ព័ត៌មានក្ដៅ

    លោកជំទាវ លីអ៊ុំអេង ចោទថាអាជ្ញាធរកំពុងតែនាំពលរដ្ឋវាស់យកដីរបស់គាត់ទាំងបំពានច្បាប់

    ដោយៈ រ៉េត ខេត្តសៀមរាប ថ្ងៃទី 02 ខែ 02 ឆ្នាំ 2018 វេលាម៉ោង 04:29 នាទី ចំនួនអានៈ 2884

    លោកស្រីលីអ៊ុំអេង តំណាង​អោយ​ក្រុម​ហ៊ុន លីអ៊ុំអេង ស្ថិត​នៅ​ឃុំ​រំចេក​ ស្រុក​បន្ទាយ​ស្រី បាន​អះអាង​យ៉ាង​ច្បាស់ថា អាជ្ញាធរ​ខេត្ត ​ស្រុក​ ឃុំ សូរិយោដី និង​មន្ត្រីពាក់ព័ន្ធ កំពុង​តែ​នាំប្រជាពល​រដ្ឋរាប់​រយនាក់​​ទៅ​វាស់​យក​ដី​របស់​គាត់​ទាំង​បំពាន​ផ្លូវ​ច្បាប់អស់ប្រ​ហែង​ជាង​មួយរយ​ហិកតា​​ កាល​ពី​ថ្ងៃទី០១ ខែ​គុម្ភៈ ឆ្នាំ២០១៨ម្សិលមិញនេះ។

    លោកជំទាវ​ លីអ៊ុំអេង បាន​ប្រាប់​កម្ពុជា​សុវណ្ណភូមិ​កាល​ពីថ្ងៃទី០១ ខែ​គុម្ភៈ ឆ្នាំ២០១៨ម្សិល​មិញ​ថា ដី​ជាង​បួន​រយ​ហិកតានេះ គាត់​បាន​ទិញ​អស់​រយៈពេល​ជាង​១៤​ឆ្នាំហើយ​ តាំង​ពី​សម័យ ​មិន​ទាន់​មាន​ផ្លូវ​ហៃ​វ៉េ​មក​ម្លេះ(ផ្លូវ​លេខ​៦៧)។ លោក​ជំទាវ​បន្តថា កាល​ពី​សម័យ​លោក​ មឹង វុទ្ធ​ នៅ​ជាចៅ​ហ្វាយ​ស្រុក​បន្ទាយ​ស្រី ហើយ​ឯកឧត្តម​ ស៊ូ ភិរិន្ទ​ នៅ​ជា​ចៅ​ហ្វាយ​ខេត្ត​សៀមរាប ធ្លាប់​មាន​ប្រ​ជាពល​រដ្ឋ​ជាច្រើន​លើក​គ្នាមក​ប្តឹង​ថា គេ​បាន​ទិញ​ដី​ពី​មនុស្ស​ម្នាក់​នៅ​ក្នុង​ដីដែល​ជា​កម្ម​សិទ្ធ​របស់​គាត់​នេះ ហើយពល​រដ្ឋ​​ខ្លះ​គេ​ថា គេ​មិន​បាន​លក់​ដី​អោយ​គាត់​ទេ ការ​ប្តឹង​ប្តល់​ទាំង​នេះ​ហាក់​ធ្វើ​អោយ​លោក​ជំទាវ​ហត់​ហើយ​ឈឺ​ក្បាល​រហូត​ដល់​គាត់​បានសម្រេច​ចិត្ត កោះ​​ហៅពលរដ្ឋ​​អ្នក​ប្តឹង​ប្តល់​ទាំង​នោះ មក​យក​លុយ​ដើម្បី​បញ្ចប់​រឿង​ដល់​ទៅ​ពីរវគ្គ ដែល​អស់​ទឹក​ប្រាក់​ជាង​២០​ម៉ឺន​ដុល្លារ​អាមេរីកកាំង