លោក ស៊ីម ឈីវឈានពិសិដ្ឋ អនុប្រធានមន្ទីរបរិស្ថានខេត្តសៀមរាប និងលោក សួស្តី៍ សាខាន់ នាយករងឧទ្យានជាតិព្រះជ័យវរ័្មននរោត្តម ត្រូវបានមន្ត្រីឧទ្យាននុរក្សជាប់កិច្ចសន្យាចំនួន០៩នាក់ នៃទីស្នាក់ការបរិស្ថានខ្នងភ្នំគូលែន បានសម្រេចផ្តិតមេដៃប្តឹងពីករណី ស៊ុំគ្រលំនឹងបទល្មើសធនធានធម្មជាតិ។
យោងតាមពាក្យបណ្តឹងដែលមិនមានចុះថ្ងៃ ក្នុងខែសីហា ឆ្នាំ២០១៦របស់មន្ត្រីឧទ្យាននុរក្សជាប់កិច្ចសន្យាចំនួន០៩នាក់ដែលបានប្តឹងទៅប្រធានមន្ទីរបរិស្ថានខេត្តបានសរសេរថា ˝នៅថ្ងៃទី២៦ ខែកក្កដា ឆ្នាំ២០១៦ វេលាម៉ោង០៩ព្រឹកលោក ស៊ីម ឈីវឈានពិសិដ្ឋ អនុប្រធានមន្ទីរបរិស្ថានខេត្ត បានកោះប្រមន្ត្រីឧទ្យាននុរក្សស្នាក់ការខ្នងភ្នំទាំងអស់អោយមកជួមជុំគ្នានៅស្នាក់ការ។ បន្ទាប់មកគាត់បានហៅពួកខ្ញុំអោយចូលបំភ្លឺម្នាក់ម្តងៗ នឹងបានបង្ខិតបង្ខំអោយពួកខ្ញុំផ្តិតមេដៃធានាលើចម្លើយរបស់ខ្លួន និងអោយស្វែងរកជនល្មើសនឹងអ្នកនៅពីក្រោយខ្នងនៃបទល្មើសដែលពាក់ព័ន្ទករណីអាឈើចំនួន០៦ដើមនៅក្នុងសហគមព្រៃធំ នៃភូមិពពេលនោះដោយទុករយៈពេលជូន១សប្តាហ៍។ ជាថ្មីម្តងទៀតនៅថ្ងៃទី០៣ ខែសីហា ឆ្នាំ២០១៦ វេលាពេលព្រឹកគាត់ (ស៊ីម ឈីវឈានពិសិដ្ឋ) បានទូរស័ព្ទសួរបញ្ជាក់ពីករណីខាងលើនេះទៀតថា ដល់ពេលកំណត់១សប្តាហ៍ហើយ ហេតុអ្វីក៏មិនឃើញរាយការណ៍ពីការងារដែលបានដាក់អោយធ្វើ។ យើងខ្ញុំក៏បានឆ្លើយតបវិញថា រកមិនឃើញទេ ព្រោះការងារនេះត្រូវមានការចូលរួមនិងទទួលខុសត្រូវទាំងអស់គ្នា តាមពិតករណីនេះមន្ត្រីឧទ្យាននុរក្សឈ្មោះ វ៉ាញវិញ គាត់ទើបតែបាននិយាយក្នុងពេលថ្មីៗនេះថា ធ្លាប់មានគេទាក់ទងជាមួយគាត់សុំអាឈើម្តងហើយ តែគាត់មិនហ៊ានសម្រេចទេ ក៏បានរាយការទៅលោក សួស្តី៍ សាខាន់ នាយករងដើម្បីស្នើសុំយោបល់។ ជាលទ្ធផលលោកនាយករងបានប្រាប់ថា អនុញ្ញាតិអោយឈ្មោះ សោម ស៊ាត អ្នកភូមិអន្លង់ធំ និងលោក កូវ អ្នកភូមិថ្មជ្រួញធ្វើទៅ តែត្រូវរក្សាការសម្ងាត់។ ក្រោយដើមឈើទាំង០៦ដើមនោះ ត្រូវបានកាប់រំលំអាដឹកចេញអស់មែន រហូតដល់អ្នកភូមិព្រះអង្គធំឈ្មោះ គ្រូ វណ្ណី បានឃើញភ្ញាក់ផ្អើលនិងរាយការណ៍តែម្តងទៅ។ ដោយឡែកនៅថ្ងៃទី០១សីហា ឆ្នាំ២០១៦នេះលោក ស៊ីម ឈីវឈានពិសិដ្ឋ បានអនុញ្ញាតិអោយឈ្មោះ សោម ស៊ាត និងឈ្មោះ កូវ ដដែលនោះទៅអាគល់ឈើគគឺមួយគល់ស្ថិតក្នុងភូមិថ្មី ជាប់មុខផ្ទះលោកមេឃុំ ដើម្បីចែកគ្នាជាមួយលោកមេឃុំ ស៊ឺ ព្រជ្រ។ នៅថ្ងៃទី០៣ខែសីហាឆ្នាំ២០១៦ ប្រហែលម៉ោង១០ព្រឹកលោក ស៊ីម ឈីវឈានពិសិដ្ឋ ក៏បានបញ្ជាអោយមន្ត្រីម្នាក់ឈ្មោះ សឿនវិប៊ុល ទៅរករណាយន្ត២គ្រឿងមកអាឈើងាប់សងខាងផ្លូវ ដើម្បីធ្វើគ្រឿងផ្ទះដោះដូរ (លក់) អោយតាជា គណកម្មការវត្តព្រះអង្គធំ˝។
