ព័ត៌មានក្ដៅ

    ស៊ើបអង្កេត៖ ពលរដ្ឋមានការសង្ស័យថា មនុស្សស្លាប់ក្នុងក្លឹបកម្សាន្ត ហ៊ីបហប់ អាចច្រើនជាង៥នាក់

    ដោយៈ រ៉េត ខេត្តសៀមរាប ថ្ងៃទី 19 ខែ 11 ឆ្នាំ 2014 វេលាម៉ោង 01:23 នាទី ចំនួនអានៈ 10281

    តាំង​ពី​យម់​ថ្ងៃ១៧ឈានចូល​ទី១៨ ខែវិច្ឆការ ឆ្នាំ២០១៤ ដែល​អគ្គីភ័យ​បាន​ឆាប​​ឆេះ​ក្លឹប​កម្សាន្ត​ ហ៊ីបហប់ រហូត​មក​ដល់​ព្រឹក​ថ្ងៃទី​១៩នេះ ក្រុម​ប្រ​ជា​ពល​រដ្ឋ​នៅ​ខេត្តសៀមរាប​ នៅ​តែ​មាន​ការ​មន្ទិល​សង្ស័យថា មនុស្ស​ដែល​ស្លាប់​ក្នុង​ហេតុការណ៍​ឆេះក្លឹប​នេះ​អាច​ច្រើន​ជាង​៥នាក់​ ដែល​ជា​ហេតុ​ធ្វើ​អោយ​ក្រុម​ប្រ​ជា​ពល​រដ្ឋ​ទៅ​ឈរ​មើល​ពី​ក្រៅ​ទ្វារ​របង​របស់​ក្លឹប​ដែល​ត្រូវ​បាន​គេ​បិទជិត​ហាក់​មាន​ការ​លាក់​លៀម​នៅមាន​​អាថ៌កំបាំង​អ្វីមួយនៅឡើយ។

    យោងតាម​សម្តី​ក្រុម​យុវជន​ និង​យុវនារី​ដែល​ទៅ​ឈរ​មើល​នៅ​ក្រៅ​ទ្វារ​របង​មុខ​ក្លឹប​ហ៊ីបហប់​ដែល​ឆេះកាល​ពី​ល្ងាចថ្ងៃទី១៨បាន​លួច​បង្ហើបថា មូល​ហេតុ​ដែល​បណ្តាល​អោយ​មាន​មនុស្ស​ស្លាប់​ច្រើន​បែប​នេះនោះគឺ​បណ្តាល​មក​ពី ក្រុម​សន្តិសុខ​ដែល​យាម​ទ្វារ​មិន​ព្រម​អនុញ្ញាតិ​អោយ​ភ្ញៀវ​ចេញពី​ក្លឹប​នៅ​ពេល​ដែល​ក្លឹប​ត្រូវ​បាន​ដាច់​ភ្លើង បិទម៉ាស៊ីន​ត្រជាក់ ថែមទាំងមាន​ផ្សែង​ហុយចេញពី​ពិដាន និង​មាន​ក្លិន​ឆ្ងៀម​ខ្លាំង​ទៀត​ផង​នោះ  ព្រោះ​ក្រុម​សន្តិ​សុខ​ទាំង​នោះ​តម្រូវ​អោយ​ភ្ញៀវ​ដែល​នៅ​ក្នុង​ក្លឹបនោះ​បង់​លុយថ្លៃ​ផឹកស៊ី​សិន​ទើប​អាច​ចេញ​បាន។

    ប្រ​ភព​បាន​បន្តថា ក្រុម​ភ្ញៀវ​មាន​ការ​ភ័យ​ស្លន់​ស្លោ​ខ្លាំង​សំរុក​ចេញ​តាម​ច្រក​ទ្វារ​មុខ តែ​ត្រូវ​សន្តិសុខ​ឈរ​រារាំង​មិន​អោយ​ចេញ ទាល់​តែ​ភ្ញៀវ​នាំ​គ្នាវាយ​ច្រានសន្តិសុខ​ដួល​ទើប​អាច​រត​ចេញ​មក​រួច​។ ប្រ​ភពបន្តថា ជន​ជាតិ​បរទេស​ដែល​ស្លាប់​ក្នុង​ហេតុការណ៍នេះគឺ​គាត់​បាន​ចេញ​រួច​មក​ក្រៅហើយ​ តែ​គាត់​មាន​ចិត្ត​មេត្តាក៏ចូល​ជួយ​រំដោះ​មនុស្ស​ចេញ​ពី​ក្នុង​ក្លឹប​ដែល​ភ្លើង​កំពុង​ឆេះ បាន​ប្រ​ហែល​ជា​៤នាក់ ក្រោយមក​គាត់​មិន​អាច​រំដោះ​ខ្លួន​ឯង​បាន​ទើប​ស្លាប់​នៅ​ក្នុង​ភ្លើង​នោះតែ​ម្តង​ទៅ។

