ព័ត៌មានក្ដៅ

    ពិធីមង្គលការកូនប្រុសលោកឧកញ៉ា សៀងណាំ និងកូនស្រីពៅ អតីតនាយករដ្ឋមន្ដ្រីថៃ នៅភ្នំពេញពុំមានវត្ដមានលោក ថាក

    ដោយៈ ខេត្តសៀមរាប ថ្ងៃទី 25 ខែ 05 ឆ្នាំ 2013 វេលាម៉ោង 11:51 នាទី ចំនួនអានៈ 2406

    ពិធី​អាពាហ៍ពិពាហ៍​កូនប្រុស​លោក​ឧកញ៉ា​បណ្ឌិត សៀង ណាំ អ្នកតំណាងរាស្ដ្រ​នៃ​ព្រះរាជាណាចក្រ​កម្ពុជា និង​កូនស្រី​ពៅ​របស់លោក​អតីត​នាយករដ្ឋមន្ដ្រី​ថៃ ធ្វើឡើង នៅ​ទីក្រុង​ភ្នំពេញ​នា​រាត្រី​ថ្ងៃទី​២៥ ខែឧសភា ឆ្នាំ​២០១៣ គេ​ពុំ​ឃើញ​វត្ដ​មាន​លោក ថាក់ស៊ីន ស៊ីណាវ៉ាត្រា អតីត​នាយករដ្ឋមន្ដ្រី​ថៃ និង​ត្រូវជា​ឪពុកមា​បង្កើត​របស់​កូនក្រមុំ ចូលរួម​ឡើយ​។

    ថ្ងៃទី 25 ឧសភា 2013, ម៉ោង 06:27:PM
    ដោយ: បាយ័ន
    CEN

    ប៉ុន្ដែ​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ដ្រី​នៃ​ព្រះរាជាណាចក្រ​កម្ពុជា និង​សម្ដេច​កិ​ត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​អញ្ជើញ​ចូលរួម​ជា​ភ្ញៀវ​កិ​ត្ដិ​យស​ដ៏​ខ្ពង់ខ្ពស់ នា​រាត្រី​នោះ​។​
    ​    ​
    ​ពិធី​រៀប​អាពាហ៍ពិពាហ៍ ដែល​ធ្វើ​ឡើងជា​លើក​ទី​២ បាន​ប្រ​ព្រឹ​ត្ដ​ឡើង​នៅក្នុង​សណ្ឋាគារ Sofitle Phnom Penh ភ្ញៀវ​ចូលរួម​លើសពី ១.៥០០ នាក់ នា​ថ្ងៃនោះ លោក ថាក់ស៊ីន ស៊ីណាវ៉ាត្រា អតីត​នាយករដ្ឋមន្ដ្រី​ថៃ ដែល​ត្រូវបាន​ទំលាក់​ពី​អំណាច​ដោយ​រដ្ឋប្រហារ​យោធា កាលពី​ឆ្នាំ​២០០៦ ហើយ​កំពុង​និរទេស​ខ្លួន​នៅក្រៅ​ប្រទេស​នោះ ពុំបាន​ចូលរួម​ក្នុង​ពិធី​រៀប​មង្គលការ​របស់​ក្មួយ​ស្រី​លោក​ឡើយ នាទី​ក្រុងភ្នំពេញ​។​

    មុន​ឈានដល់​ការរៀប​អាពាហ៍ពិពាហ៍​រវាង​កូនប្រុស​លោក​ឧកញ៉ា សៀង ណាំ និង​លោកស្រី អ៊ុន វុន​លី និង​កូនស្រី​ពៅ លោក Somchai Wongsawat អតីត​នាយករដ្ឋមន្ដ្រី​ថៃ និង​លោកស្រី Yowvapa Wongsawat  ត្រូវបាន​កាសែត​បរទេស​និ​យា យ​ថា លោក​ថាក់ស៊ីន និង​មក​ចូលរួម​ពិធីមង្គលការ​ក្មួយ​ស្រី នៅ​ទីក្រុង​ភ្នំពេញ ទោះបីជា​លោក​មិន​ហ៊ាន​ធ្វើដំណើរ​ទៅ​ទីក្រុង​បាងកក ចូលរួម​ពិធីមង្គលការ​ក្មួយ​ស្រី​នៅ​ទីនោះ​ក៏ដោយ​។​