ទើប​រឿង​នេះ​ស្ងប់​ស្ងាត់​ ហើយ​តុលាការ​កំពូល​នៅ​ក្រុង​ភ្នំ​ពេញ​ក៏​បានចេញ​សាល​ក្រម​ស្ថាពរ​ទទួល​​ស្គាល​ដី​ជាង​បួន​រយ​ហិក​តានេះជាកម្ម​សិទ្ធ​របស់​លោក​ជំទាវ​ស្រប​ច្បាប់​ មាន​ប្លង់​កម្ម​សិទ្ធគ្រប់​បែប​យ៉ាង​ និង​មាន​ឯកសារ​គ្រប់​គ្រាន់ផង​ដែរ។

    លោក​ជំទាវ​បន្តថា ចុះ​ហេតុ​អ្វី​ស្រាប់​តែ​មក​ដល់​សម័យ​ឯកឧត្តម​ ឃឹម ប៊ុន​សុង​ ឡើង​ជាចៅ​ហ្វាយ​ខេត្ត​សៀមរាប ស្រាប់​តែ​មាន​ពល​រដ្ឋ​មក​ប្តឹង​គាត់​ទៀត​ថា គាត់​រំលោភ​យក​ដី​របស់​របស់​រដ្ឋ ដែល​ពល​រដ្ឋ​មិន​បាន​លក់​អោយ​ទៅ​ទិញ​? លោក​ជំទាវ​គាត់​ឆ្ងល់​ថា គាត់​ក៏​ជា​មនុស្ស​ជារាស្រ្ត​ខ្មែរ ពល​រដ្ឋ​ក៏ជាមនុស្ស​ ក៏ជារាស្ត្រ​ខ្មែរ ហេតុអ្វី​ខាង​ខេត្ត ស្រុក​ ឃុំ​នាំគ្នា​ទៅ​ជឿ​តែ​ខាង​ពល​រដ្ឋដែល​ទៅ​ប្តឹងគាត់ដោយ​បាតដៃទទេ​ មេច​បាន​មិន​ជឿគាត់ ព្រោះ​គាត់​មាន​ឯកសារ​គ្រប់​គ្រាន់​ដែល​តុលាការ​កំពូល​សម្រេច​អោយ និង​មាន​ប្លង់​កម្ម​សិទ្ធគ្រប់​យ៉ាង​ ហើយ​ក៏បាន​ដោះស្រាយ​​អោយ​ពល​រដ្ឋ​ដែល​លើ​ក​គ្នា​មក​តវ៉ា​ដល់​ទៅ​ពីរ​វគ្គ អស់​លុយ​ជាង​២០​ម៉ឺន​ដុល្លារ តាំង​ពី​សម័យ​លោក​ស៊ូភិរិន្ទ? ហើយ​ប្រ​ជា​ពល​រដ្ឋ​ចេញ​មក​ពី​ណា​ មក​តវ៉ា​មិន​ចេះ​ចប់​មិន​ចេះហើយ? ឬមាន​អ្នកដែល​​ចាំ​តែ​រៀប​ចំកម្ម​វិធី​ខូច​ៗ​បែប​នេះ​នៅ​ពី​ក្រោយ​ខ្នង​? លោក​ជំទាវ​ចោទសួរ​ទៀត​ថា តើ​ខាង​សាលាខេត្ត​ សាលាស្រុក​ សាលាឃុំ និង​សូរិយ៉ោ​ដី ធ្វើ​ការ​ទៅ​តាម​ផ្លូវ​ច្បាប់​ ទៅ​តាម​ឯកសារ ឬធ្វើ​ការ​ទៅ​តាម​អ្នក​ប្តឹង បើ​ទោះ​ជាដី​កម្ម​សិទ្ធស្រប​ច្បាប់​របស់​គេ​ក៏ដោយ ​អោយ​តែ​មាន​អ្នក​ប្តឹង​ត្រូវ​តែ​លើក​ទ័ព​ទៅ​វាស់​យក​ដី​របស់​គេ ទាំង​ម្ចាស់​គេ​មិន​នៅ​យ៉ាង​ដូច្នេះឬ?

