អ្នកកាសែតម្នាក់ និងមន្រ្តីបរិស្ថានក្រសួងម្នាក់ត្រូវបានអធិការស្រុកវ៉ារិនចាប់ខ្លួន កាលពីម៉ោង៩ និង៥០នាទីយប់ថ្ងៃទី០៤ ខែមករាឆ្នាំ២០១៣ នៅចំណុចភូមិវត្ត ឃុំស្រែណូយស្រុកវ៉ារិន ខេត្តសៀមរាប ពាក់ព័ន្ធទៅនឹងបទល្មើសព្រៃឈើ។
បើយោងតាមសម្តីសមត្ថកិច្ចបានអោយដឹងថា សមត្ថកិច្ចចាប់ខ្លួនមនុស្ស២នាក់ ម្នាក់ឈ្មោះ សម តារា ភេទប្រុស អាយុ៤២ឆ្នាំ រស់នៅភូមិឈូគ ឃុំឃុនរាម ស្រុកបន្ទាយស្រី ខេត្តសៀមរាប មានមុខងារជាមន្រ្តីបរិស្ថានក្រសួង។ រីឯម្នាក់ទៀតឈ្មោះ ផលចន្នី ភេទប្រុស អាយុ៥៤ឆ្នាំ រស់នៅភូមិក្រឡាញ់ ឃុំខ្នាសណ្តាយ ស្រុកបន្ទាយស្រី ខេត្តសៀមរាបដូចគ្នា និងដកហូតបានរថយន្តកាមរី ពណ៍ស១គ្រឿង។
លោក ត្រី ណុបសារ៉ាក់ អធិការស្រុកវ៉ារិនបានអោយដឹងថា ដំបូងឡើងលោកបានទទួលបណ្តឹងពីប្រជាពលរដ្ឋអ្នកដឹកឈើយកធ្វើផ្ទះថា មានគេឃាត់គោយន្តកន្ត្រៃរបស់ពួកគាត់ជំរិតទាប្រាក់ ទើបលោកទៅមើលឃើញដូចការរាយការនោះមែន ហើយលោកបានឃាត់ខ្លួនជនទាំង២រូបនេះទៅអធិការដើម្បីសាកសួរ។ លោកអធិការបន្តថា លោកបានរាយការជូនព្រះរាជអាជ្ញាសាលាដំបូងខេត្តសៀមរាប ហើយខាងប៉ូលីសបានកសាងសំណុំរឿង ចោទពីបទកំហែងទាប្រាក់។ លោកអធិការបន្ថែមថា ទាំងមនុស្ស និងរថយន្តបានបញ្ជូនទៅស្នងការខេត្តសៀមរាបនៅរសៀលថ្ងៃទី៥មករាម្សិលមិញនេះ។
បើយោងតាមសម្តីចាងហ្វាងកាសែត ក្រុងសៀមរាប បានប្រាប់តាមទូរស័ព្ទនៅព្រឹកថ្ងៃទី៦នេះថា កូនចៅរបស់លោក (ផលចន្នី) បានបដិសេធថា ពុំបានទាលុយពីឈ្មួញដឹកឈើខាងលើដូចការចោទប្រកាន់នោះទេ។ មូលហេតុដែលពួកគេចុះទៅកាក់គោយន្តកន្រ្តៃខាងលើគឺដើម្បីសួរនាំ រកម្ចាស់ រកច្បាប់ទំលាប់ក្នុងការដឹងជញ្ជួនឈើខាងលើ។ តែមិនទាន់បានសួរនាំចប់ផងស្រាប់តែឃើញប៉ូលីសជិះរថយន្តទៅដល់ចាប់ខ្លួនពួកគេតែម្តង។ លោកចាងហ្វាងនេះបន្តថា ខាងប៉ូលីសបានដាក់ខ្នោះឃុំខ្លួនកូនចៅលោក និងមន្រ្តីបរិស្ថាន មិនអោយអ្នកណាជួបសាកសួរអ្វីទាំងអស់ ដែលទង្វើនេះហាក់ដូចកូនចៅរបស់លោកជាជនក្បត់ជាតិអញ្ចឹង។
លោក សំ រិទ្ធសុខុន ព្រះរាជអាជ្ញារង និងជាតំណាងអេយ្យការ មានប្រសាសន៍តាមទូរស័ព្ទនៅព្រឹកថ្ងៃទី៦នេះថា លោកកំពុងសាកសួរ ពុំទាន់បានចោទប្រកាន់ជនសង្ស័យទាំង២នាក់នេះនៅឡើយទេ។ លោកបន្ថែមថា លទ្ធផលយ៉ាងណាមិនទាន់ដឹងទេ លោកនឹងផ្តល់ព័ត៌មានបន្ថែមនៅពេលក្រោយទៀត។ ចំណែកឯម្ចាស់គោយន្តដឹកឈើ លោកបានអោយខាងប៉ូលីស ហៅម្ចាស់ឈើ យកឈើ និងគោយន្តកន្រ្តៃ ដែលជាមធ្យោបាយដឹកជញ្ជូនមកពិន័យតាមផ្លូវច្បាប់។
ពាក់ព័ន្ធនឹកការចាប់ខ្លួនអ្នកកាសែតនៅក្នុងខេត្តសៀមរាបជាបន្តបន្ទាប់នោះ ត្រូបបានមជ្ឈដ្ឋានទូទៅគេសង្កេតឃើញថា វាហាក់មានភាពអយុត្តិធម៌ ព្រោះគេពុំដែលឃើញសមត្ថកិច្ចចាប់ខ្លួនអ្នករកស៊ីដឹកឈើខុសច្បាប់ទាល់តែសោះ តើនេះវាបណ្តាលមកពីមូលហេតុអ្វីដែរ? តើឈ្មួញដឹកឈើមានភស្តុតាងអ្វីខ្លះដែលដាក់បន្ទុកថា អ្នកកាសែតជំរិតទាប្រាក់? ឬមួយគ្រាន់តែជាការចោទប្រកាន់ដោយអណ្តាតអត់ឆ្អឹងដើម្បីយករួចខ្លួនពីការដឹកឈើខុសច្បាប់តែប៉ុណ្ណោះទេ? តុលាការគួរតែផ្តល់យុត្តិធម៌ដល់ពលរដ្ឋខ្មែរអោយបានស្មើភាពគ្នាផង៕