    ជាក់ស្តែង​នៅ​ល្ងាច​ម៉ោង​៦ថ្ងៃទី១៨​មាន​ប្រ​ភព​ពី​មន្រ្តី​រាជ​ការ​ម្នាក់​លួច​ខ្សឹប​ប្រាប់​ពួកម៉ាក​របស់​គេថា នៅ​មាន​ម៉ូតូចំនួន​​១៧គ្រឿង​ដែល​មិន​ទាន់​មាន​ម្ចាស់​ទៅ​យក​ចេញ​ពីក្នុង​ក្លឹប ដែល​ត្រូវ​បាន​ពួកគេ​សង្ស័យថា ម្ចាស់​អាច​ឆេះ​ស្លាប់​គ្មាន​សល់​សាកសព ឬ​សាកសព​អាច​គេ​លួច​ចល័ត​ចេញតាំង​ពី​យប់​កើត​ហេតុភ្លាបៗ ។ តែបើ​ទោះបី​​ជា​មាន​ការ​អះអាង​យ៉ាង​នេះ​ក៏ដោយ ក៏វាគ្រាន់តែ​ជា​ការ​សង្ស័យ​តែប៉ុណ្ណោះ វា​មិន​ទាន់​អាច​យក​ជាផ្លូវការ​បាន​ទេ។

    នៅ​ម៉ោង​៨-១២ និង​៣០​នាទីយប់​ថ្ងៃទី១៨ម្សិលមិញ អ្នក​យក​ព័ត៌មាន​យើង​បាន​ចុះ​ទៅ​ស៊ើប​អង្កេត​ដល់​កន្លែង​កើត​ហេតុ ក៏​សង្កេត​ឃើញ​ថា នៅ​កន្លែង​កើត​ហេតុគ្មាន​សមត្ថកិច្ច​យាម​កាមដើម្បី​រក្សា​វត្ថុតាងទេ គឺ​មាន​តែ​ក្រុម​សន្តិខុស​ឯកជន​ប្រ​ហែល​ជិត​១០នាក់​ ខ្លះឈរ​ ខ្លះអង្គុយ​យាម​ទ្វារ ហើយ​មាន​មនុស្ស​បើ​កម៉ូតូចេញ​ម្តង​មួយៗ​រហូត​ជិត​១០​គ្រឿង​ ក្នុង​ចំ​ណោម​ម៉ូតូដែល​ចត​ក្នុង​របង​ក្លឹប​​ប្រ​ហែល​៤០គ្រឿង។

    ក្រុម​កន្តិសុខ​ឯកជន​ខាងលើ​ត្រូវ​បាន​ពល​រដ្ឋ​ រាប់​រយ​នាក់​ដែល​ឈរ​នៅ​ទីនោះរិះគន់​ថា គ្មានសុជីវធម៌ដោយ​ពួកគេ​និយាយចំអក​ឡកឡើយដាក់​ពល​រដ្ឋថា “ ពូកនេះគេ​មក​ឈរ​ចាំមើល​លោក​ ព្រាបសុត្ថិ មក​សម្តែង“ សន្តិ​សុខ​ខ្លះនិយាយថា ”ថ្ងៃនេះក្លឹបគេមិន​បើកទេ ចាំស្អែកគេបើក​វិញចាំមកកម្សាន្ត“ ឯសន្តិសុខ​ខ្លះ​ទិញ​ស្រាយ​ក​មក​ផឹក សើច​លេង​ក្អាកក្អាយសប្បាយចិត្ត ក្នុង​គំនរទុក្ខ​របស់​អ្នក​ដទៃ។