    លោក​ជំទាវលីអ៊ុំអេង​បាន​រិះគន់​ថា បើ​អាជ្ញាធរក្នុង​ខេត្ត​សៀមរាប​ នៅ​បន្ត​ធ្វើ​ការ​របៀប​នេះទៀត អ្នក​មាន​ដី​ធំ​សម្រាប់​ធ្វើ​ស្រែ​ចំ​ការ ដាំ​ដំណាំកសិឧស្សាហកម្ម អ្នក​មាន​ដី​ធំសម្រាប់​ធ្វើ​រោង​ចក្រ អ្នក​វិនិយោគទុន​​ទាំង​ឡាយ​ បើ​មិន​រលាយ​ហិន​ហោច​ខ្លោច​ផ្សា​ នោះ​ទើប​ជារឿង​ចម្លែង ព្រោះ​ពួកគេ​ធ្វើ​ការ​​ទាំង​​ងងឹត​ងងុល ​ពុល​តាម​សម្តី​របស់​មនុស្ស​ខូច​ៗមួយ​ចំនួននៅ​​ថ្នាក់​ក្រោម និង​ពល​រដ្ឋខូចៗ​​មួយក្រុមតូច​​ដែល​តែង​តែដើរ​រក​លាភសការៈ របៀប​ដដែលទាំងនេះ។

    លោក​ជំទាវបាន​បន្ថែមថា សូម​អោយ​ឯកឧត្តម ឃឹម ប៊ុនសុង អភិបាល​ខេត្តសៀមរាប​ លោក​អភិបាល​ស្រុកបន្ទាយ​ស្រី​ លោក​មេឃុំ ខាង​សូរិយោដី និង​មន្ត្រី​ពាក់​ព័ន្ធ មេត្តា​ត្រួត​ពិនិត្យ​ឯក​សារ​របស់​គាត់​ ហើយ​សិក្សា​សាច់​រឿង​ដី​នេះ​តាំង​ពី​សម័យ​ឯកឧត្តម​ ស៊ូភិរិន្ទ​ ផង កុំ​ធ្វើ​អ្វី​ដោយ​អំណាច​ កុំ​ធ្វើ​អ្វី​ដោយ​យក​ពលរដ្ឋ​មក​ធ្វើ​ជាលេស កុំ​ធ្វើ​អ្វី​ដែល​ប្រាសចាក​ពី​ផ្លូវ​ច្បាប់ កុំធ្វើ​អ្វី​ដែល​លំអៀង​ទៅ​រក​ភាគីម្ខាង កុំ​ធ្វើ​អ្វី​ខុស​ពី​គន្លង​ដែល​ព្រះ​ពុទ្ធ​បាន​នែនាំ​ ដូច​សុភាសិតមួយ​បាន​ពោល​ថា ធ្វើ​ល្អបាន​ល្អ ធ្វើ​អាក្រកបាន​អាក្រក់ ហើយ​​​បាន​បាប​ និង​ធ្លាក់​នរក​អាវ​ចីយ៍។

    លោក​ជំទាវ​បាន​សំនូមពរទៅ​ សម្តេច​ ហ៊ុន-​សែន នាយក​រដ្ឋ​មន្ត្រី​នៃ​ព្រះ​រាជាណាចក្រ​កម្ពុជា​សម្តេច​គតិព្រិទ្ធបណ្ឌិត ប៊ុន-រ៉ានីហ៊ុនសែន និង​សម្តេច​ ស-ខេង មេត្តា​ជួយ​ដល់​គាត់​ផង ហើយ​មេត្តា​ស្រាវ​ជ្រាវ​ស៊ើប​អង្កេត​ក្រុម​មនុស្ស​មាន​អំណាច​មួយ​ក្រុម​នៅក្នុង​​ខេត្ត​សៀមរាប ដែល​កំពុង​តែ​ប្រើ​អំ​ណាច​លើស​លុប​ជិះ​ជាន់​កៀប​សង្កត់​រូប​គាត់​ដែល​ជាស្រ្តី​ភេទ ហើយ​តែង​តែ​រំលោភ​បំ​ពាន​ទៅ​លើ​ដី​ធ្លី​របស់​គាត់​ម្តង​ហើយ​ម្តង​ទៀត​មិន​ចេះ​ចប់​មិន​ចេះ​ហើយ។

