ស្មៀនសង្កាត់ម្នាក់តែងតែជំរិតទាលុយពីរាស្រ្តក្រីក្រ

ស្មៀនសង្កាត់មុខលុយម្នាក់ទោះជាចៅសង្កាត់ចុះហត្ថលេ ខាហើយក៏ដោយឲ្យតែលុយមិនគ្រប់គឺមិនប្រថាប់ត្រាឲ្យ ឡើយដែលធ្វើអោយប្រជាពលរដ្ឋជាម្ចាស់ឯកសារខឹងសម្បារជា ខ្លាំងខណៈដែលប្រជាពលរដ្ឋស្វះស្វែងបំពេញឯកសារដើម្បី ធ្វើអត្តសញ្ញាណប័ណ្ណសមាជិកគ្រួសាររបស់ពួកគាត់ដែលមាន អាយុត្រូវធ្វើអត្តសញ្ញាណប័ណ្ណនោះ។

លោក រស់-គឹមស្រ៊ាន់ ជាប្រជាពលរដ្ឋម្នាក់នៅសង្កាត់កំពង់រទេះបាននិយាយឲ្យ ដឹងថាប៉ុន្មានថ្ងៃនេះនៅសាលាសង្កាត់កំពង់រទេះត្រូវបាន គេចុះមកធ្វើអត្តសញ្ញាណប័ណ្ណអោយប្រជាពលរដ្ឋចំនួន៣ ថ្ងៃចំណែកសមាជិកក្នុងគ្រួសាររបស់គាត់គឺមានមនុស្ស៣ នាក់ដែលត្រូវដល់អាយុធ្វើអត្តសញ្ញាណប័ណ្ណសញ្ជាតិខ្មែរ។

លោក រស់-គឹមស្រ៊ាន់ បន្តថាគាត់ត្រូវការបំពេញឯកសារពីអាជ្ញាធរភូមិសង្កាត់ ខ្លះដើម្បីទៅធ្វើអត្តសញ្ញាណប័ណ្ណនេះដែលគាត់យកលិខិត បញ្ជាក់កំណើត៣ច្បាប់ទៅអោយលោក សំ-សុវណ្ណារ៉ា ស្មៀនសង្កាត់កំពង់រទេះប្រថាប់ត្រាបន្ទាប់ពីលោកចៅសង្កាត់ ចុះហត្ថលេខារួចហើយនោះប៉ុន្តែពុំត្រូវបានលោកស្មៀន សង្កាត់នេះប្រថាប់ត្រាឲ្យឡើយដោយគ្មានលុយអោយគេគ្រប់ ចំនួននោះគឺស្មៀននេះទារលុយ៦ម៉ឺនរៀលហើយគាត់មានតែ៣ ម៉ឺនរៀល។

ចំណែកប្រជាពលរដ្ឋជាច្រើននាក់ទៀតក៏និយាយមិនខុសពី លោកដែរ ដែលពួកគាត់អះអាងថារាល់ការទៅបោះត្រាពីលោកស្មៀន សង្កាត់នោះគឺពិបាកដូចទៅសុំភ្លើងយក្សអញ្ចឹង។ប្រជាពល រដ្ឋបានបន្តថាសូម្បីឯកសារខ្ចីអង្គការឬធនាគារក៏ស្មៀន រូបនោះកំណត់ច្រើនតិចតាមទំហំទឹកប្រាក់កម្ចីនេះដែរគឺ មិនទទួលស្គាល់ពាក្យថាប្រជាពលរដ្ឋក្រីក្រឡើយ។

លោក លាង-ជួន ចៅសង្កាត់កំពង់រទេះបានប្រាប់អ្នកយកព័ត៌យើងថាលោក ទទួលស្គាល់ថារឿងដែលប្រជាពលរដ្ឋនិយាយខាងលើវាជារឿងពិត ហើយនៅពេលខ្លះលោកបានអន្តរាគមន៍ទៅលោក សំ-សុវណ្ណារ៉ា នេះទៀតផងដើម្បីឲ្យសំរួលតាមតំរូវការរបស់ប្រជាពលរដ្ឋ ប៉ុន្តែសូម្បីតែគាត់ក៏លោកស្មៀននេះពុំស្ដាប់ដែរហើយ រឿងនេះបានបែកធ្លាយដល់អាជ្ញាធរក្រុងស្ទឹងសែនរួចទៅហើយ។ លោក លាង-ជួន ចៅសង្កាត់កំពង់រទេះបានបន្តថាក្នុងនាមជាចៅសង្កាត់លោក បានណែនាំលោកស្មៀននេះជាញឹកញាប់ប៉ុន្តែលទ្ធផលគឺសូន្យ ។

ប្រជាពលរដ្ឋសង្ស័យថា ស្មៀនសង្កាត់រូបនេះមានខ្នងក្រាសនៅពីក្រោយខ្នង ទើបបានជាមិនស្តាប់មេកើយបែបនេះ តើលោក អភិបាលក្រុងនៅប្រងើយដល់ណាទៀត ឬបានសំណូកពីលោកស្មៀនទេដឹង?