    ក្រុម​ប្រ​ជា​ពល​រដ្ឋ​សង្ស័យថា ក្រុម​សន្តិសុខ​ខាង​លើ​កំពុង​តែ​ឈរ​ចាំបើក​ទ្វារ​អោយ​មនុស្ស​ចំឡែក​បីបួននាក់​ចល័ត​ម៉ូតូ​ដែល​នៅ​សេសសល់​ចេញ​ពី​ក្លឹបក្នុង​គោល​បំ​ណង​បំបាត់​ភស្តុតាង ព្រោះ​មិន​មាន​ឃើញ​ម្ចាស់​មក​យក​។

    នៅ​ព្រឹក​ថ្ងៃទី​១៩នេះ​នៅ​តែមាន​ក្រុម​ប្រ​ជា​ពលរដ្ឋ​មក​ឈរ​មើល​ត្រៀបត្រា នៅ​មុខ​ក្លឹបកម្សាន្ត​ ហ៊ីបហប់ ដោយ​ពួកគាត់​មាន​ការ​សង្ស័យ មិន​អស់​ចិត្ត​ ថាមូល​ហេតុ​អ្វី​ទើប​ម្ចាស់​ក្លឹបនេះបញ្ជា​អោយ​គេ​បិទ​ទ្វារ​២៤​ម៉ោង​ហាក់​មាន​អាថ៌កំបាំងមិន​ទាន់​បញ្ចប់​នៅ​ឡើយ ហើយ​ពួកគេ​ក៏មិន​ជឿថា មាន​មនុស្ស​ស្លាប់​តែ៥នាក់នោះដែរ។

    មាន​ពលរដ្ឋ​មួយ​ចំ​នួន​សង្ស័យ​ថា ក្រែង​មាន​គេ​លួច​ដុះ តែ​ក៏មាន​ក្រុម​អ្នក​ធ្លាប់​ចូល​ក្លឹប​ខាង​លើ​នេះ​ញឹកញាប់​បាន​អះអាង​ថា មិន​អាច​មាន​អ្នក​លួច​ដុត​ទេ ព្រោះ​ក្លឹបនេះ​មាន​របង​ថ្មព័ទ្ធ​ជុំ​វិញសូម្បីសត្វ​កណ្តុរ​លូន​ចូល​មិន​រួច​ផង​ ហើយ​មា​សន្តិ​សុខ​យាម​កាម​គ្រប់​ទិស​ទីទាំង​ខាង​ក្រៅ​ទាំង​ខាង​ក្នុង ម្យ៉ាង​ទៀត​ភ្ញៀវ​មុន​ចូល​កម្សាន្ត​ត្រូវ​បាន​សន្តិសុខ​ឆែកឆេគ្រប់​កន្លែង សូម្បីតែ​នៅ​តាម​តុផឹក​ស៊ីក៏មាន​សន្តិសុខ​ឈរ​ចាំ​មើល​គ្រប់​ច្រក​ល្ហកដែរ។

    ក្រុម​អ្នក​ចូល​ចិត្តចូល​​កម្សាន្ត​ក្នុង​ក្លឹប​ហ៊ីបហប់​ខាង​លើ​ប្រ​ហែល​ជិត​១០​នាក់​បាន​អះអាង​ថា ក្លឹប​នេះ​មិន​ដែល​បាន​បិទនៅ​ម៉ោង​១២យប់​នោះទេ គឺ​ភាគច្រើន​គឺ​បិទនៅ​វេលាភាបភ្លឺ ព្រោះ​អ្នក​ដែល​គេ​ទៅ​រាំង​លេង​កម្សាន្ត​សុទ្ធតែ​បាន​ផឹក​ស៊ី​កន្លែង​ផ្សេង​ដូច​ជា​ញាំការ ខូបកំណើត ឬ​មាន​កម្ម​វិធីផ្សេងៗមុន​ពេល​ចូល​ក្លឹប ដូច្នេះ​ជារៀង​រាល់​យប់ក្លឹបគឺបិទជិត​ភ្លឺ មិន​ថា​ក្លឹប​ណាទេ គឺគ្រ​ប់​ក្លឹបនៅ​ខេត្ត​សៀមរាប​សុទ្ធតែបិទជិត​ភ្លឺដូច​គ្នា។