លោក សឿន វិបុល ប្រធានស្នាក់ការនុរក្សខ្នងភ្នំ បានឲ្យដឹងតាមទូរសព្ទ័ថា ពួកគាត់ពិតជាផ្តិតមេដៃប្តឹង អនុប្រធានមន្ទីរបរិស្ថានខេត្ត និងនាយករងឧទ្យានជាតិមែន។ចំណែករឿងគាត់(ពិសិដ្ឋ)ឲ្យយករណារយន្តពីរគ្រឿង ទៅអារឈើក្បែរផ្លូវដើម្បីធ្វើគ្រឿងផ្ទះ ទុកលក់នោះលោកមិនចូលរួមទេ។
មេឃុំខ្នងភ្នំលោកឈៀង តាំង បានថ្លែងតាមទូរសព្ទ័ដែរថា គល់ឈើគគីដែលពួកគេនាំគ្នាអារនោះ វាសល់ជិត១០ឆ្នាំមកហើយ។ ចឹងទេថ្ងៃដែលពួកគេមកអារនោះ លោកក៏មិនបានចូលរួមទេ (បទសម្ភាសន៍លោក សឿន វិបុល និង លោក ឈៀងតាំង ខាងលើជារបស់ អង្គរតូច)។
លោកស៊ឹម ឈីវឈានពិសិដ្ឋ អនុប្រធានមន្ទីរបរិស្ថានខេត្តសៀមរាប ដែលត្រូវបានបន្ត្រីខាងលើប្តឹងនោះបានប្រាប់កម្ពុជាសុវណ្ណភូមិនៅល្ងាចថ្ងៃទី១៦ ខែសីហា ឆ្នាំ២០១៦នេះថា វាជាការចោទប្រកាន់មួយដែលគួរអោយចង់សើច ហើយថែមទាំងហួសចិត្ត។ លោក ស៊ីម ឈីវឈានពិសិដ្ឋ បានបន្តថាថ្នាក់លើរបស់លោកជាអ្នកដឹងព័ត៌មានរឿងកាត់ឈើខាងលើ ហើយបានបញ្ជា (ថ្ងៃទី០៥ កក្កដា ២០១៦) អោយលោកទៅស៊ើបអង្កេតស្វែងរកចាប់ជនល្មើស ដែលគេរាយការណ៍មកថា បានកាត់ឈើដែលមានទំហុំប៉ុនៗកង់រទេះ។ លុះយប់ថ្ងៃទី០៥លោក បានទៅដល់កន្លែងដែលគេកាត់ឈើលើខ្នងភ្នំ ឃើញឈើចំនួន០៦ដើមត្រូវបានគេកាត់មែន មិនតែប៉ុណ្ណោះឈើដែលជនល្មើសកាត់នោះដឹកចេញជិតអស់ទៅហើយ។ លោកពិសិដ្ឋបន្តទៀតថា រឿងកាត់គល់ឈើគគីដែលដុះស្លែពុករលួយនោះលោកជាអ្នកអោយគេកាត់មែន ព្រោះទី០១គល់ឈើនោះវាត្រូវបានគេកាត់ជាង១០ឆ្នាំហើយ ទី០២វានៅក្បែរចិញ្ចើមផ្លូវ ទី០៣បើមិនប្រកាសរករណាយន្តមកកាត់គល់ឈើនោះទេ ធ្វើយ៉ាងណាអាចដឹងថាអ្នកណាមានរណាយន្តខ្លះនៅលើខ្នងភ្នំគូលេន ម្យ៉ាងទៀតបើលោកចង់ធ្វើអាជីវកម្មមែនចាំបាច់ទៅកាត់គល់ឈើពុកនៅមុខផ្ទះមេឃុំធ្វើអី ដូច្នេះថ្នាក់ដឹកនាំនិងពលរដ្ឋអាចពិចារណាដោយខ្លួនឯងបាន មិនបាច់ចាំខ្ញុំបកស្រាយទេ។ លោក ស៊ីម ឈីវឈានពិសិដ្ឋ បានបន្ថែមថា លោកបានធ្វើលិខិតបំភ្លឺទៅប្រធានមន្ទីរ និងក្រសួងរួចហើយ លោកមិនចង់និយាយអ្វីច្រើនជាងនេះទៀតទេ រឿងរាលនេះនៅមានអាថ៌កំបាំងត្រើនទៀត ព្រោះមាសសុទ្ធមិនខ្លាចភ្លើង តែអ្នកប្រព្រឹត្តិបទល្មើសច្បាស់ជាមិនរួចខ្លួនទេ។
កម្ពុជាសុវណ្ណភូមិមិនអាចសុំការពន្យល់ពីលោក ភួងលីណា ប្រធានមន្ទីរបរិស្ថានខេត្តសៀមរាបបានទេ ព្រោះទូរស័ព្ទខលមិនចូល៕ ដោយ៖ ផ្លុងរ៉េត
.jpg)
.jpg)
.jpg)
.png)
.jpg)
.jpg)
.png)