    កាសែត​បរទេស និយាយទៀតថា ក្រោយមក​លោក​ថាក់ស៊ីន បាន​ប្រែ​ចិ​ត្ដ​ថា នឹងមិន​មក​ចូលរួម​មង្គល​ការក្មួយ​ស្រី​នៅ​ទីក្រុង​ភ្នំពេញ​ទេ ព្រោះថា​ក្រុម​អាវ​លឿង​ដែលជា​ជ្រុលនិយម​ហួសហេតុ​បាន​វាយប្រហារ​ថាក់ស៊ីន​ថា បើ​លោក​ថាក់ស៊ីន​មក​ការ​ក្មួ យ​ស្រី​របស់ខ្លួន​នៅ​ទីក្រុង​ភ្នំពេញ ព្រះរាជាណាចក្រ​កម្ពុជា វា​ជា​រឿង​នយោបាយ និង​ធ្វើឱ្យ​ប្រទេស​កម្ពុជា​និង​ថៃ​កាន់តែ​អាក្រក់​ឡើងៗ​។

    ​ដោយហេតុ​នេះហើយ​លោក​ថាក់ស៊ីន សំរេច​ចិ​ត្ដ​ថា មិន​មក​ចូលរួម​ពិធីមង្គលការ​ក្មួយ​ស្រី​របស់លោក​នៅ​ទីក្រុង​ភ្នំពេញ​ទេ ដោយ​កុំ​ឱ្យមាន​បញ្ហា ហើយ​គេ​ចោទថា​ជា​រឿង​នយោបាយ​។

    ​ការបញ្ជាក់​បែបនេះ វា​ជា​ការពិត ព្រោះថា នៅ​ថ្ងៃទី​២៥ ខែឧសភា​នេះ លោក ថាក់ស៊ីន មិនបាន​អញ្ជើញ​មក​ចូលរួម​ពិធីមង្គលការ​ក្មួយ​ស្រី​របស់លោក​ពិតប្រាកដ​មែន​។​

    ប៉ុន្ដែ​ពិធី​ដ៏​កម្រ​បែបនេះ ហើយ​ជា​ពិធីមង្គលការ​ឆ្លងដែន ដែលមាន​កូនកំលោះ​ជា​ជនជាតិ​កម្ពុជា និង​កូនក្រមុំ​ជា​ជនជាតិ​ថៃ ដែល​ធ្វើឡើង​នៅ​ទីក្រុង​ភ្នំពេញ​នាពេលនេះ គឺ​សម្ដេច​តេ​ជោ ហ៊ុន សែន និង​សម្ដេច​កិ​ត្ដិ​ព្រឹទ្ធ​បណ្ឌិត​ប៊ុន រ៉ានី​ហ៊ុនសែន រួមជាមួយ​ឥស្សរជន​ជាច្រើនរូប​មាន​ថ្នាក់​ឧបនាយករដ្ឋមន្ដ្រី ទេសរដ្ឋមន្ដ្រី រដ្ឋមន្ដ្រី និង​មន្ដ្រី​អ្នក​មុខ អ្នកការ ពាណិជ្ជករ ប្រជាជន លើសពី ១៥០០ នាក់ បាន​អញ្ជើញ​ចូលរួម​។

    ​ដោយឡែក​ភ្ញៀវ​កិ​ត្ដិ​យស​មកពី​ថៃ ក្រៅពី​ឪពុកម្ដាយ​កូនក្រមុំ នៅមាន​មន្ដ្រី​ធំៗ ដូចជា ឧបនាយករដ្ឋមន្ដ្រី រដ្ឋមន្ដ្រី និង​ពាណិជ្ជករ​ធំៗ​រាប់រយ​នាក់ បាន​អញ្ជើញ​ចូលរួម​។​
    ​    ​
    ​កាលពី​ថ្ងៃទី​១៨ ខែឧសភា ឆ្នាំ​២០១៣​កន្លងទៅ អាពាហ៍ពិពាហ៍​ដ៏​អធិកអធម បាន​ប្រារព្ធ​ម្ដង​រួចមកហើយ ស្ថិតនៅក្នុង​សណ្ឋាគារ Royal Meridien នៅ​ទីក្រុង​បាងកក ប្រទេស​ថៃ​នាពេលនោះ គឺ​លោកស្រី យី​ង​ឡាក់ ស៊ីណាវ៉ាត្រា នាយករដ្ឋមន្ដ្រី​នៃ​ព្រះរាជាណាចក្រ​ថៃ ប​ច្នុ​ប្បន្ន និង​ត្រូវជា​ម្ដាយមីង​បង្កើត​របស់​កូនក្រមុំ និង​ជា​ប្អូនស្រី​ពៅ​របស់​អតីត​នាយករដ្ឋមន្ដ្រី​ថៃ ថាក់ស៊ីន ស៊ីណាវ៉ាត្រា បាន​អញ្ជើញ​ដោយផ្ទាល់ ដោយ​ពុំ​ឃើញ​វត្ដ​មាន​លោក ថាក់ស៊ីន អញ្ជើញ​ចូលរួម​ទេ​។

