​រំលោភ​កូនស្រី​​ខ្លួនឯង​​៦​ដង​ត្រូវ​សមត្ថកិច្ច​ចាប់ខ្លួន​

កូនស្រី​អភ័ព្វ​អាយុ​៧​ឆ្នាំ​ត្រូវ​ឪពុក​តិ​រិ​ច្ឆា​ន​ចាប់រំលោភ​ចំនួន​៤​ដង​នៅ​ប្រទេស​ថៃ​ហើយ​តាម​មក​រំលោភ​លើទឹក​ដី​ខ្មែរ​ចំនួន​២​ដង​កាលពី​ថ្ងៃទី​២២ ខែសីហា ឆ្នាំ​២០១៣ នៅផ្ទះ​គេ​ទុកចោល​ក្បែរ​វត្ត​អូរ​ជុំ​ស្ថិត​ក្នុងភូមិ​ត្រពាំង​ព្រលឹត ឃុំ​សន្តិភាព ស្រុក​សំពៅ​លូន ខេត្តបាត់ដំបង ហើយ​ត្រូវ​ប្រពន្ធ​ដាច់ចិត្ត​ប្តឹង​ឲ្យ​សមត្ថកិច្ច​ចាប់ខ្លួន​ញាត់​គុក​។​

លោក ឈិ​ត សេង អធិការរង​នគរបាល​ស្រុក​សំពៅ​លូន​បាន​ឲ្យ​ដឹងថា បុរស​សង្ស័យ​ដែលជា​ឪពុក​តិ​រិ​ច្ឆា​ន​ចាប់រំលោភ​កូនបង្កើត​ឃាត់ខ្លួន​មានឈ្មោះ សាន សុភា​រ៉ាត់ អាយុ​៣៣​ឆ្នាំ មានមុខរ​បរជា​កម្ម​ករ​។​

​

ស្ត្រី​ឈ្មោះ អ៊ុំ ស្រី​ថា អាយុ​៣៣​ឆ្នាំ​ដែលជា​ប្រពន្ធ​ជនសង្ស័យ និង​ជា​ម្តាយ​ក្មេងស្រី​រងគ្រោះ​បានអោយ​សមត្ថកិច្ច​ដឹងថា កូនស្រី​បាន​ប្រាប់​អំពី​រឿង​ឪពុក​ចាប់រំលោភ​វា​កាល​នៅ​ទឹកដី​ថៃ​ចំនួន​៤​ដង ពេលនោះ​ខ្លួន​ជា​ប្រពន្ធ​បាន​ស្តីបន្ទោស និង​ប្រដៅ​អោយ​ឈប់​ធ្វើ​ទង្វើ​ដ៏​អាក្រក់​នេះ ហើយក៏​ត្រឡប់មក​រស់នៅ​ទឹកដី​កម្ពុជា​វិញ​ដើម្បី​កុំអោយ​ខ្មាស់​ពួកកម្មករ​នៅ​ទឹកដី​ថៃ​។ តែ​កាលពី​ថ្ងៃទី​២៤ ខែសីហា ឆ្នាំ​២០១៣ កូនស្រី​បាន​ប្រាប់ថា ឪពុក​បាន​ចាប់រំលោភ​នាង​ចំនួន​២​ដង​ទៀត​នៅពេល​វិល​មកដល់​ទឹកដី​កម្ពុជា​។ ដោយ​ខ្លួន​ខឹង​ខ្លាំង​និង​រក​ផ្លូវ​ដើរ​ទៀត​លែងកើត ក៏​ដាច់ចិត្ត​ប្តឹង​នគរបាល​អោយ​ខាត់​ខ្លួន​ប្តី​ទុរយស​នេះ​តែម្តង​។​

ឪពុក​តិ​រិ​ច្ឆា​ន​ឈ្មោះ សាន សុភា​រ៉ាត់ បាន​និយាយ​ថា ការ​រំលោភ​កូនស្រី​ខ្លួន​ឯង​នេះ គឺ​ខ្លួន​មិ​ន​បាន​ដឹង​ថា​ខ្លួន​ធ្វើ​ដូច្នេះ​ទេ ព្រោះ​ខ្លួន​មិនទាន់​ស្វាង​គ្រឿងញៀន​នៅឡើយ ម្យ៉ាងទៀត​ការរំលោភ​ចំនួន​៣​ដង​មិនបាន​ស៊ី​ជំរៅ​នោះដែរ​។​

​លោក ឈិ​ត សេង អធិការរង​នគរបាល​ស្រុក​សំពៅ​លូន​បាន​បញ្ជាក់ថា បុរស​សង្ស័យ​ឈ្មោះ​សាន សុភា​រ៉ាត់ ធ្លាប់ប្រើ​ប្រាស់​គ្រឿងញៀន​ក្នុង​១​ថ្ងៃ​ចំនួន​៥​គ្រាប់​ទៅ​១០​គ្រាប់​ហើយ​បញ្ជូន​ចូល​មណ្ឌល​កែប្រែ​អាវុធហត្ថ​បន្ទាយមានជ័យ​កាលពី​ឆ្នាំ​២០០៤​។ ក្រោយមក​ជនសង្ស័យ​ប្រើប្រាស់​គ្រឿងញៀន​ប្រភេទ​ចាក់​តាម​ម្ជុល​វិញ ក្នុង​១​ម្ជុល​១​សប្តាហ៍​ទើប​ថ្នាំ​សាប​។ បច្ចុប្បន្ន​បុរស​សង្ស័យ​ត្រូវ​កសាង​សំណុំរឿង​បញ្ជូនទៅ​ស្នងការដ្ឋាន​នគរបាល​ខេត្ត​នា​ព្រឹក​ថ្ងៃទី​២៧ ខែសីហា​ឆ្នាំ​២០១៣ នេះ ដើម្បី​ចាត់ការ​តាមច្បាប់​។ ចំណែកឯ​ក្មេងស្រី​រងគ្រោះ​បាន​នាំយកទៅ​ស្នងការ​រដ្ឋា​ន​នគរបាល​ខេត្ត​ដើម្បី​ចាត់ចែង​ធ្វើ​កោសល្យវិច័យ​បន្ត​៕ដោយ ម៉ៅ សំ ខ្មែរ៧មករា