    ពាក់ព័ន្ធ​ទៅ​និង​ករណី​ដី​ធ្លី​ខាង​លើ​នេះ លោក​ អ៊ឹម-អ៊ីង មេឃុំរំចេក​ បាន​ប្រាប់​តាម​ទូរស័ព្ទនៅ​រសៀល​ថ្ងៃទី០២ ខែគុម្ភៈ ឆ្នាំ២០១៨នេះថា កាល​ពី​ថ្ងៃទី០១​ម្សិល​មិញ​លោក​ពិត​ជាបាន​ចូរ​រួម​វាស់​វែង​ក្បាល​ដី​អោយ​ប្រជាពលរដ្ឋ​នៅ​ក្នុង​ដី​ចំការ​ស្វាយ​ចំការ​ចន្ទី​របស់​លោក​ស្រី​លី​អ៊ុំ​អេង​មែន តែ​លោក​ថាតួលេខ​បាន​ប៉ុន្មាន​នោះ​លោក​មិន​ច្បាស់​ទេ សុំ​អោយ​សួរទៅ​ខាង​ស្រុក ហើយ​លោក​បាន​ឆ្លើយ​ទៀត​ថា លោក​មិន​បាន​ចាំ​ទេថា ពលរដ្ឋ​ដែល​ទៅ​តវ៉ារឿង​ដី​ធ្លី​នេះ​មាន​ប៉ុន្មាន​គ្រួសារពិត​ប្រាកដ ព្រោះ​ឯកសារ​នៅ​ខាង​មេភូមិ​គេ​អ្នក​កាន់​កាប់។

    លោក សុ-ខុម​ អភិបាល​រង​ស្រុក​បន្ទាយ​ស្រី បាន​ប្រាប់​កម្ពុជា​សុវណ្ណភូមិ​តាម​ទូរស័ព្ទ​នៅ​រសៀល​ថ្ងៃទី២ដដែល​នេះដែរថា កាល​ពី​ថ្ងៃទី០១​ម្សិល​មិញការ​ចុះ​វាស់​វែង​ដី​ជូន​ពល​រដ្ឋ​ស្ថិត​ក្នុង​ដី​ចម្ការ​ដែល​ហុំ​ព័ទ​ក្នុង​ក្រវ៉ាត់​ដី​របស់​លោក​ ជំទាវ​លី​អ៊ុំ​អេង បាន​៣០ក្បាល​ដី ក្នុង​១ក្បាល​មាន​ពី២ទៅ​៣ប្លង់ ហើយ​មួយ​ប្លង់​ៗ​មាន​ទំហុំ​មិន​ស្មើគ្នា​ទេ មាន​តូច​មានធំ អាស្រ័យ​លើ​មេ​ឃុំ​ និង​ប្រ​ជាពល​រដ្ឋ​ដើ​រ​ចង្អុល​ថាដី​ណា​ជារបស់​គាត់។ លោក​អភិបាល​រង​បន្តថា ដី​ដែល​មាន​ទំនាស់ជាមួយ​លលោក​ជំទាវ​​នេះ​មាន​ចំនួន​៤៧​គ្រួសារ។ លោក​អភិបាល​រង​រូប​នេះបាន​បន្ថែមថា ការ​វាស់​វែង​នេះគឺ​សម្រាប់​ធ្វើ​ឯកសារ​ដាក់​ទៅ​សាលាខេត្ត​តាម​ ស.ជ.ណ របស់​លោក​អភិបាល​ខេត្ត ឃឹម ប៊ុនសុង បន្ទាប់​មកទើប​​ខេត្ត ​និង​បញ្ជូន​ឯកសារ​នេះ​សុំ​គោល​នយោ​បាន​ពី​ថ្នាក់​លើ​ ឬរដ្ឋាភិបាល​បន្តទៀត​ ដើម្បី​យក​ដី​ពី​ជំទាវ​លី​អ៊ុំ​អេង​អោយ​ទៅ​ពលរដ្ឋ​៤៧​គ្រួសារដែល​បាន​ប្តឹង​តវា​៕ ដោយ៖ ផ្លុងរ៉េត