    ​ទោះបីជា​លោក ថាក់ស៊ីន មិនបាន​ចូលរួម នា​ថ្ងៃទី​១៨​នោះ ក៏ដោយ ក៏​អតីត​ប្រពន្ធ​លោក ថាក់ស៊ីន និង​កូនប្រុស កូនស្រី​ចំនួន ៣​នាក់ បាន​អញ្ជើញ​ចូលរួម​។

    ​ខាង​កម្ពុជា មាន​មន្ដ្រីជាន់ខ្ពស់​ជាច្រើនរូប​តំណាងឱ្យ​សម្ដេច​តេ​ជោ​ហ៊ុនសែន ដូចជា លោក​ឧបនាយករដ្ឋមន្ដ្រី ទៀ បាញ់ រដ្ឋមន្ដ្រី​ក្រសួងការពារជាតិ លោក​ឧបនាយករដ្ឋមន្ដ្រី យឹម ឆៃលី ប្រធាន​ក្រុមប្រឹក្សា​ស្ដារ​វិស័យ​កសិកម្ម និង​ជនបទ និង​លោកស្រី លោក ជា សុផារ៉ា រដ្ឋមន្ដ្រីក្រសួង​អភិវឌ្ឍ​ន៏​ជនបទ និង​លោកស្រី លោក សុខ ផេង រដ្ឋលេខាធិការ​ក្រសួងសុខាភិបាល និង​លោកស្រី លោក​ឧត្ដមសេនីយ៍ឯក ខេង សុមេធ អគ្គ​ស្នងការរង​នគរបាលជាតិ និង​លោកស្រី លោក ហ៊ុន ម៉ា​នី លោក ហ៊ុន ម៉ានិត កូនប្រុស​សម្ដេច​តេ​ជោ​ហ៊ុនសែន និង​ភ្ញៀវ​ជាច្រើនរូប​ទៀត​បាន​អញ្ជើញ​ចូលរួម​។​
    ​    ​
    ​កូនស្រី​ពៅ​របស់​អតីត​នាយករដ្ឋមន្ដ្រី​ថៃ Somchai Wongsawat  និង​លោកស្រី Yowvapa Wongsawat  មានឈ្មោះ Chayapa Wongsawat ហៅ Cherry អាយុ ២៩​ឆ្នាំ និង​កូនប្រុស​របស់លោក​បណ្ឌិត​ឧកញ៉ា សៀង ណាំ និង​លោកស្រី​
    ​អ៊ុន វុន​លី មានឈ្មោះ ណាំ លី​ណា​ល់ អាយុ ៣២​ឆ្នាំ​។ 
    ​    ​
    ​កូនក្រមុំ Chayapa Wongsawat គឺជា​ក្មួយបង្កើត​របស់​អតីត​នាយករដ្ឋមន្ដ្រី​ថៃ គឺ​លោក​ថាក់ស៊ីន ស៊ីណាវ៉ាត្រា ដែល​ត្រូវបាន​ទំលាក់​ពី​អំនាច​ដោយ​រដ្ឋប្រហារ​យោធា ក្នុងប្រទេស​ថៃ កាលពី​ឆ្នាំ​២០០៦​។

