អង្គការអាដហុកបានរៀបចំកម្មវិធី ការប្រជុំសន្ទនា ក្រោមគំរោងសំលេងសំរាប់នៃការផ្សះផ្សា នៅព្រឹកថ្ងៃទី០១ ខែមេសា ឆ្នាំ២០១៤ នៅភូមិចុងកៅស៊ូ សង្កាតស្លក្រាម ក្រុងសៀមរាប ដែលមានសមាសភាពអ្នកចូលរួមមកពីសមគមន៍ដីធ្លីស្រុកបន្ទាយស្រី-ក្រុងសៀមរាប ក្រុមប្រឹក្សាសង្កាត់ ចៅសង្កាត់រង មន្រ្តីប៉ុស្តិ៍ ព្រះសង្ឃ និងដើមបណ្តឹងរដ្ឋប្បវេណីចំនួន២៥នាក់ផងដែរ។
កញ្ញា ហ៊ាន-ជាវគុណ មន្រ្តីនិងជាអ្នកធ្វើបទបង្ហាញក្នុងកម្មវិធីខាងលើដែលមកពីអង្គការអាដហុកបានអោយដឹងថា កន្លងទៅខាងអង្គការអាដហុកធ្លាប់បានជួយរៀបចំឯកសារពាក្យបណ្តឹង អោយដើមបណ្តឹងរដ្ឋប្បវេណីដាក់ប្តឹងទៅលើជនសង្ស័យដែលជាមេដឹងនាំធំៗក្នុងរបបខ្មែរក្រហមដូចជា លោកអៀង-សារី អ្នកស្រីអៀង-ធារិទ្ធ លោកខៀវ-សំផន និងលោកនួន-ជា ជាដើម។ កញ្ញាបន្តថា ការជួបជុំព្រឹកនេះគឺជាការជជែកសន្ទនាគ្នានិងចង់ដឹងថា តើដើមបណ្តឹងរដ្ឋប្បវេណីមានអារម្មណ៍ថា ទទួលបានយុត្តិធម៌ខ្លះហើយឬនៅ ហើយតើពួកគាត់មានសំនូមពរអ្វីបន្តទៀត និងជាការស្ទាបស្ទង់ថា ពួកគាត់បានយល់ដឹងអ្វីខ្លះពីលាសាក្តីខ្មែរក្រហម។
លោក ចាន់-ថន ជាដើមបណ្តឹងរដ្ឋប្បវេណីមួយរូបក្នុងចំណោម២៥រូបបានអោយដឹងថា នៅខេត្តសៀមរាបមានដើមបណ្តឹងរដ្ឋប្បវេណីចំនួនតែ១១៥នាក់តែប៉ុណ្ណោះ ដែលបានប្តឹងទាមទារកយុត្តិធម៌នៅសាលាក្តីខ្មែរក្រហម។ លោកបន្តថា មូលហេតុដែលមានជនរងគ្រោះក្នុងរបបខ្មែរក្រហមដាក់ពាក្យបណ្តឹងតិចតួចបែបនេះព្រោះទី១ពលរដ្ឋខ្មែររវល់តែខ្វាយខ្វល់ពីជីវភាពរស់នៅ ទី២ពួកគាត់មិនដឹងទៅដាក់ពាក្យបណ្តឹងនៅឯណា ព្រោះការផ្សព្វផ្សាយពីការដាក់ពាក្យបណ្តឹងមិនបានទូលំទូលាយ។
ពលរដ្ឋសហគមន៍ និងដើមបណ្តឹងដែលមកចូលរួមប្រជុំសន្ទនាខាងលើពួកគាត់ភាគច្រើនចង់អោយសាលាក្តីខ្មែរក្រហមពន្លឿនការកាត់ទោសមេដឹងនាំរបបខ្មែរក្រហម២នាក់ទៀត (លោកនួនជានិងលោកខៀវសំផន) អោយបានលឿនព្រោះជនសង្ស័យ២រូបនេះមានវ័យចំណាស់ណាស់ទៅហើយ។ ពួកគាត់ចាប់អារម្មណ៍ទៅលើសម្តីរបស់លោក នួនជា ដែលនិយាយថា គេយកតែខ្លួនក្រពើមកកាត់ទោស ឯក្បាលនិងកន្ទុយក្រពើមិនយកមកកាត់ទោស។ ពលរដ្ឋចង់អោយសាលាក្តីខ្មែរក្រហមបន្តកាត់ក្តីសំណុំរឿងលេខ ០០៣ និង០០៤ ហើយជាពិសេសពួកគាត់ចង់ដឹងថា អ្នកណាជាក្បាលនិងកន្ទុយក្រពើដូចសម្តីលោកនួនជាបានលើកឡើង។ ពលរដ្ឋបានសម្តែងមតិថា ពួកគាត់ហាក់ទើបតែបានទទួលយុត្តិធម៌តិចទួចណាស់ ក្នុងដំណើរការកាត់ទោសមេដឹងនាំខ្មែរក្រហមកន្លងទៅនេះ។
ពលរដ្ឋបានធ្វើការប្រៀបធៀបរវៀងសាលាក្តីខ្មែរក្រហមនិងតុលាការក្នុងស្រុកថា សាលាក្តីខ្មែរក្រហមហាក់ធ្វើការបានល្អ មានភាពយុត្តិធម៌ ព្រោះគេធ្វើការស៊ើបអង្កេតរួចទើបធ្វើការឃាត់ខ្លួន ប៉ុន្តែតុលាការនៅក្នុងស្រុកគេធ្វើការចាប់ខ្លួនមនុស្សរួចទើបធ្វើការស៊ើបអង្កេតជាក្រោយ។
គេសង្កេតឃើញថា ការជួបជុំប្រជុំសន្ទនាខាងលើមានន័យខ្លឹមសារ និងមានសារៈសំខាន់ ដែលធ្វើអោយប្រជាពលរដ្ឋមានការយល់ដឹងអំពីការកាត់ទោសមេដឹកនាំខ្មែរក្រហម និងធ្វើអោយប្រជាពលរដ្ឋចេះស្វែងរកយុត្តិធម៌ដោយខ្លួនឯង ចេះប្រើប្រាសសិទ្ធិសេរីភាពរបស់ខ្លួន ដែលខ្លួនមាន។ នៅមានពលរដ្ឋដែលមិនបានទៅដាក់ពាក្យបណ្តឹងនៅសាលាក្តីខ្មែរក្រហមទាន់ពេលវេលា ជាច្រើននាក់កំពុងតែស្រេកឃ្លានចង់ដាក់ពាក្យបណ្តឹងរកយុត្តិធម៌ជូនសាច់ញាតិដែលជាជនរងគ្រោះកាលសម័យខ្មែរក្រហម៕ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
កម្ពុជាជាប្រទេសដែលកំពុងអភិវឌ្ឈន៍បែបជំហ៊ានគីញគគ់ នេះបើយោងតាមប្រសាសន៍របស់លោកនាយកយករដ្ឋមន្ត្រី ហ៊ុនសែន ហើយគេសង្កេតឃើញថា មានប្រជាពលរដ្ឋកម្ពុជាជាច្រើនសែននាក់អត់ការងារធ្វើបានធ...Read more
ប្រជាពលរដ្ឋរួមគ្នាស្តារព្រៃឈើឡើងវិញតាមរយៈ គម្រោងទេសចរណ៍នៅក្នុងសហគមន៍បន្ទាប់ពីព្រៃឈើនៅ មូលដ្ឋាន ខ្លួនបាន រងការបំផ្លាញយ៉ាងធ្ងន់ធ្ងរដោយសារការកាប់ បំផ្លាញពីសំណាក់អ្នកភូមិខ្លួនឯងផង និងជនខិលខូច មកពីក្រៅផង។
...Read more
កីឡាករ-កីឡាការិនីជាតិ និងអន្តរជាតិចំនួន១៨រូប មកពី៩ប្រទេស ដែលត្រូវចូលរួមប្រកួតក្នុងព្រឹត្តិការណ៍ប្រដាល់ក្នុងទ្រង់ទ្រាយជាលក្ខណៈអន្តរជាតិ One FC: Rise of the Kingdom បានថ្លឹងទម្ងន់...Read more