    សមត្ថ​កិច្ច​​​ក្រុង​សៀមរាប​បាន​អោយ​ដឹង​ថា ចំនួន​អ្នក​ស្លាប់​មាន​៥នាក់​ដដែល​រហូត​មកដល់​ថ្ងៃទី​១៩នេះ ក្នុង​នោះ​ប្រុស​៣នាក់​ស្រី២នាក់ ប្រុស​ម្នាក់​ជាជន​ជាតិ​អូស្រ្តាលី។ សមត្ថ​កិច្ច​ជំ​នាញ​កំពុង​ធ្វើ​ការ​ស៊ើប​អង្កេត​តាម​ដាន​បើ​ទោះបី​ជា ​អគ្គីភ័យ​នេះ​កើត​ឡើង​ដោយ​ទុស្សេ​ខ្សែ​ភ្លើង ឬ​មាន​គេ​ដុត​ក៏ដោយ។

    ពល​រដ្ឋ​ខេត្ត​សៀមរាប​សំនូមពរ​ទៅ​ដល់​សមត្ថ​កិច្ច​ជំ​នាញមេត្តា​ស៊ើប​អង្កេត​ស្រាវ​ជ្រាវ​អោយ​បាន​ច្បាស់លាស់​បន្ថែម​ទៀត​​ពី​ចំនួន​មនុស្ស​ស្លាប់​ ឬចំ​នួន​អ្នក​បាត់​ខ្លួន ដើម្បី​រក​យុត្តិធម៌ជូន​ជនរង​គ្រោះដែល​បាន​បាត់បង់​ជីវិត​ទៅហើយ។

    អ្នក​យក​ព័ត៌មាន​យើង​ពុំអាច​សុំ​ការ​បំ​ភ្លឺ​ពី​ម្ចាស់​ក្លឹប​កម្សាន្ត​ខាង​លើ​បាន​ទេ ព្រោះ​លេខ​ទូរ​ស័ព្ទ​ដែល​ដាក់លើ​​ស្លាក​យីហោ មួយខ្សែខល​មិន​ចូល​ ឯមួយខ្សែ​ទៀត​ខល​ចូល​តែ​គ្មាន​អ្នក​លើក​ទទួល​នៅ​រសៀ​ល​ថ្ងៃទី១៩នេះ៕