    ​ថាក់ស៊ីន ស៊ីណាវ៉ាត្រា​គឺជា​ប្អូនថ្លៃ របស់លោក Somchai Wongsawat អតីត​នាយករដ្ឋមន្ដ្រី​ថៃ​។ លោកស្រី Yowvapa Wongsawat ដែលជា​ភរិយា របស់លោក Somchai Wongsawat គឺជា​បង​បង្កើត​របស់លោក​ថាក់ស៊ីន ស៊ីណាវ៉ាត្រា​។ 
    ​ដោយឡែក​លោកស្រី​យី​ង ឡាក់ ស៊ីណាវ៉ាត្រា នាយករដ្ឋមន្ដ្រី​ថៃ​ប​ច្នុ​ប្បន្ន​គឺជា​ម្ដាយមីង​បង្កើត​របស់​កូនក្រមុំ Chayapa Wongsawat ផងដែរ​។ លោក​ថាក់ស៊ីន ស៊ីណាវ៉ាត្រា  លោកស្រី Yowvapa Wongsawat  និង​លោកស្រី​យី​ង​ឡាក់ ស៊ីណាវ៉ាត្រា​គឺជា​បងប្អូន​បង្កើត​និ ង​គ្នា​។ 
    ​    ​
    ​អ្វីដែល​គេ​កត់សំគាល់​ថែមទៀត​នោះ​គឺ​លោកស្រី Yowvapa Wongsawat  ដែលជា​ម្ដាយបង្កើត​របស់​កូនក្រមុំ Chayapa Wongsawat ប​ច្នុ​ប្បន្ន​លោកស្រី​ជា​តំណាងរាស្ដ្រ​ប្រចាំ​ខេត្ដ​ឈៀង​ម៉ៃ មកពី​គណបក្ស​ភឿ​ថៃ​។​
    ​    ​
    ​រំលឹក​ឱ្យដឹង​ផងដែរ​ថា កំលោះ​ណាំ លី​ណា​ល់ និង​កូនក្រមុំ Chayapa Wongsawat បាន​ស្គាល់គ្នា​នៅ​ទីក្រុង​បាងកក និង​ការ​ផ្គុំ​ផ្គង​រវាង​ឪពុកម្ដាយ​ទាំងសងខាង​កាលពី​ប៉ុន្មាន​ឆ្នាំមុន​។

    ​កូនប្រុស​លោក​សៀង ណាំ និង​លោកស្រី អ៊ុន វុន​លី ប​ច្នុ​ប្បន្ន​នេះដែរ គឺជា​មន្ដ្រី​ថ្នាក់ខ្ពស់​មួយរូប​ធ្វើការ​នៅ​ក្រសួង​អភិវឌ្ឍ​ន៏​ជនបទ នៃ​ព្រះរាជាណាចក្រ​កម្ពុជា​។

    ​រីឯ​កូនក្រមុំ Chayapa Wongsawat ប​ច្នុ​ប្បន្ន​នេះដែរ បាន​បំរើ​ការងារ​នៅ​ផ្នែក​ព្រះរាជអាជ្ញា​នៅ​ទីក្រុង​បាងកក​ប្រទេស​ថៃ​។