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    បរិយាយថ្ងៃនេះ៖ អាជ្ញាធរវៀតណាមព្យាយាម បិទសិទ្ធិសេរីភាពពលរដ្ឋកម្ពុជាក្រោម មិនអោយរៀនអក្ស?...    អាន937ដង សមត្ថកិច្ចឃាត់ខ្លួនជនសង្ស័យ២នាក់ក្នុងករណីចាត់ចែងនិងសម្រួលអោយប្រើប្រាស់សារធាតុញៀន   អាន872ដង អាជីវករផ្សារខ្នល់ទទឹងថា ក្រុមហ៊ុនAZមានភាពមិនប្រក្រតីក្នុងការបណ្តេញពួកគាត់   អាន535ដង សមត្ថកិច្ច​នគរបាល​ខណ្ឌមាន​ជ័យឃាត់​ខ្លួនអ្នក​សារព័ត៌មាន​ភ្នំពេញ​ប៉ុស្តិ៍សាក​សួរ​និង​?...    អាន497ដង ជនពាក់​ព័ន្ទគ្រឿង​ញៀន​៧នាក់​ក្នុង​ចំណោម​៣៩​នាក់​ចេះសីល្ប៍​ហែក​គុគ​រត់​បាត់?   អាន509ដង បុរសកំណាចវាយប្រពន្ធ និងកូនអាយុជាង១ខែសន្លប់ត្រូវសមត្ថកិច្ចចាប់ខ្លួន    អាន597ដង សារជូនពរ ចំពោះ សម្ដេចអគ្គមហាសេនាបតីតេជោ ហ៊ុន សែន   អាន1421ដង បែកធ្លាយម្តាយនិងកូននិយាយទូរស័ព្ទពីរឿងប្រវត្តិសាស្រ្តសម័យប៉ុលពត   អាន3944ដង នាយឧត្តមសេនីយ៍ សៅ សុខា ត្រូវ​បានគេសង្ស័យថា ជាអ្នកនៅ​ពីក្រោយខ្នងប៉េអឹមរកស៊ីដឹកឈើក្រញូងម?...    អាន1408ដង បែកធ្លាយរឿងអាស្រូវថា គយប៉ោយប៉ែតបើកដៃអោយឈ្មួញនាំទំនិញគេចពន្ធចូលពីថៃ តែគយក្រសួងជាអ្នកចា...    អាន2654ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    រទេះដឹកឈើខុសច្បាប់ចំនួន១៥ត្រូវរដ្ឋបាលព្រៃឈើចាប់ទាំងបង្ខំចិត្តរទេះគោដឹក​ឈើ​ខុស​ច្បាប់​ចំនួន១៥​គ្រឿងត្រូវ​បាន​សង្កាត់​រដ្ឋបាល​ព្រៃឈើ​ឃុំ​ស្រែ​ណូយ​រឹបអូស​ទាំង​តឹង​ដើម​ទ្រូង​បន្ទាប់​ពី​មាន​ជំ​នាញ​មួយ​ចំ​នួន​បាន​ទៅ​យក​លុយអស់​ជាង​២លាន​រៀល​រួចមក។ មន្ត្រីរដ្ឋបាលព្រៃ...Read more