    ស្លាក:  ព័ត៌មានថ្មីៗ  ព័ត៌មានជាតិ  លិខិតមិត្តអ្នកអាន 

    ព័ត៌មានដែលមានទំទាក់ទំទង

    ពលរដ្ឋប្ដឹងក្លឹបហ៊ីបហបនៅសៀមរាបជាថ្មីរឿងចាក់ធុងបាសឮខ្លាំងៗនៅពេលយប់   អាន1888ដង ខ្សែភ្លើងឆក់ស្លាប់ជាងឈើម្នាក់ម្ចាស់សណ្ឋាគារPARK HYATTម្ចាស់ហាមឃាត់    អាន735ដង ប្រជាពលរដ្ឋ​ធ្វើបាតុកម្ម​អោយ​លោក​កឹ​ម​សុខា​សុំ​អភ័យទោស   អាន856ដង តារិនម្ចាស់ការដ្ឋានបូមខ្សាច់បន្ទាយស្រី ថារថយន្តដឹកដីខ្សាច់ធ្លាក់ពេញថ្នល់មិនមែនជារបស់?...    អាន679ដង បក្ស​ប្រឆាំង​នឹង​​​ហែ​ក្បួន​មុន​ថ្ងៃ​បុណ្យ​ឯករាជ្យ​ជាតិ   អាន721ដង ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានបកស្រាយចំពោះការចុះផ្?...    អាន1446ដង រដ្ឋាភិបាលបដិសេធសំណើលោកសម រង្ស៊ី ត្រឡប់មកកាន់កម្ពុជាវិញ   អាន746ដង គណបក្សប្រឆាំង​បង្វែការធើ្វបាតុកម្ម​ថ្ងៃ២៣​តុលាទៅជាការគោរពវិញ្ញាណក្ខន្ធ   អាន664ដង ព្រះចៅអធិការវត្តតាស្អាងអំពាវនាវរកសប្បុរសជនជួយកសាងសាលាឆាន់ចាស់ទ្រុឌទ្រោម   អាន707ដង ព្រឹត្តិ​បត្រព័ត៌​មាន និង​ព្យាករណ៍កម្ពស់​ទឹក​ជំ​នន់ថ្ងៃទី៣០   អាន578ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    តាអាយុ៦៧ឆ្នាំ ត្រូវបានសមត្ថកិច្ចឃាត់ខ្លួនពីបទទិញពេស្យាចារកុមារសមត្ថកិច្ច​នគរបាល​ស្រុក​កោះធំ ចាប់ខ្លួន​បុរស​វ័យ​ចំណាស់​ម្នាក់ តាម​ពាក្យបណ្តឹង​របស់​ឪពុក​ម្តាយ​នារី​រងគ្រោះ ពាក់ព័ន្ធ​ករណី​ទិញ​ពេស្យាចារ​កុមារ តាំងពី​អំឡុង​ខែ​មេសា ឆ្នាំ​២០១៣ រហូត​ដល់​ថ្ងៃ​ទី​៨ ខែ​កញ្...Read more
    បាត់កូនស្រីក្រមុំអាយុ១៨ឆ្នាំ ពីផ្ទះ២០ថ្ងៃ សង្ស័យគេយកទៅលក់ស្រ្តីម្នាក់ បានមកយំស្រែកប្តឹងភ្នាក់ងារសារព័ត៌មានអគ្គស្នងការនគរបាលជាតិ ប្រចាំខេត្តកំពង់​ឆ្នាំង ឲ្យ​ជួយ​​ផ្សាយព័ត៌​មានរក​កូនស្រី ដែលបានបាត់អស់រយៈពេល២០ថ្ងៃហើយ បន្ទាប់ពីយុវជនម្នាក់ ​នៅ​ក្នុង​ភូមិ​ជាមួយគ្...Read more
    លោក យ៉ាន់ស៊ីវ័ត នាយសង្កាត់រដ្ឋបាលព្រៃឈើស្រុកស្វាយលើ កំពុងបើកដៃអោយក្រុមឈ្មួញដឹកឈើតាមរថយន្តសាន់យ៉ុង គោយន្តកន្រ្តៃ និងរទេះគោ ខុសច្បាប់ឆ្លងកាត់យ៉ាងអាណាធិប្បតេយ្យ!ជា​រៀង​រាល់​ថ្ងៃ​គេ​សង្កេត​ឃើញ​ថា ក្រុម​ឈ្មួញ​រក​ស៊ី​ដឹក​​ឈើ​ខុស​ច្បាប់​​តាម​រថ​យន្ត​គ្រប់​​ប្រ​ភេទ ​​គោ​យន្ត​កន្រ្តៃ និង​​រទេះគោ បាន​ចរាចរណ៍​យ៉ាង​អាណាធិប្បតេយ្យតាម​ដង​ផ្លូវ​ពី​ចំណុច​ស្រុក​គូ​លែន​ខេត្...Read more
    សេចក្តីជូនដំណឹងរបស់ អគ្គលេខាធិការដ្ឋានព្រឹទ្ធសភាអគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា​ នាថ្ងៃសុក្រទី១០ ខែតុលាឆ្នាំ២០១៤ វេលាម៉ោង៨ព្រឹកព្រឹទ្ធសភា នៃ​ព្រះរាជាណាចក្រ​កម្ពុជា និងបើកសម័យ​ប្រ​ជុំវិសមញ្ញព្រឹទ្ធសភានីតិកាលទី៣ (​ស...Read more