    ​នាង Chayapa Wongsawat ក៏​ជា​អ្នកចំរៀង​ល្បីល្បាញ​មួយរូប តែ​មិន​អាជីព​ស្ថិតនៅក្នុង​វង់​តន្ដ្រី​របស់​នាង​ផ្ទាល់​គឺ​វង់​តន្ដ្រី “​ហ្វា​យ​អ៊ី​ន​ធើ​ធេ​ន​មែន​”​ហើយ​បានចេញ​នូវ​អាល់​ប៊ុ​ម​ចំរៀង​ជាច្រើន​ទៀតផង ក្នុងនោះ​មាន​អាល់​ប៊ុ​ម​ចំរៀង​ជាច្រើន​ផង ដូចជា “​ឈើ​រី​ស៊ី​គ្រេ​ត​ស៊ី​” ដែល​សុទ្ធសឹង​ជា​បទ​ពេញនិយម​។​
    ​    ​
    ​មុន​ឈាន​ជើង​ចូល​រោងការ ដើម្បី​ក្រាប​ផ្ទឹម​ចងដៃ​ទៅតាម​ប្រពៃណី​ព្រះពុទ្ធសាសនា រវាង​កូនប្រុស​របស់លោក​ឧក​ញ៉ាប​ណ្ឌិ​ត សៀង ណាំ តំណាងរាស្ដ្រ​ព្រះរាជាណាចក្រ​កម្ពុជា និង​កូនស្រី​ពៅ​របស់លោក​អតីត​នាយករដ្ឋមន្ដ្រី​ថៃ ពួកគេ​ទាំងពីរ​មាន​ប្រ​វ​ត្ដិ​ស្នេ​ហ៏​យ៉ាង​ផ្អែមល្ហែម​មួយ តាមរយៈ​ឪពុកម្ដាយ​ទាំងសងខាង​ណែនាំ​ឱ្យ​ស្គាល់គ្នា ដែល​កំលោះ​មកពី​កម្ពុជា និង​ក្រមុំ​រស់​នៅឯ​ប្រទេស​អាមេរិក​ឯណោះ​។​
    ​    ​
    ​លោកស្រី Yowvapa Wongsawat  ម្ដាយ​នាង Chayapa Wongsawat ហៅ Cherry បាន​និយាយ​នៅក្នុង​វីដេអូ​ប្រ​វ​ត្ដិ​សង្ខេប​រវាង​កូនស្រី​របស់គាត់​ជាមួយនឹង​កំលោះ ណាំ លី​ណា​ល់ ថា មុនដំបូង​គឺ​លោកស្រី និង​ស្វាមី​គឺ លោក Somchai Wongsawat បាន​ស្គាល់គ្នា​ជាមួយ​លោក​ឧកញ៉ា​សៀង ណាំ អ្នកតំណាងរាស្ដ្រ​ព្រះរាជាណាចក្រ​កម្ពុជា និង​លោកស្រី​អ៊ុន វុន​លី ដើម្បី​រាប់ អាន​គ្នា​ទៅវិញទៅមក​ដូច​បងប្អូន​។ 
    ​    ​
    ​លោកស្រី Yowvapa Wongsawat  បាន​និយាយ​នៅក្នុង​វីដេអូ​ឃ្លី​ប​សង្ខេប​ក្នុងពេល​ពិធីមង្គលការ​នៅក្នុង​ទីក្រុង​បា​
    ​ង​កក ប្រទេស​ថៃ​ថា ក្រោយពេល​រាប់អាន​គ្នា​ជាមួយ​ក្រុមគ្រួសារ​លោក​ឧក​ញ៉ា​សៀង ណាំ លោកស្រី​ក៏បាន​ទូរស័ព្ទ​ទៅ​កូនស្រី​គឺ នាង Cherry ដែល​កំពុង​រស់នៅ​រៀនសូត្រ​នៅឯ​ប្រទេស​អាមេរិក ហើយ​ពេលនោះ​គឺ​នៅ​ពេលយប់​នាង Cherry កំពុងតែ​ធ្វើ​ម្ហូប​ញ៉ាំ​។​
    ​    ​
    ​ពេលនោះ​លោកស្រី​បាន​ប្រាប់​នៅ​នាង Cherry ថា ម្ដាយ​សុំ​ណែនាំ​ឱ្យ​កូន​បាន​ស្គាល់​យុវជន​ម្នាក់​រស់នៅ​ប្រទេស​កម្ពុជា ដែលជា​កូនប្រុស​មត្ដិ​ភក្ដិ​របស់​ឪពុកម្ដាយ​។ ពេល​ដែរ​ម្ដាយ​និយាយ​យ៉ាង​ដូច្នោះ Cherry បាន​តប​មក​ម្ដាយ​វិញ​ថាឱ្យ​ស្គាល់​យ៉ាងម៉េច បើ​ម្នាក់​ជា​ជនជាតិ​ថៃ ហើយ​ម្នាក់​ជា​ជនជាតិ​កម្ពុជា​។ 
    ​    ​
    ​ក្រោយមកទៀត​កំលោះ​ណាំ លី​ណា​ល់ កូនប្រុស​លោក​សៀង ណាំ និង​លោកស្រី​អ៊ុន វុន​លី ក៏បាន​ធ្វើដំណើរ​ពី​ប្រទេស​​កម្ពុជា ទៅកាន់​ប្រទេស​ថៃ ហើយ​បង្ហួស​ទៅកាន់​ខេត្ដ​ឈៀង​ម៉ៃ ខណៈពេលដែល Cherry កូនស្រី​ពៅ​លោក Somchai និង លោកស្រី Yowvapa បានធ្វើ​ដំណើរ​ពី​ប្រទេស​អាមេរិក​មកដល់​ស្រុកកំណើត​។ កាល​ធ្វើដំណើរ​របស់លោក​ណាំ លី​ណា​ល់ ទៅ​ឈៀង​ម៉ៃ​នា​គ្រានោះ​គឺ​លោក​បាន​កោរសក់ ដោយ​ពាក់​អាវយឺត និង​ខោខ្លី​តែប៉ុណ្ណោះ ហើយ​បាន​ជួប​នាង Cherry នៅ​ទីនោះ​។​
    ​    ​
    ​នៅពេល​ឃើញ​កំលោះ​ណាំ លី​ណា​ល់ មាន​សម្បុរ​ស និង​ខ្ពស់ស្រឡះ ហើយ​មាន​រូបរាង​សង្ហារ នាង Cherry ក៏បាន​ចាប់​ចិ​ត្ដ​ប្រតិព័ទ្ធ​ថា​នាង​អាច​យក​កំលោះ​ណាំ លី​ណា​ល់​ធ្វើជា​អនាគត​បាន​។ នៅពេល​ស្គា​ស់​គ្នា​ពួកគេ​ទាំងពីរ​ក៏បាន​បែក​គ្នា ប៉ុន្ដែ​កំលោះ​កម្ពុជា និង​ក្រមុំ​ថៃ ក៏មាន​ការទាក់ទង​គ្នា​តាម​ទូរស័ព្ទ​ជា​ហូរហែ ដើម្បី​ធ្វើឱ្យ​ពួកគេ​កាន់តែ​ស្គា​ស់​គ្នា​ជ្រៅ​ឡើងៗ​។