    ឈើក្រញូងជិត២តោនត្រូវបានស្ថាប័ណតុលាការបញ្ជាអោយជំនាញរឹបអូសតាមផ្លូវច្បាប់ឈើ​ក្រ​ញូង​ខុស​ច្បាប់​ជិត​២តោន ត្រូវ​បាន​លោក សំរិទ្ធសុខុន ព្រះ​រាជ​អាជ្ញា​រង​អម​សាលា​ដំ​បូង​តំ​ណាង​អយ្យ​ការ បញ្ជា​អោយ​កម្លាំង​រដ្ឋ​បាល​ព្រៃ​ឈើ​ខេត្ត​សៀម​រាប​រឹប​អូស​ទៅ​តាម​ផ្លូវ​ច្បាប់​ នៅ​រសៀល​ថ្ងៃទី...Read more
    អ្នកកាសែតម្នាក់ត្រូវបានឃាត្តករបាញ់សម្លាប់កាលពីយប់មិញអ្នក​សារ​ព័ត៌មាន​ម្នាក់​ប្រចាំ​គោល​ដៅ​ខេត្ត​ក្រចេះ ​ត្រូវ​ឃាតក​បាញ់​មួយ​គ្រាប់​ចំ​ក្បាល​ស្លាប់​ភ្លាមៗ ​នៅ​កន្លែង​កើត​ហេតុ​ ខណៈ​ដែល​អ្នក​កាសែត​រូប​នោះ​ព្យាយាម​តាម​ប្រមាញ់​ការ​ជួញ​ដូរ​ឈើ​ខុស​ច្បាប់​។​ ...Read more
    ជនសង្ស័យ២នាក់ត្រូវបានសមត្ថកិច្ចឃាត់ខ្លួន បញ្ជូនទៅតុលាការពាក់ព័ន្ធគ្រឿងញៀនជនសង្ស័យ​២​នាក់​ត្រូវ​នគរបាល​ចាប់ខ្លួន ពាក់​ពន្ធ័​ករណី​ជួញដូរ​គ្រឿងញៀន ដកហូត បាន​ថ្នាំញៀន​មួយចំនួនធំ នៅលើ​ផ្ទះសំណាក់​ហ្គោដ​ឡាក់ ក្នុង​ភូមិ​ក្បាលស្ពាន​២ សង្កាត់​/​ក្រុង​ប៉ោយ ប៉ែត ខេត្ត​បន្ទាយមានជ័យ កាល...Read more
    ប៉ូលិសសេដ្ឋកិច្ច ឡុង សំអឿន ក្តោបក្តាប់បទល្មើស៣ខេត្ត ក្នុងការរកលុយជូនលោក យិនប្រសិទ្ធ?មាន​សេចក្តី​រាយ​ការ​ណ៍​មក​ថា មេ​ប៉ូលិស​សេដ្ឋកិច្ច​៣​ខេត្ត មាន​ខេត្តបន្ទាយមានជ័យ សៀមរាប ឧ​ត្ត​រ​មានជ័យ ឈ្មោះ ឡុង សំអឿន ចាប់ផ្តើម​ល្បីឈ្មោះ​ក្តោប​ក្តាប់​បទល្មើស​សេដ្ឋកិច្ច ត្រូវប៉ាន់​ស្រង់ដើម​យ៉ាង​ពេញបន...Read more
    ប៉េអឹមស័ក្ត២ម្នាក់វៃស្រីម៉ាស្សា និងបង្កអោយខូចខាតទ្រព្យសម្បត្តិ តែគ្មានសមត្ថកិច្ចណាហ៊ានឃាត់ខ្លួនឡើយនៅ​ម៉ោង​ប្រ​ហែល​១១​យប់​ថ្ងៃទី២០ ខែវិច្ឆកា ឆ្នាំ២០១៥ មាន​ប៉េអឹម​​ស័ក្ត២ម្នាក់​​​ឈ្មោះ មិត្តសៅ អត្តលេខ ០៥១០៦៩ បាន​ប្រើ​អំ​ពើ​ហឹង្សា​ទៅ​លើ​ស្ត្រី​ម៉ាស្សា​ ដែល​ហាង​មាន​យី​ហោ ម៉ារ៉ាឌីម៉ាស្សា ស្ថិត​នៅ​ភូមិត...Read more
