ្វើជាកម្មសិទ្ធិ។

បើយោងតាមសម្តីរបស់លោក ក្អោប រ៉ន ចៅសង្កាត់ជ្រាវ ធ្លាប់បានប្រាប់ កាសែតកម្ពុជាសុវណ្ណភូមិថា ខាងបុរាណដ្ឋានគេកំណត់​ដីចំណីមាត់ត្រពាំងត្រូវទុក ៥០ ម៉ែត្រ វាស់ចេញពីមាត់ត្រពាំង តែឥឡូវនេះគេធ្វើរបងព័ទ្ធយកដីជិតដល់មាត់ត្រពាំងតែម្ដង។

អាស្រ័យដូចបានជំរាបជូនខាងលើ សូមអាជ្ញាធរគ្រប់ជាន់ថ្នាក់ និងមន្ទីរពាក់ព័ន្ធទាំងអស់ជួយចុះត្រួតពិនិត្យ និងចាត់ចែងតាមវិធានការច្បាប់ផង ជៀសវាអ្នកផ្សេងធ្វើត្រាប់តាម ហើយវាអាចបណ្តាលឱ្យបាត់បង់ផលប្រយោជន៍សាធារណៈ ម្យ៉ាងវិញទៀតសូមជំនាញ និងស្ថាប័នមានសមត្ថកិច្ចគ្រប់ជាន់ថ្នាក់ មេត្តាជួយត្រួតពិនិត្យ “វិញ្ញាបនបត្រសម្គាល់ម្ចាស់អចលនវត្ថុ“ ដែលមានក្បាលដីលេខៈ 2233 ព្រោះមិនដឹងថាពិត ឬក្លែងក្លាយទេ? ដោយមានបុគ្គលដែលខ្ញុំពុំដែលស្គាល់មានអាខោនហ្វេសប៊ុគឈ្មោះ សុវណ្ណភូមិ បានបង្ហោះចូលក្នុងខមមិនរបស់ខ្ញុំ ថែមទាំងគម្រាមប្តឹងខ្ញុំបាទ បើខ្ញុំមិនលុបសេចក្តីរាយការណ៍កាលពីរវគ្គទី១ចេញពីបណ្តាញសង្គម។

ក្រមព្រហ្មទណ្ឌ មាត្រា.- ៦២៩ បទក្លែងបន្លំឯកសារសាធារណៈ

          ការក្លែងបន្លំប្រព្រឹត្តនៅក្នុងលិខិតយថាភូត ឬ ការក្លែងបន្លំប្រព្រឹត្តនៅក្នុងឯក​សារ​ដែលចេញឱ្យដោយរាជការសាធារណៈ ដើម្បីធ្វើការកត់សម្គាល់សិទ្ធិ អត្តសញ្ញាណឬ ឋានៈ ឬ ដើម្បីយល់ព្រមផ្តល់ការអនុញ្ញាត ត្រូវផ្តន្ទាទោសដាក់ពន្ធនាគារពី ៥ (ប្រាំ) ឆ្នាំទៅ ១០ (ដប់) ឆ្នាំ។

• រម្លឹកប្រសាសន៍បញ្ជា របស់សម្តេច ហ៊ុន សែនៈ
  • ចំពោះប័ណ្ណកម្មសិទ្ធិដីធ្លីទាំងឡាយណាដែលចេញពីអំពើទុច្ចរិត គឺត្រូវធ្វើ

មោឃភាពចោល។

• រម្លឹលប្រសាសន៍ផ្តាំផ្ញើ  របស់ឯកឧត្តម  ឆាន់ សាផាន រដ្ឋលេខាធិការក្រសួងរៀប​ចំ​ដែនដីនគររូបនីយកម្ម ដល់ប្រធានមន្ទីរទាំងអស់ថាៈ

• ឯកសារប័ណ្ណកាន់កាប់ដីធ្លីអត់មានអាជ្ញាយុកាលនោះទេ។

• ករណីប្រធានមន្ទីរដែនដីរូបណា ចុះហត្ថលេខេលើឯកសារដីធ្លីខុសប្រក្រតី​ ហើយតុលាការរកឃើញ ប្រធានមន្ទីរដែនដីរូបនោះគឺត្រូវមកទទួលទោស​តាម​ច្បាប់៕ ដោយ៖ ផ្លុង រ៉េត