រដ្ឋបាលព្រៃឈើស្រុកអង្គស្នួលរងការចោទប្រកាន់ថា ដាក់កុងត្រូលជជុះគ្មានរនាំងបាំង

កំពង់ស្ពឺ/អង្គស្នួល៖ជារៀងរាល់ថ្ងៃយប់តាមផ្លូវមុខសង្កាត់ រដ្ឋបាលព្រៃឈើអង្គស្នួលនិងសង្កាត់រដ្ឋបាលព្រៃឈើពញាឮកំពង់ តែធ្វើឲ្យពលរដ្ឋដែលខំប្រឹងប្រែងរកស៊ីចញ្ចឹមក្រពះដោយភាពតស៊ូ ដឹកធ្យូងអុសលក់រអូរទាំថាក្រុមមន្រ្តីរដ្ឋបាលព្រៃឈើទាំងនោះដាក់ វេនគ្នាដេកយោល អង្រឹងចាំយកលុយពីពួកគាត់ដែលដឹកអុសធ្យូងយកទៅលក់គ្រាន់បាន ប្រាក់ចំណេញ បន្តិចបន្ទួយផ្គត់ផ្គង់ជីវភាពគ្រួសារ។

ប្រភពពីព័តិមានក្រុមពលរដ្ឋរកស៊ីដឹកអុសធ្យូងបានអោយដឹងថាពួក គាត់សព្វថ្ងៃមានការលំបាក់ចំពោះមុខរបរកស៊ីរបស់ក្រុមពួកគាត់ដែលត្រូវ បានមន្រ្តីជំនាញព្រៃឈើទាំងនោះដេកចាំតែយកលុយដែលពួកគាត់ខំប្រឹប្រែង រកស៊ីដើម្បីរស់មានពេលខ្លះក៍ត្រូវខាតដើមប្រសិនបើរមកម៉ូតូខូចតែអស់លោក មេព្រៃទាំងនោះវិញបែជាដេកស្រួលចាំយកលាភសក្ការះពីពួកគាត់ទៅវិញ។ពួកគាត់ បានបន្តថាក្រុមមន្រ្តីដែលដេកចាំយកលុយទាំងថ្ងៃទាំងយប់មាន២កន្លែង ខាងលើនោះស្ថិតនៅក្នុងស្រុកអង្គស្នួលតាមបណ្តោយផ្លូវជាតិលេខ៤និងមួយ កន្លែងទៀតស្ថិតនៅស្រុកពញាឭតាមបណ្តោយផ្លូវជាតិលេខ៥ពួកបានបន្តរថាសព្វ ថ្ងៃមិនមែនជាស្នាក់ការសំរាបមន្រ្តីជំនាញព្រៃឈើធ្វើការនោះទេបើនិយាយ កុងត្រូលជជុះត្រូវជាងព្រោះគ្រប់ឡានរមកម៉ូតូដឹកឈើអុសធ្យូងត្រូវ តែឈប់បង់លុយអោយគ្រប់កន្លែងនិមួយៗបើពុំមានការបង់អោយទៅមន្រ្តីទាំង នោះទេមិនអាចទៅមុខរួចឡើយ។

ព័តិមានពីប្រជាពលរដ្ឋនិងអ្នកឃ្លាំមើលបទល្មើសព្រៃឈើបានអោយ ដឹងថាទោះជាមានការប្តូមន្ត្រីនាយផ្នែកនិងនាយរងផ្នែកមួយចំនួនក្តី ក៍បទល្មើសព្រៃឈើនៅតែមានឯការយកលុយពីអ្នកដឹកអុសធ្យូងនៅតែបន្តទោះជាពេល ខ្លះមានការបង្រាបបទល្មើសក៍ពិតមែនប៉ុន្តែនេះគ្រាន់តែជ្រុងតូច១នៃបទ ល្មើសដែលកំពង់តែកើតមានឡើងក្នុងស្រុកតែប៉ុណ្ណោះ។

ជុំវិញបញ្ហាខាងលើយើងមិនទាន់អាចសុំការបំភ្លឺពីលោកហែមតារានាយរង សង្កាត់រដ្ឋបាលព្រៃឈើអង្គស្នួលដែលទាក់ទងនិងរឿងរាវខាងលើនោះបាននៅ ឡើយ៕