    ​ប៉ុន្ដែ​ទោះបី​យ៉ាងណាក៏ដោយ​បន្ដបន្ទាប់​មកទៀត​លោក​ណាំ លី​ណា​ល់ និង Cherry បានធ្វើ​ដំណើរ​ទៅមក​កម្ពុជា​-​ថៃ​ចុះឡើងៗ ដើម្បី​​ស្គាល់​ចិ​ត្ដ​ថ្លើម​គ្នា​កាន់តែ ខ្លាំង​ឡើង​ខ្លាំង​ឡើង ហើយ​ចំណង​ស្នេហ៍​ក៏​ឈានដល់​ការពិត​ចាប់ពីពេលនោះ​មក និង​ឈានដល់​ការរៀប​ការ​តាម​គន្លង​ប្រពៃណី​នាពេលនេះ​៕

    ស្លាក:  ព័ត៌មានថ្មីៗ  ព័ត៌មានជាតិ 

    ព័ត៌មានដែលមានទំទាក់ទំទង

    បទល្មើសនេសាទកើតមានពេញបន្ទុកនៅស្រុកសំបូរគ្មានសមត្ថកិច្ចបង្ក្រាប   អាន2093ដង ប្រធាន​មន្ទីរ​កសិកម្ម​ឃុបឃិត​ឲ្យ​មន្ត្រី​ពេទ្យសត្វ ​ស្រុក​ចំការលើ​ពុករលួយ​តាមចិត្ត​   អាន778ដង មេឧក្រិដ្ឋជនព្រៃឈើពីររូបជាមេបញ្ជាការរងយោធាសឹករងស្រុកអន្លង់វែង   អាន1745ដង អគ្គីភ័យឆេះផ្ទះប្រជាពលរដ្ឋជាច្រើនខ្នងនៅទល់មុខ CTN   អាន902ដង ហុក ប៊ុនធឿនហៅស្មី ខ្លាំងខាងរត់ការឈើផ្អើលខេត្តសៀមរាប   អាន950ដង ក្រុម​ហ៊ុន​ សុខ​សំ​ណាង ​​កំពុងដឹកឈើលើស​ទម្ងន់បំផ្លាញផ្លូវថ្នល់   អាន4335ដង លោក ម៉ឹង យូ​ឡេង សប្បាយ​កើប​លុយ​ពី​ការដឹកជញ្ជូន​លើស​ទម្ងន់​   អាន880ដង តំណាងសាលាបង្រៀនទាន់សម័យមិនចូលខ្លួនបំភ្លឺតាមដីការរបស់ប៉ូលីស   អាន677ដង លៀម មុំ ស្តុកឈើប្រណិតឥតច្បាប់រាប់សិបម៉ែត្រគូប ក្នុងកសិដ្ឋានចិញ្ចឹមជ្រូកដ៏ស្អុយកខ្វក់   អាន1125ដង ប៉ូលិស ប៉េអឹមកំពុងឡោមព័ទ្ធ​ក្រុម​ចោរ​ចាប់​ជំរិតធនាគារអេស៊ីលីដា   អាន903ដង
    ព័ត៌មានផ្សេងៗទៀត
    ផ្សាយពាណិជ្ជកម្ម

