កម្មកររោងចក្រតៃយ៉ាងគ្រោងយកញត្តិដាក់ជូនលោកនាយករដ្ឋមន្រ្តី

អង្គស្នួលៈ កម្មកររាប់ពាន់នាក់នៅរោងចក្រ តៃយ៉ាងក្នុងស្រុកអង្គស្នួល នៅតែបន្តការធ្វើកូដកម្មនៅខាងមុខរោងចក្រកាលពីព្រឹកថ្ងៃច័ន្ទ ទី០៩ ខែកក្កដានេះ បន្ទាប់ពីការចរចារមិនបានសម្រេចជាមួយនឹងម្ចាស់រោងចក្រនិងក្រសួង ការងារ កាលពីថ្ងៃសុក្រសប្តាហ៍មុន។

ប្រភពព័ត៌មាន បានឲ្យដឹងថា នៅថ្ងៃចន្ទនេះ កម្មករនឹងបន្តធ្វើកូដកម្មបន្តទៀត ហើយពួកគេនឹងប្រមូលស្នាមមេដៃ ដាក់ជូនលោកនាយករដ្ឋមន្ត្រី ហ៊ុន សែន ហើយពួកគេក៏នឹងគ្រោងដាក់ញត្តិជូនទៅលោកស្រី ហ៊ីលឡារី គ្លីនតុន រដ្ឋមន្ត្រីការបរទេសអាមេរិក ជាម្ចាស់ប្រទេស ដែលមានក្រុមហ៊ុនបញ្ជាទិញសម្លៀកបំពាក់ច្រើនជាងគេ ពីរោងចក្រ Tai Yang Enterprise នេះផងដែរ។

កម្មករប្រមាណជា៤០០០នាក់នោះ បានធ្វើការតវ៉ាជាងពីរសប្តាហ៍មកហើយ ដើម្បីទាមទារឲ្យរោងចក្រ ធ្វើការទូទាត់នូវ អត្ថប្រយោជន៍តាមច្បាប់ ស្តីពីការងារប៉ុន្តែដោយសាតែខាងក្រុម និយោជកមិនបានយល់ព្រមនៅការស្នើសុំរបស់កម្មករនៅឡើយទើបពួកគាត់សម្រេចចិត្ត បន្តរធ្វើកូដកម្មដោយសន្តិវិធីបន្តទៀត។

ក្រុមកម្មករបានបន្តថាពួកគេនៅតែបន្តធ្វើកូដកម្មលុះត្រាតែខាងរោងចក្រមានដំណោះស្រាយណាមួយដែលសម ស្របអាចទទួលយកបាន៕