    តុលាការសម្រេចឃុំខ្លួនលោក សុខប៊ុន ដាក់ពន្ធនាគារបណ្តោះអាសន្នករណីប្រើអំពើហិង្សាលើកញ្ញាសាសាយោង​តាម​មន្ត្រី​តុលាការថ្លែងអោយ​ដឹង​ថា នៅ​រសៀល​ថ្ងៃ​ទី​១៨ ខែកក្កដា ឆ្នាំ​២០១៥ លោក លាង​សំ​ណាត់ ចៅក្រម​ស៊ើបសួរ​សាលាដំបូង​រាជធានី​ភ្នំពេញ បាន​សម្រេច​ឃុំខ្លួន​លោក សុខ ប៊ុន អតីត​ប្រធាន​ក្រុមហ៊ុន TEHO Devel...Read more
    តើអ្វីទៅជា អាថ៍កំបាំងស្រ្តី?តើអ្វីទៅជា អាថ៍កំបាំងស្រ្តី? ស្រ្តីខឹងក៏នៅតែសើច គឺស្រ្តីឆ្លាត ចរិយាសម្បត្តិល្អបំផុតរបស់នារីគឺភាពទន់ភ្លន់​ ស្លូតបូត វិធីរក្សារព្រហ្មចារីល្អបំផុត​គឺរក្សាភាពម៉ឺាងម៉ាត់ ទឹកភ្នែកអាចកាត់បន្...Read more
    ម្ចាស់ម៉ាស៊ីនកិនស្រូវ សង់កន្លែងជញ្ជីងថ្លឹងរថយន្តរំលោភមកលើចិញ្ចើមផ្លូវសាធារណៈ ស្នើសុំសមត្ថកិច្ច និងមន្ទីរជំនាញជួយទប់ស្កាត់ផងចិញ្ចើមផ្លូវកៅស៊ូលេខ៥៣មួយកន្លែង ត្រូវបានម្ចាស់ម៉ាស៊ីនកិនស្រូវម្នាក់ចាក់​ដីរំលោភយកធ្វើជាផ្លូវខ្ពស់ជាងផ្លូវជាតិ ដើម្បីសាងសង់កន្លែងជញ្ជីងថ្លឹងរថយន្តដឹកស្រូវជា ផលប្រយោជន៍​របស់ខ្លួន ជាហេតុអាចធ្វើអោយស្ទះចរន...Read more
    លោក នីចរិយា ត្រូវបានតុលាការកោះហៅអោយចូលបំភ្លឺនៅថ្ងៃទី១៣ ខែកក្កដាក្នុងសំណុំរឿង បទបរិហារកេរ្តិ៍មន្ត្រី​តុលាការ ថ្លែងថា លោក សៀង សុខ ព្រះរាជអាជ្ញារង អម​សាលាដំបូង​រាជធានី​ភ្នំពេញ កាលពីពេល​ថ្មីៗ​នេះ បានចេញ​ដីកា​កោះហៅ​លោក នី ចរិយា ប្រធាន​ផ្នែក​ស៊ើបអង្កេត នៃ​សមាគម​សិទ្ធិមនុស្ស​អាដ​ហុក ឲ្យ​ចូល​បំភ្លឺ ...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      383នាក់
    ម្សិលមិញ    6825នាក់
    សប្ដាហ៍នេះ    7222នាក់
    ខែនេះ    197742នាក់
    ឆ្នាំនេះ   472601នាក់
    សរុប   28577852នាក់
    ថ្ងៃទី 20 ខែ 02 ឆ្នាំ 2018 ម៉ោង 05:05