     លិខិតមិត្តអ្នកអាន
    សំលេងម៉ាស៊ីនភ្លើងលាន់លឺកងរំពងនៅមុខប្រាសាទអង្គរវត្ត (មានវីដេអូ)តំ​បន់​រម្យ​ណី​យ​ដ្ឋាន​វប្ប​ធម៌​ធម្ម​ជាតិ​អង្គរ​វត្ត​ ដែល​ជាកន្លែង​​គោរព​បូរ​ជា​ និង​ជា​ទីកម្សាន្ត​របស់​ភ្ញៀវ​​ទេស​ចរណ៍ជាតិ​ និង​អន្ត​រជាតិ ត្រូវ​បាន​គេ​រំ​ខាង​ដោយ​សូរ​សំ​លេង​ម៉ាស៊ីន​ភ្លើង​លាន់​លឺ​កង​...Read more
    លោកស័ក្តិ៥ ឃុន ជឿន រងការរិះគន់ពីពលករឆ្លងដែនខុសច្បាប់ និងបន្រ្តីក្រោមឱវាតប្រភពបាននិយាយ​ថា លោក ឃុន ជឿន  បាន​បញ្ជាឲ្យ​កូនទាហានទារប្រាក់ពី​ពលករ​ខ្មែរ ដែល​ចេញ​និង​ចូល​ប្រទេស​ថៃ ម្នាក់​ចំនួន ២០​បាត តាម​ច្រក​របៀង​នានា ចាប់ពី​ភូមិ​សិលា​ខ្មែរ ទំនប់​ដាច់ រហូតដល់​ភូមិ​ចំការ​គរ ...Read more
    យុត្តិសាស្ត្រខ្លះៗរបស់ខ្មោច ហូជីម៉ីញ(Ho Chi Minh) និងពលរដ្ឋយួន ដើម្បីបន្តលេបយកទឹកដីខ្មែរ និងទ្បាវយុត្តិសាស្ត្រ ទី១. "ដាក់ថ្នាំបន្ទន់ឆ្អឹង រួចលេបទាំងមូល និងពង្វក់ឲ្យខ្មែរមានគំនិតអាត្មានិយម សក់​អា​ណា​ក្បាល​អា​ហ្នឹង" អា​ជ្រឹម​កំ​ពុង​ធ្វើការ​ងារ​នេះ​រាល់​ថ្ងៃ។ យុត្តិសាស្ត្រ ទី២. "ដា...Read more
    សេចក្តីប្រកាសព័ត៌មានស្តីពីលទ្ធផលនៃសម័យ​ប្រជុំលើក​ទី៦ព្រឹទ្ធសភានីតិកាលទី៣ថ្ងៃទី២៣មីនាឆ្នាំ២០១៥សូមចុចលើរូបភាពខាងក្រោម​ដើម្បីអាច​ព័ត៌មាន​លំអិត។...Read more
    សមត្ថកិច្ចចំរុះបង្ក្រាបរបាំងសាច់៣៧០០ម៉ែត្រលបលូ៣២មាត់ និងឃាត់ខ្លួនមនុស្ស៥នាក់លបលូសាច់អួនទំនើប៣២មាត់ និងរបាំងសាច់អួន៧កន្លែង ប្រវែង៣៧០០ម៉ែត្រ ឡុកមួយចំនួន​ទៀត ត្រូវបានលោក ឯក ស៊ុនរស្មី ដឹកនាំសមត្ថកិច្ចចម្រុះ និងប្រជាពលរដ្ឋស្ម័គ្រចិត្តនៅក្នុងសហគមន៍​នេសាទ​ចុះ​បង្រាបបទ​ល្មើសដាក់របាំង...Read more
    ខ្យល់កន្ត្រាក់មួយពព្រិចភ្នែកធ្វើអោយផ្ទះ៧៦ខ្នងរលំខ្ទិចខ្ទី និងបំផ្លាញផលដំណាំមួយចំនួនតែមួយពព្រិចភ្នែកផ្ទះជាង៧០ខ្នង ព្រមទាំងដំណាំកៅស៊ូ ចន្ទីត្រូវរងការខូចខាត និងមនុស្សប្រុស​ស្រី​ចំ​នួ​ន​៥នាក់រងរបួសធ្ងន់ស្រាល ក្នុងករណីខ្យល់កន្ត្រាក់ដ៏ធំ ​គ្របដណ្ដប់លើ​៣ឃុំ ក្...Read more
