ក្រុម​សមត្ថ​កិច្ច​បាន​កំណត់​មុខ​សញ្ញា​ក្រុម​ចាប់​ជំ​រិត​កូន​ថៅ​កែ​នុំ​ប័ុង​បាន​ហើយ

កូនប្រុស​របស់​ថៅកែ ហាង​នំ​បុ័ង​យីហោ​ហេង ចេង​នៅ​ក្រុង​តាខ្មៅ ខេត្តកណ្តាល ដែល​គេ ស្គាល់ ថា ជា​អ្នកមាន​ទ្រព្យ​ស្តុកស្តុ​ម្ភ​ម្នាក់ ពេលនេះ​ត្រូវ​ជន​មិន​ស្គាល់មុខ​បាញ់​សម្លាប់ចោល នៅ​ស្រុក​បរសេដ្ឋ​ខេត្តកំពង់ស្ពឺ បន្ទាប់ពី​ចាប់ខ្លួន​អស់​ពេល​ជាច្រើន​ថ្ងៃ​ថ្នូរ​និង​លុយ​៥០​ម៉ឺន ដុល្លារ​អាមេរិក ។​   ​

ជនរងគ្រោះ​ឈ្មោះ ស្រេង អាយុ​ជាង ២០​ឆ្នាំ រៀន​នៅ​សាកលវិទ្យាល័យ ឯកជន​មួយ នៅ​រាជធានី​ភ្នំពេញ ហើយ​រូបគេ​ជា​មនុស្ស​ស្លូតបូត ស្គាល់​ចាស់ទុំ និង​មាន​បងប្អូន​៤​នាក់ ដែល រូបគេ​ជា​កូនច្បង នៅ​ម៉ោង​៧​យប់​ថ្ងៃ​១៩​កក្កដា​នេះ ត្រូវគេ​បាញ់​សម្លាប់ចោល នៅ​ភូមិ​តា​រាជ ឃុំ​កក់ ស្រុក​បរសេដ្ឋ ខេត្តកំពង់ស្ពឺ ក្រោយពី​មាន​ករណី​ចាប់​ជម្រិត​ទារប្រាក់​មិនបាន សម្រេច​។​   ​

ប្រភព​បាន​ឲ្យ​ដឹងថា ក្រោយពី​ជន​មិន​ស្គាល់​បាន​ទារលុយ​៥០​ម៉ឺន​ដុល្លារ​តាម​ខ្សែ​ទូរស័ព្ទ​ពី​សាច់ញាតិ​ជនរងគ្រោះ​ហើយ​នោះ ក្រុម​សាច់ញាតិ​ទាំងនោះ​ក៍​បានប្រគល់​លុយ​ឱ្យ​ចំនួន​១០​ដុល្លា​សិន នៅ​ស្រុក​បរសេដ្ឋ ខេត្តកំពង់ស្ពឺ ប៉ុន្តែ​ការសន្យា​ពី​ក្រុម​ចាប់​ជម្រិត​ត្រូវ​លុបចោល​ពោលគឺ​បាន​លុយ​១០​ម៉ឺន​ហើយក៍​បាញ់សម្លាប់​ជនរងគ្រោះ​តាម​ក្រោយ ។​ ​

លោក​ឧ​ត្ត​ម​សេនីយ៍ អ៊ា​វ ចំរើន ស្នងការ​នគរបាល​ខេត្តកណ្តាល បាន​ឲ្យ​អ្នក​សារពត៌មាន​ដឹងថា ជនល្មើស​បានគេច​ខ្លួន​ម្នាក់​ហើយ ខណ​:​ដែល​សមត្ថកិច្ច​បានកំណត់​ភិនភាគ​បាន​ហើយ យ៉ាងណា​ក៍ដោយ​ក៍​សមត្ថ​កិច្ច​នៅតែ​បន្តរ​ប្រតិបត្តិការ ដដែល​ដើ​ម្បើ​តាម​ចាប់​ជនល្មើស​យកមក​ផ្តន្ទាទោស​តាមច្បាប់​។​  

បើទោះបីជា មិនទាន់បាន​លទ្ធផល​ផ្លែផ្កា​បែបណាក៏ដោយ មកដល់ពេលនេះ​សមត្ថកិច្ច កំពុង បើក​ការស្រាវជ្រាវ​តាម​ចាប់ខ្លួន​ជនល្មើស​យកមក​ផ្តន្ទាទោស​តាមច្បាប់​ឲ្យ​ខាន​តែ​បាន​៕