    ក្រុមប៉ូលីសរបស់​រដ្ឋា​ភិបាល​បាន​ប្រើ​គ្រាប់​បែក​ផ្សែង ឡានបាញ់ទឹក និង​ប្រើ​អំ​ពើ​ហឹង្សា​លើ​បាតុករក្រុម​ប៉ូលីស​របស់​រដ្ឋា​ភិបាល​ដែល​ដឹក​នាំ​ដោយ​លោក​ ជួន​សុវណ្ណ​ ស្នង​ការ​រាជ​ធា​នី ភ្នំ​ពេញ​ បាន​ប្រើ​គ្រាប់​បែក​ផ្សែង ឡាន​បាញ់​ទឹក​ និង​ប្រើ​អំ​ពើ​ហឹង្សា ក្នុង​ការ​បង្ក្រាប​ហ្វូង​បាតុករ កាល​ពី​ថ្ងៃ​ទី...Read more
    លោក អ៊ំសំអាន សរសេរលិខិតសុំទោសលោក ហេងសំរិត ប្រធានរដ្ឋសភាលោក អ៊ំសំអាន ​តំណាង​រាស្រ្ត​មក​ពី​គណបក្ស​សង្គ្រោះ​ជាតិ មណ្ឌល​ខេត្ត​សៀមរាប​បាន​សរសេរ​លិខិត​សុំ​ការ​អធ្យ​ស្រ័យ​ពី​លោក ហេង​សំ​រិន ប្រ​ធាន​រដ្ឋ​សភាកម្ពុជាកាល​ពី​ថ្ងៃ​ទី​២៤ ខែកក្កដា ឆ្នាំ២០១៥​ម្សិល​មិញ។ ...Read more
    ចំណងដៃថ្ងៃអាទិទ្យ៖ ចុច  អានបទកំណាព្យ ដ៏ពិរោះកម្រនិងបានលឺពីមុនមក (បើមិនអានច្បាស់ជាស្តាយក្រោយ)បទកំណាព្យដែលអ្នកកម្របានលឺ បានអាន បានស្តាប់ពីមុនមក តែឥឡូវបានមកដល់ហើយ បទកំណាព្យដ៏សែនពិរោះនេះ និងចូលខ្លួនមកបំពេអារម្មណ៍របស់លោកអ្នក អោយ​សើច​សប្បាយលាយឡំជាមួយទឹកភ្នែកក៏អាចថាបាន។ តោះចាំអីទៀតចុចលើ​រូបភាពខាងក្...Read more
    តំណាងរាស្ត្រ​បក្ស​សង្គ្រោះ​ជាតិ​មណ្ឌល​សៀម​រាម ប្រាប់លោក​​ហ៊ុន ម៉ា​នី​​ ​ឲ្យដូរ​​ខ្លោងទ្វារ​​អង្គ​រ​សង្ក្រាន​​ចេញអ្នក​តំណាងរាស្ត្រ​គណបក្ស​សង្គ្រោះ​ជាតិ​មណ្ឌល​សៀម​រាម លោក​ អ៊ុំ សំអាន បានប្រាប់ ឲ្យលោក​ ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា និងជាអ្នកតំណាងរាស្ត្រគណបក្ស ប្រជា ជនកម្ពុជា នឹងជា កូនប្រ...Read more
    បទវិភាគ៖ ជនបរទេសរស់នៅប្រទេសកម្ពុជាខ្លះ ជួយចំរុងចំរើន ឯខ្លះជួយបំផ្លិចបំផ្លាញប្រ​ទេស​កម្ពុជា ជា​ប្រ​ទេស​ដែល​មាន​វប្ប​ធម៌ អរីយ្យធម៌​វ័យ​ចំ​ណាស់​មួយនៅ​លើ​សកលលោក ហើយ​ជា​ពិសេស​ប្រ​ទេស​មួយ​នេះ​សំ​បូរទៅ​ដោយ​ធន​ធាន​ធម្ម​ជាតិ ដូច​ជា​រ៉ែ​មាស​ រ៉ែត្បូង​ ទឹក​ដី​ព្រៃ​ព្រឹក្សា មច្ឆារស់នៅ​ព...Read more
    សូមសមត្ថ​កិច្ច​​គ្រប់លំ​ដាប់ថ្នាក់ និង​ប្រ​ជា​រាស្រ្ត​ខ្មែរ អានច្បាប់​ស្តីពី​ព្រៃ​ឈើ​ខ្លះៗផងច្បាប់ស្តីពីព្រៃឈើ ជំពូក៨:  ការ​ហាមឃាត់ការ​ប្រ​មូល​ផល អនុផល​ព្រៃឈើ និងការ​ការពារព្រៃឈើ មាត្រា ៣២:  ព្រៃឈើ​ត្រូវ​បាន​ការ​ពារ​ប្រ​ឆាំងនឹង​រាល់​សកម្ម​ភាព​ដែល​ធ្វើ​អោយ​ខូច​ខាត បណ្តាល​មក​ពី...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      441នាក់
    ម្សិលមិញ    12953នាក់
    សប្ដាហ៍នេះ    74435នាក់
    ខែនេះ    264814នាក់
    ឆ្នាំនេះ   2916258នាក់
    សរុប   33582504នាក់
    ថ្ងៃទី 20 ខែ 07 ឆ្នាំ 2019 ម៉ោង 02:32