    រថយន្តពណ៍ត្រេអ៊ីពាក់ស្លាកលេខខេមរភូមិន្ទ ដឹកឈើខុសច្បាប់ចូលក្រុងសៀមរាបដូចហែកឋិនសកម្ម​ភាព​រថយន្តពណ៍​ត្រេ​អ៊ីពាក់​ស្លាក​លេខ​ខេមរភូមិន្ទ ​ដឹក​ឈើ​ខុស​ច្បាប់​ពី​ស្រុក​វ៉ារិន​មក​ក្រុង​សៀមរាប​រាប់​សិប​គ្រឿង​នៅ​ពេល​យប់​ ​តែ​មិន​មាន​មន្រ្តី​ជំ​នាញ​ ឬ​ក្រុម​សមត្ថ​កិច្ច​ណា​ធ្វើ​ដឹង​ធ្វើ​លឺ...Read more
    និស្សិតប្រកាសធ្វើបដិវត្តន៍ពណ៌ក្នុងហ្វេកប៊ុកដែលត្រូវសមត្ថកិច្ចចាប់ខ្លួនបដិសេធមិនផ្តល់ចម្លើយយោង​តាម​ប្រ​ភព​ព័ត៌​មាន​បាន​អោយ​ដឹងថា យុវជន​​​ក្លាហាន​ជា​និស្សិត​សកល វិទ្យា​ល័យ​ខេមរៈ ម្នាក់​កំពុង​ជាប់ពន្ធនាគារ​ព្រៃ​ស រឿង​ប្រកាស​ធ្វើ​បដិវត្តន៍​ពណ៌​ក្នុង​បណ្តាញ​ទំនាក់ទំនង​សង្គម​ហ្វេ​ក​ប៊ុ​ក បដិសេធ​...Read more
    លោកអធិការរងក្រុងកោះហៅមន្ត្រីព្រហ្មទណ្ឌទាំង១៣ប៉ុស្តិ៍អោយចូលរួមរៀនបន្ថែមពីនិតិវិធីព្រហ្មទណ្ឌនៅ​ព្រឹក​ថ្ងៃទី២៣ ខែឧសភា ឆ្នាំ២០១៥នេះ លោកអនុសេនីយ៍ឯក​ នួន សក្តិចំរើនរិទ្ធិ អធីការ​រង​ក្រុង​ទទួល​បន្ទុក​ផ្នែក​ព្រហ្ម​ទណ្ឌ និង​លោកអនុសេនីយ៍ឯក​ ជឹង ម៉ារ៉ា នាយ​ផ្នែក​ព្រហ្មទណ្ឌ បាន​កោះហៅ​មន្រ្តី​នគរបាល​ព្...Read more
    ផ្កាយ៤ សៅ សុខា ស្រវឹងស្រាដកកាំភ្លើងដាក់លើតុអុកឡុកកិច្ចប្រជុំអូឡាំពិក និងប្រមាថឯកឧត្តម នុត សាអាន យ៉ាងចាស់ដៃប្រភព​ព័ត៌មាន​ពី​មន្ត្រី​ស្និទ្ធ​នឹង​គណៈកម្មាធិការ​ជាតិ​អូ​ឡាំ​ពិ​ក​កម្ពុជា​ និង​មន្ត្រី​ស្និទ្ធ​នឹង​ឯកឧត្តម​ នុ​ត​ សា​អាន​ រដ្ឋលេខាធិការ​ក្រសួងមហាផ្ទៃ​ បាន​ឲ្យ​ដឹង​ថា​ កាលពី​វេលា​ម៉ោង​១៥​រសៀល​ នា​ថ្ង...Read more
      ស្វែងរកព័ត៌មាន តាមប្រតិទិន្ន
    ចំនួនអ្នកទស្សនា
    ថ្ងៃនេះ​      7510នាក់
    ម្សិលមិញ    6389នាក់
    សប្ដាហ៍នេះ    36345នាក់
    ខែនេះ    80005នាក់
    ឆ្នាំនេះ   2071839នាក់
    សរុប   37227944នាក់
    ថ្ងៃទី 09 ខែ 07 ឆ្នាំ 2020 ម៉ោង 21:09