កក្រើកសង្គមហ្វេសប៊ុគ សម្ដេចព្រះសង្ឃរាជមួយអង្គ យកអ្នកលក់ឡេធ្វើជាទីប្រឹក្សាផ្ទាល់

គេសង្កេតឃើញថាប៉ុន្មានថ្ងៃចុងក្រោយនេះ មានរឿងដែលចម្លែកពុំដែលធ្លាប់កើតពីមុនមក គឺព្រះសង្ឃរាជមួយអង្គ ក្នុងព្រះរាជាណាចក្រកម្ពុជា បានយកស្ត្រីលក់ឡេ និងគ្រូទស្សន៍ទាយម្នាក់ ដែលពលរដ្ឋទូទៅធ្លាប់តែរិះគន់ ធ្វើជាទីប្រឹក្សារបស់ព្រះអង្គ។ ពលរដ្ឋទូទៅចោទសួរថា តើស្ត្រីលក់ឡេដែលមានរហស្សនាមថាម៉ែរួយ និងគ្រូទស្សន៍ទាយម្នាក់នោះ មានចំណេះដឹងផ្នែកព្រះធម៌ដល់កម្រិតណាដែរ ទើបបានព្រះអង្គសម្រេចព្រះទ័យ ទទួលពួកគេទាំងពីរនាក់ឲ្យធ្វើជាទីប្រឹក្សាផ្ទាល់? សុភាសិតខ្មែរមួយបានពោលថា វប្បធម៌រលត់ជាតិរលាយ វប្បធម៌ពណ្ណរាយជាតិថ្កើនថ្កាន។ តើតទៅថ្ងៃអនាគត ព្រះពុទ្ធសាសនាដែលជាសាសនារបស់រដ្ឋ មានវាសនាទៅជាយ៉ាងណាដែរ សម្រាប់ប្រទេសកម្ពុជាយើង? កាសែតកម្ពុជាសុវណ្ណភូមិ ស្នើសុំឲ្យព្រះអង្គ មានសង្ឃដីកាបកស្រាយ ដើម្បីអោយប្រជារាស្ត្រខ្មែរបានយល់ដឹងផង៕ ដោយ: ផ្លុងរ៉េត