ប្រធានមន្ទីរបរិស្ថានខេត្តបើកដៃអោយរថយន្ត ដឹកដីខ្សាច់ដឹកហូរទឹកធ្លាក់ពេញថ្នល់និងមិនគ្របត្រឹមត្រូវ

សៀមរាប៖សកម្មភាពរថយន្តដឹកដីខ្សាច់ពីស្រុកប្រាសាទបាគង ចូលចែកចាយក្នុងក្រុងសៀមរាបហុយនិងហូរទឹកធ្លាក់ពេញថ្នល់តែ គ្មានសមត្ថកិច្ចឬមន្រ្តីជំនាញណាគេធ្វើដឹងធ្វើលឺទាល់តែសោះ ដែលបណ្តាលអោយមហាជនសង្ស័យថាប្រហែលជាលោកថៅកែបូមខ្សាច់និងដឹក ដីខ្សាច់លក់សែនព្រេនបានដឹតដល់ហូរហៀរដល់មន្រ្តីជំនាញទាំងនោះ មិនខាន។

ខេត្តសៀមរាបដែលជាតំបន់ទេសចរណ៍ជាតិនិងអន្តរជាតិឥឡូវផ្លូវ ថ្នល់កៅស៊ូជិតក្លាយជាផ្លូវលំដែលគ្របដណ្តប់ទៅដោយដីខ្សាច់ ធ្លាក់ពីរថយន្តដឹកដីដែលដឹកស្ទើរតែពេញ២៤ម៉ោងពីភូមិរុណតាឯក ឃុំបាគងស្រុកប្រាសាទបាគងចូលក្រុងសៀមរាបដែលមានមេកាបូមខ្សាច់ ឈ្មោះហៀតហើយមានយីហោលើវិក័យប័ត្រឈ្មោះ(ការដ្ឋានផលិតខ្សាច់ តំបន់អភិវឌ្ឍន៍ភូមិធម្មជាតិរុនតាឯក)។

លោកហៀតមេកាបូមខ្សាច់ខាងលើបានប្រាប់តាមទូរស័ព្ទនៅព្រឹកថ្ងៃ ទី០៧ខែកក្កដាឆ្នាំ២០១២នេះថា ការដ្ឋានរប់គាត់មានច្បាប់ត្រឹមត្រូវ ឯចំណែករថយន្តដឹកដីខ្សាច់គឺជារថយន្តរបស់ខាងក្រុមហ៊ុនដឹកដី ខ្សាច់ដែលគេមកទិញ ហើយរឿងហុយឬហូរធ្លាក់តាមថ្នល់វាជាការទទួលខុសត្រូវរបស់ភាគី អ្នកទិញដឹកជញ្ជូនយកទៅម្យ៉ាងវិញទៀតខាងការដ្ឋានលោកធ្លាប់បាន ធ្វើការប្រមាននែនាំដល់អ្នកដឹកដីខ្សាច់ទាំងនោះដែរពីករណីហុយ និងហៀរហូរទឹក។លោកហៀតបន្ថែមថា ខ្សាច់របស់លោកលក់ទៅអោយក្រុមហ៊ុនមួយចំនួយដូចជាអេងសុហ្កិច តាំងគឹមឈៀង តុងសេងស្ថិតក្នុងក្រុងសៀមរាប។

អ្នកយកព័ត៌មានយើងមិនអាចសុំការបំភ្លឺពីលោកលុនកាណែលប្រធានមន្ទីរ បរិស្ថានខេត្តបានទេព្រោះទូរស័ព្ទមិនមិនអាចទំនាក់ទំនងបាននៅ ព្រឹកថ្ងៃទី០៧ដដែលនេះ។