ប្រធានមន្ទីរទេសចរណ៍ខេត្តបន្ទាយមានជ័យ លោក ជុង ឡឹម បានរងការអាមាសយ៉ាងខ្លាំង ក្នុង កិច្ចប្រជុំមួយ ត្រូវបានលោក គោស៊ុំ សារឿត អភិបាលខេត្តព្រមានពីរឿងអសកម្មមួយចំនួននៅក្នុងមន្ទីរ ក្រៅពីនេះក...Read more
ភ្នាក់ងារទូរទស្សន៍២ស្ថាប័នគឺលោក ផូ ប៊ុនថន ភ្នាក់ងារហង្សមាស និងលោក កែ វុទ្ធី ភ្នាក់ងារ ទូរទស្សន៍ប៉ុស្តិ៍លេខ៥ ត្រូវបានជនស៊ីវិលម្នាក់ចេញពីប៉ុស្តិនគរបាលការពារព្រំដែនចំបក់នៃវរះ៨១៥ដេញ...Read more
បើយោងតាមការព្យាករណ៍របស់ក្រសួងធនធានទឹក និងឧតុនិយមបានអោយដឹងថា ខ្យល់មូសុងឦសាន ជ្រលងសម្ពាធខ្ពស់ស៊ីបេរី នឹងបង្កើនឥទ្ធិពលខ្លាំងមកលើតំបន់ភាគខាងជើងប្រទេសកម្ពុជា ដែលស្ថានភាពនេះ វានឹងធ្វើឲ្យអាកាសធាតុនៅប្រទេសកម្...Read more
វីរបុរស់អ្នកការពារព្រៃឈើលោក ឈុត-វុទ្ធី បានលាចាកលោកយើងនេះទៅហើយក្តី តែកិត្តិនាមដ៏ឧត្តុងឧត្តមល្បីសុះសាយគ្រប់ទិសទី អំពីស្នាដៃរបស់លោក នៅតែដក់ជាប់ក្នុងក្រអៅហេះដូងជនជាតិខ្ម...Read more
នៅរសៀលថ្ងៃទី២៤ មិថុនា ឆ្នាំ២០១៥នេះ គណៈប្រតិភូបញ្ជាការដ្ឋានអង្គរក្ស ដឹកនាំដោយឯកឧត្តម ឧត្តមសេនីយ៍ទោ គង់ ប៊ុនលី នាយរងសេនាធិការដ្ឋានអង្គរក្ស និង លោកជំទាវបណ្ឌិតឧកញ៉ា លី អ៊ុំអេង ព្រមទាំង ស្វាមី តំណាងដ៏ ខ...Read more
ប្រភពបាននិយាយថា លោក ឃុន ជឿន បានបញ្ជាឲ្យកូនទាហានទារប្រាក់ពីពលករខ្មែរ ដែលចេញនិងចូលប្រទេសថៃ ម្នាក់ចំនួន ២០បាត តាមច្រករបៀងនានា ចាប់ពីភូមិសិលាខ្មែរ ទំនប់ដាច់ រហូតដល់ភូមិចំការគរ ...Read more
នៅព្រឹកថ្ងៃទី១៨ ខែកញ្ញា ឆ្នាំ២០១៥នេះស្ថិតនៅក្នុងភូមិតាវៀន សង្កាត់សាលាកំរើក ក្រុង+ខេត្តសៀមរាប កម្លាំងសមត្ថកិច្ចចំរុះចុះបង្ក្រាបសិប្បកម្មកែឆ្នៃ២កន្លែង និងផ្ទះពលរដ្ឋមួយកន្លែង...Read more
| ថ្ងៃនេះ | 9607 | នាក់ |
| ម្សិលមិញ | 27263 | នាក់ |
| សប្ដាហ៍នេះ | 75685 | នាក់ |
| ខែនេះ | 823476 | នាក់ |
| ឆ្នាំនេះ | 3567780 | នាក់ |
| សរុប | 57166676 | នាក់ |
| ថ្ងៃទី 22 ខែ 05 ឆ្នាំ 2025 ម៉ោង 12:40 |
Copyright © 2025 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net