.jpg)
.jpg)
.jpg)
.png)
.jpg)
.jpg)
ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្...Read more
ប្រភភពីស្រុកមេមត់ ឲ្យដឹងថារថយន្ត ប្រភេទយីឌុប១ គ្រឿងក្បាលពណ៌ ក្រហមលាយសពាក់ ស្លាកលេខ កំពង់ចាម 3A-3461ផ្ទុកឈើលេខ ១ប្រភេទសុក្រំដែល មានមុខកាត់ធំៗ ពេញប្រៀបចំណុះ ផ្ទុកមិនក្រោម ៤០...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
ជនសង្ស័យ២នាក់ត្រូវនគរបាលចាប់ខ្លួន ពាក់ពន្ធ័ករណីជួញដូរគ្រឿងញៀន ដកហូត បានថ្នាំញៀនមួយចំនួនធំ នៅលើផ្ទះសំណាក់ហ្គោដឡាក់ ក្នុងភូមិក្បាលស្ពាន២ សង្កាត់/ក្រុងប៉ោយ ប៉ែត ខេត្តបន្ទាយមានជ័យ កាល...Read more
ក្រុមគ្រួសារនាយរងប៉ុស្តិ៍សង្កាត់សៀមរាប ប្រាំនាក់ពុលទាំងអស់នៅយប់ថ្ងៃទី២៤ ខែឧសភា ឆ្នាំ២០១៥ បន្ទាប់ពីបញ្ជូនទៅព្យាបាលនៅមន្ទីរពេទ្យឯកជន ប្តីបានស្លាប់បាត់បង់ជីវិត ឯកូនបីនាក់ និង...Read more
អ្នកគ្រូបង្រៀនវិទ្យាល័យអាយុ២៤ឆ្នាំម្នាក់ដែលត្រៀមចូលរោងការបានស្លាប់ដោយសាររថយន្តមួយគ្រឿងបានបុកពីក្រោយពេលអ្នកគ្រូកំពុងជិះម៉ូតូតែម្នាក់ឯងនៅលើផ្លូវមួយក្នុងស្រុកបវេលខេត្តបាត់...Read more
ច្បាប់ស្តីពីព្រៃឈើ
ជំពូក៨: ការហាមឃាត់ការប្រមូលផល អនុផលព្រៃឈើ និងការការពារព្រៃឈើ
មាត្រា ៣២: ព្រៃឈើត្រូវបានការពារប្រឆាំងនឹងរាល់សកម្មភាពដែលធ្វើអោយខូចខាត បណ្តាលមកពី...Read more
ការធ្វើអាជីវកម្មថ្មកែវ នៅចំណុចជួរភ្នំ១៥០ ស្ថិតនៅក្បែវត្តគិរីសិលាកែវ ក្នុងភូមិអន្លង់ស្វាយ ឃុំតាគ្រាម ស្រុកបាណន់ ខេត្តបាត់ដំបង ដែលក្តោបក្តាប់ដោយលោកឧកញ៉ាដ៏វ័យក្មេងម្នាក់ ប្រចាំខេត...Read more
.jpg)
ក្បួនរថយន្ដរបស់សម្ដេចក្រុមព្រះដែលកំពុងធ្វើដំណើរត្រឡប់ទៅទីក្រុងភ្នំពេញវិញ ត្រូវបានរថយន្ដដឹកដីមួយគ្រឿងបានបើកចូលក្បួនរថយន្តរបស់ព្រះអង្គ ហើយគៀររថយន្ដរបស់ព្រះអង្គបណ្តាលអោ...Read more
ឃាតករដែជាជនដៃដល់ដែលបានវាយសម្លាប់ស្ត្រីមេម៉ាយម្នាក់នៅស្រុកចំការលើបានត្រូវសមត្ថកិច្ច ចាប់ខ្លួនបានហើយនៅម៉ោង២រសៀល ថ្ងៃទី០៥ ខែធ្នូ ឆ្នាំ២០១៤នេះ ក្រោយពីរត់គេចខ្លួនបានមួយរយះ។
...Read more
| ថ្ងៃនេះ | 711 | នាក់ |
| ម្សិលមិញ | 9615 | នាក់ |
| សប្ដាហ៍នេះ | 52895 | នាក់ |
| ខែនេះ | 333257 | នាក់ |
| ឆ្នាំនេះ | 333257 | នាក់ |
| សរុប | 53932153 | នាក់ |
| ថ្ងៃទី 31 ខែ 01 ឆ្នាំ 2025 ម៉ោង 05:14 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net