ត្រីពូជនិងត្រីកម្រប្រឈមទៅនឹងការផុតពូជខណៈការនេសាទខុសច្បាប់ក្នុងរដូវត្រីពងកើត មានពេញបន្ទុកគ្មានសមត្ថកិ

ប្រភេទត្រីពូជនិងត្រីកម្រជាច្រើនប្រភេទកំពុងញាំញីផ្តាច់ពូជដោយក្រុមអ្នកនេសាទប្រើប្រាស់នូវឧបករណ៏ខុសច្បាប់ពិសេសនៅរដូវត្រីពងកូនបទល្មើសហាក់មានសន្ទុះចេះតែកើនឡើងពីមួយថ្ងៃទៅមួយថ្ងៃ ហើយបទល្មើសនេះចេះមានភាពរលូនរហូត គ្មានការទប់ស្កាត់ និងការចុះបង្រ្កាបពី សមត្ថកិច្ចជំនាញឡើយ។

យ៉ាងណាក៏ដោយ​​ ពូជត្រីសំខាន់ៗរួមទាំងជីវចំរុះគ្រប់ប្រភេទ ត្រូវការចាំបាច់រស់នៅទីកន្លែង​​ អំណោយផលដែលអាចធ្វើឲ្យវារស់នៅ​​ បន្តពូជបានដូចជាតំបន់ដែលមាន ទឹកថ្លា​ ថ្ម ព្រៃឈើ​ ដុះតាមបណ្តោយ មាត់ទន្លេ និងកោះជាច្រើន ដែលយើងដឹងហើយថាមានតែនៅ ស្រុកសំបូរ ខេត្តក្រចេះ ផ្តល់អំណោយផលដល់ពពួកត្រីទាំងនោះ ផ្សោតជាដើម រីឯត្រីដែលនេសាទត្រី​ ដូចជា ត្រីក្អែកពូក ត្រីកេះ ត្រីអំបូង កញ្ចុះចេក ត្រីពោ ឆ្លាំង ឆ្កោក និងត្រីរាហ៊ូរ។

ត្រីទាំងនោះមិនអាចគេចផុតដោយស្រួលនោះទេពីក្រុមអ្នកនេសាទខុសច្បាប់ ដែលប្រើប្រាស់ឧបករណ៏ទាន់សម័យដូចជា ឧបករណ៏ឆក់ក្តៅ និងឆក់ ត្រជាកក់ សំដៅលើត្រីអត់ស្រកាឬការបណ្តែតមោងក្រឡាធំជាដើម។
លោក សាធ ពិន នាយរដ្ឋាបាលជលផល បានអះអាងបញ្ជាក់ តាមទូរស័ព្ទថា ព្រោះតែឆ្មាំគោលដៅ ជាប់រវល់ទៅប្រជុំចំនួន៤ថ្ងៃ ទើបបណ្តាលឲ្យត្រីរាប់ពាន់ត្រូវបានគេនេសាទធ្វើសារាចរចេញពី ស្រុកសំបូរ បានដូច្នេះ។

ប្រភពពីប្រជាពលរដ្ឋ ក្នុងស្រុកសំបូរ បានបានរាយការណ៏ ឲ្យអ្នកពត៏មានយើង នៅថ្ងៃទី២៧ ខែមិថុនា ឆ្នាំ២០១៤នេះថា មានអ្នកដើរកត់ឈ្មោះឈ្មួញ អ្នករកស៊ីបណ្តែតមោងធំៗ ពិសេសគឺសំដៅលើអ្នកនេសាទខុសច្បាប់តែម្តង ម្នាក់ចំនួន១លាន​រៀល ក្នុងមួយខែៗឲ្យទៅមន្ត្រីជំនាញ ប្រចាំគោលដៅខាងលើ ទើបក្រុមអ្នកនេសាទទាំងនោះ អាចដំណើរការបានដោយរលូន និង គ្មានការបង្រ្កាប។ 

ជុំវិញករណីនេះ លោក តាំង សាមេតប៉ុណ្ណាវឌ្ឍ ទទួលបន្ទុកជានាយរងខ័ណ្ឌជលផល និងនាយកដ្ឋានគ្រប់គ្រងអភិរក្សផ្សោត គ្រប់គ្រងចាប់ពីនោះត្រង់ឡើងទៅលើនោះ អះអាងតាមទូរស័ព្ទថា លោកសុំមិនធ្វើការអធិប្បាយច្រើនទេ លោកនឹងដឹកនាំកម្លាំង ស្រាវជ្រាវរកទីតាំងបទល្មើសឆក់ត្រីជាប្រចាំនេះ ពិសេសក្នុងរដូវវស្សា រដូវត្រីពងកូន ដែលជារដូវហាមឃាត់៕